Eat Over Night

幫襯勁買💛深宵食堂🌙@midenight.mk
鐘意日本居酒屋嘅輕鬆氣氛、豐富菜式同啤酒一杯接一杯嘅樂趣，就一定要試下✨打開𨋢門就直接入到餐廳，整個空間被一系列復古海報裝飾，由經典嘅日本動畫到懷舊電影都有，充滿個性📜芝士蟹肉玉子燒🧀
玉子燒又滑又厚，芝士同蟹肉嘅味道融合得啱啱好🦀 最吸引係個表面有手寫嘅茄汁字樣，好有心思!🥫鹽燒三文魚鰭🐟
三文魚鰭油脂豐富，喺最肥美最滑，連皮燒得金黃香脆😋 同魚腩相比，魚鰭尺寸比較細👆🏼 大概喺一隻手指咁，非常適合作為下酒小食🍺香蒜和牛粒石鍋飯🪨
石鍋飯上枱時依然滋滋作響，賣相非常吸引，最特別係中間放咗一隻生雞蛋黃🥚 拌飯時蛋黃同飯融為一體，增加咗滑潤嘅口感🌋 和牛粒嫩滑多汁，配埋香蒜嘅濃郁香氣🧄 整體味道非常豐富🎈唐揚雞軟骨🦴
同平時脆漿單純炸嘅唔一樣，外層包裹咗一層甜甜地嘅醬汁。份量十足，食到牙骹都軟埋🤣 但又忍唔住想一直食落去🙂‍↕️名古屋雞翼🍗
雞翼外皮炸得香脆，外皮有芝麻，咬落仲有啲肉汁滲出嚟，好好味！魷魚大板燒🦑
大板燒切成三角形，食落口更加方便，堆上鰹魚片，提升鮮味層次🪵厚燒牛舌👅
牛舌本身嘅鮮嫩加上黑椒強烈嘅香氣🫑燒冬菇🍄‍🟫汁燒茄子串🍆
冬菇質感厚實，茄子燒得夠淋身，吸滿醬汁好入味，最後撒上蔥花同芝麻，香氣更加突出🤓藍桔梳打🪣
色澤搶眼，味道酸甜偏柑橘味🍊 氣泡感清爽。日本居酒屋嘅精粹係食得開心飲得過癮🎋呢到食物款式多元化，上菜速度極快💨 質素好高，價格又親民，每款嘢都係細細份，咁就可以每款都試下💯 加上全場啤酒買一送一🍻 一邊啤酒，一邊食燒物，開心又過癮。加上開到凌晨嘅營業時間，一定喺宵夜首選🌃支持良心小店💛…Read More

好耐冇食日本串燒啦，今日去旺角行街，知道呢間良心小店好耐，決定今晚去食😋呢個居酒屋裝修、擺設充滿日本feel，播d日本歌，真係好似去咗日本咁🤣汁燒白鱔：好好味、好肥美，入口即溶，個口充滿魚油嘅香味，一d都唔腥，同埋好少地方有得食😋😋厚燒牛舌：我同朋友最愛食牛舌，每次食串燒必點之一，呢個嘅牛舌好香、好淋😍和牛串：好香牛味又juicy，好大粒但係又好淋香蒜焗蠔：好香蒜味，d蠔好飽滿，一放入口好juicy，一d都唔乾，仲好香蠔味👍🏻炸芝士蝦球：咬落去卜卜脆，個蝦好爽又彈牙，加埋芝士好好食😋連埋上面嘅沙律醬好夾吉列松板牛：個皮好酥化又薄，唔會食到成口粉，而個松板牛好有牛香味又淋，加埋個醬汁食冇咁膩芝士蟹肉玉子燒：平時嘅玉子燒比較老，但係呢個蛋好滑、好嫩，切開後入面嘅芝士會流出嚟，好好味呀！仲有蟹味添😋呢間居酒屋環境唔錯又坐得好舒服，同朋友吹水食飯真係一個好選擇。同埋d職員態度好好👍🏻…Read More

-旺角雖然係美食天堂，但係要搵一間好食、又坐得舒服、價錢又合理嘅居酒屋，其實好難🙈 今次竟然好好彩比我遇到！😍😍我諗係少數有間餐廳我有咁多野食相 (我懷疑仲有好多我漏左😂)，因為佢勁多選擇，樣樣都好吸引！-😋 螢光魷魚 ($48)👉🏻 味道好香濃、好新鮮，無仼何腥味😍😍 食所有野之前當佢前菜咁食，好開胃👍🏻-😋 冰燒菠蘿 ($38)👉🏻 菠蘿好香甜，同埋就算我影左好耐相，佢仍然保持嗰種凍冰冰嘅感覺，夏天食完全係透心涼😛-😋 川燒茄子 ($68)👉🏻 上到黎已經覺得好大條😂 重點係：超！多！蒜！同我一樣鍾意蒜又重口味嘅人，絕對要嗌呢一個！食完有種好滿足嘅感覺🥰🥰-😋 鹽燒秋葵 ($28)👉🏻我幾鍾意佢口感上比較偏軟嘅口感，好易入口，調味都岩岩好，唔會太鹹-😋 汁燒雞髀菇 ($28)👉🏻 好出色嘅菇🤤 有啲舖頭會燒到好乾，但係佢係完全唔乾，咬落去仲要有汁bip出黎🥰🥰🥰-😋 牛油粟一燒 ($48)👉🏻 上菜個陣嚇親，份量超足，係一條超巨大嘅粟米，都好細心咁切開左5舊，方便share食👍🏻👍🏻-😋 芝士年糕 ($38)👉🏻 我私心最愛❤️❤️❤️ 暖笠笠、半融嘅芝士，仲帶小小流心，無敵！-😋 厚燒牛舌 ($38)👉🏻 好濃嘅牛味，都燒得岩岩好，夠諗🥰🥰-😋 大蔥雞肉串 ($32)👉🏻 意外地有啲驚喜，本身麻麻地蔥，但係佢燒完個蔥，夾埋個雞肉又意外地夾，比起平時食雞肉，多左種無咁漏嘅感覺😛-😋 飲品👉🏻 飲品方面除咗平時飲開嘅罐裝嘢飲、菊花茶等，仲有特飲，今次我哋就揀咗巨峰提子梳打同埋荔枝玉露，兩個都好好飲，唔會太甜，加上一杯好大杯，食晒啲嘢都未飲完😂😂😂-🙋🏻‍♀️ 其他說說👉🏻 呢度比我嘅感覺係好乾淨、唔會好多油煙，加上佢成個裝修好日系，同朋友聚會傾偈真係有種去咗日本嘅感覺，超級舒服！🥰-📝 餐廳資料名稱：深宵食堂地址： 旺角彌敦道575號Ladder Dundas 3樓其他分店：銅鑼灣耀華街百樂中心6樓-#HKFood #HongKongRestaurant #MongKokRestaurant #HongKongFoodInstagram #HongKongFoodie #香港美食 #旺角美食 #旺角居酒屋 #日式 #串燒 #FoodLifeLoverMK…Read More

與朋友想不到吃什麼，大家就會提議去串燒店～貪其食物選擇多，氣氛輕鬆方便傾計！這次來到旺角這間樓上小店，平日6點入座人不算多，不過越夜越多人；店內裝修充滿日本風情，加上一系列龍珠、高達等模型，難怪朋友看到雙眼發光～——————————🔹葡萄豚肉串 $38自從在太子一間隱世居酒屋吃過後，就一試愛上，難得見這裏亦有，當然要點一串啦～豚肉裹著葡萄燒製，葡萄的酸甜多汁，有效中和豚肉的油膩感，不錯！🔸煙肉荔枝卷 $38與葡萄豚肉串異曲同工，這款則是煙肉包著荔枝，比起清香的葡萄，荔枝的味道更加霸道，濃甜與鹹香平衡得剛好。🔹厚燒牛舌 $38牛舌一向是串燒店必食，不過這裏的比想像的厚燒略薄，所幸內裏仍能保持肉汁，肉香亦濃。🔸汁燒雞髀菇 $28雞髀菇切得夠厚，入口爽脆亦juicy，面層的柴魚碎，為菇菌再添一份香氣。🔹汁燒油揚 $28/2串油揚掃上秘製醬汁燒製，脆中帶軟，味道不算驚喜，但就令人一吃再吃～🔸炸魷魚 $38魷魚切成碎粒炸脆，吃起來乾身香口，佐酒之選。🔹香蒜一口和牛粒 $68和牛切成一口大小，與濃香的蒜頭汁煮，牛粒充滿蒜香，同時亦重牛味，味道層次豐富。🔸黑松露炒烏冬$58烏冬與雜菌加入黑松露醬拌炒，口腔充滿菌香，十分惹味！🔹魷魚大阪燒 $42魷魚大阪燒分成四小塊，朋友開心share就最適合～表現不過不失，如果魷魚多一點就更好～🔸冰燒菠蘿 $38燒菠蘿經常食，不過冰燒菠蘿就是第一次。顧名思義，即是菠蘿雪成冰後再燒，外層帶點焦香，但口感依然脆身，整餐以其作結確實滿足！…Read More

窩夫與蝦子餅有一段時間沒有吃過串燒了，星期日在旺角逛街後去深宵食堂開餐。餐廳佈置很有心思，窩夫特別喜歡牆上的宮崎駿動畫海報。除了落單紙上的燒物、炸物和一品料理等，還要留意黑板上的「深宵限定」。打頭陣是厚燒牛舌($38)，一串有三塊，爽口彈牙。鹽燒雞軟骨($28)的鹹度剛剛好，不會燒得太乾。甲羅燒($78)上鋪了大量蟹籽，口感卜卜脆，蟹膏鮮甜，拌勻後塗多士來吃，十分滋味。川燒茄子($68)很大條，加了大量蒜蓉和辣粉，非常惹味。香蒜焗蠔($52)同樣加了大量蒜蓉，香氣撲鼻，焗蠔熱辣辣的，要小心燙嘴。汁燒雞髀菇($28)切得厚厚的，爽脆多汁。芝士蟹肉玉子燒($78)份量足，滲出淡淡蟹肉的鮮味。冰燒菠蘿($38)的賣相吸引，一咬下去發現原來是冰凍的。飲品方面，點了一杯巨峰提子梳打($38)，味道不錯。…Read More

早排支持良心小店黎到旺角嘅深宵食堂，地點非常就腳係信和中心斜對面疫情好耐無返鄉下，一入到黎就好有日式居酒屋感覺，同三五知己黎飲返杯食下野都真係唔錯架😁食物選擇好多，而且價錢都比較相宜，我地就先試左唔同嘅串燒過下口癮先😆➡️”豚肉露荀卷”，豚肉燒得岩岩好仲好，露荀吸哂肉汁，想當唔錯➡️”大蔥雞肉卷”，雞肉仲好嫩滑，加埋大蔥嘅味道就更加惹味😋➡️”厚燒牛舌”，事先醃製好嘅牛舌非常入味，仲燒到好淋，口感唔錯，值得一試，不過好如再厚d就更加理想😝😝➡️”芝士年糕”，雖然叫咗都可能要等耐d，但等係值得架😂外皮燒到好脆身，入面係溶哂好邪惡嘅芝士，係好食嘅👍🏻👍🏻 (不過返去又要跑多幾圈🤣)最後叫咗兩碟主食，分別係京蔥牛舌飯 (到底有幾鍾意食牛舌?😆) 同黑松露炒烏冬➡️”京蔥牛舌飯”其實份量真係幾多，牛舌雖然係薄切但味道都幾唔錯，加埋日式醬汁同京蔥都幾惹味😁不過最值得一試嘅係➡️”黑松露炒烏冬”，一黎到見到黑松露好似唔洗錢咁成碟都係已經嚇親😂基本每條烏冬都會有黑松露，麵身都夠彈牙加埋炒到好香嘅蘑菇雞肶菇等等都好夾，真心推介😍…Read More

旺角都有安靜嘅地方食嘢傾計？位於樓上鋪嘅深宵食堂，一入去就見到牆上貼滿懷舊日本風海報，木系裝修感覺舒服自在。除咗有多款高質串燒小食，仲會有時令單品，每款都相當唔錯，叫多幾個朋友一齊黎試唔同款就啱哂😎燒物：煙肉荔枝卷($38): 爆汁荔枝配超厚煙肉正❗️厚燒牛舌 ($38): 口感煙韌，濃郁牛味蒜燒茄子 ($68): 茄子超大份鋪滿孜然蔥蒜好惹味😍芝士蟹肉玉子燒 ($78): 芝士蟹肉爆餡，多重層次都好鬆軟小食：冰燒菠蘿($38): 一咬同時食到多汁菠蘿同燒成脆片嘅焦糖好特別雞泡魚干 ($78): 嚼下嚼下送酒一流😎辛口脆軟殼蟹 ($42): 好香口但蟹肉就唔算好飽滿🌟推薦指數：8/10▫️▫️▫️▫️▫️▫️▫️▫️▫️▫️▫️▫️▫️📍深宵食堂 (旺角)旺角彌敦道575號Ladder Dundas 3樓…Read More

星期五晚到訪深宵食堂 用餐體驗很不錯💛-評分（5個emojis為滿分）食物🤩🤩🤩🤩服務💁🏻‍♀️💁🏻‍♀️💁🏻‍♀️💁🏻‍♀️💁🏻‍♀️環境🎏🎏🎏🎏性價比🍻🍻🍻🍻-推介菜式厚燒牛舌：非常惹味 juicy有肉汁 非常推薦香辣豬頸肉：肉質粉嫩 另上咗個sauce 微辣但略嫌唔夠鮮味-軼事原本因為冇訂位被安排坐近廁所同後樓梯，聞到有煙味，都未同老闆反映，佢已經留意到，主動問我哋需唔需要調去窗口位，對客人嘅細心服務值得嘉許👍🏻-總結：值得一試嘅居酒屋🏮…Read More

約咗個朋友傾傾旅行嘢，邊食邊傾，就番佢選址晌旺角區，同埋老友鍾意食日本嘢，搵咗一輪，就揀咗「深宵食堂」。一來見佢風評幾好，二來曾經幫襯過，雖然已喺2014年銅鑼灣店嘅事，但印象唔錯喺會有啲加分。跟銅鑼灣店一樣，餐廳位處商廈，一出電梯就喺餐廳環境，以「食堂」為名，總有種小店嘅感覺。整體環境唔算大，但裝修樸實而幾骨子，淺木色和風系，牆上又貼咗唔少日漫海報，更多添日本風情。雖然未有耐到日本嘅春季，但一室天花掛滿櫻花裝飾，襯以串串日式燈籠，感覺多咗好多春日暖和氣氛。我哋版被安排坐晌近窗口嘅二人枱，叫做多少少街景睇吓。食物嘅選擇就以6張點菜紙為主，類別分為前菜、甜點、炸物、燒品、一品料理及主食，而牆上掛有一小塊黑板，寫住好幾款深宵推介。飲品名單就印晌另一張餐牌上，有啲啤酒、清酒、汽水及特飲。餐廳上菜都幾快手，好在我哋就醒目，唔會一次過落晒單，分段落，尤其食串燒，點可以俾佢攤凍架，當然要襯熱辣食啦，配埋杯凍飲，咁至夠爽。巨峰提子梳打 $38、烏龍茶 $16夠晒大杯，兼隻杯嘅圖案都幾得意。友人揀嘅巨峰，味道OK，但略嫌唔夠「汽」咁，感覺未夠爽；小弟就正氣少少，飲烏龍茶，諗住食串燒，清清啲油膩感啫。櫻花蝦沙律 $58以沙律菜、車厘茄做底，淋上日式胡麻汁，幾典型嘅西日菜式，沙律菜新鮮爽脆，胡麻汁夠香濃，故味道基本上唔差得去邊，添咗啲櫻花蝦，就多咗份卜卜脆嘅口感。名古屋雞翼 $42友人喺日本通，話呢一款以麵豉做醃料嘅炸物值得一試。一客有3隻全翼，炸得金黃，色澤平均，更撒上白芝麻。咬落外皮好香脆，又唔油，不過，似乎又唔喺好覺有麵豉味啫。厚燒牛舌 $38我哋唔喺嗰啲一定要食好多肉嘅人，所以，串燒除雞翼，就只有呢串牛舌喺肉，其餘大部分都喺蔬菜類。牛舌燒得唔錯，唔會好乾身，入口煙韌有咬口，簡單鹽、黑椒作調味，已可以好好食。芝士年糕 $38唔知點解，對芝士年糕好似有啲情有獨鍾。一客兩粒，並且一開二。暖暖哋嘅年糕口感軟綿綿，卻喺好煙糯，而裡面半溶嘅芝士香濃得嚟唔會太搶，唔錯，唔錯！芝士蟹肉大啡菇 $48大啡菇燒過之後，多少有點縮水，所以，比預期無咁大件。雖然面頭灑上好多芝士，但隱約都見到多7肉嘅蹤影，其實，芝士下確喺有唔少蟹肉，加上件大啡菇燒出嚟嘅效果仲保持到水份，一啖入口真喺幾正。芝士翠玉瓜 $28正所謂一不離二，二不離三，再嚟多道芝士燒蔬菜嘅菜式。呢個都喺較少嘅配搭，簡單燒香啲翠玉瓜之後，再放上芝士烘溶佢。睇見啲芝士溶溶哋，可以食出拉絲嘅效果，而晌芝士味中，都仲嗒到翠玉瓜嘅清甜味。牛油燒蕃薯 $28煨蕃薯呀，燒蕃薯呀，本身都喺好好食嘅菜式，用上日本蕃薯仔，搽上牛油至燒，梗喺正啦。啲蕃薯仔又夠粉，又香甜，個人嚟講，塗多一、兩朕牛油等佢更充滿油香就仲好。豚肉生姜燒丼 $48齋食串燒而無飯到肚好似差啲差啲咁，所以，簡單點咗一客豚肉生姜燒丼過吓飯癮而已。賣相就平平無奇架喇，但食味不俗，豚肉好嫩滑，飯粒飽滿分明，又吸收咗啲豚肉汁。一次過試咗多道串燒，都做得有水準。雖然，坐吓坐吓都爆場，眼見侍應得兩個女生，但招呼到位勤快，又有禮貌，成晚都無咩甩漏，喺食得好「宵」遙自在嘅一晚。…Read More

今次係第一次來食，係和朋友搵緊食之時，在登打士街抬頭一望，見新裝修的大廈好似有野食，外觀好靚，係落地玻璃可到落街的，就上左去睇睇，就來到這間了。這裡環境唔錯，擺設好得意好靚，係應該未有人發掘到，所以無乜人食，冷氣好凍好大風。野食都唔錯，我地食左螢光魷魚、鹽燒秋葵、鰻魚玉子燒、厚燒牛舌、汁燒白鱔、豚肉生薑燒丼，全部都好好食，第一次食螢光魷魚，好得意，都會再幫襯呢！我地坐的位置係冷氣凍左d、大風左d，建議坐窗邊會好d，但下次來都要帶定件風褸來著先好！…Read More

最近追緊電視劇深夜食堂，一間餐廳既菜單只有幾款食物，但充滿人情味。原來香港都有間餐廳叫深宵食堂，出於對呢套電視劇嘅迷戀，我約左女友去試試。餐廳大約有六、七枱，天花掛滿具日本特色既迷你雨傘，牆上亦貼滿櫻花裝飾。餐廳食物比電視劇嘅深夜食堂多好多，餐紙總共有七、八頁，每頁最少十款食物。豚肉蘆筍卷既豚肉薄如紙，加上上菜時熱烘烘，一咬勁多汁，而且口感超脆，好似薯片咁。鹽燒秋葵看似簡簡單單，但適量既鹽就已經帶出秋葵既味道。厚燒牛舌有咬口但唔韌，牛味相當濃厚。雞皮食落完全唔膩，每塊雞皮都好乾身脆口。甲羅燒即係即松葉蟹膏釀蟹蓋, 亦會加蟹肉。每次去日本旅行一定會食極唔停。呢個甲羅燒加左味道濃郁，配多士仲好味，感覺上無咁鹹。自己作為黑松露狂迷當然要叫黑松露烏冬。黑松露既獨特香味加上洋蔥既甜令人難以抵抗。重頭戲當然係芝士蟹肉玉子燒，用蕃茄汁寫上「深宵」二字。蛋非常輕盈，蛋汁滿溢，同時亦有拉絲效果，不過蟹肉既鮮甜味冇咁突出。雖然餐廳同電視劇相比完全大相徑庭，但每款食物都幾高質，沒有奢華裝潢卻有説不到既窩心。…Read More