新桂香燒臘

呢間新桂香出哂名叉燒正，最近又上電視講到燒肉都好正，今日心血來潮，諗住買叉燒同燒肉，燒肉太瘦，佢哋推介不如食乳豬，好！見真係靚好多，就信你啦！返到屋企打開盒，真係嬲到震！換咗一半唔係原本果件！點解可以咁唔老實架？係咪紅咗就唔休做？老闆不在，希望佢有機會見到呢個食評！其實呢個情況可以報海關嗎？我買A，你換咗B比我⋯講返舊叉燒，雖然好瘦（因為就嚟沽清，冇乜選擇）不過出奇地淋，唔係咬柴。不過幾好食都好啦，做生意咁唔老實⋯ 唉，遲早要還架！好自為之啦！…查看更多

📌上午系中環辦事，下午無咩事，難得過海來港島，肯定要入柴灣新桂香燒臘斬料、斬料、斬件大大舊叉燒返屋企加送。40年來字號燶邊叉燒，系我地全家最愛。新桂香只用新鮮的梅頭肉，絕對不會使用凍肉，所以叉燒味道特別好食。🕠5:30到新桂香，半肥瘦的叉燒已經賣曬，只剩下瘦叉，所以大家想買肥瘦均勻的叉燒真系要早Ｄ過來排隊買，真系好快賣曬。🐷燶邊叉燒200蚊斤：雖然我買嘅系瘦叉，但系一Ｄ都唔柴，有豬肉的鮮香和肉汁，燶邊有淡淡豬油香氣，加埋Ｄ蜜汁，絕對系傳統叉燒中的極品。…查看更多

約咗喺柴灣工作嘅朋友食飯，終於有機會嚟到呢間燒味舖試吓。見到鋪內有幾張摺檯，於是決定堂食 - 外賣始終都打咗折扣。堂食嘅好處係唔使排隊，仲可以慢慢欣賞燒味師傅斬料嘅手勢。師傅好細心咁問想食什麼類型的叉燒，然後幫我揀咗一條比較肥燒得較燶嘅叉燒。叉燒燒得均勻，入口鬆化，梅頭肉係靚貨，腌得啱啱好。 但係老實講我比較喜歡舊式比較硬身有咬口冇汁伴上碟嘅叉燒。 純粹個人喜好。坐低食另一好處就係可以慢慢睇吓燒味舖仲有咩好嘢。見到有平時較少見嘅生腸即刻叫咗一碟。生腸爽口，從顏色嚟睇冇其他燒味舖染得咁紅，同叉燒一樣咁好。…查看更多

仲有琵琶鴨、燒排骨、豬面肉都好正✌🏻特別推薦大家✅叉燒飯✅琵琶鴨✅鴨髀飯✅燒排骨飯✅豬面肉飯《叉燒飯》外皮有濃邊焦香😍，肉係半肥瘦好軟淋，有少少肥膏好好食🐽😭，叉燒味好濃，每日用上新鮮豬肉，所以肉質先咁好(不過如果太晏去/賣剩尾，就會得返瘦叉，咁就not good🤔)💰$45《琵琶鴨》📞早一日訂會好d，或者可以打去問吓有冇🤫呢個真係好抵食，$200有兩大盒🤫每日貨量較少，琵琶鴨個皮好香脆🦆，但始終係鴨，油香會少d，不過好香鴨味、帶炭燒味、好有肉香，肉質都好好🔥，對比鵝會少d油脂感，鐘意食冇咁肥嘅人啱晒👍🏻💰$200(一隻)💰$100(半隻)《鴨髀飯》可以淨叫鴨髀🦆🦵🏻，但數量有限，先到先得🏃🏻‍♂️佢性價比好高，建議叫免切，成隻拎住嚟食正好多😋，鴨肉好淋，連埋好脆嘅皮一齊食，好香💰$53 💰$38 燒鴨飯💰$45 淨燒鴨髀💰$60 鴨髀飯(唔切)《燒排骨飯》除左叉燒之外，依個另一樣名物必叫😎，連骨d肉係特別正🍖，排骨外皮微脆焦香，好食到爆💥💰$55《豬面肉飯》呢個係肥版嘅燒腩仔😍，佢比燒腩仔更肥、更香口、油份好勁，好邪惡但係好好食🥰，但份量比較少，要早d去先有(近兩次食都賣晒🥲，同埋之前唔記得影相)💰$45💰$80(一舊)💰$50(淨叫minimum charge)*嗌飯盒加💰$2有例湯🍲，單點例湯就💰$8，日日都唔同，我哋嗰日係菜乾湯，個湯係比較淡，清清地食完燒味啱晒😌**除咗某d有minimum charge，其他都可以按照想買嘅價錢，買相對應嘅肉🤑***💰$80燒乳豬飯/💰$1080(一隻)/💰$540(半隻)/💰$150(淨叫minimum charge)，乳豬相對冇叉燒燒排骨咁驚歎，屬於正常水準，外皮都燒到算脆，d肉略嫌燒到唔夠香****💰$85燒腩飯，外皮香脆，雖然都唔錯，但肉質方面燒得未太夠火候，炭燒香欠逢…查看更多

知道新桂香好耐，以前出名係燒排骨! 好耐之前試過真係好食! 大大話話話幾年未再食過，見綱上評論毀譽參半，又咩揾笨全肥又咩香港第一，好吊詭!咁大差別真心想試多次公道D寫下好唔好食! 平日下午點幾仲有叉燒賣，問下如果下晏5點幾洗唔洗拎定籌，亞師傅回應3點5點仲有出爐，平日唔洗攞籌，黎排隊可買到! 咁就5點鬆D去排隊，龍唔係好長，10 個左右! 嘩！D叉燒靚到癲排隊見到狂吞口水! 到我啦到我啦！原條3粒外賣成為兩舊水! 個汁係完美地將條叉燒封住，油光满滿! 食前用碟盛著放飯煲面翻熱，香到企唔穩! 以叉燒黎講我唔敢講係咪第一，但绝對物有所值! 酒店中菜廳一碟黑毛叉燒接近3舊水，新桂香以平民叉燒黎講算貴,但值! 一舊肉有齊爽、淋、肥、滑嘅口感確係唔簡單! 仲有，****記得叉燒係一定要單買**** 唔好叉x 飯，完全唔係嗰回事! 仲有，如果要食瘦叉我勸你不如唔好食!唔诜同師傅講咩切细舊D! 師傅切嘅厚度係最適中嘅大舊叉燒! 嗱！購買貼士講左啦， 非常建議一試嘅!…查看更多

🤔叉燒..大家又會諗起去邊度買呢⁉️唔係用冰鮮豬，食得出用新鮮豬肉，肥瘦適中..口感軟嫩多汁..仲有濃邊添🤤依間可能係全香港最正嘅叉燒🤤位置雖然有少少偏遠，但係值得老遠走去買，講真有啲咪知蓮三星嘅叉燒都食過，但都真係冇去整咁出色。真係咁岩最近就去咗間尖沙咀嘅三星米芝蓮中菜廳佢啲叉燒調味過重，非常一般。…查看更多

從前喜歡佢係因為佢嘅燒肉飯，但今日sorry，佢嘅燒肉令到我連相都無影，所以都唔評價。今次講嘅係佢嘅叉燒，192蚊一斤嘅叉燒的確係離大譜，但試過又會覺得物有所值。今次買咗$130一條，但因爲我晏晝買夜晚食，所以碟叉燒翻蒸過，令到相嘅外觀比原先黑咗少少，唔係幾靚仔，但還好口感仍然同我一開始偷食嘅一樣。瘦嘅位置唔鞋口，肥嘅位置夠爽口。外表夠蜜糖味又唔會甜到漏，加上少少濃邊。就算你眼看好肥，但因為咬落爽，毫無罪惡感。…查看更多

前日(1-10-2017 Sun)同老公一大班人去佢男友人IN屋企食晚飯,我要求有呢間o既出名o既三粒燶邊叉燒,IN就真係去o左買,我o地去到佢屋企,就叫大家食o左先.打開睇,顏色好靚,且有半肥瘦同全瘦,有燶邊,我唔客氣地食燶邊,仍有啲脆,無論半肥瘦同全瘦都好,口感好鬆軟,有蜜糖o既甜但太鹹.IN話凍o左係會變鹹同埋係要送飯.即使係咁,我都食到停唔到口,但諗到仍有朋友未到至停手,否則我諗我會食晒. 而呢個叉燒一啲都唔平,冇記錯好似話$180.00一斤,超貴,我唔知呢盒有幾多.味道: 4.4分,抵食係2.5分…查看更多

特登平日來食，因為地點問題所以即使想來都太遠。5點來到冇哂叉燒要等5點半出爐，仲好夠哂新鮮滾熱辣。5點半返到黎已經見門市有人龍，我而d堂食既就唔洗等，本身堂食得4張小枱，所以預左有位都好好。半肥瘦叉燒飯40蚊一碟，唔貴因該而間野係少數用新鮮豬梅肉燒叉燒既燒味鋪頭。極速黎到，一睇就知正野，色澤一流，焦邊係哂度，真正半肥瘦，一入口蜜味同咸味剛好，仲有新鮮豬肉先有既味道，略為覺得斬得太薄，但無論味道，色澤同肥瘦程度一流。佢附近有間燒味鋪，從來都好少人，因為你見到都唔會想食，證明好多街坊寧願比貴好多都要揀而間係值既。PS 除叉燒外，其實燒味認真不要抱大期望，因為始終佢招牌係叉燒。…查看更多