BaliTown

📌 峇里堂 - 尖沙咀彌敦道176號The Nate3樓🗓(14/12) 星期三 ⏰ 晚上7點左右 💈特式：峇里島係印尼出名嘅旅遊地方，呢間峇里堂都係主打印尼風味嘅餐廳，香港食真正印尼食物嘅地方可能唔算好多，反而比泰國同越南菜佔左大多數，我今次就同大家嚟試下呢間正宗嘅印尼餐廳。🥩🍔🌭🌮🥗🥯🥘🍲🍝🍣🥟🍤🍱食物：今日雖然得兩個人食，但都叫多d特色野同大家分享下，等我又同大家講下峇里味道先。不是「南乳豬手」是「巴東豬手」 - 我本身係好鐘意食豬手，有時都會係屋企自己整南乳豬手，佢呢個巴東豬手個色真係同南乳豬手好似，唔怪得知佢個名要特登喇咁叫，呢個巴東豬手一客會有3件，件頭都幾大件，亦係多肉少骨，個汁就同南乳汁唔同，係有少少咖哩香同偏向微辣嘅口感。印尼沙爹炒豬肉飯 - 呢個炒豬肉飯份量一d都唔細兩個人都夠食，個沙爹汁好香同比起正常食開嘅沙爹汁偏甜，但個汁配飯食都幾夾，d豬肉份量都足夠，同埋應該有燒香過，食落有好香嘅豬肉味。蝦醬炒通菜 - 呢個係好普通嘅家常菜，好多餐廳都有，但唔係度度都炒得好食，但呢間都做得唔錯，味道平衡得幾好，微辣得嚟又唔會比辣味搶晒其他味道。雙色咖央多士 - 呢個雙色多士係一個甜點，首先顏色好靚好吸引，當時味道都係一流，多士烘得好香脆，入面夾住一塊厚身鮮牛油，雖然好邪惡但亦都好吸引，天使/魔鬼集中於一身。☕️🍵🥤🧋🍺🍷🥃🍹🧉🍾🍶🥛飲品 - 餐廳有出售印尼曼特寧混合咖啡，呢個出面好似比較少見，不過驚夜晚瞓唔著所以無叫，下次lunch時間嚟應該會試，餐廳仲有其他特色飲品或花茶。🍽環境：餐廳面積都好大，枱與枱之間位置都好鬆動，環境感覺衛生/整潔，裝修都係比較簡單，但從中都見到好多印尼風彩嘅擺設/掛畫等等，氣氛偏寧靜，都坐得幾舒服。🤵🏻🤵🏻‍♀️🤵🏻‍♂️服務：員工服務態度好好，提供服務同上菜/收碟速度都好快，亦會詳細介紹/講解menu同菜式。💰💸價錢：叫左總共4樣野，埋單都只係$200左右，當中有主食/小食/小菜為返都係$50左右一款食物，價錢真係好抵食。🐲💬總結：我係香港比較少接觸印尼食物，但今次食完又覺得印尼食物同呢間餐廳嘅質素都幾高，價錢又夠晒抵食，我相信我會再嚟試埋佢地其他食物。推薦指數：❤️❤️❤️❤️🤍…Read More

香港吾多印尼菜，出名嘅更加吾多，其實啲菜式都幾好味😋聽過峇里堂呢個名好耐啦，系尖沙咀一間好出名嘅印尼餐廳，喺山林道，附近都好多好野食。分別叫咗印尼炒豬肉飯、巴東牛肉飯，印尼豬肉飯豬肉一條條，醬汁香甜，好入味，口感同巴東牛肉飯吾一樣。巴東牛肉飯系招牌菜，欣賞佢吾會整得太辣，牛肉牛味香濃，帶點煙韌😆連埋惹味醬汁非常入味👍🏼加$9由白飯轉咗金貝飯，黄色飯顏色鮮艷💛好似海南雞飯個油飯咁。雙色咖央多士黑色部分非常吸睛🖤裡面系牛油加班蘭咖央醬，多士香脆可口，餡料甜甜哋好味😋峇里 · 島材料有菠蘿、菠蘿汁鮮椰汁、棕櫚糖，味道清新可口，同西餐廳嘅Pina Colada差吾多🤭🍍珍多公雞冰冰🐓配料同珍多冰差吾多，比珍多冰更豐富，有椰子雪糕🥥椰汁、紅豆🫘、菠蘿粒🍍粉條，成個組合透心涼，正餐後食夠曬飽足🤰🏻…Read More

-{尖沙咀印尼菜🇮🇩}🤤 巴東牛肉飯 🤤 ($81)個汁好香椰香 有啲啲辣不過可接受 必嗌一定係個金貝飯🤩薑黃同啲香料味配埋汁勁多清曬😋啲牛肉都幾腍👍👖褲評: 8/10🤤 印尼沙爹炒豬肉飯 🤤($70)個甜有啲甜甜地 沾滿個飯🥳而豬肉似係豬腩肉切條 有啲油脂香又好香口😉肉嘅份量亦好足💁‍♀️👖褲評: 8.5/10🤤 珍多冰 🤤($60)完全係珍多冰嘅味道😍😍😍不過多左兩種配料加球雪糕😚少少咸加埋好特別👍👖褲評: 7.8/10總括依間水準好好😋encore左野食水準一樣咁出色😛性價比: 8/10服務: 8/10環境: 8/10🚩峇里堂🚩地址: 尖沙咀彌敦道176號The Nate3樓 #fuudjai #fuudjai東南亞菜 #fuudjai尖沙咀…Read More

#wetdodo_尖沙咀 #wetdodo_佐敦呢間印尼菜喺樓上鋪嚟💛啲位都舒適算好坐閒日晚市去到咁啱唔洗等位🫡員工睇嚟都似喺當地人嚟👀地點喺尖咀同佐敦中間左右幾啱約fd慢慢食住吹水👯後來叫嘅甜品唔記得擺封面🫣———————————————————————💛巴東牛肉飯 $78 😋：8/10正宗重口味之選～好重香料味！牛肉係煮到好淋 一夾開就碎開配埋金貝飯相得益彰跟金貝飯要+$8 跟番白飯就原價$70金具飯由檸檬葉、薑黃、香茅等香料製成本身以為會似油飯但口感完全唔同食落啲飯煮得好乾爽 粒粒分明💛印尼沙爹炒豬肉飯 $67😋：6/10佢嘅沙爹同平時食開嘅唔同😲整體偏甜 果種甜喺蜜糖嘅甜味～個人嚟講唔喺好食得慣🥲豬肉份量都幾多 豬肉絲冇咩特別位💛參峇醬炒蜆 $69😋：8/10呢個醬香料味好重 幾惹味但喺蜆份量唔算多嘅個醬好啱撈飯食🤪💛順喉喇沙包心魚丸湯 $40😋：5/10呢個魚湯唔太濃 少少清 魚丸外皮係淋身嘅 一般般整體冇咩記憶點💛珍多公雞冰冰配海鹽雪糕 $58😋：7.5/10雪糕口味有兩款分別喺椰子同埋海鹽而我哋就揀咗後者雪糕幾出色 味道幾香濃配料有椰汁冰果啲綠色條條仲有紅豆同切粒嘅大樹菠蘿但大樹菠蘿本身太重口同其他配料既味唔係太夾😂淋面既焦糖醬好濃味 有啲搶咗雪糕個味🫣———————————————————————💛峇里堂💛💸：人均～$150(dinner)📍：尖沙咀彌敦道176號The Nate3樓🔆免加一🔆#wetdodo_meals #美食 #hkig #hkfood #hk852 #佐敦 #尖沙咀 #foodphotography #foodblogger #佐敦美食 #尖沙咀美食 #美食 #黄色經濟圈 #佐敦黄店 #尖沙咀黄店 #滑嘟嘟掃黄 #峇里堂…Read More

成日食西餐、中菜、日韓泰式已經食到悶，所以今次特登試間印尼餐廳，衝擊下味蕾😏。原來有間開左咁耐嘅印尼餐廳，仲要有唔少人介紹過😮。其實嚟之前已經知佢裝修似CAFÉ，大玻璃窗、感覺開揚、配木系枱櫈、加上放假心情，成日人都放鬆哂😌。當日係紅日，所以有週未精選餐牌，但唔啱食，所以我地點番常規野。招牌巴東牛肉飯 $70 加$8 轉金貝飯十個有九個推介，果然係招牌，最好食係佢!! 金貝飯係蒸出黎嘅香料飯，第一次食，估唔到蒸飯都可以咁乾身、粒粒分明、聞落好有香料味，但食落唔會覺得好重味😋。牛肉用左牛展，食落有口感之餘又唔會覺得油膩；炆得夠淋，唔痴牙；切得都夠大粒，食落啖啖肉。🤤巴東牛肉牛角包 $52呢個包嘅價錢唔平，幾乎可以買到個飯😅。不過，佢真係無改錯名，真係「吃不停口」!!牛角包好酥脆、而且好有牛油香，係一個幾高質嘅牛角包😋；個牛肉其實同上面個飯一樣味、甜甜地、香料味唔會好重、夠杰身、份量都唔少，配埋個牛角包真係好好味，食完真係想再encore。😍印尼沙爹炒豬肉飯 $59甜度比巴東牛高，但可以接受；豬肉用左好瘦嘅部位，食落好乾好硬，主要係食醬香味。估計印尼沙爹同平時食開果D沙爹用料分別幾大，前者唔辣、亦無花生香，係一款不一樣的沙爹。惹味醬燒雞脾飯 $59呢個係最難食…..🤐惹味醬一D都唔惹味，而且好甜好難食，食落有藥材味😥。呢隻燒雞髀完全顛覆左我對「燒」嘅認知😫，雞皮無焦香、無焦脆、無燒嘅感覺，肉質鞋到似雞胸，無雞味，似一隻白烚雞髀，只能講：食之無味，棄之可惜…..😣食物價錢唔算貴，無加一；餐廳除左供應鹹點外，仲有甜點同咖啡，加上環境舒適，當CAFÉ 坐下，吹下水都唔錯。…Read More

今次黎到香港少見嘅印尼餐廳同朋友敘舊好耐冇黎尖沙咀嘅我依家先知原來山林道多左咁多新餐廳😳今次就去左The Nate嘅樓上鋪3樓全層都係呢間峇里堂 所以空間感十足 而且裝修行簡約路線 大玻璃窗引入陽光真係特別寫意☀️.🌟雙色咖央多士 ($39)今次嘅咖央多士係黃綠配色 造型精美香脆多士之間夾左塊肥仔牛油🧈 食落好幸福🥰而且咖央嘅味道同比例都啱啱好 係必食之選👍🏻.🌟巴東牛肉飯 ($78)巴東牛肉飯係經典嘅東南亞菜式牛肉煮得好腍 而且味道比想像中甜我地特意加左8蚊點金貝飯🍚　呢個香料飯由香茅、檸檬葉、薑黃同椰汁煮成配埋巴東牛肉真係好惹味😋.🌟印尼沙爹炒豬肉飯 ($59)至於呢個豬肉飯用上好多洋蔥🧅 沙爹亦都較甜而且唔辣豬肉切成一條條 對我黎講呢個味道都幾新穎.🌟峇里堂珍多公雞冰冰 ($58)呢度嘅甜品可以係點餐紙揀選後上 咁就唔會溶晒 非常貼心有齊珍多冰嘅材料 色彩繽紛😙雪糕口味有椰子🥥或者海鹽可供選擇 係一個經典嘅東南亞甜品😚…Read More

今日收工同friends👯‍♀️一齊去試一間係尖沙咀嘅印尼餐廳，有見過唔少foodie都有介紹過👍🏻，所以期望都幾高🤤。大家如果有興趣去食，可以用電話📞book定先，就唔怕無位啦！- 🍴雙色咖央多士🍞($36) - 依個可以話係依間店嘅Signature😆，而也米😍亦係因為依個吸引，一定要試吓！原本見過其他人食同餐牌上都係紅黑色❤️🖤配搭，不過我哋今次係黃綠色💛💚，應該無咩分別？兩片麵包之間會搽咗啲咖央醬同有一片牛油🧈，食落甜甜地，幾特別！-🍴印尼沙爹炒豬肉飯🐖($57) - 飯嘅面頭都有好多炒豬肉，好足料🤤！豬肉切成一條條，同洋蔥🧅炒埋一齊，加上個醬汁，有少少蜜糖🍯嘅味道，幾開胃！不過醬汁都幾多，所以好易食曬啲飯，得返豬肉🤣。-🍴Omni印尼未來肉炒飯🍚($64) - 依個炒飯好驚喜🤩！好好食！未來肉食落有肉嘅感覺，炒埋係飯入面，印尼炒飯好香😋，仲有啲鑊氣令到個飯好惹味！-🍴印尼咖喱牛筋腩飯🍛($60) - 諗住試吓印尼咖喱同其他咖喱有咩唔同🤪。送到過嚟嘅時候，見到牛腩好乾，怕會好柴，但食落又幾軟熟😂，咖喱汁比較重香料味，一啲都唔辣，不過唔會話好特別，感覺係其他地方都會食到🤭。-🍴蝦醬炒通菜($58) - 正所謂，均衡飲食好重要！最後我哋決定加碟菜，味道正正常常，無咩特別🤭。-🍴峇里堂珍多公雞冰冰🍧($44) - 食完晚餐，當然要有個飯後甜品，才算是完美的句號。依款冰品有3️⃣種配料，分別係紅豆、大樹菠蘿粒、椰汁啫喱。加埋一啲椰汁，完全體現到印尼🇮🇩嘅風味。三種配搭又幾好食，每樣都食少少，爽！…Read More

較早前去左尖沙嘴呢間新開的印尼餐廳，想不到環境非常舒服，有種印尼Cafe感覺。印尼沙爹炒豬肉飯$55印尼沙爹汁比起我地一般食開的「港式」沙爹汁，味道上更甜，而且會有印尼特色香料的芳香，我自己就好喜歡。沙爹醬汁配豬肉絲撈白飯，令我好回味幾年前去峇里旅行，幾乎每個早餐都會有沙爹汁的菜式，不論是飯或是串燒，如果去街邊當地人開的小店，會用椰子殼生火，燒出來的肉有淡淡椰子香，配合沙爹汁簡直一流！不變·招牌巴東牛展肉飯（$65）巴東牛展肉，煮得夠軟腍，淋上了甜辣的醬汁，加$8將白飯轉爲金貝飯，亦即是黃薑飯，帶點點椰汁、香茅同斑蘭香味，味道相當不錯。巴東牛肉牛角包$48香酥脆口的牛角包，中間夾住甜辣的巴東牛肉肉絲，惹味香口!…Read More

睇住佢由佐敦🏘搬到尖沙咀再開~Menu除左保留原有嘅🐷招牌沙爹豬肉飯🐮巴東牛肉飯 咖哩等之外 宜家仲大玩fusion😎將佢地放入牛角包🥐同bagel🥯我地lunch去食😝太餓就叫返兩碗飯😋兩款醬汁用黎撈飯都好一流🤤🌟🐷印尼沙爹炒豬肉飯($55+$8)-🥜沙爹醬有粒粒花生 甜甜地 +偏瘦嘅🐷豬肉條同洋蔥真係無得輸😋-唔辣 調味濃郁得黎 又幾惹味!-⭐️推薦+$8轉天貝飯(薑黃飯)覺得比配普通白飯🤔食落更多層次同有種獨特嘅芳香🥰-呢款都幾多人叫 每次都幾碗咁出😀🌶🐮招牌巴東牛展肉飯($65)-牛展肉軟腍好易咬開😆似牛腩+少少骨膠原嘅感覺😝有4-5舊！-🥘醬汁都好濃郁🌶會比沙爹辣少少~食落質感似紅咖哩 -鐘意佢有車厘茄同秋葵😉食左半碗飯可以清新一下總結-💛真心好抵食🤩食物質素都唔錯😍-沙爹豬肉同以前👯‍♀️中學果陣食嘅味係一模一樣😭-欣賞餐廳想推廣印尼食物嘅心意 岩岩睇到餐廳ig話會出更多特色印尼菜式😙好期待下次可以試新品☺️…Read More