Postcollectionhk Cafe (Closed)

聽朋友介紹尖沙咀有間好大既樓上cafe可以同朋友一邊食飯一邊傾計，今日終於都試到啦。一上到2樓已經見到一個好大既空間，就咁睇有少少似圖書館既一角。可能係café餐廳所以飲品選擇好多，有唔同既咖啡同埋茶。我地叫左一個carbonara，一個all day breakfast同埋心太軟配雪糕。之後店員就會好似foot court咁俾個機我地等食物準備好就出去攞。Carbonara睇得出有溝過蛋黃所以令到每條意粉都會深黃色，面頭再加上芝士碎，用意粉既熱力將佢溶入意粉入面，加埋煙肉真係好入味同埋好creamy，成個意粉都整得好出色。All day breakfast有好多沙律菜同埋一條有大既腸，加埋煎香咗既煙肉、炒蛋同埋好新鮮多汁既車厘茄，真係好滿足同埋飽肚得嚟又唔會太滯。牛角包好香牛油味店員同我地講如果想後上心太軟就最好早15分鐘同佢地講聲，我地之後出去同佢order後等左大約十分鐘就有得食，雪糕加上心太軟真係絕配，一凍一熱既口感好好，心太軟亦都有好多朱古力流心，作為甜品份量岩岩好！加上環境好好坐得好舒服，估唔到尖沙咀都有一個咁chill同埋唔多人既地方！…Read More

之前search香港有咩cafe好去香港郵意永遠都會上榜 今次終於黎試下呢度唔算好難搵 喺金馬倫道近住尖東嗰邊佢無限時咁任坐 地方又大 又唔同嘅位俾你揀可以選擇坐係地下 見到好多一group group朋友係度傾計個Menu就掛住喺張枱隔離 好方便有啲菜名都幾盞鬼 店員都會偷食嘅薄餅啲餐具全部都係自助 需要嘅時候就去拎 我哋叫咗一個全日早餐 都好足料架 有沙律菜 牛角包 肉腸 炒蛋 菇 同埋 好多煙肉本身想試吓佢個牛油果多士可能太好賣啦就冇晒 真係好可惜下次要早啲黎食先！所以最後我地叫左個卡邦尼意粉上面有好多芝士架 好夠味野飲方面我地叫左一杯小確幸其實就係士多啤梨香蕉smoothie 好健康架仲有杯香芋奶茶 幾好味…Read More

上個星期同個朋友經過尖沙咀想搵一個地方靜靜地傾吓心事，舒服嘅地方。我個朋友就介紹左我嚟到呢一間香港郵意食個寫意晚飯。 一入去見到環境十分寛躺，位置與位置之間相隔很多空位，食客可以傾計唔使俾人聽到。而叫嘢食嘅方法就係以自助形式進行，自己係點單自己去拎食物。我就點左一份卡邦尼意粉加一杯叫做小確幸嘅smoothie 飲品。杯smoothie 入口好軟滑同埋有好香嘅香蕉味，味道唔太甜，感覺到係健康嘅感覺卡邦尼意粉就唔同出面嘅做法 質感比較乾身但係芝士味同忌廉味道好足 成個嘴都充滿住creamy嘅感覺 幾有驚喜，所以我比8/10。友人另外仲點左一個白酒蛤蜊義大利麵，義粉同蜆肉都充斥住白酒嘅味道，既有蜆肉鮮味又有白酒濃烈嘅獨特味道，所以鐘意白酒嘅人千其唔好錯過啊~~最後仲叫左一杯即磨咖啡，應該係用咗貴價嘅咖啡豆，因為真係好香好香…Read More

尖沙咀比我嘅感覺就係shopping和自由行，我真係估唔到喺呢度可以搵到一個隱世勁chill的大型樓上cafe。雖然話隱世但係一啲都唔難搵，喺尖沙咀B2出口一出直行到盡頭嗰個大型商場樓上3樓就係，因為佢新開嘅關係樓下中放滿好多花籃，上到去3樓原來是全層有一半都係屬於呢一間Cafe，另一半就係啲精品店和扭蛋機。有邊個會諗到到3樓開咗間咁正的Cafe，啱晒我呢啲偽文青。佢空間非常之大，而且環境好舒服好自在，重點係唔同區域有唔同嘅枱櫈你可以自己選擇，席地而坐又得，圖枱，長枱，唔同嘅座位都可以坐，重點係佢係無限時，只需要最低消費一杯野飲就OK，平時約三五知己來呢度hea一個晏晝都冇問題！佢呢度呢係自助形式，唔會有侍應服務，攞餐到食完擺番啲盤都係自己，不過見到大家都好自律，可能係比成個氣氛環境所影響。至於食物方面都算係非常高質，因為通常Cafe嘅嘢食我哋都預咗麻麻地，點知佢呢度嘅嘢食性價比算很高，我哋點左all day breakfast都係$88，有德國腸煙肉炒滑蛋牛角包沙律菜同埋蘑菇，滑蛋够滑，牛角包仲係暖㗎，而且一set都幾大!卡邦尼意粉($58)同樣一樣咁有誠意！唔會話太多汁，加上大量嘅洋蔥，配以蘑菇煙肉感覺好夾幾香口，加上佢呢度用扁意粉爽彈煙韌我鐘意呀！另外佢嘅嘢飲都好得！我因為傷風唔舒服叫左一壺熱嘅有機檸檬薑茶($58),佢都幾足料而且幾大喎，我飲咗喉嚨好舒服啊😌二朋友就點咗一杯名爲小確幸的smoothie($48), 即係士多啤梨加香蕉！味道唔錯喎，亦都唔會太甜，幾清新！佢呢度仲有好多款唔同嘅明信片可以即買即寄，我諗係target on 旅客多，不過啲明信片都幾得意。整體來講，佢呢度真係幾好坐，我同朋友不經不覺由晚上七點傾到11點，只需要最低消費一杯野飲啦就可以唔限時任坐！後來我仲見到原來佢夜晚9點到11點會推出甜品放題,只係每位$88就可以任食佢自家製作嘅甜品，今次比我發現咗呢個咁正嘅地方！我下次又要來食！😍—————————————————店名：香港郵意 環境🏝：8/10服務💁🏼‍♀️：8.5/10 價錢💰：8/10食物質素🍝：8/10 整體🙆🏻‍♂️：8.3/10 地址:尖沙咀漆咸道南61-65號首都廣場2樓80-82號舖…Read More

這是一家好特別的café店家以明信片為主題熱愛旅遊的我當然趨之若騖場內更有一個紅色的英國郵筒當進入餐廳時你可隨意找座位沒有招呼也沒有人干預你要坐多久只要是坐下消費就可坐多久都可以條件是聲量不擾人及離開時執拾餐具我們二人要了全日早餐和卡邦尼意粉及咖啡全日早餐附有半件英式鬆餅有別菜單上的牛角包其他配料有香腸煙肉尤以蕃茄仔超大粒新鮮及有甜味吃得出是上價貨卡邦尼意粉是水準之作味道調理得剛剛好見到櫃枱內的精緻甜點相當吸引奈何今天的腸胃已沒有位置了下次再來嚐嚐吧…Read More

係鬧市中要搵個地方舒舒服服，又坐得耐真係唔容易。今次就搵到間入座不限時任坐既Cafe！同朋友黎hea一個下午絕對無難度😎Cafe用明信片做主題💌，佈置偏簡單及帶小清新風格，有少少植物做綠化🌿。環境好闊落，有分普通餐椅區同榻榻米區。特色牆身仲痴滿哂世界名地postcard，可以眼睛去旅行🌍除左有創意精品售賣區，仲有好多香港特色明信片寄賣，並有代寄服務📮。(本地 $2/亞洲 $4/國際 $6)。💡晚上8點30後，將有無限時甜品放題供應。詳情請向店內職員查詢。🍦🥧🍰🍮🍨🍧➖➖➖➖➖➖➖➖➖➖➖➖🔸豆腐蜂蜜芝士蛋糕 $58食落口感超鬆軟，就好似慕絲蛋糕夾住海綿蛋糕咁。味道變化豐富，入口先係清新既檸檬味，過幾秒係淡淡既豆腐味。蛋糕上有一舊仔硬身既蜂蜜𥖁，咬落好crunchy，有少少黏牙。壓開少少夾住蛋糕食，味道幾中和。🔸雲呢拿楓糖雪糕窩夫 $78份量超大，分到八大舊，每一舊上面都有厚厚既cream。配上雪呢拿雪糕，一冷一熱，鐘意既淋少少蜜糖係面，唔會咁dry。仲有少少燕麥脆脆係面個topping，不馬夫。🔸朱古力心太軟配曲奇雪糕 $68朱古力心太軟外部結實，內部軟綿綿，有少少流心。吃起來跟一般心太軟類近，不過不失。朱古力甜度足夠，喜歡吃甜朱古力的人可以選擇。🔸卡邦尼意粉 $58意粉較為偏硬，有好多芝士絲係面。唔係普通火腿，好多洋蔥，夾少少香草好香。撈忌廉汁一齊幾好食，份量好多，一定夠飽。．by VIN環境分數: 8/10食物分數: 7/10…Read More

朋友去完旅行拿手信畀我,想搵個可以坐得舒服,又坐得耐嘅地方,慢慢傾下偈,分享佢去旅行嘅趣事.Cafe地方真係好大,自助型式,入到去自己搵位,再自己出去order野食.以明信片為主題,其中有個位置仲貼滿明信片&放左好多旅遊書,真係一個傾偈好地方.隔離仲有間鋪頭買明信片添.全日早餐有沙律菜,蕃茄,菇,腸仔,煙肉,炒蛋&牛角包,份量十足,好豐富.牛角包好香牛油味,又鬆軟雞蛋炒得好滑.卡邦尼意粉,意粉軟硬度啱啱好,好creamy,仲有好多芝士碎.鮮奶抹茶,抹茶味好香,又唔會太甜.…Read More

位於比較隱蔽既首都廣場2樓，睇openrice先知呢間咁多食評既餐廳。有成百幾個座位，而且仲有香港特色既postcard同郵筒可以寄信。Lunch時段頗清靜，適合黎傾心事既朋友仔。👯收銀姐姐又要收銀又要擺餐，一腳踢辛苦哂～最後等咗30分鐘就有得食啦～餐廳採用自助形式，自行拎餐，自行收拾餐具，係一個好好既習慣！！煙三文魚香草包配乳酪沙律 $68沙律醋同沙律好夾，好清新，睇落份量雖然唔多。可能沙律醋酸酸地既關係，乳酪無咩味道。煙三文魚包有驚喜！包包外脆內軟，配搭蕃茄、芝士、煙三文魚同菜既香草包，食落都幾飽。😋😋卡邦尼意粉 $58芝士十足既卡邦尼意粉，菇菇同洋蔥份量都幾夠，意粉配埋卡邦尼醬汁，幾有咬口，食完唔係幾夠喉添😝…Read More

同朋友想響尖沙咀搵個坐得耐嘅地方，見啲食評話依度好free同可以任坐，就決定訂枱黎食晚餐喇！訂座可以免費獲贈一份心太軟呀！朋友首先去到，等咗一段時間先有人安排座位，而且朋友話個侍應呆呆滯滯，好似唔知自己做緊乜咁😥安排好座位我地就叫野食先～揀咗vegetarian all day breakfast, 黑松露汁野菌意粉，卡邦尼意粉，煙三文魚火箭菜薄餅～🍴卡邦尼意粉～依個價錢響尖沙咀食到個意粉其實算平嘅，但味道就偏咸！🍴黑松露汁野菌意粉～個樣係咪同上一兜意粉差唔多呢？無錯，連個味都係差唔多架😰😰🍴煙三文魚火箭菜薄餅～幾好食呀，個底加上厚厚嘅蕃茄醬，上面嘅配料都幾新鮮，同個蕃茄醬好夾，係我最滿意嘅一道菜！🍴素全日早餐～整體唔錯，賣相都好好，但美中不足嘅係，兩舊茄子都好生，中間好硬落單時已經落埋甜品，因為訂座後消費滿$350先有心太軟送，所以我就一次過落哂單先！同咗佢講後上甜品！食到咁上下個收銀行咗過黎，問我地係咪上得甜品，我地話係。點知，等咗超耐佢都冇拎黎，我就親自出去催，個收銀先慢慢夾一舊切好哂嘅檸檬威士忌糖漬凍餅比我，唔講以為佢係即整，如果唔係都唔知點解要搞咁耐🍴檸檬威士忌糖漬凍餅～幾有心思嘅甜品，有層次感。🍴心太軟配雪糕～哇，依個真係極品呀。我一拎返埋位嘅途中，個雪糕已經溶到成攤水，我再摸一摸個碟，熱嘅？！竟然將啲雪糕放落個熱辣辣嘅碟度。。另外搵個碟裝住都得掛！？又再一次證明common sense is not that common總括而言，食物水準唔高，唔好預計會有咩服務，連唯一預到嘅收銀都係呆呆滯滯，發緊夢咁。但如果你本人想發下白日夢，搵個地方hea下，依度都不失為一個好地方！…Read More

周末在尖東隨便逛逛，同bff想找一間cafe静静地坐一下，在首都廣場下看到2樓有一間香港郵意的cafe便上來看看郵意係全自助自己先搵位，自己行去點餐，自己拎餐，食完自己執，總之就靠『自律』坐位都好多，仲可以好free咁抱著cushion坐地下:)但又係要『自律』先除鞋再上去坐每位只要買一杯飲品，就可以不限時坐伊甸園（蘋果芒果乳酪冰）$58無外加糖，好天然既口感還吃到很多纖維好健康的感覺卡邦尼意粉$58味道偏濃，放了很多芝士在上面煙肉好香班尼迪克蛋Egg Benedict$128來配合這個悠閒假期最好不過，濃濃的蛋汁口感真的很令人着迷！…Read More

尖沙咀首都廣場水靜河飛完全似一個死場但因為想去黐返個芒貼行咗上去竟然有個意外收穫🧐發現這間＂香港郵意＂這裏面積很大環境清幽舒適，原來在鬧市中都會有一間咁大可以慢慢Hea嘅Cafe🤓真係有得寄明信片㗎All day breakfast $88這個全日早餐幾豐富，有沙律菜炒菇腸仔煙肉雞蛋牛角包🥐，牛角包非常鬆軟牛油味濃香噴噴，腸仔質量高👏🏻卡邦尼意粉 $58卡邦尼意粉個汁比較稀，幸好意粉軟硬適中而且加了很多芝士碎，令賣相提升不少😆豆腐蜂蜜芝士蛋糕＄58口感質地似Tiramisu，食落有濃烈豆腐味很特別，綿密滑溜微微甜濕濕地，值得一試😋曖昧$58用士多啤梨和藍莓揸成的果汁一定無得輸，酸酸甜甜夏天的最佳拍檔👍🏻…Read More

呢日行開尖沙咀，突然落起滂沱大雨，咁岩係食飯時間，就入咗嚟首都廣場你間Cafe食下野坐下傾吓計。上到去，唔知仲以為自己入咗圖書館自修室，好多人喺度做緊嘢，溫緊書，同人傾緊project，仲有人喺度玩緊board game. 呢度採取全自助形式買餐，喺櫃檯點早餐之後，就坐低等感應器發聲，通知客人去櫃檯攞食物。雖然呢個egg benedict不便宜，但質素也不錯，特色在於材料非常新鮮，熱辣辣嘅muffin 上有帶點有柚子香氣的溫泉蛋，上面有一片厚厚的煙熏三文魚片，咸度適中，上面仲有幾塊新鮮菠菜葉同只是說，整個賣相不但令人垂涎三尺，更加係心機之作！切開熱辣辣的溫泉蛋，蛋漿慢慢流出，蛋香滲透整塊muffin，同三文魚香好夾~蘋果蓉烤批外皮鬆脆，裏邊有熱辣辣的新鮮蘋果蓉，本來以為蘋果蓉會好甜，但驚喜在於餡料好fresh，明顯無加好多砂糖，味道更自然。不過本身有肉桂香氣的蘋果批本應配雲呢拿雪糕，但唔知係唔係佢哋冇貨，配左一球士多啤梨味雪糕，結果就有啲怪，強烈的士多啤梨味完全蓋過蘋果批自然的香味，所以配搭有點奇怪。卡邦尼意粉醬汁不錯，幾有芝士味，如果更杰身就更好了，但整體來講，意粉有咬口，入口滑嘟嘟，夾埋芝士碎效果不錯。…Read More

依間叫郵意既cafe係好耐之前都聽過架啦，係以旅遊為主題既，店內仲擺放好多名信片同埋地圖等，好有旅遊風可惜當年想去既時候搬左新舖，依家黎依間係尖咀新舖，一入到黎發現地方大，裝修風格舒適:)我所見餐牌就只得以下幾頁，差不多係全日適用既餐廳主食都係以意粉、沙律、全日早餐同埋薄餅為主甜品選擇好多值得留意既係晚上8:30後設甜品放題，68蚊就任食，堅抵可惜我係黎食晚飯我就叫左卡邦尼意粉以紙兜裝住，感覺好外國原野風友人叫左黑松露汁雜菌意粉黑松露同埋芝士既味道好濃其實兩款意粉賣相好相似，味道都有相同之處，都係好creamy ，用料都幾多架，而佢既份量真係食飽一個人，起初仲驚食唔飽叫多個全日早餐全日早餐睇落都好靚最突出係採用車厘茄常規嘢包括腸、煙肉同埋炒蛋都做得幾唔錯:)但重中之重係依個牛角包啊係特別好味鬆軟得黎散發出淡淡牛油香，新鮮焗好係好食整體而言，餐廳食物質素不錯，而且價錢都算相宜，最特別既地方，係佢位處一個人流唔算多既商場入面，舖位佔地甚廣加上環境清幽，好多人都黎嘆杯飲品食住嘢黎傾功課同埋吹水，真係難得既悠閒寫意好地方…Read More

香港郵意， 一間以明相片為主題既餐廳， 餐廳細細， 但感覺好舒服。同朋友傾下計， 又想坐耐d , 係好選擇。 假日， 這還設有手作市集， 比年青人一個發揮個人潛能既地方。 推介一下， 玫瑰花加茉莉花茶一定要試下。 好低飲😘…Read More

本店前身係灣仔，好耐之前已經想去，今日就同朋友黎新分店食下先~新分店搬左黎尖沙咀首都廣場，地方好大，仲有tatami位添！我地未食lunch, 所以叫左兩個熱食+甜品+飲品~呢度係全自助形式，落單後店員會比部機你，食物準備好會發聲提示~等野食既時候周圍行下先~原來呢度有時會有手作市集、工作坊！！店名「香港郵意」當然不乏郵政元素啦~有郵筒，仲有好多非常有香港特色既postcard：酒樓點心, “潮語” ......  咦！我揾到Wally呀！！！餐廳仲有個黑板比食客留言添！話甘快就可以拎野食啦~~~ 店員會提示本店係全自助形式，食完自己收拾好~All day breakfast 賣相好吸引!! 沙津菜加左黑醋，酸酸地，幾開胃~牛角包外脆內軟！！腸仔比其他店既All day breakfast大條，香口幾好味~番茄好特別，連埋莖~ 蛋都好滑~卡邦尼意粉屬於比較輕型既Carbonara~ 唔會好creamy,一個人成個食晒都唔會覺得好滯！但芝士味唔係太濃，喜歡濃濃芝士味既朋友未必滿足到香蕉朱古力忌廉可頌配雪糕雪糕係雲呢拿味Movenpick，好滑好濃雲呢拿味~~牛角包都係外脆內軟，比All day breakfast既牛角包size大DD個餡有多香蕉同cream，成個牛角包食落外皮脆中間甜甜地又軟稔，口感豐富~~茉莉玫瑰花茶呢度既花茶係一壺壺既~ 而且飲晒可以揾店員加水再添~呢款花茶淡淡清新花香，飲落比較清既花茶~食完比較濃味既食物，飲杯花茶即刻可以繼續食~~整理來說，呢間cafe食物質素不錯，環境舒適，適合傾計聚會既好地方~…Read More