Lemna of the alchemist

去藝術館的路上肚餓～就可以試下呢間充滿藝術感嘅餐廳❣️前菜+主菜=$128（加一）主菜+甜品=$128（加一）以上都奉送餐飲1️⃣煙三文魚配溫泉蛋及香草（前菜）溫泉蛋個表面睇落去係流心嘅蛋，其實裏面嘅蛋黃係半流質，夾得起的！非常有趣，而且好香蛋味，配合埋煙三文魚嘅鹹味～中和咗更加好食😋2️⃣藏紅花蟹膏蟹肉意大利飯（+$18）因為意大利飯嘅表面有燒香過，所以上菜時係香噴噴嘅🤩另外飯嘅顏色好金黃，可見充滿蟹膏🤤用匙羹舀嘅時候見到啲蟹肉絲黐住喺中間，用料十足🥰入口嘅時候蟹膏好香，仲食蟹肉絲～相反藏紅花就比較失色，隱約見到有少少紅色，唔係好食得出🤔飯嘅口感方面亦有一啲啲洋蔥粒～不致太單調。最後唯一一隻嘅小蟹鉗係有炒香過嘅味道😚非常惹味！3️⃣卡拉布里辣肉腸苦艾酒大蝦扁意粉首先雖然菜名有辣肉腸呢個字，但成碟意粉得一零一片🤣還是非常之薄，入口有少少辣味，但冇自己獨特嘅味道🤔另外意粉嘅重點苦艾酒，食落有啲甘苦味，喺香港比較少食到嘅味道～大蝦有4隻，十分彈牙👍🏻但佢同苦艾酒呢個sauces 唔係太match到，好似同意粉嘅味道分開咗嘅感覺。4️⃣Daily cake:朱古力蛋糕好smooth好香朱古力味！而且唔甜唔膩～作為飯後甜品嘅份量係啱啱好🥰📍總結：📌推介蟹膏蟹肉意大利飯，係預期中嘅美味！📌卡拉布里辣肉腸苦艾酒大蝦扁意粉對於本人係幾新奇，推介俾鍾意嘗新嘅朋友😆…Read More

約朋友到文化中心午餐，梗係去一間充滿文化氣息嘅cafe啦，牧羊少年與他的浮萍分餐廳同酒吧兩邊，主打新派fusion菜，裝修以米、灰色調為主，大綠色植物擺設，落地大玻璃採光度高，空間感十足，我哋12:30入座，都幾休閒寫意，不過一到一點鐘午飯時間旋即全場滿座。呢度set lunch有前菜、主菜及甜品，可以自行選擇配搭同埋升級。#前菜#煙三文魚配溫泉蛋及香草油煙三文魚夠凍，溫泉蛋保持流動的半熟狀態，有流心，配上綠色香草油賣相唔錯。#水牛芝士配青提及小番茄水牛芝士跟番茄係好普遍的組合，番茄天然嘅甜酸味跟水牛芝士嘅奶味配搭得好好，加上配水果可令口感更清爽，開胃輕盈。#主菜#澳洲M4安格斯西冷及香烤蔬菜佐牛燒汁 $266叫咗medium，西冷表面邊位煎得焦脆，充滿鹽同黑椒味，配菜有烤薯同長長西蘭花苗，不過西冷肉質都係榎咗啲，呢個價格覺得應該可以好啲。#烤比目魚蜜桃綠牛油生菜沙律配烤南瓜籽及自製油醋汁 $128比目魚皮煎得香脆，魚肉嫩滑，加上醃製蜜桃一齊食，魚肉清淡口味撞埋蜜桃香氣感覺清新，甜甜地可以吊起個胃口。沙律採用新鮮食材牛油生菜、青瓜、番茄仔，一定穩陣唔會難食，加入烤南瓜籽增加口感。#卡拉布里辣肉腸苦艾酒大蝦扁意粉 $128大大片辣肉腸，大蝦爽口，醬汁香辣，苦艾酒散發出淡淡茴香嘅味，意粉硬度煮得剛好，濃濃醬汁掛身。#飲品#香芋椰子牛奶香芋味道唔係好出，感覺淨係得椰奶味，同埋比較淡。#Mocha朱古力咖啡咖啡味同朱古力嘅比例適中，覺得應該係用咗無糖朱古力，配合面頭嗰層甜度適中厚厚嘅cream，溝勻嚟飲味道就剛剛好，好綿有泡泡感。#檸檬特調底部有糖漿，攪勻後唔算好甜，同時有鹹鹹地嘅味道，有塊乾檸檬做裝飾。#甜品#焦糖脆脆蛋糕每日daily cake都不同，表面焦糖拖肥味，中間cream cheese部份軟滑低甜，底層焦糖脆脆好脆好甜，夾埋一齊食剛好。#Tiramisu芝士輕盈幼滑，手指餅夾層質地偏挺身，似蛋糕嘅感覺，滲出淡淡咖啡酒香，屬於偏甜但不會過分死甜，鮮忌廉伴碟口感更加滑。#牧羊少年與他的浮萍地址：尖沙咀梳士巴利道10號香港文化中心地下…Read More