馬六

Open Now

Now Closed

落堂後係正午餐同埋下午茶之間入座，所以店員都一次過比曬兩種嘅餐牌😂不過平價下午茶係輕量版，只係食左少少早餐既我食佢應該唔會夠飽，所以都係叫返午餐😛👁‍🗨 新加坡喇沙摻摻 + 馬拉手工拉茶（7.5/10）💲62 (Lunch Set)呢個配料比預期中豐富，有已經剝咗殼既蝦身、蜆肉，鮮味不過不失，豆卜索湯一流，魚片亦都爽口，唯獨係魚蛋並非我鍾意既彈牙口感🤔蛋既外層熟左，但係原來中間仲係保持左啲流心🥚摻摻係油麵加米粉，湯底頗為香濃有椰香，無得少辣但係尚算接受到，整體比想像中來得出色☺️要左杯熱既手工拉茶，入口都滑身，奶味比茶味重，無港式奶茶咁澀☕️👁‍🗨 巴東牛肉配米飯 + 南洋白咖啡（7/10）💲66 (Lunch Set)呢個巴東牛肉大件得黎軟腍，味道方面會係偏香辣，亦有帶點咖喱既風味，送白飯一齊食會比較好，而且配有唔少花生粒🥜另外朋友叫左杯南洋白咖啡，本身都有陣陣咖啡香，不過唔記得叫少冰，啲冰溶曬就溝到有點兒淡🙈👁‍🗨 南洋咖央多士（7/10）💲16啱出既時候食係脆身，有住微微咖央香甜，見到人哋嗰啲中間仲有層牛油，但係我呢個無，反而係出奇地有啲柚子香，不過耐左就變韌身，所以都係一上就快手食

近排係中西區一帶做野，發現哩區其實都幾多唔錯既餐廳，最重要係價錢大眾化，岩哂我地哩啲上班族。普通茶記係食唔到哩款咖央多士架！多士切開四份可以同同事開心share。多士烘到好燶好脆，再加上咖央醬同牛油，甜甜地，好好食。飲品同事就揀左茶記少見既美綠。我就揀左杯馬來手工拉茶。茶味就冇港式奶茶咁濃，味道清淡啲，滑啲，上面仲有一層好薄既泡沫，口感唔錯，我覺得普遍女仔會鐘意飲哩款拉茶多過港式奶茶。哩到既海南飯真係無得彈，雞既份量多之餘，仲要係無骨，啖啖肉，爽！另外配有三款大大碟既醬汁，深啡色果款有啲似蠔油，不過就甜甜地有啲啲酒味既；橙紅色似泰式甜酸醬，哩款我覺得同個海南雞味道最夾；奶白色既係薑蓉。一隻雞三種醬汁，三種口味👍🏼。海南雞肉質非常嫩滑，不過最重要係雞皮同雞肉中間哩層膠原蛋白😍😍。食完皮膚會唔會即刻有返彈性呢😆～？哩到既海南雞飯除左配例湯，加多少少錢可以轉配肉骨茶或者喇沙。如果想食白飯，記得落單時提出，因為唔講一律都會比油飯。另外哩到既肉骨茶都非常足料夠火喉，藥膳味濃，😮成個蒜頭放入去煲！！加啲辣椒落去味道會更出更好飲，岩哂依家天氣涼涼地飲。油炸鬼非常脆，浸耐啲都仲好脆。豬骨份量都好多。食