PARADISE DYNASTY (Citygate Outlets)

最近去咗東涌行下名店倉之外，亦都去咗樂天皇朝嘆番個下午茶 🥢原味皇朝小籠包湯汁飽滿，外皮有18層精巧摺疊，口感軟彈 ✨️蘿蔔絲酥餅一咬入口，酥皮好鬆化！蘿蔔絲餡用料足，整個酥餅都有滿滿蘿蔔絲，味道清新，脆口好食，很推介一試～龍華素鴨醬汁入味，食落開胃，配上薑絲及辣椒醬享用，更為惹味！炸刀切小饅頭外脆內軟，木樨肉炒拉麵可以選擇走肉及雞蛋，貼心提供不同素食者嘅選擇～ #SandyFoodies #樂天皇朝 #八色小籠包 #小籠包 #美食 #Food #HKFood #美食分享 #香港美食 #香港 …Read More

Outlet買完嘢過左黎醫肚，都幾鍾意呢間，環境好似較開揚。佢地嘅招牌小籠包，有好多款。通常眼球第一時間就比佢餐牌嘅「八色小籠包」吸引，但今晚我地兩公婆，食6粒都好夠，所以叫左普通嘅原味。味道方面，質素穩定，皮薄有湯汁，點點醋當小點心食確係唔錯。我食上海菜經常會點嘅糟溜魚片，呢度件數不多，但每件等於平時一般食肆食到嘅大size d，而且好有酒香甜，好味。蝦仁酸辣湯拉麵勝在滿足飲酸辣湯同食拉麵嘅慾望，不過不失，但抵食。…Read More

樂天王朝啲小籠包一直都好出名，今日同朋友去到東涌就再食！ 首先乜都唔好講叫咗一籠原味小籠包啲皮依然夠薄有彈性，因為佢係出名有18摺，薄得來有咬口🥰啲湯汁都係好好味，趁熱咁樣索曬真係好正～跟住我哋叫咗豬骨湯年糕，呢個清清地幾好食，同埋佢啲菜用過豬油炒完再浸落熬製嘅豬骨湯，飲落好香口，但係唔肥膩，啲菜都好爽口～唔會太腍～ 同埋重點係年糕煙靭，又有蔬菜配搭，健康又美味！跟住仲叫咗個炸饅頭，同埋蟹粉鍋貼，兩樣嘢都好好味🤤 我好鐘意個炸饅頭配埋煉奶一流🤤仲有一個辣子雞，都唔錯的，不過可能呢間舖主要都係食小籠包比較多，所以辣子雞就OK啦～值得一讚嘅係呢度個經理好好人，會過嚟關心吓你，同埋啲員工都服侍周到，下次嚟食都會再推薦呢度～…Read More

今日追🐷追到入東薈城。星期日一如以往，超多人。 樂天都要到tea time 先有位。當然要 order 王牌美食：小籠包。擔擔麵。聽說 酸菜魚也不錯，就試一次。小籠包 🥘 不錯，其實有很多不同味的。最後只點了原味，皮薄多汁，味道好。擔擔麵 🍜 期待已久，香味濃郁，但我本人就覺得不夠辣。酸菜魚🐟，魚肉夠滑，味道也不錯。…Read More

每當小籠包癮起嘅時候就會去樂天皇朝止癮，佢嘅小籠包皮薄多汁有保證，$62 有6粒，仲有八款味道可以選擇。除咗小籠包，呢度嘅拉麵亦都好出色，質地滑溜有嚼勁，今次叫咗蝦仁酸辣湯拉麵（$68），酸辣開胃，調味剛好，湯底亦不會太稀太稠，份量亦都算大碗，價錢實惠。冷盤叫左四川夫妻肺片（$68）- 呢個冷盤每次都保持水準，川辣味夠香夠麻，辣得好過癮。另外試咗京醬肉絲（$90），同北京填鴨嘅食法一樣，味道口感亦都相似，肉絲味道香濃伴有京蔥，份量多，本身跟六塊皮，如果再多兩塊皮就perfect ~ 整體嚟講樂天皇朝喺唔同分店食都保持水準，環境寬敞，上菜速度快，值得一讚👏🏻提提大家如果外賣自取仲有八折，方便嘅話買返屋企慢慢嘆就可以更加經濟。…Read More

工作上少不免一些忙碌，所以會選擇吃好點慰勞自己。今日dayoff，但又不想走太遠，去了附近商場找餐廳吃午飯。可惜，東涌選擇少，好吃的餐廳更少，最後決定選擇了上海菜。平日較靜，餐廳環境甚是舒適寛敞，坐於沙發雅座。外婆紅燒肉：肉質肥美嫰滑，而且肉汁飽滿，入味非常，口感豐盈，動之食欲。原味小籠包：一上枱非常熱，仙氣十足，皮薄汁多，令人垂涎三尺。員工態度友善，亦很快refill熱茶，最後兩人捧腹離開。…Read More

返工前約同事食午餐，呢間新加坡上海菜都幾出色，無訂位去到即刻入座！桌椅沒有很中式感覺，只係牆上畫作有點中式感，桌椅唔迫，店員比咗個卡位我哋兩個人，勁闊落，店家每枱都有網袋放手袋👜，食物都係大路上海菜，沒有午餐全部散叫！前菜（$15）都是我喜歡的，花生、菜脯、栗子，微鹹醬油味入味，好味醋醬海蜇頭（$78）就是喜歡海蜇頭嘅韌嘅咬勁，醋酸醃的剛好，入味不過鹹，海蜇頭都很完整很美！正！👍🏼菜肉雲吞湯（$58）奶白色嘅湯，味道偏鹹，有點味精湯嘅味道，雲吞皮是上汴式較厚，幸好都滑，菜肉餡唔乾，菜比肉多，ok原味小籠包（$62）雖然呢間餐廳人氣菜色是彩色小籠包子，但小籠包我都是喜歡原味，皮薄多汁，加黑醋食好味，豬肉餡打得滑，好味（但要趁熱食，我最後一隻冷一點就黏底破皮漏湯了，頭兩隻熱時是無事的）上海炒年榚（$85）份量不大，自己喜歡年榚片多過麵條，因為煙韌米香，索了濃甜醬油更好味，配菜旺菜及肉片（自己對旺菜一般，若是椰菜會更好）肉片肥瘦相間，有油香好味，整體好味宮廷驢打滾（$45）呢款甜品較冷門少見（可能係我孤陋寡聞）三塊卷物，是我超喜歡的糯米糍皮捲我喜歡的紅豆茸，外面裹上黃豆粉，很有層次，煙煙韌韌，又不過甜，好食👍🏼茶位（$8/位）茶無乜特別，黃銅茶壺吸睛！食物好味，不過負責我嗰枱嗰位男店員就差，木無表情+想加茶次次都舉手叫佢，明明有視線接觸都無視我哋，幾次都係其他店員幫手，上菜放低即走，趁上菜提出攞碗之類嘅要求都唔做，又係搵其他店員做，明顯迴避做野（明明唔爆場，影到嘅相都知當時唔多客）除了他其他店員都幾好有笑容又勤快！（服務嗰兩分係比其他店員嘅！）食物幾好，希望大家唔會遇到被無視嗰位店員🙄…Read More

今日去左東涌東薈城二期行街，見到樂天皇朝，朋友話好耐無食小籠包，不如試下。原味小籠包10隻剛剛蒸好嘅小籠包先最好吃，外皮厚度剛剛好而多汁，夾起來不穿，當服務員落檯時溫馨提示我們小心熱湯汁。麻醬油麥菜 見幾得意試下，食落油麥菜又配搭到啲胡麻醬。中間原來用左青瓜包住，做法十分需要手工。京醬肉絲 好多上海菜京蔥都係另上，不過呢到就放在係肉絲下面仲以為無京蔥。還同侍應說點解無京蔥服務態度好好，有禮貌，食物質素好！…Read More

俾樂天皇朝既8色小籠包既賣相吸引，再加上我一向鍾意食中菜，即刻就拉埋男朋友一齊黎試下。我地叫左兩碗湯，首先黎到既係清燉雞湯，幾好飲，清得黎有雞味！👍🏻再黎既係薺菜黃魚羹，呢個魚羹令人有少少失望，好重胡椒，應該係想用來蓋住腥味，但仍然飲到腥味。原味小籠包，多汁鮮美，個皮唔會太厚，非常推介！到非常吸睛既八色小籠包，店入面好有指示好貼心咁教我地食既時候順序應該係點，但可能個人唔係咁鍾意創新，都係覺得原味最好食。紅燒肉都唔錯，唔會太硬，層皮入口即溶👍🏻…Read More

這裏小籠包，賣點有七彩顏色，白色原味、綠色人參、米色鵝肝、黑色黑松露、黃色芝士、橙色蟹粉、灰色蒜香、紅色川味， 其實都幾貴例如蟹粉小籠包，$128/6粒，$128/10粒。我們叫了招牌原味小籠包，$62/6粒， 小籠包很考功夫，皮要薄，但是用筷子夾起來時皮不能破，小籠包的湯要夠多，滿意。小朋友要芝士小籠包，$78/6粒，皮是黃色，芝士只是包在餡肉裏面。蒜香排骨豬骨湯拉麵，$78，拉麵中上，可是蒜香排骨很細、有點硬；雪菜黃魚煨麵，$98；刀切炸小饅頭，$28/3個，好吃；上海生煎包，$42/3個，合格。要留意，小食$30，茶介$40。…Read More