Nam Yeung Goodies

去完銅鑼灣中央圖書館，返屋企嘅巴士站前新開咗一間南洋家，門面嘅裝修都充滿南洋風情。自己對狗仔粉情有獨鍾，所以就揀咗佢嘅南洋客家狗仔粉，狗仔粉嘅口感有啲似上海麵。入面有排骨、冬菇、蘿蔔、味菜等，味道都幾唔錯。另外就買咗件班蘭蛋糕做早餐，顏色鮮艷，質感屬於比較乾身嘅雪芳蛋糕，都充滿班蘭香。椰汁糕造成玫瑰花形狀，白白滑滑咁，啖啖充滿椰汁香。香茅班蘭茶屬於少甜，所以更加能突出香茅同班蘭嘅香味。店外仲掛起一袋袋嘅炸蝦片，睇見都知道卜卜脆。…Read More

近日發現中央圖書館附近，有間南洋家，雖然店舖只有外賣，但食品種類繁多，小食丶主菜丶甜品丶飲品都有～南洋客家狗仔粉 $38見食評推介呢個狗仔粉，第一次食，所以無得同其他比較，我就覺得幾好味，份量足，湯底好香濃，拎到返屋企仲好夠熱。泰式蝦 $40香茅丶蒜蓉丶辣椒丶紫洋蔥丶唐芹等香料醃製，慢慢辣出嚟，惹味！千層糕 $20 /3件薑汁夠薑，班蘭夠香，件件都有12層，煙煙韌韌，好好味！龍眼水 $20足料，龍眼肉丶杞子丶香茅佔咗半支，味道清甜，消暑解渴，較健康之選，個水樽仲可以重用添！店外仲有炸物小食，唔同味道嘅蝦片，店主好友善，下次再試其他美食。 …Read More