Cookery Sweet Tooth

旺角甜牙牙是甜品店，另外有甜牙牙煮意Cookery有西餐又有甜品，一次過晚餐+甜品好方便。8月是豬豬月，有幾款菜式有優惠價。正價飲品，第二杯半價。牛小排八五折，原價$256份，需要預先訂枱，並九時前結帳八五折，下午三時到七時下午茶時段，單點小食，均送一杯咖啡或茶點主菜加$40有湯/沙律、飲品及甜品，我們點了一份。8月是豬豬月，有幾款菜式有優惠價，另外點主菜加$40有湯/沙律、飲品及甜品。南瓜湯十分欣賞熱騰騰上檯濃郁南瓜香味，質感又滑，還有一片炸脆煙肉放在湯面，幾有心思。熱檸檬茶茶色清晰，紅茶優香而不澀，好好飲漁人碼頭 $98有新鮮大蝦、花蛤、和彈牙的八爪魚，有洋蔥及蒜片輕炒意粉，幾惹味烤豬骨排 - 4條 $148份量十足，賣相也一流配菜有烤粟米、蕃茄、菇，連整個蒜頭也有排骨以鳳梨蜂蜜醬和燒烤料醃製一天，相當入味，肉質仍保持嫩滑。附上手套可以更暢快品嚐美味排骨。甜品轉了 朱古力拿破崙（跟餐可減$20）半月型拿破崙配上朱古力味雪糕、忌廉、自制劇院蛋糕拿破崙是每天現烤酥皮，夾著吉士醬、水果，質感鬆脆，夾著的吉士醬與水果甜中帶點清新，為今次晚餐劃上完美的句號。…Read More

今晚約了朋友出旺角週圍行買特别精品回家擺放，行到差不多吃晚餐時間，我們找看附近餐廳，見到這間名好得意同有甜品，就入了去，環境有舒適感，坐下看了一回餐牌叫了配菜南瓜/薯仔細細碟南瓜同薯仔，鮮甜滑口南瓜香味，薯仔炸過，脆脆口，好香薯仔味，開胃小吃時日沙律好新鮮鮮甜菜味，唰唰聲配有橄油香，獨特口感水晶薄荷西柚梳打飲品顏色好彩虹，吸一口凉凉地薄荷味同帶有酸甜西柚香味，有清新感慢煮三文魚扁意粉三文魚厚身，肉身入口特别軟滑，濃香三文魚鮮魚味，意粉幼幼扁身，爽口嫩滑玫瑰水果茶清香玫瑰味同水果鮮甜味，好搭配，味道適中漁人碼頭長通粉以海鮮做配料，長通粉上面舖滿鮮大蝦，蜆，魷魚，蝦大隻，好爽口嫩滑，重海鮮鮮蝦甜味，花哈同魷魚，細細隻，脆身，彈牙爽滑，不失蜆同魷魚鮮海鮮甜味，長通粉入口好有海鮮香味時日餐湯:)南瓜湯，一啖入口順滑南瓜溶，濃香鮮甜南瓜味套餐甜品焦糖布丁，杏仁舖在布丁面上，焦糖同奶香味好濃郁，杏仁爽脆，特別有口感，甜度適中…Read More

和朋友約好到旺角食飯，兼睇波鞋，預早轉發餐廳連結予朋友，以為有舖面相，地址可依，萬無一失。惟等了又等還未見其踪影，原來朋友去錯專營甜品的總店，對於這位路痴友人，是難於用言語指點或以打撈方式引領其回歸正途。好在兩舖相距不遠，總店和分店只是對街之隔。可能甜牙牙在旺角已經有一定地位以及知名度，朋友的故有印象加上以中文名在地圖上搜尋，結果順理成章去錯地方。甜牙牙另一間以西餐為主打的副線餐廳， 室內燈光、佈置似乎頗舒適，Kpop video 無間斷放送，透過 Openrice 訂位還有85折優惠，有時間當然要來試試。除了散叫，這裏還有幾款套餐可供選擇，最終點了 ~七道菜式套餐～ $348/位 ( 2人起) 【餐前拼盤】拼盤組合配搭精緻 ~ 魚子醬蒸蛋  :  魚子醬口感飽滿、味鮮，有淡淡的咸味，正好和滑嫩清香，帶少少布甸質感的蒸蛋相匹配 ，濃淡調和西班牙火腿蜜瓜 : 清甜多汁的蜜瓜與味道細膩咸鮮的風乾火腿可謂奇妙的咸甜融合煎香草芝士  輕煎過帶著微温的芝士， 入口有少許嚼勁，洒上百里香，更添風味【是日餐湯有南瓜湯】湯頭綿滑，富淡淡南瓜甜味， 番茜葉作裝飾，顔色紅綠鮮明【蒜香大蝦配麵包】西班牙名菜， 這裏也有供應。橄欖油滲出濃濃的蒜香，去殼蝦肉爽脆彈牙，和蒜粒、乾辣椒同煎，略帶微辣，惹味；伴以厚肉菇菌，口感豐富，若果將白麵包換成稍為脆身法包便更理想【火箭菜陳醋沙律 配 慢煮三文魚 】大量新鮮翠綠的沙律菜拌以合桃、果仁，清新又健康；陳醋獨特的甜酸味道，更叫人胃口大開。慢煮三文魚，肉質鮮嫩，以檸檬、香草代替鹽調味，點點自然的果酸香，很有地中海風味。【檸檬烤雞】選用淡淡肉，皮下脂肪少的雞上脾，肉汁豐富，口感嫩滑，陣陣檸檬鮮香藉著微温在空氣中漂蕩【漁人碼頭】 非常足料，中型蜆肉幾近鋪滿整碟，還有去殼大蝦、魷魚、用料新鮮，爽口彈牙，鮮甜味美；除了傳統意粉，亦有扁意粉、長通粉可供選擇，我們則選了扁意粉，份量不少，軟硬適中，加入蝦頭油湯精華及黑胡椒碎、蕃茜、蒜片提鮮，香味和口感兼備。【甜品 ~ Terimisu 窩夫】 套餐跟一客甜品，今天是焦糖布丁， 不過我和朋友另有心水，加＄20 點了甜品餐牌上另一款甜品  “ Terimisu 窩夫”。窩夫的邊位脆口，入口有蛋香，伴一層灑上朱古力粉、厚厚的香滑忌廉、烤杏仁片、曲奇粹 或雲呢拿雪糕一齊吃，味道更有層次，口感豐富，份量亦剛剛好。【Caffe Latta】 這個餐跟三款指定飲品，按客人喜好，另外亦可點 “ 套餐飲品 ”、甚或加 $18 轉其他飲品。我們叫了一杯 caffe Latta，没想到一杯份量等於其他餐廳的三杯，十分抵飲；奶泡沬豐盈，夠熱，入口順滑，奶的較例較重，飲完也不怕受咖啡因影嚮，全晚眼光光到天光。甜牙牙開拓一線新戰線，正好迎接全面通關，旅客回歸，本土經濟穏步復甦的好開始。…Read More

有時晚上同朋友都會隨心搵下唔同餐廳🔍呢一晚經過閏角，見到一間試業中既CAFE☕️原來係Cookery sweet tooth.📍也是印象中店品店既姊妹店🧡估唔到這家現在都有開西餐🍴所以決定試下呢!-店內空間感十足⭐️以韓式型格為主🪐幾岩同朋友食飯傾偈，環境簡約!🤍同埋因為試業中，所以價錢真係好驚喜😍所有食物都有折，所以真係好抵食!💯-SET DINNER以意粉為主📝但有包埋餐湯、前菜、意份、飲品同甜品🍧🍽前菜方面，首先會有黑醋沙律🥗新鮮既蔬菜為小清新之選!💚之後會有南瓜湯🥣係好CREAMY同順滑之選南瓜湯有小驚喜呢!🍊-小食方面，會有齊焗薯角、蓮藕同糖心蛋🥚係用心之作! 我最喜歡焗薯角，脆口之選🥔朋友則最喜歡糖心蛋，係精緻之選👍🏻-意粉方面，我點了蒜片乾辣椒扁意粉🍝其實對比CREAMY既意粉，我個人好鍾意乾身既蒜味之選🌶🧄而且有埋辣味，真係岩晒我! 少少辣都幾過癮😋而扁意粉都好彈牙，但唔會太硬😉同埋估唔到份量都幾多!💖-朋友選了豬肉卡邦尼長通粉，正好係CREAMY之選🤍份量十足，而且有滿滿既CREAM加豬肉🥩所以口感一流，同埋賣相都好好🍴以這價錢呢講 真係好抵食!💯-甜品方面，朋友試了附送的軟滑椰子布丁🍮由於我想試下其他味，所以我點了焦糖布丁🍮我個人當然推薦焦糖布丁🤎好軟滑同埋唔會太甜同樣份量好驚人! 質地唔算彈牙果種❣️朋友既椰子布丁就會相對較淡，但以隨餐甜品泥講，又係高質之選! 🧡-最後由於這家姊妹店甜品太出名，我地又忍唔住叫多個拿破崙甜點🍰好脆身，帶著淡淡既雲呢拿味! 好食!🧁而飲品方面則點了凍檸水同凍檸水!🍋-真係好滿足同好飽既晚上!🍴估唔到這價錢食到一個完整DINNER SET!好驚喜! 而且服務都好用心!👍🏻不過可能試業階段 暫時唔係好多食物選擇‼️但都好值得試下!❗️…Read More

今日和友人在旺角周圍逛街，去到煙廠街，發現這間店，記憶中這間店以前主打甜品，依家搬左黎這裡除了有甜品外，還有西餐吃，橫掂都未吃午飯，就一於走入去試下。店裡地方不算大，但勝在夠骨子整潔，牆上掛了一個好大的燈，看起來有點像花，幾得意。除了燈，還有一部很大的電視播放一些韓國女團的表演。我們坐下後看看餐牌，見餐牌好多時都寫住"廚房特別準備＂或"食物由廚房決定"，感覺有點神秘，見他們有意粉套餐供應都幾抵食，所以就要了兩份意粉套餐。套餐每人有兩個配菜，但係是由廚房決定，所以每個客人都是不同的，而我們有兩人，他們就提供了四款不同款式的配菜給我們吃，幾特別。配菜一，焗南瓜，南瓜切開細細件，用烤焗方式烹調，外脆內軟，很香很有南瓜甜味。細細件方便一口一件，做配菜就啱晒！配菜二，烤蕃薯，同南瓜一樣用想烤焗方式烹調，一樣外脆內軟，吃上去還好像吃著薯條一樣呢！配菜三，秋葵，秋葵切到一粒粒，加上用了日本芥辣和醬油一起的醬汁，吃上去有點脆之餘，還帶點日本芥辣的味道，少少攻鼻，但不會太多，估唔到這樣整秋葵又幾好吃。配菜四，薰蛋，蛋不會太熟，加上醬汁一起吃，咸中帶甜，蛋白軟腍，吃上去雖然不會漏黃，吃上去又感覺似滷水蛋！套餐可選時日餐湯或時日沙律，朋友就選了時日餐湯，而我就選了時日沙律。時日餐湯是南瓜湯，友人說南瓜味很香濃，南瓜湯面頭還淋上一些忌廉，令南瓜湯份外香滑，還吃到南瓜的甜味，湯稠密適中，吃上去不會感覺太飽肚。時日沙律，沙律裡除了有新鮮蔬菜，他們還加了一些紅莓乾，紅莓乾煙煙靱靱，配上沙律菜的爽脆，口感不錯！主菜我就點了一個叫漁人碼頭，意粉則選了長通粉，漁人碼頭一聽個名就知用上海鮮烹調的，裡面有好多隻蜆和蝦，再用香草煮成的長通粉，蜆很鮮甜，沒有沙，蝦都有好幾隻，帶點爽，用上香草煮的長通粉很香，又不會煮得太腍，軟硬適中，一啖意粉一隻蜆一起吃，非常好的配搭。友人就選了慢煮三文魚配扁意粉，三文魚用上慢煮烹調，之後就輕輕將面頭煎之脆身，吃上去很香脆，三文魚又不會鞋，還啖啖肉呢。扁意粉上亦都是加上香草，檸檬葉，份外清新和爽口，吃完都不會感覺油膩。餐飲我選了一個薄荷梳打，很香薄荷味，加上薄荷葉，梳打水變得很清新，很久都沒有飲過薄荷梳打，依家飲到都很開心。熱水果茶用上一個玻璃茶壺盛載著，透明的茶壺清楚看見裡面的水果，加上木製的茶座，茶座可令茶保持溫度。水果茶很清甜可口。最後就是甜品，今日甜品是軟滑焦糖布丁，除布丁還有一球雪糕，旁邊有一些曲奇碎，加粒士多啤梨裝飾，布丁是平時散叫的正常size，份量比一般餐廳的甜品較大，布丁很有焦糖味，很香很滑溜，加上曲奇碎，又軟又脆的，再加上雲尼拿雪糕，令蛋味梗加突出，果然是甜品起家的西餐廳，吃完這個甜品已經非常飽，下次再有機會再來！…Read More