Eat Together (Queen Victoria Street)

經常經過這店，開了很久，看來好像不錯，便找一天和太太進去晚餐。無奈食物不符預期，牛肉麵有點酸宿，不太食到牛味，也不太覺得有辣味。牛肉份量一般，牛肉都算淋。好的是麵的份量還可以，但吃落有點油，都飽肚。鰻魚飯還可以，饅魚夠長，夠彈，味道亦都足夠；飯也不錯，很有飯香。而且有醃蘿蔔和菜，有台灣的味道。兩個餸都很快就送上，但都不熱⋯另外店內較大空間的地方還有座位，但店員卻為方便收工而安排我在狹窄的一邊座位，即是要求亦只稱不可以，實在令人失望。…Read More

餐廳：一起食堂地點：中環域多利皇后街（中環街市隔離）菜式：台式飯堂餐牌：餐牌簡單一張紙，有麵，飯，季節限定菜式，小食，飲品同甜品，自己剔紙落單。冇收加一。紅燒牛肉麵 $89紅燒牛肉麵大大碗，牛肉有4大件，整得好腍而啖啖肉，中間有少少筋，骨膠原感重，只係有好少肥膏。仲有少少碎牛。個麵係烏龍麵，烏龍麵其實好似烏冬，非常之滑溜。配有大大舊香甜紅蘿蔔同白蘿蔔各一，仲有一條新鮮小棠菜，另外灑上蔥花同鹹菜。個湯完全唔油，味道少少微辣同少少微甜，唔錯。原條蒲燒鰻魚飯 $139原條蒲燒鰻魚飯真係超大條原條，鰻魚上面灑上好多紫菜絲，白芝麻粒，飯素同葱花。重點係鰻魚質感，非常彈牙，而且好厚肉，大大滿足！飯量唔少，而鰻魚汁好多，完全夠撈飯。伴有一隻溫泉蛋，整穿隻蛋再蛋汁撈飯就更正。配菜有1條小棠菜心同兩片蘿蔔漬物。另外跟左一碗白蘿蔔芹菜清湯。喜愛鰻魚人士必食！兩個主食都跟有3格小食，非常豐富！分別有中華沙律，迷你甜番薯三條，同忌廉泡芙。迷你甜番薯真係又腍又甜，好味。忌廉泡芙大大粒，入面忌廉又多又滑，可以清味蕾。吉列炸蠔 $48 另外叫左一份小食。吉列炸蠔一客4件，熱辣辣上枱！吉列炸皮香脆，厚薄適中，入面蠔肉多汁，伴有沙律醬。午市升級組合加$12有迷你芋圓仙草凍或者$25以下飲品。芋圓仙草凍（迷你） 跟餐加$12迷你芋圓仙草凍有3色芋圓8粒，配有仙草，加上香滑淡奶，份量係成個飯碗。芋圓超飽肚，仙草滑溜無怪味，淡奶唔甜，食完真係超飽！呢間飯堂真係抵食，食物好食，上菜快速，實有下次！…Read More

星期五Happy Friday，午餐去左中環街市附近既一起食堂食返餐經濟午餐。呢度地理位置都好方便。難怪兩點都仲係滿座！一如既往，餐牌簡單一張紙，不過選擇都唔少，有麵，飯，季節限定菜式，小食，飲品同甜品，自己剔紙落單。呢度冇收加一。今日叫左兩個主食同兩款小食分享，仲有甜品！特濃豆乳雞烏龍麵 $89呢個特濃豆乳湯勁香豆乳味，又滑又香，不過唔會太甜，飲完都唔口渴，果然養生。烏龍麵好似烏冬，非常滑溜，個豆乳湯令麵條更香，真係好配烏龍麵。雞其實係醉雞卷，一共有4件，雞皮又薄又滑，雞件帶少少酒味，肉都唔韌，好有台式風味。另外都有兩大塊腐皮，貫切返特濃豆乳呢個主題。配菜有3條小棠菜心同蔥花。呢個特濃豆乳雞烏龍麵的確好健康。原條蒲燒鰻魚飯 $139原條蒲燒鰻魚飯係超大條原條鰻魚，暖暖地上枱，食落彈牙啖啖肉，上面更灑上好多紫菜絲同白芝麻粒，加上豐富鰻魚汁，撈飯一流。呢個係少飯份量，不過飯量都唔少。伴有一隻溫泉蛋，整穿隻蛋蛋汁撈飯就最正。配菜同樣有3條小棠菜心同兩片蘿蔔漬物，仲有少量蔥花。另外跟左一碗胡椒白蘿蔔清湯，飲完都唔口渴。兩個主食都跟有3格小食，分別有枝豆，忌廉泡芙同黃豆粉蕨餅。忌廉泡芙大大粒，入面忌廉又多又滑，可以清味蕾。黃豆粉蕨餅質感係高質蕨餅既口感，味道唔膩。吉列炸蠔 $48 最鍾意呢個吉列炸蠔小食。炸蠔一客4件，炸皮香脆，厚薄適中，入面蠔肉多汁，伴有沙律醬可稍稍降溫。鹽酥雞 $38鹽酥雞份量勁多，全部都係一口份量，可以一啖食哂。熱辣辣上枱，炸皮非常脆，而入面雞肉都算嫩，食落好酥脆，味道帶少少辣。午市升級組合加$12有迷你芋圓仙草凍或者$25以下飲品。迷你芋圓仙草凍 加$12迷你芋圓仙草凍有3色芋圓8粒，配有滑溜無怪味既仙草，加上香滑淡奶，味道完全唔甜，食完可以清左把口嘅油膩感。咁大碗，真係好抵食！今餐勁飽，食物好食，價錢實惠，服務員態度友善，上菜又快，絕對係中環效率。…Read More

花雕麻油雞湯麵 $89麵條烏冬質地，口感彈牙。湯底充滿藥材香味，味道清甜，入面有紅棗、龍眼、杞子同冬菇，再加埋附送一小杯既花雕酒，藥材味道更濃更好食。醉雞卷有4件，肉質嫩滑👍🏻原條蒲燒鰻魚飯 $139大大條原條蒲燒鰻魚上面鋪咗啲紫菜味素，令鰻魚味道更豐富。飯入面有鰻魚汁，飯量偏多，一個女仔食唔哂。原條蒲燒鰻魚飯配有一隻溫泉蛋，配埋紫菜味素同蔥花一齊食，好好食！飯跟一碗胡椒白蘿蔔清湯，味道清甜，飲完唔會覺得口渴～吉列炸蠔 $48炸蠔有4粒，金黃色香脆外皮包住多汁既蠔，沾埋沙律醬食，正～仙草冬瓜茶 $24甜度適中，好解渴～芋圓仙草凍 +$12一碗有齊三色芋圓、仙草同花奶～ 芋圓煙韌，仙草Q彈，加埋花奶食，呢個組合唔錯👍🏻📍 一起食堂 (域多利皇后街) (中環)中環域多利皇后街2號地舖…Read More

放工既時候已經又攰又餓😴 所以直接系中環醫下肚 之前都食過呢間台灣野吾錯 一於encore下先🍛原條蒲燒鰻魚飯 $139睇賣相都知不得了啦 大大條鰻魚😋$139咁大條都幾抵食面頭有紫菜絲同飯素 連埋鰻魚汁同旁邊既溫泉蛋 非常岩送飯 放工之後食真系好滿足☺️🐣花雕麻油雞麵 $89烏龍麵順滑彈牙湯底好藥膳有紅棗杞子桂圓雞肉去左骨卷成雞卷 肉質結實花雕酒分開上 可以按個人喜好落 就算吾落湯底都夠味🍢花枝丸 $38炸醬幾薄加埋胡椒鹽調味好好食🥬肉燥燙青菜 $28魯肉汁吊下味 健康得黎吾會好dry👍🏻💭餐廳上菜速度好快 岩曬講求效率嘅香港人🤪 而且味道好 鰻魚飯真系正🏅無論係食lunch定食dinner都係好選擇呀🙆🏻‍♂️…Read More

餐廳主打台灣和日本的便當，位於中環地舖位置，適合附近的上班一族。牆壁上掛了各部台灣電影的海報，充滿文青的感覺。有些還是我讀書時期看過的電影啊～滿腦子的回憶頓時浮了起來。職員很友善啊～雖然這裏沒有收加一服務費，但服務都不會馬虎呢～♡花雕麻油雞湯麵$89 🥢必點🥢麵原來是烏冬來，彈牙好吃啊！而花雕是另外有一個小容器裝着的，可以按個人口味來添加。湯底很香濃，內裡有冬菇、杞子和去了核的龍眼以及紅棗，感覺十分養生滋補。而主角麻油雞肉質軟腍，口感幼嫩，十分入味，而且沒有骨，啖啖肉的呢！♡原條蒲燒鰻魚飯$139 🥢必點🥢附有蔥花的湯～賣相已經十分吸引啊！原條的蒲燒鰻魚，整條都佈滿光亮的燒汁，鰻魚肉質軟腍入味。鰻魚上有紫菜和芝麻，加上溏心蛋，配飯好好吃呢！♡鹽酥雞$38台灣菜的必點小食啊～炸得很香脆，炸粉也不會太厚。♡愛玉荔枝綠茶$24平日喝珍珠奶茶比較多，這次想嚐嚐清新一點的茶飲，所以選了這款綠茶。味道不會太甜，並帶有荔枝的香味，內裡還有愛玉，味道不會單調呢～♡芋圓鮮草凍$38 🥢必點🥢有芋圓、紫薯圓、地瓜圓、仙草和紅豆，上菜時嚇了一跳啊！😆超級多的份量，碗已經是大大的碗，還要放得滿滿的，兩人份量都不成問題！不要以為只是份量多，味道也很出色呢～芋圓等的都煙韌有口感，而且很大粒。這個價錢有這個份量非常划算，絕對會再吃！由於我向職員大讚這個芋圓，職員告訴我午市加$12就可以有一碗迷你版的。有機會午餐時過過口癮都不錯😍✖️餐廳不設加一服務費 …Read More

今日好忙碌，收工之後係中環食埋晚飯先走，黎左中環街市附近經濟抵食既一起食堂。餐牌簡單一張紙，有麵，飯，季節限定烏龍麵，小食，飲品，同甜品，選擇都唔少。冇收加一，自己剔紙落單。今晚一行二人決定叫兩個主食同兩款小食分享，好快就有野食啦。原條蒲燒鰻魚飯 $139原條蒲燒鰻魚飯果然大大條原條鰻魚，上面灑上多多紫菜絲同白芝麻粒，食落彈牙啖啖肉，而且有豐富鰻魚汁。下底好多飯，仲伴有一隻溫泉蛋，一大條小棠菜同兩片蘿蔔漬物，最後灑上蔥花。食完超飽。呢個飯仲伴有一個胡椒白蘿蔔清湯。紅燒牛肉麵 $89一上台就聞到紅燒牛肉麵好香既牛肉湯味，但係飲落完全唔油，個湯飲落甜甜地。牛肉有5大件，肥中帶腍。蔬菜有大大舊香甜紅蘿蔔同白蘿蔔各一，仲有一條新鮮小棠菜，另外灑上蔥花同鹹菜。個麵係烏龍麵，烏龍麵其實好似烏冬，非常之滑溜。吉列炸蠔 $48 吉列炸蠔一客4件，炸皮香脆，入面隻蠔多汁又大隻，伴有沙律醬。貢丸湯 $18貢丸湯 一客3粒貢丸湯，貢丸都彈牙，味道正常，上面加上蔥花。平日夜晚7點幾都滿座架。當然啦，價錢實惠！呢度中環wor!…Read More

上次喺觀塘食過呢間以台灣電影為主題嘅台日飯堂，覺得幾唔錯點知行完中環街市，發覺隔離都有間分店，正好為文青之旅作結上次想食鰻魚飯，俾胃民阻止咗，今次一炮過嗌原條鰻魚飯，真係好好好巨呀，就算係大胃食，勉強先食得晒，上面鋪滿大量飯素，更添滋味呢間嘅湯烏冬都唔錯，係店家推介，三寶牛肉有牛腱、牛丸同牛肋條，全部肉質都好彈牙同埋腍身紅燒湯唔會鹹，可以飲上一兩啖，仲有大大嚿紅、白蘿蔔，一樣煲得好腍大胃心血來潮想食蠔，呢度有炸蠔，炸得好脆身，一咬蠔香溢出，食完繞喉三日蝦捲唔好睇佢細細份，驚喜之作嚟㗎，冇諗過蝦肉可以咁軟綿可口，啖啖充滿激情上次試咗佢個芋圓仙草，今次試個抹茶蕨餅，超Q彈的說，仲有勁多甜甜的紅豆嘢飲都有好多選擇，有熱飲亦有凍飲其中呢杯仙草豆漿好特別，令人懷疑究竟夾唔夾，原來又真係得㗎喎…Read More

同朋友入了南丫島散心，果然可「暫且抛開煩腦事，細味島上悠閒天」。乘船到中環已六時多，當然要盡興一點，吃埋晚餐才歸家。最後大家就在「一起食堂」一起吃飯。裝潢簡約平實，掛上一個個藤製燈籠，有日台灣風。看看四處牆身，掛上一幅幅台劇海報，「那些年，我們一起追的女孩」，「海角七號」、「練習曲」等等，雖已不是盛行的台劇，但卻令人細味....一邊有幾張二至四人枱，另一邊是面牆的單人高枱，入一點就見到半開放式的廚房，地方不大，枱與枱空間不多，大家要坐得親密一點。每枱都插了餐單和點菜紙，清晰簡單。分別有麵、便當、小吃、甜品和飲品。***************************友人點了一客三色海鮮茶漬飯 Crab Oyster & Fish Seaweed Rice w/Soup ($109)，雖命名茶漬飯，但就唔係注入茶，就如英文翻譯一樣“w/Soup”，是似湯飯。飯面灑滿飯素，上枱時半浸着湯，旁邊伴着四隻廣島蠔、一些蟹肉和三文魚籽。友人話如果將晶瑩剔透的三文魚籽放在飯頂，相信賣相會更吸引。先嚐廣島蠔，體積中等，但肉厚肥美，肉質鮮嫩兼富蠔汁，不錯! 把飯素跟米飯拌勻，伴着湯和鹹鮮的三文魚籽同吃，米飯入口濕且微暖，帶微鹹。***************************原條蒲燒鰻魚飯 Upgraded grilled eel w/rice（$139）是本店推介菜之一，果然無令我失望。原條長長的鰻魚沾滿鰻魚醬，色澤亮麗，面頭灑上紫菜絲，好吸晴！還配有溫泉蛋、日式蘿蔔、小棠菜和蔥花，賣相吸引！鰻魚相當墜手，難於挾起，真的很有份量。肉厚肥美，肉嫩帶少少柔韌，味道香濃，跟米飯和滑嘟嘟的溫泉蛋同吃，就最佳的配搭，正！再吃片酸配地咪咪的爽脆醃蘿蔔，再喝啖碗蘿蔔湯，以中和魚油的油膩感，配搭合宜。***************************點了一客小吃共享，滷牛腱($48)約有六七件，每件都算厚切，煙韌的牛筋與腍嫩的肉質相間，得挺有嚼勁，若然鹵得入味一點就更理想。***************************另一客小吃是肉燥燙青菜 Vegetables w/braised pork（$28）。翠綠清爽的油麥菜面所淋上應是鹵肉，肥膏佔多，配埋炸蒜片，味道鹹香。***********************友人揀了杯仙草冬瓜茶Winter melon tea ($24)，仙草滑嘟嘟，味道甜。而我就要杯熱菊香黑枸杞茶 Hot Chrysanthemum black tea ($18)，貪佢是花青素含量最高的野生植物，保健價值高，配上清香甘甜的菊花，順喉解膩，飯後來一杯最適合不過。------------------------------吃完這頓台日晚餐，真係好掛住台灣和日本，好想好想飛一轉，不過來緊的聖誕之旅也不是去這兩個地方，咁究竟我會去邊？大家繼續留意我的食評，或許會透露。…Read More

今日和朋友往中環一起食堂食台灣菜, 我們點了台灣土雞肉飯, 原條蒲燒鰻魚飯、貢丸湯、烤台灣香腸、仙草豆漿和黑糖薑母茶。台灣土雞肉飯雞肉肉質鮮嫩, 菜食落新鮮爽口、黃蘿蔔食落開胃、蛋好香濃蛋香, 飯食落軟綿配上自家醬汁食落十分夾, 湯鹹度適中,整份台灣土雞肉飯份量足料, 口感十足；原條蒲燒鰻魚飯鰻魚燒得肉質鮮甜, 燒烤醬汁食落醒胃, 配上酸酸甜甜的小黃瓜和紫菜碎, 食落惹味而不感到油滯；貢丸湯貢丸食落彈牙, 湯底有味菜和炸蒜片, 湯底味道香濃,口感十足；烤台灣香腸, 食落熱辣辣, 煎得香脆可口,入口甜度適中, 食落香脆；最後仙草豆漿豆味香濃, 仙草爽口；餐廳座位舒適, 有很多台灣電影海報, 很有特色, 而且食物美味,價錢合理, 我和朋友食了一頓好味台灣菜。…Read More

在中環上班的我剛好也有朋友在附近上班約在一起食台式便當，朋友在此店剛開業食過一次但只有鹵肉飯提供 現在食物款式多了，但餐牌上原來有些食物已不再提供了有下午茶餐提供可加小食配上豆漿，這天我朋友還要上班唯有order單點，份量可以撐到晚上餐牌紅燒牛肉麵 $89麵用上烏冬，麵質不太淋有咬口 配上清清的鹵水醬油湯底牛肉炆得比較入味，肥瘦均勻 原條蒲燒鰻魚飯 $139飯上配上酸蘿蔔，半熟溫泉蛋，紫菜絲原條的鰻魚真的很邪惡，口感鬆軟嫩滑 鹽酥雞 $38炸得很香口，外脆內肉質juicy份量滿多 還可以向職員拎沙律醬酥炸地瓜條 $38地瓜是蕃薯，每條蕃薯都切得很粗 食落外脆內甜甜的，是非常飽肚的一款小食黑糖薑母茶 $18黑糖配上新鮮的薑粒，飲落不太甜桂花雪梨茶 $18芋圓燒仙草 $35有3色芋圓， 煙韌原來選擇了熱食就沒有了花奶，個人喜好花奶仙草已經遇熱溶在水了 所以飲落湯是仙草味道，滿特別的味道 賣相 衞生 服務 抵食 推介 …Read More

中環食咩都貴，又要好味又要價錢合理，我相信一起食堂係一個唔錯嘅選擇。餐廳提供靠牆位同四人座位，想自己面壁思過都得，同朋友一齊坐又得，得左！天花掛上印上餐廳名字既燈籠，可謂幾特別。台灣土雞肉飯雞絲偏瘦，不過夠味。分量亦多，幾乎鋪滿曬啲飯，滷蛋亦幾入味。原條蒲燒鰻魚飯賣相已經先聲奪人，原條鰻魚長過嗰碗而且厚身，肉質不會過於軟腍，有肉感，餐廳以流心蛋代替醬汁，別有另一番風味。係唔道套餐跟湯既情況下叫左貢丸湯，不過錯有錯着，貢丸加左香菇，爽口彈牙，豬肉味幾香。小食方面，鹽酥雞幾香脆，口感唔會太粉，份量相當充夠。烤台灣香腸食落唔太油膩，外脆內軟。我同女友分別叫咗仙草豆漿同蘆薈桂花雪梨茶。飲品唔係即沖，不過味道還可。由於晚餐既關係，我地食得豐富啲，總共一湯兩飯兩小菜。如果平時係中環返工可以下午試下呢間，$60、70既價位相信係中環算不錯。…Read More

中環地段貴就人所皆知，但係原來都有平民高質食市鍾意食台灣菜的朋友，就絕對要黎試下👍🏻環境簡約，冷氣非常夠🌠原條蒲燒鰻魚飯 $139🌠原條巨型鰻魚躺在鰻魚汁飯上面，旁邊有隻流心蛋，蛋漿伴飯再加上鰻魚汁及少許蔥花，味道絕對令人非常滿足👍🏻鰻魚非常入味，塗滿甜甜的燒汁再加上紫菜及飯素，好味😋鰻魚肉嫩骨軟無腥味，正🎇酥炸地瓜條 $38🎇地瓜條熱辣辣，唔會好乾身， 能夠保留地瓜本身嘅甜味， 幾唔錯嘅小食✨炸花枝丸 $38✨炸花枝丸有墨魚香味， 少少煙韌嘅感覺，外皮有調味粉🌌魯蛋 1隻 $12🌌鹵蛋非常之入味， 外層唔會硬掘掘，配飯一流🎆牛油清酒煮巨蜆 3隻 $72🎆清酒煮蜆最緊要就係嗰陣 酒精揮發後嘅甜味，呢個清酒煮蜆帶少許蒜香味 ， 巨蜆無沙且鮮甜，肉質嫩口，好好食✨貢丸湯 $18✨最後必須為大家推介呢一個 貢丸湯， 貢丸肉汁多， 而且非常之彈牙， 彈牙嘅程度我諗同乒乓波差唔多😁👍🏻忍唔住再添食左多一碗總括嚟講， 呢間喺鬧市中嘅餐廳， 價錢都幾親民，味道又唔錯，行過路過都可以試一試…Read More

星期六晚，諗唔到食乜嘢，朋友就推介左呢間餐廳。我哋特登搭車去中環站，由地鐵站行過去都係10分鐘之內，交通非常方便。鋪頭嘅門面細細地，但入到去即刻有驚喜：藍色格調嘅牆身，配合木質嘅擺設， 10分有渡假嘅感覺！！個人即刻放鬆晒，忍唔住影咗幾張相，扮去咗日本！朋友推介左「原條蒲燒鰻魚飯」，同埋「蟹肉茶漬飯」。係中環黎講，日式晚餐仲可以做到$100樓下真係好難得！佢嘅「蟹肉茶漬飯」，雖然只係買$89 ，但係真係啖啖蟹肉，材料十足！茶湯應該係用柴魚高湯，味道鮮甜得黎又唔會太濃郁。如果嗰日想食得清淡啲，可以考慮試吓嗌呢個。「原條蒲燒鰻魚飯」雖然賣得貴啲，要$139 ，但係佢嘅鰻魚真係好厚身，以呢個份量黎講，都係算好抵。咁厚身嘅鰻魚要燒得好唔係咁容易，但係佢都可以做到魚肉嫩滑鰻魚汁味道亦啱啱好呢間鋪頭價錢合理，食物質素又好，誠心推薦比喺中環嘅朋友試吓！…Read More

當晚，我們一行4個女生，走到中環域多利皇后街的台式食店 <一起食堂>！舖位深而長，木餐桌椅為主！以中環區來說，這裡的台式美食算抵嘞！仙草豆漿 $24這杯健康特飲很快便送上來！ 只是比室溫稍為凍一點！仙草既大件又好軟滑，整體味道剛剛夠甜！牛油清酒煮托托蜆烏龍麵 $118烏龍麵即是烏冬，口感煙韌掛湯！托托蜆好大隻又鮮美！湯底加入大量蒜粒，蒜香洋溢！鮮味滿載！如果，略嫌不夠食的話，還可以另點一份牛油煮托托蜆，只需 $72/3隻！三色海鮮（蟹肉、廣島蠔和鯛魚）茶漬飯 $108三種口味海鮮各自帶出其獨特鮮味！ 飯及湯底吸收其鮮味，食出滋味！原條蒲燒鰻魚飯 $138原條蒲燒鰻魚用料十足，單看賣相，足以令人滿足！ 甜美的醬汁，把飽滿的珍珠米飯，提升味道層次！刈包 $38我點了這款特色美食，雪白軟熟的刈包，夾住大大件厚層脂肪的豬腩肉，令我難以抗拒呀！ 加入味菜增添風味！鹽酥雞 $32既香脆又乾身，做出水準！炸花枝丸 $32夾雜章魚粒，彈牙之餘口感亦豐富！芋圓燒仙草 $35 & 芋圓仙草凍 $38冷熱之分別，在於仙草熱食便在糖水裡失蹤了！ 然而，凍食的話，芋圓...也是相對較為煙韌！同時，凍食會加花奶，口味跟熱食與眾不同！…Read More