Wing Gor Kitchen

中秋節同屋企人食飯又去觀塘食私房菜 (第三間了)😂預先經openrice book位，之後有專人whatsapp菜單詳情俾我有套餐選擇或散叫項目費事麻煩，揀咗6位 $2688套餐🙈套餐入面都仲可以揀，好flexible《前菜》擺盤精緻，用日式木盤▶️ 本地水耕沙律菜伴芝麻醬將生菜同青瓜打成一個結，配上深煎芝麻醬同少少山葵，成件事好日式▶️ 榮哥自家甜酸齌 涼伴黑白木耳甜酸齌由麵筋整成，索入酸甜醬汁涼伴黑白木耳口感爽脆，帶少少麻油味第一次見白色木耳🤍▶️ 茶燻流心蛋伴黑魚子醬配厚切茄子茶燻流心蛋味道淡啲，不過蛋黃晶凝剔透成漿狀🥚厚切茄子特別🍆上面有啲粉粉地嘅嘢，下面係甜黑魚子醬，層次豐富《足料燉湯》每人可以自選一款，唔洗「跟大隊」▶️ 原盅燉川貝陳皮海底椰鱷魚肉湯▶️ 原盅燉姬松茸淮山甘荀黑毛豚肉湯▶️ 原盅藥膳龍躉骨鮮淮山湯▶️ 原盅燉哈蜜瓜螺頭黑毛豚肉湯我揀咗呢款，材料好足有熟哈密瓜🍈龍眼、黑毛豚脊骨、淮山上枱熱辣辣，飲落清甜黑毛豚脊骨好多肉😍似食緊清燉spare ribs《主菜》▶️ 黑松露醬炒花尾躉斑球配鮮露筍花尾躉斑球大大塊🐟肉質實正唔鬆散味道新鮮，配上濃濃黑松露香配菜有香菇同大量粗身露筍，咬落清脆▶️ 金流黃沙獻大虎蝦賣相好澎湃🤯按人頭計每人一隻底部係薯蓉，薯仔味重🥔入口幼滑，面頭焗到燶燶哋，好香脆😍大虎蝦巨型到成條龍蝦咁🦐肉質爽彈外殼佈滿流沙鹹蛋黃，勁惹味連殼食都得，好似軟殼蟹屋企人最鍾意呢度餸！▶️ 醬燒爽厚豚頰肉配柳丁汁青木瓜絲青木瓜絲用柳丁汁浸泡，加入檸檬汁，食落酸酸甜甜帶果味，好開胃😮厚豚頰肉用醬燒汁調味，經過慢烤肉質粉嫩，口感似豬頸肉咁爽彈🐷菜式帶有東南亞風味🇹🇭非一般豬扒▶️ 奶油日本小南瓜麵包盒好似人哋泰式咖喱包咁，超正正方方靚仔🍞日本小南瓜切條，又蓉又甜😍伴入草菇同三色椒，食食吓覺得好似食緊pizza🍕醬汁由南瓜同忌廉整成，似西餐南瓜湯同麵包好夾🎃食落冇咁乾個麵包勁好食！外皮烘焗到香脆，入面鬆軟煙韌又索汁係我最鍾意嘅菜式，出邊冇機會食到～可惜真係好大份同飽飽地，食唔晒又打包唔走🥺▶️ 招牌茶王燻雞佢哋招牌菜之一，多肉少骨外皮薄脆🍵帶茶葉煙燻香肉質鮮嫩滑捋捋，同時附有雞油雖然起咁多道菜式入面相對冇咁驚艷，但稱得上好食🐔▶️ 有機時令鮮蔬（魚湯)時令鮮蔬係菠菜，翠綠新鮮🥬上面有杞子，魚湯清淡味道較普通，勝在健康▶️ 大紅大紫炒飯配日本櫻花蝦第一次見又紅又紫嘅炒飯💜顏色來自紅菜頭，少女心爆發配料主要係紫薯粒，少見嘅配搭🍠健康得來又好食炒得乾身唔油膩👍🏻面頭有脆脆嘅日本櫻花蝦雖然大家食到尾都已經好飽，但最後只剩返少少🤣好勁《時令甜品》唔好睇小細細一個甜品，一樣咁多功夫外面係剔透嘅桂花啫喱，入面係白雪雪奶凍 淡淡桂花味配上牛奶香🥛唔甜且滿足到甜品口癮-係一個較fusion私房菜，唔淨止得中式元素又日式又有東南亞風味由前菜到甜品都好有驚喜🎖️無可挑剔最鍾意係「奶油日本小南瓜麵包盒」同「金流黃沙獻大虎蝦」賣相精緻，近乎Fine Dining份量好足，食到超飽🤰🏻最後打包咗薯蓉同少少炒飯環境以私房菜嚟講舒服企理，俾咗間房我哋，有私隱度又闊落地理位置方便，觀塘站D4出口行幾分鐘就到服務ok，上菜有次序且快手，差唔多一次過上晒主菜，唔需要等性價比唔錯，計埋服務費，平均$450/人免三支酒水費亦冇切餅費，適合嚟開party🍷中秋節仲有每位減$50優惠，滿$2400再送張$50超市禮券非常高質嘅私房菜😌屋企人全部都大贊好食，我自己都有意外驚喜除咗我哋都仲有三四台客，推介大家同朋友話屋企人過節嚟試～…Read More

今日跟太太一家人去九龍工業大廈三期其中一間樓上舖<<榮哥廚房私房菜>>食好嘢，這間店的位置相當便利:)，很容易搵到，在觀塘港鐵站D出口行過去，大概5分鐘去到，十分方便，現場十分清潔企理，店內有十數張枱，現場19:00左右，己經係坐滿約九成坐位。要預約。今日點了一個六人套餐，價錢櫃2218，現金付款不用茶介錢。沙律、黑木耳、枝豆、糖心蛋配茄子 共四個前菜，沙律十分新鮮，黑木耳爽口，糖心蛋的煙燻味吸引，另如果枝豆用蒜頭炒更為香口。主菜方面蜜瓜湯、清蒸杪巴龍躉、蒸蛋配龍蝦(略咸)、野菌帶露筍(推介)、招牌雞(推介)、野菌薈飯、菜苗。全部份量足夠，味道無得頂，這間值得推介。…Read More

約了好友選了一間私房菜吃晚飯，可以慢慢品嚐美食，又可以閒聊一個晚上。前菜是有機沙律菜伴芝麻醬將青瓜卷起沙律菜，賣相美觀，吃下去爽脆新鮮，蕃茄仔很鮮甜，這道前菜把我的食慾大大提高。茶薰流心蛋伴黑魚子醬配厚切茄子流心蛋中心部份很幼滑，把蛋薰得很有茶香，黑魚子醬給我驚喜，酸酸甜甜的配上厚切茄子，口感一流～湯品分面，原盅燉哈蜜瓜螺頭黑毛豚肉湯湯料很足，吃到螺頭、哈蜜瓜等材料，湯底清晰，味道十分鮮甜，滋補十足。原盅燉川貝陳皮海底椰彊鱷魚湯本人有哮喘底子，會多喝鱷魚湯，這個湯就剛好適合我了。蒜香芝士焗海外蠔王果然是蠔王，很飽滿，質感也很滑。黃金秘制香辣軟殼蟹，肉身很厚，軟殼蟹炸得剛好，不會過燶，特製醬汁酸辣濃汁也調得剛好～多士很香脆，沾上這個醬汁更很惹味～茶王燻法國鵪鶉沒有過乾，肉質比較厚實，也很入味。魚湯浸有機時令蔬菜魚湯很鮮味，蔬菜也新鮮。寶貝鮑魚仔極尚金牌福建炒飯色彩繽紛賣相很吸引，飯粒也炒至每粒都入粒，夠乾身。這頓我倆都很滿意，座位很舒適，環境安靜，台與台之間夠空間，我們也閒聊了好一陣子，過得愉快～～…Read More

放工和媽咪食好東西，今次我帶她來到榮哥食私房菜。餐廳位於觀塘工業大厦，鄰近港鐵站，步行約數分鐘便到達，非常方便。餐廳環境乾淨舒適，而且不會像其他酒樓般嘈吵。沙律菜非常新鮮爽脆，配上微辣的芝麻醬，格外醒胃。車里茄比外間的更清甜多汁，可能是因為有機的關係吧。枝豆咸咸的，木耳亦很爽口，不錯。流心蛋很嫩滑，茄子厚切，外層經過油炸，但一點也不覺得油膩，醬汁比較濃稠，配上本身淡味的茄子很夾。以下兩款湯都非常足料，滿滿的豚肉，蜜瓜的味道慢慢從湯中滲岀來，清甜十足；鱷魚肉滋補，海底椰川貝潤肺，燉過後鱷魚肉吃下來亦不覺得嚡口，好適合冬天飲用。皇帝蝦第一次吃，上枱的時候香噴噴，侍應貼心地提醒我們不要碰到碟邊，因為是非常熱的。蝦很大隻，大蝦中間切開，外層塗上一層蛋黃醬一起焗，蛋黃如流沙般流入蝦肉中，與蝦肉很夾，蝦肉非常新鮮彈牙，蛋黃流沙醬齒頰留香賣相很精緻。帶子大大隻，火喉剛剛好，肉質軟腍，鮮味十足。掏出後的南瓜肉再和青瓜，紅椒一起炒，爽口又清甜。炸至金黃，香脆可口，吃下還有啖啖陳皮香於口中散發蔬菜清甜又爽口，加上以蒜蓉炒，很惹味蒸飯粒粒分明，不會過硬兼過熟。加上紅糙米，增加口感。班片皮甘香可口，肉質嫩滑，非常新鮮。最後來的是薑水芝麻湯圓，湯圓軟糯，為這餐劃上完美句號。…Read More

經常喺觀塘工業區呢邊搵食, 因為你永遠唔會知入面隱藏左幾多間隱世美食🙈就好似呢間榮哥私房菜咁一入大門口就見到呢個蔬菜架, 有水灌溉緊架wor, 一定唔係裝飾咁簡單:)坐低望下周圍精美既裝修, 由於已經預約左, 今晚既餸菜已經特地為你安排左, 等食就ok 喇登登登櫈...!! 打頭陣既就係呢個本地有機沙律菜伴芝麻醬, d 菜勁新鮮, 就係用門口一直灌溉住既沙律菜做架頭盤有涼拌黑木耳啦, 青瓜啦, 仲有呢個特別推介既茶燻流心蛋伴黑魚子醬配厚切茄子, 先食左面頭香滑既流心蛋先, 再食埋下面個汁好正既茄子燉湯絕對係主打之一, 呢款原盅燉哈蜜瓜螺頭黑毛豚肉湯, 一飲落去勁鮮甜, 絕對唔係味精果種, 你會分別到個甜味係黎自哈蜜瓜, 加埋螺頭同豚肉, 令你欲罷不能第二盅係姬松茸淮山燉甘荀黑毛豚肉湯, 呢款一飲落去就知係好補身既藥材湯, 雖然佢有幾款中藥材, 但一d 都唔澀唔苦, 有營養之餘仲好好飲添食野喇, 先黎第一道菜, 蝦球水芙蓉, 水芙蓉原來係指豆腐好滑好香豆味, 蝦球又勁爽勁正跟住黎個士多啤梨豚肉伴草莓, 一向酸酸甜甜既醬汁配肉類都好醒神開胃, 呢款都唔例外如果京都骨係菠蘿既代表, 咁佢呢款就係士多啤梨既代表, 有淡淡既士多啤梨香味食埋下面件米通, 好香脆但唔油膩香煎北海道帶子海中寶, 原來就係呢件半蝦丸半墨魚丸, 蝦既份量好充足, 顯得蝦味香濃, 墨魚丸部分有充足墨魚粒, 食落爽口彈牙抖一抖食個菜先, 有呢款米王湯浸碧綠溫室菜苗, 將中間d 菜苗打散同d 湯撈均黎食, 菜苗既青草味加埋米王湯既大米味, 彷彿置身於田園中唔夠飽都唔緊要, 仲有個蒸飯, 荷香蒜蓉海斑片原籠蒸鴛鴦飯, 有紅糙米一齊煮, 好健康, 而且因為加左糙米, 口感方面唔會太淋, 有d 咬口, 配埋蒜蓉海斑片黎食可謂一濃一淡既配搭, 味道濃度恰到好處最後仲送埋時令甜品比你, 今日係西瓜加火龍果, 切好晒粒粒比你食, 最啱我呢d 懶人食生果喇…Read More

中菜 差不多每天都食 但想不到在觀塘工廈中找到如此別緻的所以就自訂了一個二人份的菜單先來是一個"有機沙律菜伴芝麻醬", 頭盤開胃清新, 最令人驚喜的是, 有一點點芥末味, 很提神的再來一個冷盤是"涼伴鮑魚菇 涼伴黑木耳", 酸酸味味, 爽脆好味"茶燻流心蛋伴黑魚子醬配厚切茄子", 糖心熏蛋富有茶香味, 入口微甘, 黑魚子醬微咸, 茄子煮得很軟, 黑魚子脆脆的, 互相沖擊口腔."原盅燉哈蜜瓜螺頭黑毛豚肉湯" 哈密瓜湯都是第一次飲, 想不到味道清甜, 入口即化, 燉湯的功不可沒! 螺肉等等用料都很足, 滋補的"蝦球水芙蓉" 蝦球很爽, 水蛋蒸得很香"蒜香芝士焗老外蠔王", ,平時本人甚少食蠔, 就怕腥味, 但今次十分有驚喜! 蠔王很有鮮味, 芝士味道很不錯, 又不太膩"遠年新會陳皮骨"第一次食, 好好食, 陳皮骨用了排骨 所以入口都是肉, 咬下去很軟, 骨上灑上了陈皮末,甜甜的,甘甘的,一點也不苦,齒頰留香"魚湯浸碧綠溫室菜苗", 重點竟然落在魚湯之上, 其鮮甜絕對令人難忘, 叫人不住地飲湯, 當然菜苗都很鮮嫩."荷香蒜蓉海班片原籠蒸鴛鴦飯" 海班片的味道, 魚油都滲透到飯裡, 面層的飯都被包裹了一層香氣, 只可惜魚肉太少, 飯又太多, 只好用魚湯伴飯.總的來說, 菜式是精緻的…Read More

係工業大廈搵食已經唔算係咩新奇事, 尤其係私房菜, 難得哈比有興緻想食私房菜, 就一於訂位去食啦!呢間私房菜係友人介紹, 地點唔算難搵, 裝飾佈局精簡, 門口有水種沙律菜及魚缸, 另有電視放映, 坐得算舒服!今晚食既係呢款精心配(每位$338, 另加一), 望落菜式都唔少, 事不宜遲...................可以起菜啦!由頭盤開始食起, 共有4款: 先由呢款有機沙律菜伴芝麻醬食起, 賣相紅綠配幾吸睛, 爽脆沙律菜配以芝麻醬, 中間亦食到少少芥末味, 當然為之醒神一番!繼而有涼伴鮑魚菇, 切成片狀伴以陳醋汁, 食落少少醋酸味, 幾開胃; 涼伴黑木耳, 被視為健康食物, 好多地方都有提供, 呢碟味道帶點咸味, 口感爽口!茶燻流心蛋伴黑魚子醬配厚切茄子, 半隻流心蛋放係炸過既茄子上, 口感一軟一脆, 茄子索左個濃味醬汁, 口腔內有蛋汁既香味同芫茜濃醬汁味, 食落超好味! 食私房菜又點可以無湯呢?! 呢客原盅燉哈蜜瓜螺頭黑毛豚肉湯 (位上), 上枱時仍然好熱, 正! 最喜歡食熱湯, 材料包括哈蜜瓜, 螺頭及豚肉粒, 夠晒足料, 咁足料啖湯點會唔飲到鮮甜味喎, 飲完都飽左一半LU..........哈!幅圖畫咁靚既就係叫做蝦球水芙蓉, 清蒸滑蛋配以一隻彈牙蝦球, 味道清清地, 彷彿為跟住落去既菜式作間場!蒜香芝士焗老外蠔王, 隻蠔真係幾大隻, 原隻連殼上, 中間以芝士一齊焗, 唯覺得芝士份量未夠, 做唔出一夾有拉絲效果, 亦食唔到蒜味, 但隻蠔食落就夠晒口感!冰梅黑豚肉排骨, 味道有少少似中式牛柳, 酸酸甜甜咁, 以鍋巴作底部, 黑豚肉既腍配鍋巴既硬, 一齊食口感夠晒豐富, 效果唔錯!呢款以鮮魚湯敖製既鮮魚湯浸碧綠溫室菜苗, 菜苗夠晒嫩, 食落爽脆, 個魚湯飲落真係好夠魚味, 成個配搭比人感覺好健康!食到呢度其實都已經好飽, 但都唔能夠錯過呢個荷香蒜蓉海斑片原籠蒸鴛鴦飯, 以紅白米作為鴛鴦飯, 粒粒分明又唔會油, 食落仲有少少荷葉味道; 有3蒜蓉海斑片, 肉質腍滑又帶有蒜香味, 份量足夠二人分享, 最後都食得晒............最後以精心甜鮮果匯併作飯後果, 夠晒健康!雖然呢餐私房菜無咩貴價食材, 但食物味道及選菜配搭都睇得出大廚既心思, 確係唔錯!…Read More

觀塘與黃竹坑一樣，隨著時間不斷發展，工廈漸變成商廈酒店，同時亦有不少特色商店及餐廳進駐。是日到訪的榮哥廚房私房菜，開業於官塘工業中心三期，不是友人介紹的話也較難發掘得到。 私房菜的門面用上簡潔的長條木板作牆，並以數盤綠葉盤栽作陪襯。店內是一般中菜館的格局，不賣奢華，只賣師傅手工。 菜式方面，以傳統手工中菜為主。一如其他私房菜，餐單雖提早選定，方便師傅準備食材，保證用料新鮮。平日的餐前小吃，多是花生乾果一類。今天的前菜小品，則是兩道以酸爽口感為主的冷盤。自家製醒胃三蔬以紅蘿蔔、白蘿蔔及青瓜這三蔬切條組成，層層疊疊外觀甚有層次感，食感酸脆開胃。 涼伴黑木耳的味道雖沒有三蔬般濃烈，但其天然清爽的口感仍能得到筆者的垂青。細周生更對黑木耳情有獨鍾，個人一氣完成大半碟。餐廳近入口處設有一個栽種新鮮菜蔬的排架，菜蔬賣相翠綠吸引。亦因如此，筆者對這道有機沙律菜伴芝麻醬甚有期望。以中菜館來説，能製作出如斯高質素的菜蔬沙律實在難得。有機沙律菜非常新鮮，本味清爽泛甜。芝麻醬亦不是一般的現成貨，細味能吃得出芥末的辣感、黑醋的酸香及麻醬的惹味。 茶燻流心蛋伴黑魚子醬配厚切茄子亦屬一道細緻的菜式。流心蛋火喉控制甚佳，蛋汁豐盈，蛋白亦毫無保留地透出絲絲茶燻香氣。茄子輕輕經油泡過，外脆內嫩，蘸點秘製帶辣的醬油吃有不錯的風味。清酒南非鮑魚以慢煮形式烹調，以確保鮑魚的軟嫩感。及後的冷凍處理，更為鮑魚帶出一份额外的彈爽。清酒向來是鮑魚的好夥伴，酒香力度適中，沒有喧賓奪主的情況。原盅燉哈蜜瓜螺頭黑毛豚肉湯是一道非常好喝的湯品，湯汁敦厚火候十足。在哈蜜瓜及螺頭的引入下，清甜味道毋庸置疑。黑毛豚肉縱使經過長時間燉煮，肉質鬆軟感仍保持在可接受範圍。原盅燉川貝陳皮海底椰鱷魚肉湯是另一款時令湯品，微微帶點藥膳味道，溫熱滋補。兩款燉湯比較，還是相對簡單平實的螺頭豚肉湯較受歡迎。 蝦球水芙蓉是一道考驗廚師蒸煮功力的菜式，成品結果亦沒有令人失望，蒸蛋白做得非常白滑。既然是出水芙蓉，「水」當然不能少。細心品味，湯汁味道輕輕帶甜，色澤泛橙。正當筆者躊躇是南瓜或甘筍製成之際，店員直接揭開謎底 (甘筍)，即時解決筆者的煩惱。至於蝦球，口感爽勁，但鮮甜味道不足，不及下方的水芙蓉美味。遠年新會陳皮骨是一味懷舊小菜，廚師以優質陳皮磨碎醃肉，離遠已能嗅到果皮幽香。送口品嚐，甘甜的陳皮味道源源送出，與豚肉肉香相當匹配。排骨用上黑豚肉，先天質素上有一定保證，加上排骨瘦中夾肥，效果鬆軟。翡翠苗口味青葱，不是人人也喜愛這份原始味道，但只要在芡汁上多花工夫，有益健康的翡翠苗同樣可成為人見人愛之物。廚師深明此理，所以以大量紅立魚肴出白滑魚湯，製成這味魚湯浸碧綠溫室菜苗。吃時記緊不要遺忘喝一口濃郁甜美的魚湯才好！荷香蒜蓉海斑片原籠蒸鴛鴦飯是一道富驚喜的主食。海斑片選材新鮮肉厚，難得是經蒸煮後仍保滑嫩，魚味甚濃。蒜蓉向來是筆者喜愛之物，用以為斑片調味固然舉腳贊成。飯底以白米、紅米及微量醋米混煮而成，既富口感又健康。魚汁、蒜蓉與荷香同一時間盡浸蒸飯之中，效果可口，建議慢食才出韻味！ 甜蜜美滿慶團圓內含兩款甜品，金黃色的炸薯波一出場已被受兩隻小鬼注目，出品熱辣燙嘴，脆口煙韌，餡料泛紫帶甜味道不錯。另一款甜品是蕃薯糖水，製作平穩，為飯餐來個甜蜜終結。 整體來說，餐廳的食品頗有水準，手藝傳統見功夫，以人均消費三百元起計，定價合理，下回可與家人前來共吃！ …Read More