The One Shatin Restaurant (Closed)

下午2點在附近搵食，諗起朋友話呢度燒味飯都唔錯，就入去試下。一入到去，侍應完全無理過我，所以自己搵個位坐低:(。想落單，舉手差不多5分鐘又係無人理我，唯有大叫：唔該寫野。。。直至有人埋嚟為止。。😒點咗叉鵝飯，整體調味不錯，咸甜香味均適中，叉燒鬆軟，但燒鵝皮燶，太肥，只有肥羔無肉。食到中途，安排另1位客人坐我對面，但中間無隔板。我覺得此店的員工防疫意識極薄弱。我不介意搭枱，但要有隔板囉。。所以我主動向店員要求加塊隔板。但店員竟然係要求我坐過隔鄰吉枱。但其實我坐响度先而且已經食到中段。。係咪應該請未食既嗰位坐去另一個位呢？都算喇，於是我仲要自行攞住碗飯過隔離枱，儘快食完走人，無下次…Read More

來到石門搵嘢食，遠處已經見到呢間燒味飯人頭湧湧，就俾佢吸引左過嚟。餐廳光猛，坐位都幾多，不過同隔離枱嘅距離就比較近，出入唔多方便。見佢標榜自己嘅燒鵝係第一，所以就叫咗個叉燒燒鵝飯飯未到先來換例湯，無咩味精味，飲得過。等飯期間見到服務員都好忙，無停手，又不停嗌入黎有幾多位等緊咁，如果想午餐可以靜靜地食個飯就唔好黎哩度了。見到咁多人等亦不其然地會食快啲叉燒燒鵝飯份量好大，叉燒望落去色澤好靚，面頭有陣蜜糖立立令反而燒鵝望落無咩肉:(到味道方面就有啲失望，燒鵝皮咬落去唔脆，肉質無咩特別，又無咩鵝味，係點汁先好味啲，好似同至尊哩個名唔係好夾...而叉燒可能部位問題，啲肉好實好鞋，味道就正常。:(雖然價錢合理，肉嘅份量都多，不過如果係主打燒鵝就有啲名過其實喇。…Read More

今日起身遲咗 ，11點先食早餐，搞到午餐都遲咗，突然想起石門附近食過一間燒味飯，佢嘅下午茶雖然比較貴，雙拼$40連一杯飲品， 但佢哋喺沙田真係數一數二。叉燒食落鬆化，甜甜地幾好食，可惜今次師傅揀了一件比較瘦的，下次我應該叫半肥瘦，應該會好少少。燒鵝上有一個淡淡的果香， 而且油脂豐富，配合燒鵝專用的酸梅醬，真係一絕。可惜附近泊車比較困難，停車場有冇位，搞到要拍喺大街，食一餐飯啫，搞到要提心吊膽 。…Read More

今日中午同班fd行去石門京瑞廣場食飯，見到剛剛新開左一間食店，好多人幫襯，即管入去尋食吓先環境裝修幾正，新派日式和風味道:)睇餐牌有粥、特色小食和燒味飯，聽侍應推介話叉燒、燒鵝和沾鵝自家製冰梅醬好正，我哋就即管試吓就叫左叉燒燒鵝飯，個飯送湯，飲品另外加錢飯未來就飲住個湯先，個湯入口唔係一般用燒味骨，頭頭尾尾來煲既味精湯原來係菜乾煲豬肺湯，叫做有落心機去做叉燒燒鵝飯，賣相幾好白飯入口唔嚡，叉燒咬落幾軟腍鬆化，祗係覺得唔夠蜜汁:(燒鵝可能佢哋唔係用好大隻既鵝，皮係脆，肉係嫩，但冇乜肉，本人覺得未到至尊級，普通d但個冰梅醬要讚，同平時食開既味道真係唔同，感覺個梅味鮮d濃d整體來説呢間都叫做ok，係就係比其他食店貴幾蚊，間唔中一次半次冇問題…Read More