大丼家燒烤牛丼專門店 (Closed) View

🍚食物「👍🏻大板燒$35」好平大板燒，份量也不算少，簡直係超市價，味道不差，值得一試。「👌🏻日式餃子$15」係炸餃子，味道正常無伏，仲要熱辣辣的。「👌🏻章魚燒$32」即叫即整，每粒都有好細既章魚，但配料很少，同街邊小食店既小章魚燒一樣。「👌🏻原祖燒牛肉飯$49」見好同食評話吉野家仲好食，但同吉野家牛肉飯係完全不一樣，個燒汁係甜甜地，牛肉也偏瘦。「👌🏻黑椒照燒雞粒飯$48」黑椒味十分突出，雞粒分量算多，但沒有醬汁整體上十分乾身。「👎🏻黑咖哩流心芝士漢堡扒飯$57」完全不像漢堡扒，似芝士肉餅，個流心芝士味不太重，味道怪。「👎🏻燒魷魚$15」係一個醬油碟分量，魷魚好鹹不值得試。👎🏻環境:環境十分逼，夜晚時間枱與枱好密集，隔離枱講咩都聽得很清楚，係個食快餐的環境，建議座窗邊位較寧靜。⭐️價錢便宜，質素普通，不值得特登前來試。

環境: 系荃灣千色店兆和街街尾, 店面唔算好大, 10至15張4人枱, 中午都多人食, 不過流動都算快, 星期六晏就都唔洗點等位.可能位置都少少隱蔽吧, 唔係太易看見.食物: 其實呢間牛肉飯店開左都有兩年了, 今次終於有機會試下. 望落去餐牌其實唔算太多選擇, 而且睇落唔算好特別, 冇乜心水之下叫左佢個招牌原祖燒牛肉飯. 一送上黎以為同吉野家差唔多, 不過食落竟然有驚喜. 牛肉加上佢個特製燒汁燒得好香, 牛肉唔會太硬, 整體黎講都算高質, 值得一試既牛肉飯.價錢: 價錢親民, 同吉野家差唔多, 上面個元祖燒牛肉飯$49, 以價錢同食物質素我覺得係超值, 絕對值得一試.

路過千色樓下暗角位有間平價丼飯 見門口餐牌d相都正正常常 價錢又唔貴 於是入左去試左個望落最正常既 原祖燒牛肉飯🐮 $46牛肉有驚喜 大大片香噴噴 燒到充滿油香 吸收左燒肉汁 少少黏黏的 惹味度十足😋 單靠牛肉吸收既醬香都夠撈曬成碗白飯 可惜個汁濃得超越過火位 感覺有d燶燶地🙊牛肉肉質唔韌 不過有成一半都係脂肪 真係肉就唔多 好鬼邪惡 連我都要投降吧😈 最敗北在d椰菜同蛋絲好硬好難食 好似有陣洗潔精味 同埋上菜時間都好耐 等左成20min

係荃灣想食個快lunch,行過見到呢間食牛肉飯的餐廳,細細間又唔多客係入面,就決定係度解決午餐.我地一坐低,睇左一睇menu就決定叫一碗芝士燒牛肉飯,一碗原祖燒牛肉飯同埋一杯凍檸茶.落單後好快凍檸茶就到左,但係跟住等左10分鐘啲飯都仲未上.係等的期間,間舖已經不知不覺咁坐滿晒客.再等多5分鐘,廚房終於開始出野,但都唔係我地叫的牛肉飯,而係遲過我地入坐同落單的小食同主菜.見到咁的情況我就問下侍應點解人地遲過我地都有得食而我地個飯都仲未出到,咁佢就走去問廚房,我聽廚房內面有人用普通話答”快要催死我了”,我聽到後真係火都黎,等左差唔多20分鐘都未有得食,仲要啲員工的態度咁差終於係我地決定左再過多5分鐘都仲未有就起身走人之際,兩碗飯就到了.芝士燒到表面有少少燶,雖然無拉絲,但都幾香口.牛肉唔太肥亦唔韌.牛肉與飯的份量適中,食完牛肉時啲飯都差唔多清晒.唯一不足係呢碗食無配蔬菜,食成碗就有少少膩.比起芝士燒牛肉飯,呢個飯個樣頹啲，而味道都較為清淡.除左牛肉,佢仲有啲蔬菜配搭,食得比較健康啲.可是牛肉肉質比較韌,整體感覺普通.總括來講呢間的芝士燒牛肉飯可以一試但就要預多啲時間等.