連和燒味餐廳

早排係銅鑼灣要搵地方快食一個晚餐，又唔想揀m記個啲，咁啱見到呢間燒味店就入左去。.雖然係銅鑼灣貴嘅地段，但係價錢都幾平民價，單/雙拼飯麵係同價，都係$47，幾抵食。呢到嘅叉燒出名，梗係要試下，我最後叫左叉燒燒鴨飯，我朋友叫左叉燒油雞河粉。整體黎講，佢地嘅燒味真係唔錯，而且幾大碟，餸同飯量都多。叉燒確實係唔錯，舊舊都半肥瘦，燒得幾香，咬落去又唔會好柴，幾好。燒鴨唔會好肥，鴨肉都多，唔會得啲骨，值得推薦俾大家。油雞幾嫩，味道唔會太咸，不過我覺得可以熟多少少。.下次要快食，我都會考慮再去…Read More