2DP (Closed)

兩、三年前聽過一位朋友推介過2DP，她說想不到素食都可以如此新穎、味道好，我save低後一直也沒有機會試試。時至今日，新派的素食比以前常見，而今天晚上朋友們本身打算去食牛扒，可是已經滿座，我就提議不如來食2DP吧。雖然牛扒跟素食是兩個極端，但是朋友們看過餐牌後都覺得她們的食物很有趣，決定試試:)雖然比較多人推薦飲這裡的水果梳打，但是我對餐牌上寫有牛油果的防彈奶昔(普通版)($58)比較有興趣。飲品比我想像中細杯，大概是比熱飲紙杯大一點，又比凍飲紙杯細一點。最初我以為牛油果會打進飲料裡面，但原來就是上面的一片，沒有味道，大概不太新鮮，我心想現在的牛油果很貴嗎？😅奶昔裡面加入了朱古力粉和飲到奶粉的味道，我覺得很普通。原本我們打算點以原個南瓜上菜的燴飯，誰知售罄了，我們只好點常規南瓜忌廉燴飯($128)。燴飯保留了少許咬口，醬汁creamy但不會太膩，反而是偏向輕盈一點，食得到南瓜味但我覺得濃一點會更好吃，不知道原個南瓜的那款會濃郁一點嗎？裡面還有不少的蘆筍，幸好都是爽脆新鮮，不舊沒有渣。牛肝菌Impossible肉碎闊條麵($118)是重口味之選。牛肝菌的香氣強烈，以它弄成醬汁掛在保留一點硬度的闊條麵上很是惹味，加上本身調味濃郁的Impossible meat模仿肉碎的口感，整碟意粉濃味得來味道都幾好，所以很受我的朋友歡迎。原隻菠蘿炒椰菜花飯($188)上面擺上不少的蛋絲、花生、素肉鬆去營造那款泰式的感覺。椰菜花飯裡面有很多提子乾和菠蘿粒，配合前面提到的配料的確令單調的椰菜花飯增添了不少味道和口感，幾特別。50/50蕃茄自家製水牛芝士($138)是一個薄底的pizza，薄得基本上是一個脆片底，但是那個脆餅底又有番茄、芝士和蔬菜配料，感覺清新豐富，是一個輕盈的薄餅。朋友們見到這個很吸引的蜜瓜牛乳刨冰($108)就點一個試試。外貌上這個刨冰的確吸睛，以半隻蜜瓜盛著，表面又有一個個圓滾滾的蜜瓜波波蜜瓜甜度適中、水份多，波波下面有牛乳雪糕，牛乳味意外地濃郁，不會太甜；因此雪糕比蜜瓜波波更受歡迎，很快就食到見底。不過整體來說，這個甜品除了外觀上其他都沒有甚麼特別，把紙巾放在底部防滑顯得不太美觀，即使雪糕味道濃郁，甜品的份量其實不多，蜜瓜亦是一般買到的正常、普通貨色，收費過百真的幾進取，不太值得。餐廳面積不大，因此晚上滿客的時候有少少逼，服務方面是友善的。新派素食味道都不錯，食物配搭和擺盤都有心思，作為食肉獸的朋友們都對素食另眼相看。身邊都有朋友對此類特別的素食有興趣，有機會會帶他們來試試:)…Read More

平時比較少食素食，每次都係經過呢到，今次終於的起心肝嚟食！果然無失望，感覺好特別😍 同傳統既齋菜非常唔同，配搭好新穎又好食，好欣賞素肉既質感、味道同香味做得幾似，又會有啲fushion菜既感覺，加上久唔久又會轉下menu，keep住俾人新鮮感👍🏻 服務態度都好好，開頭個fd都怕坐得近門口會熱，個staff講完話可以試左先，因為好多客都話嗰個位冷氣大會凍，安排入座之後佢都怕我地熱再較大左個冷氣，到最後有啲凍佢又好有禮貌咁話無問題熄翻細，語氣唔會唔好😻 下次真係要試下個南瓜🎃飯、蒟蒻麵、刨冰🍧同甜品😍(5 😍 係滿分，🤩係半分）烤大啡菇Impossible漢堡·黑椒醬🟤🍄🍔 (好味指數：😍😍😍😍😍）- $138呢個真係好食！食完有以往嗰種食完burger好滿足既感覺，同時又無咩罪惡感🤤 塊漢堡扒好juicy，咬落既質地同真既牛肉漢堡扒一樣，唔會話散開，亦都有”肉味”又香口，仲要連出面啡色，裡面深紅色既半熟漢堡扒既顏色都模仿埋真係好有心思，亦都好神奇🤩 另外芝士🧀既鹹香，加埋厚肉爆汁既大啡菇濃郁既香味，加埋少少惹味既黑椒汁，令到個”肉味”更加出，層次更加豐富！麵包🥯鬆軟香脆，幾香蛋🥚味同牛油🧈味！素食者可以轉埋素芝士同純素奇亞籽漢堡 (無蛋奶)，原本想轉埋素包試下，不過個staff話素包會硬啲同乾啲咁就無轉到原隻菠蘿炒椰菜花飯🍍🥚🥦🍚 (好味指數：😍😍😍😍）- $188平時成日聽好多餐廳都會有椰菜花飯，但今次終於第一次食到！面頭鋪滿雞蛋絲同甜甜地既素肉鬆，令到成個飯香口好多，尤其係肉鬆，雖然係素既，但依然有鬆鬆既質感同甘醇酥香既味道👍🏻 裡面都有好多不同既餡料，包括代替白飯既椰菜花粒、菠蘿粒、提子乾🍇、腰果同素肉碎，酸甜既菠蘿同提子減少左炒飯油膩既感覺，而腰果同素肉碎令個飯更加惹味，素肉既香味都幾逼真，口感非常豐富！不過菠蘿粒稍為多左少少，同埋如果腰果粒再多翻啲會仲香！平時炒飯要求要乾身同飯粒挺身，今次既椰菜花粒粒分明，大小相若，不過不夠乾身，可能因為椰菜花本身係菜，會有水分，如果可以整乾啲，例如烘乾少少啲椰菜花再炒可能會更加好～好味指數：😍😍😍😍🤩推介指數：😍😍😍😍🤩…Read More

香港人飲食開始追求健康，即是有時會懶唔喺屋企煮嘢食，出街食嘢都會諗會唔會太甜、太油膩呢啲因素。有啲人系由細到大都系食素食，有啲系後期因為種種因素而轉食素食，養成一種健康嘅習慣未嘗吾系好事。香港嘅素食餐廳愈來愈多，之前都黎過2DP，不過系食甜品，今次黎到終於有機會試吓佢嘅素食。呢度都好貼心咁設計專為生酮人士而設嘅生酮 all day breakfast，仲有防彈奶昔。隨著時代嘅轉變，連漢堡包都吾再局限於肉類漢堡包，好多素食店都有做素食漢堡包。首先叫咗個忌廉牛肝菌素肉碎闊條麵，雖然話系忌廉汁，食落一啲都吾膩！呢樣野做得好好啊👍🏼牛肝菌其實即系磨菇，份量都吾少，食素食嘅人會覺得好吾錯☺️素肉碎做得好鬼真，呢家啲素食都做得好似真嘅肉類🤓闊條麵口感煙韌。原隻菠蘿椰菜花飯，睇外型同泰國菜嘅菠蘿炒飯十分相似，大概系用咗呢個概念。表面有大量嘅蛋絲同埋素肉鬆，食素肉鬆戈陣要好小心先得😅好容易跌落黎。好吾容易先清曬海量嘅蛋絲同埋素肉鬆，終於見到椰菜花飯，其實即系椰菜花蓉，最近都試緊生酮飲食，適合生酮嘅同伴食🤗火龍果紅茶乳酪🦩飲管上面嘅紅鶴好吸睛👀火龍果味嘅飲品都幾健康，概念不俗。火龍果味都吾系話真系好明顯😅味道當然都有嘅，乳酪味反而相對明顯，變咗酸味會突出少少，整體味道都ok。泰奶豆花即系泰式奶茶豆腐花，泰式奶茶系隔離有個壺仔裝住，幾有創意~隔離個大碗就有珍珠、芋圓、寒天、豆腐花，材料好豐富同埋擺得好靚✨食親芋圓都好中意細細粒咁，一次可以食好多粒🤣煙韌程度可以再多啲。寒天夠凍同埋好好咬😁珍珠有啲硬，應該事先冇完全浸淋。…Read More

喺厚德街經過好多次， 成日都見好多人幫襯，今次被吸引入去了，初頭以為是一間文青cafe， 原來是一間素食餐廳， 不過比傳統素食餐廳更有創意和新穎，甜品亦都好好食， 見到有啲人夜啲先入嚟係專食甜品原隻菠蘿炒椰菜花飯($188)， 唔好畀佢個名呃咗，入邊係冇飯嘅，係用切碎咗嘅椰菜花配菠蘿、碎肉鬆、提子乾和雞蛋絲造成， 雖然飽肚感比一般炒飯低， 但口感非常好， 感覺很清爽滿足， 而且低碳，非常適合瘦身人士忌廉牛肝菌素肉碎闊條麵($118)， 個樣非常是正， 食落很香，橫睇掂睇都唔似係用impossible meat 所造成， 但闊條麵質感比較厚實， 食到最後會有一點heavy 火龍果紅茶乳酪($42) 是招牌飲品， 紫紫紅紅， 打卡一流，第一口火龍果味道不算太突出， 但味道慢慢出來，而且帶乳酪酸味，與火龍果十分配搭泰式奶茶遇上豆腐花($58)是餐廳新出嘅甜品， 香滑泰式奶茶，唔太甜， 混合有珍珠、寒天、芋圓和豆腐花的碗裏， 好match， 創新味道，好食…Read More

🇭🇰2DP·呢間去厚福街食野成日都經過 個日見好似幾多人食就決定試下😏佢係行fusion路線既素食黎既 選擇都幾多 不過佢份量比我想像中都多幾多 食到我地超飽🙊😂😂·原隻菠蘿炒椰菜花飯$188呢個超級大份 佢係塞到超滿 完全係二人份量🤣🤣佢個椰菜花炒得好乾身 所以口感好好 而且我好中意佢海量既素肉鬆 口感同味道都好好 係稍微乾身過真肉乾少少🤔而且佢入面好多真菠蘿 酸酸甜甜咁樣超夾 完全就係你幻想中既味🤤·沙嗲素雞串燒$47泰式生菜包$108佢個沙嗲素雞串燒都唔錯 真係幾似雞肉既 而且我好中意佢個沙嗲汁 唔錯😌😌反而佢個生菜包D肉我就麻麻地啦 佢D肉食落口感比較實 而且佢個調味唔係好似生菜包 所以失色少少🙊·#rbyeat#rby西餐 #rby東南亞菜#rby尖沙咀·📍尖沙咀厚福街12至12號A藍馬商業大廈地下…Read More

『暫時係我唯一一間會返焯嘅素食』熟悉我嘅朋友應該都知我有幾唔鐘意素食/健康嘢😹但係呢間都算係例外，時隔一年再去食水準依然保持得唔錯。超多素食選擇，仲有生酮餐單添推介 🥢蜜瓜牛乳刨冰 🥢南瓜忌廉大麥飯 🍸火龍果紅茶乳酪————————————————————1️⃣◆火龍果紅茶乳酪◇HKD42清新開胃，火龍果味道濃郁香甜2️⃣◆蜜瓜牛乳刨冰◇HKD108牛乳刨冰軟綿綿🥛味道香濃入口即化一粒粒嘅蜜瓜好清甜不過食到中間會覺得牛奶冰略淡可以甜翻d3️⃣◆原隻菠蘿炒椰菜花飯◇HKD188成隻菠蘿超吸睛👀有椰菜花、素肉碎、素肉鬆等等好豐富加埋香脆腰果增添油香如果真係有米飯🍚食落口感應該會更加飽滿4️⃣◆牛油果羽衣甘藍沙律◇HKD108滿滿一碗，幾鐘意佢嘅香橙油醋汁提味，食落一d都唔單調5️⃣◆沙嗲素雞串燒◇HKD47沙嗲醬花生味濃，素雞整得都幾像真🤣…Read More

尖沙咀人氣高質素食🤤神還原爆肉汁既「牛肉」漢堡包！====================又係等熱潮過咗我先去既2DP😹講起2DP大家最有印象應該係佢既原個南瓜飯，不過我就無嗌到，反而嗌咗枱枱都有落既菠蘿炒飯。同埋原來2DP個名係有意思的，代表住two decimal places，意指餐廳對食物同服務既用心👍🏻幾有意思.《烤大啡菇Imposible漢堡•黑椒醬 $138🍔》呢個Impossible burger真係好食到傻仔同好有驚喜😍大推！牛肉漢堡扒係神級Juicy同勁多肉汁，一啲都唔會乾，而且同真牛肉既味道、質感零偏差！大啡菇非常厚肉，連埋半溶芝士、新鮮既蕃茄片仲有黑椒醬真係好好好味😳搞到我心思思想自己試下整！《原隻菠蘿炒椰菜花飯 $188🍍》椰菜花飯聽就聽得多，食就真係第一次（諗得出用椰菜花做飯嗰個真係好犀利👏🏻）食落其實就係碎哂既椰菜花😹無話特別似飯，但成件事係飽肚得嚟又健康。同埋佢真係落咗好多菠蘿😂鹹鹹甜甜咁都幾好食（不過都係泰國餐廳有肉版既菠蘿炒飯好食啲）《純素雞髀 $47🍗》雖然呢個雞髀仔成隻都係腐皮整成（利申: 唔鐘意食腐皮）但佢加咗啲特別既調味粉，唔知係咩但又有少少似牧然，加上學我太婆話齋「只要係炸既，屎都好食😹」理論，呀呢隻腐皮雞髀仔又真係幾好食喎，外面脆卜卜，點下兜酸辣醬更加惹味！《士多啤梨配奶油醬窩夫•鐵觀音雪糕 $98🧇》窩夫唔夠脆同埋無乜蛋味😕但個鐵觀音雪糕就幾正，好重茶味，如果個窩夫可以改善下就好了，畢竟佢先係主角🤭。總括而言係一間絕對會再幫襯的素食餐廳（但基於佢唔係黃🙂我都係會幫襯咗走肉朋友先）佢個漢堡會係我回頭既原因，而且服務態度極好，都食得幾開心！…Read More

好幾次經過厚福街都留意到這一間「2DP」，一直以為它是一家甜品店。直到昨天友人帶筆者光顧上一回，才發現原來是素食店來的。裝修非常有清新的感覺，和傳統素食店的感覺完全不一樣。餐廳研發的素食『家香雞』，試了脆雞胸。素脆雞胸使用了鷹嘴豆粉、豆腐等這一類superfood製成全麥麵筋seitan，有豐富蛋白質之餘，又不含膽固醇。口感雖然和真雞肉未盡相同，但加上秘製調味和炸粉，同樣香脆惹味。配上酸辣醬，加點辣會吃得更過癮。無論是薯條或是黑松露沙律醬，份量都是頗多的。薯條是連著薯皮，可見是原個薯仔切條再炸香。薯香味加上濃郁的黑松露沙律醬，令人越吃越多。賣相非常美的菠蘿炒飯，原個菠蘿舖上大量素肉鬆和雞蛋絲。炒飯夾雜著椰菜花、素肉碎、菠蘿粒、提子乾和腰果，完全泰式風味，口感豐富多彩。當中菠蘿粒非常香甜，配上惹味的素肉碎，咸甜交織，美味非常。打卡度高的蜜瓜牛乳刨冰。用蜜瓜殼作盛載容器，先把果肉刮成一顆顆小圓球取出，然後倒上牛乳刨冰，再把蜜瓜球舖在外面，堆砌成一座小山丘般。蜜瓜入口非常香甜，而牛乳刨冰用上了北海道3.6牛奶製作，奶香味濃厚。…Read More

這間餐廳每次經過厚福街見到都會跟友人說想吃，今次終於可以跟友人進來試試。餐廳以白色簡約風裝修為主，餐牌上有多款不同的素食可以選擇!純素雞脾，這款雞脾外型真的很像雞搥，而雞搥是用腐皮整成的，再配有甜酸醬，令味道有點像麥記的脆香雞翼。40度風乾脆餅. 純素芝士醬，這款風乾脆餅用上亞麻籽、南瓜籽、葵花籽及芝麻製成，有咬口而且咸咸地，再配上素芝士醬，味道惹味!還配有沙律菜，很豐富呢!原隻菠蘿炒椰菜花飯，這款跟平時吃的菠蘿炒飯差不多，米飯轉了椰菜花，內有菠蘿肉、提子乾、素肉碎、雞蛋、腰果，味道酸酸味味，很有泰國菜的菠蘿炒飯風味，而且用上菠蘿盛著，吸晴之餘也很大份，十分飽肚!荔枝西柚烏龍，有烏龍茶甘香，也有淡淡的荔枝，整杯感覺很fresh很消滯!西瓜牛乳刨冰，刨冰用上牛奶味道的刨冰幼滑，有香濃的牛奶味!西瓜肉頗多，鮮甜多汁，用上西瓜殼盛著，影相打卡一流!估唔到素食都可以咁好味，有機會一定會再來試下其他款式!…Read More

上次來2DP已經是快一年前的事情了，主要試了他們的甜點。經過發現原來出了新Menu，便坐下試一下。服務員告訴我們基本上餐廳全被訂座了，很幸運坐到了最後一張二人桌，不然就是坐高椅了！原隻菠蘿炒椰菜花飯 Pineapple fried cauliflower rice $188看到旁邊點了整整一大個，我們也點了一下。原隻菠蘿裡面的不是飯，是椰菜花配上素肉碎、提子乾等。飯上面鋪滿了雞蛋斯、素肉鬆和腰果，香味撲鼻又飽肚！☺️Impossible burger肉質媲美一般漢堡扒🍔完全不覺得是素菜做成，很好吃！素芝士風乾羽衣甘藍配炒雜菜 $110蔬菜炒得微暖、味道濃郁，風乾羽衣甘藍脆口有特色，真想買幾包當零食吃。這裡的菜單選擇眾多，基本上都是素食，顧慮到很多dietary restrictions，絕對是抗疫營養之選！下次試試它們的午餐，感覺很划算！…Read More

佢地初初開既時候試過個時都無咁多款式而家多左好多素食既選擇唔講唔知原來2DP 係2 decimal place 既意思即係對於佢地既餐廳質素抱有好細心既態度其實從佢地既裝修、格調同食物都感受得到．原隻菠蘿炒椰菜花飯（$188）上枱既時候好澎湃整個菠蘿上枱時鋪滿素肉鬆同埋雞蛋絲份量多到好易就跌左落枱所以記得慢慢食酸酸甜甜既菠蘿粒係底調帶起左椰菜花、提子乾、素肉碎、同腰果粒既味道每一啖既層次好豐富之餘用料都好健康雞蛋絲切得夠薄身就咁單食都得．炸蕃薯條（$32/細）有得揀大份或者細份好貼心咁就可以試多樣野食又唔怕食唔哂呢個炸得夠香脆加入黑椒粉就仲香口．原個南瓜忌廉大麥飯（$158）見到佢地餐廳宣傳品有好多佢既相好似一定要食咁就叫左黎試下佢用類似risotto既concept黎創作放入南瓜入面已經幾特別用既米仲要係類似薏米口感既大麥好有咬口加入左忌廉令到食落幾creamy幾滑反正南瓜味就相對無咁突出亦唔會好漏去到尾又可以連埋南瓜蓉一齊食好滿足．蜜瓜牛乳刨冰（$108）大量蜜瓜粒疊左個山出黎入面既刨冰乳白色因為係用特濃牛乳整既再加入左RN最愛茶走入面既煉奶令到個刨冰甜度增加最後仲可以刮蜜瓜球底部既果肉出黎食…Read More