One Dim Sum (Tung Choi Street) (Under Renovation)

今日參加咗水晶巴士綠色生活本地遊，價錢199，佢哋cross over 埋一點心有個水晶巴士餐。唔單止有得玩，仲可以喺巴士邊欣賞美景，邊享用點心。水晶巴士喺經過改裝嘅雙層巴士，上車位置正正就係一點心隔離。坐位設置於窗口旁邊，一邊係兩坐位，一邊係四坐位，大部份嘅坐位都集中於上層，而下層尾部更有一套卡拉OK俾你唱歌。講返個巴士套餐，佢哋精心設計咗個水晶巴士餐盒，實當精美。打開餐盒，原來入面內藏7款點心，呢個餐盒比起想像中豐富。燒賣大大粒，蝦餃皮薄爽口，蘿蔔糕正常。春卷大條之餘，個皮都爽脆，大滿足。叉燒餐包軟身，叉燒略甜。呢個應該係脆皮雲吞，一口大小，爽脆乾身。芒果奶皇卷，成個餐盒最期待嘅一個菜式，一如所料卷心充滿咗芒果，外皮煙韌，值得一試最後，喺另外一盒上多隻糯米雞，好大份直頭食唔晒，內用就都係有啲肉咁，正常啦…Read More

很多年前已經幫襯「一點心」由對面街細舖開始，由沒有名氣開始，由沒有人排隊開始，到現在搬了一間大的舖頭。我記得以前細舖的年代，在收銀處附近有兩至三個好似老闆的男士負責招呼和收錢，記得當時他們非常 留意食物出品和食客的每一個細節，感覺係做到一絲不苟盡善盡美，價錢平兼且非常非常好食。可惜，近兩次幫襯，都很失望，我估計他們已經賣盤轉了手。由入門口開始的秩序混亂，裏面的服務員各有各大聲傾偈，食物質素奇差👎，全部走曬樣，唯獨是只有價錢不變 !…Read More

原先想同朋友去食蝦棧🍤 不過因為太多人又無book位就放棄左😔 結果我哋去咗前面街揀左一間點心舖到食🥟 原因係六點幾出面已經好多人排隊👭 唔洗問啦 間野一定差極有限😏 仲見到有啲外國嘅旅客黎食添😎一點心：超推薦（食過好味道）：燒賣+鹹水角+盅飯+青菜伏的推薦（食過中咗⚡️）：蘿蔔糕熱賣點心（沽清常客）：香芒奶黃卷，健康素餃，叉燒焗餐包其實嗰日我哋得三個人嘅咋，但係就叫左成10幾樣點心，好似飢荒出黎咁。燒賣：超大粒，豬肉好彈牙，仲見到啲冬菇粒，好味道。鹹水角： 正常應該趁熱食嘅，我哋傻更更咁等到最尾先食，不過好意外仲好趣卜卜，入面仲熱，外脆內軟。超推薦章魚肉餅飯：通常盅飯都係一個主角一個配角，但係呢一個居然兩個都係主角。 肉餅好入味但係唔會薄切切。啲飯我鍾意佢粒粒都好彈牙，又唔會硬掘掘。我最怕食啲盅飯係癡立立。青菜：好鮮甜，同埋佢好細心咁將啲菜切三份。等女仔食嘅時候呢就唔會咁狼狽喇。叉燒焗餐包：係佢哋嘅熱賣點心之一，經常好快沽清。我覺得都幾好食嘅，因為佢有啲微甜，同埋啲餡料都好適中，各方面都平衝得啱啱好。中⚡️方面蘿蔔糕：舊蘿蔔糕越夾越散，我諗喂BB仔食係一流。同埋我覺得佢有啲粉粉地，因為我鍾意食蘿蔔糕係中意裏邊有啲蘿蔔餡嘅。蝦米腸: 腸粉都幾滑，不過醬料就一般。糯米雞：超大隻，超多餡料。最後我哋係靠黑白配黎清左隻糯米雞。雖然餐廳就細咗啲，不過個老闆就好好人，原先應該要人齊先入得㗎，跟住老闆問我仲有幾耐先齊人，我同佢講話大約10分鐘到，跟住佢都很俾我入去囉。不過入咗去差唔多15分鐘到，因為我仲有一個朋友未黎，跟住老闆都話如果等多一陣間都仲未齊人嘅話，就可能要再出返去排隊啦。始終因爲都有其他客人等緊位。我都覺得公平嘅，因為我原先同人地講話10分鐘到就齊人嘛。最後我朋友用9秒9嘅速度過嚟，結果就可以舒舒服服咁飲啖茶食個包啦！…Read More

第二次來一點心午餐, 今次點了五款食物, 同樣的好食又抵食! 也同樣的要等一段時間才有位! 介紹這五款美食, 先是香茜牛肉腸, 薄薄外皮, 是嫩滑可口的, 配上厚厚的牛肉餡及香味十足的香茜, 很實在的滋味! 然後是蒜香蝦春卷, 絕對真材實料, 蝦肉大大粒, 外皮脆但不油膩, 很豐富的口感! 接著有豉汁蒸鳳爪, 它的外皮不粗糙, 卻是軟滑的, 濃濃的汁已滲透鳳爪裡, 很惹味! 我最愛是叉燒焗餐包和薄皮鮮蝦餃, 看是普通茶樓食物, 這就是一點心的功力所在! 新鮮食物, 價錢合宜, 絕不馬虎! 其餐包熱呼呼又軟熟, 甜甜的包面, 內裡是飽滿的叉燒, 甚少肥肉。最後是皮薄, 晶瑩通透的蝦餃, 大大粒蝦肉, 新鮮又爽口, 一顆放入口中, 非常滿足! 不是說笑, 真的會再去! 仍有許多點心要點點點😋😋😋…Read More

突然有天晚上想吃一盅兩件，於是走進一點心，不知是否吃點心的人潮過去，竟然沒有太多人排隊。鳳爪排骨飯盅頭上的鳳爪排骨飯份量我覺得細了一點，材料方面唯一的一隻鳳爪炆得軟身又入味，排骨都軟腍，飯不算粒粒分明，而且豉椒的味道不太濃烈，一般。叉燒焗餐包叉燒焗餐包的外層塗上了一蜜糖，入口又甜又黏，餐包鬆軟，而內裡的叉燒及醬料剛好，我很喜歡。蜜汁叉燒腸腸粉皮滑，黏稠度適中，不過內裡的叉燒有點乾。鮮蝦菜苗餃半透明的餃皮隱約見到內裡的蝦肉和菜苗，爽口彈牙蝦肉和清爽鮮嫰菜苗非常配合，推介。芒果糯米糍糯米糍的皮厚度有點厚，不過勝在煙韌，內裡有一大粒芒果肉，可惜沒有芒果汁。雖然不是所有食物都滿意，但以這個價錢來說還是個不錯的選擇。…Read More