Das Bier (Blossom Garden)

母親節🎉＋開番晚市😎當然出去食餐好啦～今次近近地係屯門寶怡花園試下尼間德國餐廳😜餐廳唔算太大，加上因為母親節關係，同埋樓面得一個人，所以落order都要d時間😅整體食物都唔錯，不過坐位較迫及服務一般，價錢係屋邨餐廳黎講都算貴，所以未必再去食。德國超級香腸拼盤（$198）我地叫左大size，味道唔錯。德國鹹豬手配酸菜及薯蓉沙律 （$238）我地選擇左炸既，幾香口，同埋佢上枱時已經切好，幾方便。不過豬手唔算太大隻😅酸菜同薯蓉沙律都好味。燒 (澳洲) 羊架（$278）比上像中細件😅，味道唔錯，但覺得唔算抵食。可能我地太大食🤣😂煙三文魚配凱撒沙律（$138）哈哈～食番個沙津平衡下🥗，味道正常啦。卡邦尼意粉（$138）尼個🍝係叫俾小朋友食，佢地話好味😍…Read More

又嚟到happy Friday喇！老公話想去happy hour，但酒我真係麻麻哋⋯佢醒起之前同朋友食過呢間德國餐廳Das Bier，既可以飲啤酒又可以食埋dinner，真係一舉兩得！呢度嘅食物選擇唔算好多，主要都係傳統德國菜式，嚟得食德國菜，點可以唔食德國腸同飲啤酒呢，我哋就叫咗德國香腸拼盤、卡邦尼意粉同埋Hoegaarden Rosee。首先嚟嘅係杯Hoegaarden Rosee，既然嚟到，點都要試下嘅⋯估唔到原來咁好飲，呢杯Hoegaarden帶有花香，清甜得嚟帶小小酸，好fresh，好啱女仔飲！推介！到主菜，個卡邦尼意粉份量好足，好creamy好邪惡！芝士味夠晒濃郁，而且醬汁亦非常幼滑，絕對係水準之上！個德國香腸拼盤有四款香腸，當中我哋最鍾意嘅係辣肉腸同芝士腸呢2款。辣肉腸好juicy，而且辣辣哋幾惹味；而芝士腸放刀一砌，啲芝士爆晒出嚟⋯整睇餐廳食物質素好好，下次有機會試埋佢個鹹豬手！…Read More

同老公撐枱腳，本來卜左元朗餐廳，但臨時先收到電話話餐廳前日已經冇左😑 (但openrice顯示仲係營業中)，要去到屯門分店，預左食豬手就照去吧。去到屯門德國餐廳竟然見到有新出既奶蓋Apple cider，酒都可以芝士奶蓋🤣 即刻叫杯黎試飲，又唔錯喎!! 當然仲有必食既脆卜卜既德國咸豬手仲有芝士墨西哥薄餅，好薄好脆同最愛既卡邦尼意粉，醬汁超濃樣樣都勁好味呀，好滿足既一餐😋唔知點解元朗2間分店都冇晒，希望老闆見到快啲係元朗開返啦，否則就要去其他區既分店先食到。…Read More