Shang Ching Co (Moved)

神還原台灣古早味,一直都知道尚青商號係灣仔極具人氣,繁忙時間要排好耐隊,所以今次就去演藝學院睇show前,同閨密叁來朝聖,我地仲特登早D來, 唔想等位丫嘛！ 餐廳門口好易認,因為店主神還原歪歪郵筒,一入去,底層有個迷你台式懷舊雜貨店,售賣台灣食品,樓梯位又有台式打卡壁畫,有得食,有得打卡，,又有得買嘢！唔怪得客似雲來啦‼️🔮麻辣鴨血煲連冬粉 果然係店家人氣之選,鴨血連鐵煲上菜,麻辣湯味好香, 食落好麻又濃郁,第一啖真係覺得有台灣味,而且鴨血又好滑,豆腐又吸收咗麻辣湯嘅味道,簡直係麻辣爽,冬粉可以自己放落去煮,想食腍D可以煮耐D, 成個餐份量都幾多,絕對夠一個食有突呀！真係好出色 🔮半筋半肉牛肉麵 我通常食都會試一啖湯先,呢個湯底真係無得彈, 濃郁帶甜又有咸香肉味,好正！據說神秘配方係有用甘蔗熬湯,總之就好味啦！牛筋牛腩蚊到入哂味,牛筋Q彈,牛腩軟腍,必食推介呀！ 🔮埔里花雕半筋半肉牛肉麵 湯底聞落有花雕香,但係食落酒味清淡,反而有種甜甜地嘅肉湯味！唔知D牛筋腩係唔係一大煲一齊炆,一對既入味又軟腍.其實仲想讚吓跟餐既配菜小食;酸菜,醃雲耳,油炸鬼,酸酸地,開胃又好味 🔮椒鹽鹽酥雞 台灣菜點可以無鹽酥雞,小食來講真係好大份.外脆內軟,啖啖肉！正 🔮基隆甜不辣 雖然唔係好覺有魚肉味,但係口感都幾特別,煙煙靱靱,又幾香口!不錯呀！ 店家嘅菜式真係好好味！台灣古早味。推介推介！ …Read More

一入去個裝修有種去左台灣既感覺，都幾適合打卡，沿樓梯上先係用餐既地方，有播五月天同埋周杰倫既歌曲😳假日十二點到唔駛排，但限時一個鐘，侍應好準時提示要埋單，原來呢個時候已經有起碼二十人排緊🤯▪️ 半筋半肉牛肉麵（7.5/10）💲78前菜有油條、 酸菜、醃蘿蔔、涼拌木耳等，全部都幾開胃🙈牛筋好滑同埋腍身，牛肋條既肉質亦都鬆軟，配上小白菜🥬麵條可以揀幼麵或者手工寬麵，寬麵粗厚食落幾有咬口，不過唔算好掛湯，同埋份量較少，尤其男仔未必夠飽🍜湯底有紅燒、麻辣或者蕃茄，紅燒既有香濃牛骨味，帶點微辣夠惹味🐮▪️ 茉香奶綠 + 珍珠（7/10）💲24 (Cold) + 8面頭有層微微起泡既奶霜，但係飲落無咩奶味，反而係清幽茉莉花茶居多，珍珠都彈牙既，整體甜度適中🧋🔎 整體評分（7.5/10）…Read More

📍尚青商號 @ 灣仔ღ 半筋半肉牛肉麵 $76ღ 麻辣鴨血煲配冬粉 $78ღ 椒鹽鹽酥雞 $38平日lunch time嚟食唔洗點等位～食物份量都幾大啱晒我( ・∇・)牛肉麵正常發揮啦～～紅燒湯底濃郁但冇味精鹹 牛肉都炆得軟腍入味 鴨血煲就係用火烘住上 冬天食真係一流🤣湯底唔係超級辣 麻辣得嚟都食得好舒服一煲仲有齊7-8舊超滑鴨血 仲有爆汁貢丸（≧∇≦）btw大家記住嚟到要趁個火未熄即刻落冬粉！咁去到最後等佢同啲蔬菜索晒個湯汁就好正！鹽酥雞炸得剛剛好 除咗椒鹽粉仲有海量炸蒜絕對係重口味人士（即係我）嘅天堂😙回頭指數😼4/5（算係港島抵食台灣菜( ´ ▽ ` )…Read More