Nakitora Ramen (Harbour North Phase 2) (Closed)

有人話係香港食拉麵係比智商稅，要食不如去日本食。咁香港果D茶餐廳，譚仔，燒味去到外國貴幾倍，唔通日本人又話係日本食譚仔係交智商稅，應該飛黎香港食咩？所以呢鋪講法真係要戒啦。👇🏻📌人 氣 推 介 -▪️ 蝦 味 噌 豬 骨 湯 拉 麵 - $88▫️ 我就揀左呢個「蝦味噌豬骨湯拉麵」，湯底用上北海道鮮蝦熬煮，加上櫻花蝦粉香味濃郁，而味噌鹹中帶甜，先呷一啖湯，麵條爽口彈牙，蝦鮮味係口腔揮之不去，仲有一隻流心半熟蛋，蛋香十足，夠哂滑溜，好食。▪️ 博 多 黑 蒜 油 拉 麵 - $88▫️ 我朋友就揀左「博多黑蒜油拉麵」，湯底濃郁惹味，唔會好鹹，麵條軟硬適中，食到大量配菜，包括木耳、香蔥，叉燒肥瘦均勻，面頭經火槍燒過，帶淡淡焦香，食哂成碗亦唔會覺得好油膩，仲會附上一杯熱茶，唔錯。…Read More

今晚約左個朋友係北角食飯，咁啱行開一田，見到一田裡面有鳴虎拉麵，咁就坐低食啦😊拉麵店座位都幾闊落，設計仲有bar枱位置。店舖係自助形式，先去收銀處落單，再等取餐，食完之後記得自己收回托盤去回收處🫶博多黑蒜油拉麵 $88博多黑蒜油拉麵用上招牌豬骨湯底，加入博多黑蒜油，飲落順滑不膩，濃厚惹味，但唔會太鹹，配上富有彈性及嚼勁的幼身麵條，麵條掛湯度高，份量好足，而配料包括有2塊日式火炙叉燒、一隻溏心蛋、紫菜同木耳等☺️日式火炙叉燒肥瘦適中，而且仲經過火炙，外酥裡嫰；咬落去溏心蛋後半熟的蛋黃流出，蛋白軟滑，蛋黃味濃郁。日本魚乾豬骨湯拉麵 $88魚乾豬骨湯拉麵以四種鮮魚加上鳴虎豬骨湯底熬煮，湯底混和左豬骨同鮮魚嘅精華，既鮮味可口又有豐富層次👍👍而配料一樣包括有2塊日式火炙叉燒、一隻溏心蛋、紫菜同木耳等☺️…Read More

近來去了北角匯的一田購物，買完野肚子餓，見到一田入面竟然有日本拉麵店，梗係要試下啦。我們試了他們的博多黑蒜油拉麵和四國香蔥油拉麵， 兩款拉麵都各有千秋，都好好吃！首先推介博多黑蒜油拉麵，拉麵的份量非常足夠，兩大片厚切叉燒，一整個溏心蛋，其他配料都好足！特別喜歡個湯底雖然睇落好濃味，聞起來好濃的味道，但係吃起來並不是超濃郁，所以不會完全蓋過其他食材的味道。 拉麵的麵條非常有嚼勁，肉質也非常鮮嫩，加埋個蛋，真係好味道！有著黑蒜和油的香氣，味道非常美妙。 另外一個四國香蔥油拉麵。 這道拉麵的湯底和博多黑蒜油拉麵不同，它是以香蔥和油為主要調料，都不是成日見到的口味。味道相對比較清淡，但是聞落都非常香！配料足料就一定，同樣是兩大片厚切叉燒加溏心蛋， 雖然沒有博多黑蒜油拉麵那麼濃郁，但也非常美味。 這款吃後就不會覺得油膩，但是非常飽肚，加上有一杯熱茶免費，都相當滿足的一餐。 由於在一田入面，座位不是很多，好彩我們去的時候仲早，未見多人，如果想來吃的朋友就記得早D來啦！價錢也非常合理，仲有其他口味未試，留返下次先啦！…Read More

星期五落一田掃完貨，順便就揀咗呢間鳴虎食個拉麵。呢度有堂食坐位，以小店規模嚟講算係座位充足，所以輕易就搵到一個有利位置，然後再出去點餐。點餐後，店員會通知客人取餐號碼，請客人自己取餐。一人一碗拉麵的確令人大滿足。蝦味噌豬骨湯拉麵湯底味道濃郁。除咗有濃濃嘅豬骨湯味之外，仲有滿滿嘅櫻花蝦味道。而且仲配有8成熟嘅溏心蛋，配拉麵就最夾。博多黑蒜油拉麵同樣有溏心蛋、紫菜、木耳絲等配料。佢嘅黑蒜油顏色唔算黑，但仍然充滿蒜香。…Read More

假日和友人去北角海旁走走，煙雨濛濛。在北角碼頭散步後，中午先到附近商場裏的拉麵店吃碗拉麵，稍作一歇，度過休閒的假日。店舖位於一田內，位置方便，設有吧台位和一般四人座位。店內盡頭是軟座位，可以坐得更舒適。蝦味噌豬骨湯拉麵($88)，依餐牌上說，加入北海道鮮蝦、櫻花蝦粉、鹹中帶甜的味噌，整碗湯底濃郁，特別能嚐到蝦香。拉麵頂層鋪上大量櫻花蝦，增加蝦的脆口感之餘，也為拉麵和湯帶來櫻花蝦的鮮味。麵條掛上蝦湯底和櫻花蝦，鮮蝦味濃郁。博多黑蒜油拉麵($88)，加了黑蒜油的拉麵比一般拉麵多了一陣蒜油香。掛上黑蒜油的拉麵也更滑，麵條彈牙入味，吃一口麵條，再喝一口濃郁黑蒜油湯底，香濃惹味，齒頰留香。筍($12)，點了筍這一個追加配菜，加入拉麵吃。爽口入味的筍，配上彈牙的拉麵，呈現兩種不同的爽口。波子汽水(原味)($18)，有點像喝有氣的乳酸水，與濃郁湯底的拉麵一起，相輔相成。波子汽水(草莓)($18)，微甜的草莓味，配上一口拉麵，能解拉麵的膩，帶來一種清新的感覺。波子汽水(可樂)($18)，這個像是乳酸味的可樂，跟一般的波子汽水可樂不同，如果喜歡乳酸味可一試，個人則比較喜歡原味。…Read More

丫姨去咗北角匯shopping行超市, 放工join佢睇有冇野買, 順便一齊食dinner。係超市入面有幾間食肆小店, 隨意地就揀咗呢間拉麵小店, 入面有少量堂食位置。拉麵款式唔多, 主要為湯底之別, 拉麵配搭食材都為蔥、木耳、溫泉蛋，兩片叉燒。另有數款小食、丼飯。 【博多黑蒜油拉麵】HK$88豬骨湯底芳香濃郁, 唔會過鹹, 稍嫌湯底唔夠熱。拉麵唔係彈牙果種, 但軟硬適中, 配料有蔥、木耳、溫泉蛋，叉燒等。凍溫泉蛋軟滑流心, 叉燒肥瘦均勻夠稔。 【四國香蔥油拉麵】HK$88對比上一款湯底, 呢款偏清香一點, 冇預期過於油膩感覺, 夾集香蔥同京蔥一齊食, 更為香口。 【鳴虎炸雞】HK$48炸雞炸得金黃酥脆, 雖算不上嫩滑, 但亦唔算太乾。…Read More