養心殿台式養生鍋

餐廳環境係古典風，不過燈光太暗。張枱好闊落，但張凳就有d難推，尼方面可以再改良下。麻辣鍋(小辣)拼寧神養心鍋($168)麻辣鍋我覺得小辣只係似微辣，對我而言唔夠惹味，但"友人"已經覺得好辣。湯底仲有鴨血(另可免費追加鴨血一份)同凍豆腐。鴨血嫩滑，比豬紅好食。寧神養心鍋充滿濃厚魚湯味同藥材味，湯底真係有個魚頭同半隻烏雞，雞肉索哂湯底既味道，肉質都唔錯。我地兩個人叫左六款火鍋配料就飽哂。火鍋配料屬高質(始終一分錢一分貨)。我地最鐘意就係黑松露蝦丸半份($48)同鵝肝墨魚丸半份($48)。墨魚丸同蝦丸都爽口彈牙。成粒墨魚丸俾好重既黑松露味包圍住，好香；一咬開蝦丸就有強烈既鵝肝味飄出來，好味，兩樣都係必叫。至於肉類，極上雪花肥牛($188)好腍好有牛肉味，同牛x既日本特級和牛質素差不多，好食。涮鍋小羔羊肉片($108)薄切，肉質嫩滑，充滿羊味但又唔會覺得好羶。嘉美農場雞肉($108)肉質比普通任食火鍋配料更嫩滑。"友人"話如果有下次，可以叫多份肥牛而唔叫羊肉。即炸脆響鈴($68)即叫即炸，又脆又大件，索哂d湯，好味。facebook打卡每位送一杯無酒精飲品，我地就揀左鹹檸七，正常。另外再叫左枝微糖豆漿($16)，味道真係好淡，如果有下次我唔會再叫。*每位茶芥$20*尖沙咀分店：8點半前離座或9點半後入座有七折優惠。茶芥同飲品無七折。(個人口味：3.7+4.3/10)…Read More

今次第一次和朋友來試養心殿！早已聽聞養心殿的火鍋好正，今日就專程Book枱食。餐廳的人氣果然很高，6.30PM的時間都幾符滿座！可能大家都知道餐廳的promotion“八點半前離座”一律7折 。餐廳裝潢雅致！很古風，連碗具等都符合餐廳裝潢風格。 這次我叫了雙拼的湯底，分別是寧神養心鍋和酸菜白肉鍋，雙拼的湯底只收價錢較貴的那個湯底!寧神養心鍋用了20斤鮮魚 (4小時精餚而成)十分鮮味！重點是喝下去是完全沒有任何味精的味道，真的是真材實料。酸菜白肉鍋：用左秘方醃制東方大白菜和花腩餚製，裏面有QQ彈牙的寬粉條，湯底酸香醒胃！仲可以免費追加酸菜白肉一份，認真抵食。友人說一定要試的食物是手切牛肉，即炸脆響鈴和日本淮山。手切牛肉：灼完後面即刻撲鼻而來一陣牛肉味牛肉愈軟滑多汁，油花分佈平均日本淮山:清鮮爽脆,而且健康有營養！也是不錯的選擇。鹵牛肚: 鹵汁很香！牛肚沒有任何的有腥臭味，牛肚鹵得非常入味而且軟霖值得一試。即炸脆響鈴：這是打邊爐不能不吃的食物！！！這裡的響鈴很脆，炸至金黃色放入湯中大概4-5秒已經足夠吸收湯底精華。 最後我們追加了一份紫淮山面，紫玉淮山內含硒，有抗老防衰功效，看來老闆選擇用料都以健康為主，果然十分養生。…Read More

上次帶坐屋企人食養心殿之後，他們依然念念不忙！加上呢排天氣又凍，係一個好好的理由去驅使我帶屋企人補補身。餐廳依然做緊Like Facebook和打卡送無酒精飲品的活動！今次我地叫左寧神養心鍋拼酸菜白肉鍋，待湯底沸騰後，我們先每人喝一碗寧神養心鍋的湯先開始打邊爐。寧神養心鍋裏面依舊足料（内含：半隻烏雞和大魚頭，川芎、白芷、天麻、當歸、豬肉）等 ，湯澄奶白色，鮮味無比。而酸菜白肉鍋就可以免費追加酸菜白肉壹份！！湯底酸香醒胃而且内有寬粉條，口感QQ彈彈。 手切牛肉：今次終於試到手切牛肉la~因爲手切牛肉是限量提供的！買曬果日就可能無得食。手切肥牛好考師傅刀工！太薄或者太厚都會影響口感，必須完整，不能斷裂。這裡的手切牛肉油花比例很平均，色澤紅潤，食落去軟滑無渣而且重牛味。即炸脆響鈴：這個即炸脆響鈴係超級脆！響鈴吸收曬湯汁的精華令人回味無窮。 沙巴龍躉：餐廳起的時候已經切好片方便客人食用！十分貼心。龍躉肉質厚實鮮嫩，而且魚肉雪白而有彈性！完全沒有腥味，平時不吃魚皮的我都可以連皮一齊吃下！！因爲怕唔飽所以叫左半份鮮蝦雲吞及半份韭菜餃韭菜餃和雲吞都紮實多汁！尤其雲吞鮮味醇厚而且內餡彈牙，值得一試。最後食埋蔬菜！呢餐廳十分滿足。 …Read More

之前同媽媽食過旺角分店，媽媽極度滿意，連湯都飲埋，今次約埋朋友黎試下尖沙咀分店！尖沙咀分店位於地庫，行兩層樓梯就到，地方寬闊，雖然人客爆滿，但亦唔會感到狹窄，餐廳裝潢跟其他分店差不多，古色古香，座位寬敞舒適！上次同媽媽試左養心鍋，今次同朋友可以食辣，所以點左鴛鴦鍋，一個唔辣的「酸菜白肉鍋」，一個辣的「麻辣鍋」（小辣）麻辣鍋選了小辣，開初時是微辣，點知越滾越辣，不過辣度是可以接受的，那種辣味香醇，並唔會令喉嚨覺得辛苦！鍋內仲有好多豆腐，鴨血，所以並唔需要再點，基本已經好夠食！酸菜白肉鍋內已包含好多白肉同酸菜，仲會另外再俾多一碟自己加落塊，$128/鍋真係好抵食，材料十足！味道方面，未食前先飲啖湯，好酸好惹味啊，係我最愛的味道白肉其實係極品豬王花腩，口感細緻入口即溶，配上酸菜的味道，超正啊！鍋內仲有好多QQ寬粉條，滾過的QQ粉，又淋又滑，酸香醒胃，正呀！鹵牛展牛展鹵得好入味，又夠淋，味道唔錯！手切牛肉 賣相好靚，好幾多件！牛肉色澤紅潤，帶少許肥肉，基本上放落鍋度，淥十幾秒就食得！肉質鮮嫩多汁，肉味濃郁，入口即溶鵝肝墨魚丸 / 自家製極品水餃鵝肝墨魚丸：墨魚丸爽口彈牙，一咬落去仲食到鵝肝，味道好爽，估唔到會咁好味！自家製極品水餃：內有好多鮮蝦，鮮味十足，皮薄，自家製果然係唔同即炸脆響鈴熱辣辣，脆卜卜，即炸真係唔同啲既，一咬落去果下脆到呢，真係好鬼爽！自家製沖繩黑糖烏梅汁味道偏甜，少少酸酸地，打邊爐飲唔錯！傾傾下又一個晚上，尖沙咀分店同樣好味，下次可以再黎…Read More

今次係我第二次幫襯養心殿火鍋了, 上次食完後一直心癢癢，所以約好飯局後當朋友問我有咩嘢提議後、我毫不猶豫地揀左養心殿，而且養心殿的分店越開越多 ，就連尖沙嘴都有，非常方便，事不宜遲即刻book台，解一解我既火鍋癮。😂😂去到尖沙咀分店，見到入口掛左啲中式燈籠再配上燈光效果, 已感覺呢間分店既設計都幾有心思，落到底層，見到啲桌椅擺設都係用木材, 台與台之間用鏤空屏風隔開，走仿古風格，裝修都頗有特色。寧神養心鍋拼麻辣鍋 $168養心殿火鍋湯底都係採用滋補養陰嘅藥膳為主, 有養生鍋、寧神養心鍋、薑母鴨鍋、酸菜白肉鍋、美人鍋同麻辣鍋等多款湯底選擇, 我最愛麻辣，必點麻辣鍋，麻辣鍋端上來時、個湯底本身已有豆腐和鴨血係入面、而且可以免費追加一份鴨血、已覺划算。同行友人唔好辣 所以俾佢話事，佢揀左用烏雞, 鮮魚和多款藥材熬製的寧神養心鍋, 當湯滾後 我地每人先飲左一碗湯, 香氣撲鼻 ，藥材味十分濃郁、鮮甜可口、非常好味😋😋極上雪花肥牛 $188食火鍋一定要配靚肥牛, 我地今次揀左極上雪花肥牛, 肥牛既雪花非常均勻, 肉質軟腍, 淥一淥就食得，牛味濃郁，用養心鍋或麻辣鍋涮都非常夾。手工丸類拼盤(12粒)(每款2粒) $108養心殿自家製嘅手工丸一共六款, 有鵝肝墨丸，黑松露蝦丸等，當中我最鍾意食黑松露蝦丸,黑松露味十分搶鏡，蝦丸又彈牙，兩樣加埋後，味道更加出眾。餃子拼盤(12粒) (每款2粒) $118我鍾意食雲吞餃子之類, 我地點呢個餃子拼盤有齊6款唔同口味嘅餃子, 啱哂我，我最愛鮮蝦雲吞和韭菜餃, 兩款餃子皮富有彈性, 餡料也豐盛、味道不錯。嘉美農場雞肉 $108平時火鍋我甚少點雞肉、但今次個嘉美雞都好有驚喜，肉質嫩滑、細嚐下，好像還有點點甜味，大贊👍🏻炸午餐肉 $58平時火鍋都會點午餐肉，但養心殿既午餐肉都幾特別 ，外層已炸香, 午餐肉也厚身，放入鍋煮後，午餐肉吸左啲湯味後味道更加濃郁, 再加上外層仍係鬆脆香口，我就算怕肥都忍唔知食左兩塊。😙蟹棒 $48蟹棒唔係平價貨色，誠意之作。寬粉條 $38寬粉最夾麻辣鍋，煮到半透明後、寬粉吸曬啲辣湯、食每一啖都要步步為營，緊閉氣門、但吸曬辣湯既寬粉味道充滿麻辣湯既濃香味，約食越過癮。😂😂其他火鍋配料味道都唔錯, 埋單每位$300有找, 性價比唔錯。👍即炸脆響鈴 $68鮮豆皮 $ 38雜錦蔬菜盤 $68…Read More

自從第一次係佐敦養心殿食過一次之後, 養心殿火鍋已經成為老婆嘅最愛, 不過由6月天氣開始熱之後一直冇再去, 今晚趁約左係加拿大玩左一個月終於返黎嘅老友兩夫婦聚聚食餐飯, 就一齊去尖沙咀呢間養心殿分店嘆返餐, 解一解火鍋癮。😆尖沙咀分店入口掛左紅紅燈籠配上燈光效果, 既新潮又富有中式風格, 餐廳內部裝修風格同佐敦相似，桌椅裝飾擺設都係用木材, 走仿古風格, 座位寬闊而且樓底高, 空間感十足, 非常舒適。枱與枱之間, 以屏風間隔, 私隱度高。👍養心殿火鍋湯底都係採用滋補養陰嘅藥膳為主, 有養生鍋、寧神養心鍋、薑母鴨鍋、酸菜白肉鍋、美人鍋同麻辣鍋等多款湯底選擇, 老婆最鍾意就係用烏雞, 桃膠等食材熬嘅美人鍋, 非常養顏, 因為雙拼都唔需要加錢, 另一邊鍋底就點左麻辣鍋俾嗜辣嘅老友嘆。😆寧神養心鍋拼麻辣鍋 $168養心鍋由20斤鮮魚加當歸同烏雞等配料餚成, 湯頭超香濃, 打邊爐前我地每人都嚐了一大碗。麻辣鍋本身已加左鴨血同凍豆腐等食材, 另外再免費追加鴨血一份, 老友大讚麻辣味道恰到好處。👍極上雪花肥牛 $188食火鍋一定要配靚肥牛, 我地今次揀左極上雪花肥牛, 肥牛油脂分佈均勻, 肉質軟腍, 用養心鍋或麻辣鍋涮都非常惹味。😋手工丸類拼盤(12粒)(每款2粒) $108養心殿自家製嘅手工丸每款都好彈牙多汁, 當中我最鍾意食梅菜豬肉丸, 微甜嘅梅菜混入肉味濃郁嘅豬肉入面, 味道配搭得非常好。👍餃子拼盤(12粒) (每款2粒) $118老婆好鍾意食餃子, 我地點呢個餃子拼盤有齊6款唔同口味嘅餃子, 啱哂佢, 我就只食左味道最特別果款麻辣牛肉餃, 餃子皮富有彈性, 牛肉餡料帶有麻辣香味, 肉質爽口彈牙, 味道唔錯。😋嘉美農場雞肉 $108嘉美雞肉質比一般雞肉鮮嫩, 呢份雞肉份量好多, 4個人share都食得好滿足。寬粉條 $38食麻辣鍋必點呢款寬粉條, 寬粉條吸滿麻辣湯汁, 入口充滿濃濃辣香, 令人愈食愈過癮。😆炸午餐肉 $58老友推介點嘅呢款炸午餐肉估唔到真係同火鍋咁啱, 午餐肉厚身, 因為外層已炸香, 所以放入鍋煮都唔會散開, 味道濃郁, 一人食兩件都唔多夠喉。😙其他火鍋配料味道都唔錯, 埋單每位$300有找, 性價比唔錯。👍即炸脆響鈴 $68鮮豆皮 $38蟹棒 $48雜錦蔬菜盤 $68…Read More

這間「養生殿台式養生鍋」開了很多分店，在 Openrice 內一直人氣高企，對於天天也喜歡火鍋的我，今天終於有機會和朋友兩個一齊來試一試。這間位於尖沙咀棉登徑的「養生殿台式養生鍋」。入到店內感覺優雅充滿了中國風，店員安排我們坐底後，便一一為我們介紹店內的特色，還叫我們在 Facebook 內簽到打卡即送無酒精飲品一杯。麻辣鍋/酸菜白肉鍋雙併 $128麻辣鍋用上了多種香料和藥材調製，味道麻麻辣辣得來有一種很吸引的香味，加上由台灣進口的鴨血和凍豆腐，實在很吸引。酸菜白肉湯頭微微的酸味，加上連皮的五花腩肉和QQ的寛粉，實在非常醒胃立時胃口大曾。手切牛肉 （細 $238）手切牛肉，每片牛肉都是起雙飛，切得厚薄適中，牛脂分布理想入口有質感，牛味香濃軟滑。沙巴龍𧄌班 （每份 $238）沙巴龍𧄌班份量十足，魚皮膠口肉質嫩滑實在無得彈。蟶子皇 （每隻 $48）蟶子皇，新鮮的蟶子皇肉質鮮甜爽脆火鍋一流。活九孔 （每隻 $42）活九孔，細心的廚師在鮑魚面上界了幾刀，另鮑魚放湯的時間不用太長而變韌，只須分半鐘入口鮮甜，感覺幸福滿足。即炸脆響鈴 $68新鮮即炸脆響鈴，非常香脆放湯三秒，把湯汁吸收外軟內脆非常好味。Facebook 內簽到打卡即送無酒精飲品一杯 - 鹹檸七…Read More

今日約了幾位舊同事一齊去食呢期都好hit既台式養生鍋打邊爐餐廳座位數目不少，而且古色古香，影相效果不錯而且檯跟檯之間都有屏風隔著有數款不同的養身湯底可選擇，款款都各具特色。由於很多都想試，貪心的我們決定點一個雙色窩除了湯底款色多外，邊爐的肉類、丸、蔬菜類、餃等都有多種款色最後我們點了的雙拼湯底為人蔘鍋（左邊較白色那款）跟美人鍋（右邊）兩款湯底都十分出色這裡的湯底極之用心製作因為湯料十足，滋味人蔘鍋用料絕不馬虎，很多人蔘、龍眼等，湯底很滋補，人蔘味香濃，而且仲有大量豆腐隨鍋附上豆腐於人蔘鍋中浸了一會後，超入味美人鍋都好滋補，有半隻烏雞係入面仲有大量材料老火湯似的係呢度打邊爐沒這麼肥膩油膩，只會感到湯底好足料好滋補把鍋中的烏雞拎左出來，雞肉嫩滑十分滋味而且份量都不少因為開初不知人蔘鍋內都有豆腐，我們都有另外再點，但幸好有多點一份，因為豆腐一層又一層的關係，中間部分能鎖著湯汁所以吃起來一咬下去超多汁，而且豆腐嫩滑最左邊的炸豆皮（$38），最上的手工丸類拼盤（$108），下方的是做子拼盤（$118）炸豆皮我又是超愛，其實佢吃起來似響鈴的口感同味道，都是脆脆的又吸了大量湯汁但佢既特別之處是好大卷好大片，口感比響鈴更佳。而且我都是第一次見有這款炸豆皮，食材幾特別，真的可以一試另外丸類拼盤跟餃子拼盤都是一個拼盤有12粒，每款口味各有兩粒因款式太多，決定不到點什麼好，所以點拼盤確是個好方法，完全唔洗煩款式又多，自己再在鍋中拿自己所喜愛的即炸響鈴，口感一流完全吸入了滋補湯汁，十分滋味炸午餐肉，看似平平無奇，不過經過炸，可以即食或浸一浸湯再吃重點出場了餐廳既肉類真是十分好食羊肉卷快熟，薄薄身的，羊肉味濃，很滋味單看外表已令人讚不絕口了因為雪花分佈的好美及平均入口即溶超級正豪華版打邊爐呢款黑毛豬又係超好味，肉味重，而且我很愛那種不油膩不難咬的口感，肉又沒有筋，真係啖啖肉好滋味這間餐廳用料上盛，雖然價錢比一般的火鍋店較貴，但一分錢一分貨，湯底、食材用料豐盛，絕不馬虎一試便愛上…Read More

臨近媽媽生日，孝女如我當然留意到媽媽既心頭好係養顏滋補食材，諗起食過養心殿唔錯，今晚又黎翻啅慶祝。由於上次近乎無可挑剔，自然駕輕就熟地叫哂上次食過既野，再加少少海鮮。 湯底揀左美人鍋拼養生鍋 ($188)，前者以原隻烏雞、核膠、杞子、南棗同金華火腿熬製而成，後者就以人參、藥材、老雞、火腿同豬肉為主。美人鍋較清澈鮮甜，同各種食材都好夾，最正係烏雞同核膠取之不盡，三個人分都好夠。 養生鍋人參味好濃，有時會搶左食材原味，但用於吸味既響鈴等就好完美，兩款湯底可謂平分秋色。手切牛肉 ($238) 細肉質軟滑甘香、牛味極濃，厚度恰到好處，食到牛肉既紋理同油脂分佈。沙巴龍躉斑 ($238)一句講哂，新鮮。 嫩滑就不在話下，重點係好耐冇食過咁鮮甜既魚肉，啖啖都好似凝聚左魚既精華咁。 龍躉皮正唔正好取決於餐廳有冇用心清理，好滿意呢度成碟都好乾淨，啖啖濃厚膠質，最後連魚頭都清哂。老實講，就算係酒樓叫龍躉有時都未如人意，呢度水準完全係超乎預期，大家都讚不絕口。即炸脆響鈴 ($68)打邊爐必叫，即叫即炸香到即使唔係放得好近都傳來陣陣油香味，令人食指大動。 略略浸幾秒後依然保持酥脆，吸滿老火湯後豆香味之中滲出鮮甜，忍唔住自己啪左大半碟都意猶未盡。黑柏葉 ($78)印象中黑柏葉較扎實，味道冇咩大分別，因為屋企人未試過所以叫左一碟。 誰不知口感竟然韌到好似橡根咁，鮮味就有喇，可能我地食唔慣真黑柏葉啦，可以不試。野生竹笙 ($88)原條厚實飽滿既竹笙盡吸濃郁湯底，夠哂爽脆新鮮。鵝肝墨魚丸 ($48) 半份手打墨魚丸爽口彈牙又夠鮮，可惜鵝肝只有一細粒，存在感不大，同食普通墨魚丸差不多。醬料要行去中央位置自取，共有六款選擇，指示好清晰。收費的確偏貴，但中高價食材都物有所值，以此裝潢同食物質素，媽媽都好滿意，仲話要帶朋友黎食添。…Read More

還未到7月天氣已經十分嚴熱, 令人食欲大減, 但Tony與朋友卻一時興起打邊爐, 首次來到養心殿, 餐廳的冷氣, 抽風系統相當好, 不令人滿身油煙臭味. 而食材都是經挑選過的新鮮材料, 湯底是最大亮點. 服務員亦服務周到. 就算在炎炎夏日打邊爐亦是種享受. 醬料區醬料選擇不算太多, 這大概是不主張客人進食時沾上太多醬料.寧神養心鍋拼美人鍋2個湯底都用上烏雞加上不同中藥材, 美人鍋清甜, 寧神養心鍋則香濃, 湯底有不少材料.各有特色. 建議大家未開始落材料前,可先品嚐1碗湯水. 就算飲下1碗湯都不會如味精湯般令人十分口渴.極上雪花肥牛每塊份量均勻, 厚薄適中, 肉質彈牙, 肉味香而不過份油膩即炸脆響鈴吸收湯底變得十分好味, 亦沒有油益味香菇貢丸大大粒份量足,肉質彈牙面充滿香菇味, 有別於一般市面上所食的貢丸, 推介關廟麵不經油炸的麵, 麵質彈牙, 是烏東/即食麵以外的好選擇酒香白肉酒味偏淡, 肉身爽口,不錯水耕菜比一般菜硬身, 但經煮過後菜味更濃.…Read More

養生鍋在短時間內開了大量分店，想必有過人之處。放工約了朋友在尖沙咀逛街，順道來到這品嚐一下。晚上的招牌甚為光亮，很容易便找到這間餐廳。桌子特別設計，中間固定位置放鍋，不怕熱鍋移位造成危險。附近設有調味料，可隨意添加，這裡提供蒜泥汁和香醋加麻油，如能提供蒜蓉更好。點了最便宜的麻辣鍋和酸菜白肉鍋兩併($128)，放食物前先喝一碗湯。首先上桌的是即炸脆響鈴($68)，湯底尚未滾燙，食物已上桌了。上菜速度甚快。脆響鈴上桌時是滿滿的炸香，把其放入酸菜湯，可保留響鈴的炸香，有如新鮮的腐竹放入湯內。野生竹笙($88)非常爽脆新鮮，放入酸菜鍋最適合。紫准山麵($38)很滑，味道很淡，如一般白麵。如煮過久會出現滑潺潺的口感，口感如新鮮准山一樣有趣。自家製水蓮餃($42半份)所用的是香港罕見的蔬菜水蓮，據說這裡的水蓮是由台灣空運過來。清甜爽脆，混入豬肉造成水餃。如有水腫，吃水蓮就最適合了。水蓮餃特別，但不及自家製極品水餃($42半份)，內裡是蝦和雲耳，非常爽脆而帶有蝦的鮮味。在湯底本身已有千層凍豆腐，但這些湯底甚好喝，所以再點了一份。千層凍豆腐($48)經冷藏後結構改變，有很多小孔，因而能吸大量湯底。口感較硬粗嚡，放入麻辣湯底後浸泡，每一口都是麻辣汁。點麻辣湯底可加送一碟鴨血，鴨血爽滑不帶羶味。我就是為了鴨血而來的，麻辣湯底為鴨血增添鮮味，真想無限添食。黑松露蝦丸($48半份)是重頭戲。外表毫不起眼，蝦肉中加入黑松露醬，熟透後澎漲變白，咬一口爽脆，蝦肉鮮黑松露味重，每一口都是齒頰留香。結帳時送上一人一球雪糕，曲奇雪糕較朱古力好吃，有餅脆感又不會太甜。餐單是簡單的一張紙，另有一些飲品餐牌。配料湯底甚佳，可一再光顧。於Facebook讚好可獲無酒精飲品一小杯。…Read More