Hakata Ippudo

今天到港島辦點事，結果中途收到L小姐的電話，原來和男朋友吵架了，其實只是很小意思，不料L小姐說越傷心，泣不成聲，最後連日文課也不上了。既然L小姐同在港島區，就說請她吃個午飯吧！最後L小姐選擇了吃拉麵，我們先到一風堂，籌號只要等幾張，已經是我見過最少的了，不料L小姐提議到豚王看看，結果未到豚王，已見人龍排到街尾，最後我們還是回到一風堂乖乖等位好了。還是等了好一陣子，終於輪到我們了，侍應安排我們坐到一張四人枱搭枱。L小姐已急不及待看看餐牌，我就選定了山葵豚骨，而L小姐就選了期間限定的博多冷麵，而L小姐還要額外加一只半熟蛋！博多冷麵博多冷麵看起來頗為色彩繽紛，餸料包括蕃茄，青瓜絲，蛋絲，瘦叉燒，頂端放上一块明太子，另外旁邊還伴些蛋黃醬。L小姐知我喜歡明太子，分了一些給我，明太子是辛子明太子，頗辣！只見L小姐吃得津津有味，亦讚好吃。山葵豚骨點菜時，我已經詢問過侍應湯底是否可以要濃一點，其實莫非只想要多幾滴山葵油，不過侍應說不可以，只好作罷。山葵豚骨送來了，驟眼看頗為簡約，二片叉燒，拉麵及一些高菜。L小姐亦好奇試了我的湯底，她首先說：不太山葵！如果連L小姐都覺得不太山葵，那對我來說就只是隔靴搔癢。喝一口湯，的確帶有淡淡的山葵清香，但絕不嗆喉，豚骨湯底亦見濃郁，味道自然而不太油膩，雖然我略嫌山葵味道太溫和，但山葵清香卻大大減低，豚骨湯的油膩感，誠為可取的地方。叉燒我覺得不算太精緻，四四方方一塊不肥不瘦，吃起來感覺不瘟不火，比一般吃到的圓圓的肥瘦相間的叉燒要遜色不少。拉麵相當幼細，質感特別，下單時要求較硬的質感，吃起來，質感的確較硬，頗有嚼勁，不過如果再硬身一些會更好。配料就有些高菜，銀芽及筍片，配料不算豐富，整體味道尚算不俗，不過份量就真的偏少，女士尚可，男士就應該覺得不太足夠了。半熟蛋半熟蛋原只上桌，沒有預先為客人對半切開，要Share起來確實有點難度。坐在我們對面的兩位小姐遇到同樣問題。我們唯有用筷子強行破開，半熟蛋的蛋黃呈流心狀，不過色澤不算橙黃，與慣常吃的日本蛋似有些微區別。吃起來，半熟蛋似乎沒什麼蛋香，老實說，吃了半隻也吃不出什麼味道來。日本蛋達人L小姐更肯定的說：用的不是日本蛋！套用L小姐的話，索價十個大洋也沒用日本蛋，似乎有些說不過去。一風堂裝潢以紅黑色調為主，感覺時尚，坐椅底下放有一籐籃讓客放下隨手物品，既可讓客人坐得更舒適，亦可不佔坐位，設計細心。侍應服務態度則相當一般，侍應安排兩位新客人坐到我們對面，未知是否看到我就食慾不振還是冷氣太強的關係，他們在未下單前已要求調位，而調位只是調到後面的吧枱，但仍遭到侍應拒絕！（一般要求坐卡位的遭拒就屢見不鮮，但在未下單前，只想轉其他普通位置仍遭拒，似乎就不太有善）食物方面，水準不俗，不過二人簡簡單單吃麵也花了接近一百八十個大洋，坦白說我覺得蠻貴的了；可能我始終覺得吃一碗拉麵動輒要花八九十元實在太奢侈了一點。請L小姐吃了冷麵，她的心情似乎也有好傳，更提議去吃Yogurt呢！其實L小姐忘著拍拖，一直沒能約到她吃飯，今趙順便當作生日飯吧！順祝生日快槳！！Berlin…查看更多

星期日晚行完街已經9:45pm, 我哋一行三人去咗時代廣場對面間一風堂, 七成入座率, 唔駛等位, 即刻入去醫肚啦.Order 咗三碗拉麵加三個小食share. 落單嘅時候, 侍應問我哋想要啲麵腍啲定正常, 我哋叫咗兩碗正常, 一碗腍啲, 結果係冇分別嘅, 我哋食唔出啲麵嘅軟硬程度有咩分別囉. 日式叉燒豆芽辣味沙律 - 呢個唔係太辣, 爽口嘅芽菜配上日式叉燒, 加上醬油同少少醋, 都幾好味. 元祖一風堂叉燒角包 - 呢個包入面有兩塊薄嘅半肥瘦日式叉燒, 再加上一片生菜同少許沙律醬, 味道ok. 一風堂煎餃子 - 普通煎餃子, 有薑同蔥粒配埋一齊食. 醬油豬骨拉麵 + 芝士 - 濃濃嘅醬油豬骨湯再加芝士, 真係有啲重口味, 山葵豬骨拉麵 + 半熟蛋 - 三碗拉麵之中, 我最鍾意呢個, 個湯底比其他有特式, wasabi 味唔係太濃, 唔覺得辣, 好味! 嗰兩塊日式叉燒都唔錯, 肥瘦適中, 唔會好乾或者好硬, 唔錯. 個半熟蛋真係半熟, 流心程度啱啱好. 辛辣豬骨拉麵 + 半熟蛋 - 如果你怕太辣, 可以喺落單嘅時候, 要求辣醬分開上. 呢個湯底都唔錯, 冇醬油豬骨咁濃, 都ok. 至於服務方面, 不過不失啦, 仍有進步嘅空間. 我哋shopping 完, 一袋二袋, 要將袋放喺椅背, 服務員冇提我哋其實每張凳下面都有一個籃俾客人放袋, 我哋走嘅時候先發覺到咋. 總結: 值得一試嘅拉麵, 不過如果要我排長龍, 我就覺得唔值嘞.…查看更多

11月2日, 日本拉麵大熱, 經常都聽到或見到週邊朋友談論到過哪間新店吃哪種拉麵, 最近最常聽到的便是尖沙咀本店永遠大排長龍的一風堂~ 不過我地兩個都好少過海, 所以一直無緣食到. 如今一風堂擴充版圖殺入銅鑼灣區, 我同呀比即刻走去試! 是夜平日放工時間, 嚟到門口都已經好多人, 喺自助派籌機拎咗飛仔之後可以選擇喺門口等或者落街行下, 總之差唔多到你時就會有自動來電提你~ 都幾方便到顧客! 本以為要等好耐, 點知等咗15分鐘左右就可以入座喇!::: 赤丸新味 ::: $68論份量, 比起出面d拉麵店細碗少少~ 論配料, 亦只有黑木耳、青蔥同埋兩塊叉燒~ 少咗平時食拉面都會有嘅筍絲、紫菜同雞蛋! 佢嘅豚骨湯底本身唔算好濃, 不過湯頭浮滿一粒粒肥豬膏, 滲出陣陣豬油香. 赤丸新味比普通白丸多加咗味噌醬同埋蒜油, 撈埋入湯裡面令湯底惹味得多~ 麵條無得你揀軟硬度, 係較幼身嘅拉麵, 唔太索湯, 但咬落都煙韌. D叉燒係腩位一層肉一層肥膏嗰隻, 配埋個粒粒肥膏湯確實油膩… 整體係偏細碗, 但係油膩. 味道ok但唔算特別出色.::: 味噌豚骨拉麵 ::: $58豬骨湯底加上味噌好似怪怪地, 食得出嗰豬骨湯底又唔係好食得出個味噌… 湯底味道算唔差, 之不過真係油咗d, 變到好滯咁… 叉燒有2塊, 肥肉佔多數, 太肥膩喇. 麵條確實煙韌, 有蛋香, 不過唔太索湯. 整體係平嘅, 不過份量質素都只係普普通通.::: 半熟蛋 ::: $10要另加先有嘅半熟蛋, 蛋白已經係實的的嘅全熟狀態, 蛋黃亦頗凝固無乜流心. 蛋味都ok濃嘅但實在有d令人失望…唔知係咪因為唔係尖沙咀本店, 質素硬係覺得爭d… 無人地講得咁驚為天人. 湯底咁樣浮住d肥膏真係第一次, 係特別, 係有脂香, 不過豬骨湯味又唔係好濃郁~ 如果要等成個鐘先有得食, 我又覺得唔係咁值……查看更多

最近在香港一度引起熱潮的一風堂，繼第一間尖沙咀店後，又在銅鑼灣開了分店。地點在Time Square對面，羅素街8號2樓，即大戶屋樓下，以前魚一丁的位置。這三天只屬試業階段，中午和晚市提供有限時間的服務。我在灣仔上班，因利乘便，中午過來試頭香。「風」雨同路，今天正下著大雨，門口雨傘筒裡的雨傘掛著一塊塊的紅咭片，原來為免人客把其他客人的雨傘取走，都會掛上牌子，結帳時要「一手交牌」才可取走。另外每張椅子下都有一個籃子，方便人客存放雜物。由於銅鑼灣一風堂只佔這大廈的半層，所以位子一定沒尖沙咀店多，大約只有尖沙咀店的三份一左右。店裡店外少不免有一風堂的show off，裝修上和尖沙咀的差不多，但多了一點「自閉位」，今天我就是「面壁思過」。不過這也有好處，桌上配套較為齊備，也不會太佔用我本身的位置。餐牌和尖沙咀的有很大的分別，簡潔易明，或許是更詳盡的在試業期未拿出來？這裡主要售賣六款拉麵，分別是一風堂豬骨、味噌豬骨、醬油豬骨、辛辣豬骨、山葵豬骨、赤丸新味，另外就是小食、沙律和飯，你沒看錯，這裡有飯吃，還要是我喜歡的鰻魚飯，不知味道會如何？有緣再試吧。叫了一碗醬油豚骨拉麵加半熟蛋，侍應說麵底可選硬身、正常、或軟身，我還記得在尖沙咀吃的硬身和正常基本上是沒分別的，既然今天來新店，就點了硬身試試。不用等很久，醬油豚骨拉麵已經來到，賣相不錯，看到鄰桌拉麵碗是紅是白是黑，三種色都是一風堂的顏色。呷一口湯，醬油豚骨湯底而言，比之前吃過的白丸更油份，但豬骨味卻不夠突出，因為比例應以醬油為多，只喝湯底，味道偏咸，配麵一起吃，感覺才更平衡。今次麵條果然是較硬，可能因為我上次的失望，麵質這一點值得一讚；因為濃湯和油份的關係，麵條掛湯效果不俗，所以我才覺得此湯配麵吃效果更好。半熟蛋和尖沙咀店差不多，流心，如蛋味更重會更完美。叉燒肥瘦層次分明，切法也偏厚，配合那濃湯在口中融化，和白丸是不一樣的感覺。結帳後，已經看到門口等位的人龍，整個光顧和吃麵過程我用了大約半小時，在繁忙的中午時間，希望能為大家作個參考。總括而言，銅鑼灣店比尖沙咀更「重口味」，醬油豚骨和拉麵叉燒吃都很好，但如果只喝湯，很易口乾，為此我也喝了不止一杯水，再到cafe corridor嘆了一杯咖啡平衡一下。「風」繼續吹，一風堂搶先登陸銅鑼灣，期待豚王不久後的開幕，這一帶就熱鬧了。…查看更多