李家 (山林道)

Open Now

Now Closed

半半炸雞（原味+甜辣）$188去韓國街必食炸雞，半半炸雞擺碟好靚，真係原隻雞排好咁放，一半係原味，食落微辣香脆，炸粉好薄，皮脆肉嫰。另一半落咗甜辣醬，食落冇原味咁脆，但甜甜酸酸好惹味。-牛肉炒粉絲 $158炒粉絲食落比想像中香口，味道偏甜，粉絲口感彈牙，牛肉同香菇都好入味。-芝士雞蛋卷 $128份量超級足料嘅雞蛋卷，厚身大件，切開入面有流心芝士，加左茄醬係面頭，兩個人真係食唔晒。-蘋果梳打 $38飲品有驚喜，飲落清甜，梳打好多泡泡，但完全冇氣泡飲品嗰種酸味。-餐廳係韓國人主理，不過店員都識講少量中英文，落單點餐唔怕溝通唔到🙈

想食韓式炸雞，不得不提香港第一間韓式炸雞店李家。由韓國人主理，炸雞好有地道韓國風味，夠晒正宗。 半半炸雞點咗經典嘅原味同甜辣半半炸雞，新鮮炸起，咬落去卜卜脆。用油好香，唔係炸嚟炸去嘅膱味。甜辣醬份量適中，啱啱好裹住炸雞，愈食愈過癮。 蒸蛋湯韓式蒸蛋湯唔係走滑嘅路線，勝在蛋味濃郁，帶點好似棉花嘅口感。 香辣螺肉雜錦冷麵除咗彈牙螺肉，仲有青瓜片、蘿蔔絲、洋蔥絲等材料；加入蘋果，增加爽脆口感之餘仲可以令辣味多一分甜。本身醬螺肉係勁濃味，用以拌麵就啱啱好。

📍李家呢間元組級既炸雞店應該大家都食過，自己都食過好幾次！周圍都開滿分店，經常大排長龍😼人氣相當高😍餐廳由韓國人打理，夠曬正宗！裝修亦都好有韓國風，有種去咗轉韓國嘅感覺💓🍗半半炸雞 $188炸雞叫左一半係原味，一半係甜辣味，同時滿足我兩個願望✌️上枱見到勁大碟，仲有特登拼返好👍🏻雞皮炸至金黃酥脆，望到已經好有食慾😈甜辣味少辣帶微微既甜味😽個人中意原味多啲，冇咁膩！雞肉肉質鮮嫩，炸完之後仲保留左滿滿既肉汁，完美地鎖住曬🤣一咬開真係滴汁，勁juicy🥳🐂鐵板燒牛肉 $188牛肉經過燒烤之後，外表焦香，但唔會乾柴，散發著濃郁既燒烤香味。食嘅時候帶有微微既甜味同香氣；搭配埋椰菜，增添唔少清脆既口感，層次分明！仲要吸收曬牛肉汁嘅精華😌🐟魚餅湯 $168呢個必食！冇諗過份量咁多，實現魚糕自由！yeah😍有三款魚糕，有片狀、條狀～個人中意最薄果款😌味道上其實差唔多，但口感好唔同🥳比較柔軟帶有彈性～食落有淡淡嘅魚嘅鮮味😇✨價錢合理，味道唔錯👅份量勁多！！！絕對會encore🤩🤩⭐️好味指數：9.8/10

呢間好似不嬲出名由韓國人經營，所以去食嗰陣都幾期待~~一開始嗌咗炸醬麵，半半炸雞(蜂蜜蒜蓉&甜辣)，燒五花腩定豬頸肉。炸雞嚟到係原味同甜辣，但嚟到嗰陣唔係好知，冇為意，食落根本冇蜂蜜蒜蓉味，同返店員講(係個大叔嚟)，佢話「但你哋食咗啦喎」。大佬唔食我點知你俾錯我呀😅雖然佢哋之前有另外補返蜂蜜蒜蓉炸雞，但店員嘅態度真係有啲令人不爽😓👍🏿炸雞都叫中規中矩，炸雞本人冇話好juicy，不過炸雞嘅醬係幾出色，如果想食好食嘅炸雞，真係好多舖好多過佢。👍🏿另外炸醬麵，中規中矩，麵本人係幾滑幾好食，但調味總係覺得差咁啲，個人會覺得outdark炸醬麵更勝一籌。不過碟麵真係好大碟，係幾抵食下。👎🏿燒五花腩真係中伏，肉質好鞋，冇乜調味淨係食落口覺得食緊好難食嘅叉燒，俾咗2舊水嗌呢個肉真係有啲唔知講咩好，差到連單獨幫佢影相都冇影，唔建議嗌。

最近帶咗外國返黎嘅朋友去食韓國炸雞🇰🇷🍗～豬肉炒粉絲($158）豬肉片鮮嫩而且相當入味，粉絲炒得彈牙有韌性，仲有好多雜菜配料，而且好大碟😋～芝士雞蛋卷($128)雞蛋卷包住滿滿嘅流心芝士，芝士嘅咸味同蛋卷好配合，每一啖都食到香滑嘅蛋卷同流心芝士，好邪惡👿半半炸雞($178)🍗一半原味一半甜辣嘅半半炸雞，一次過可以滿足兩個願望✨～炸雞大大件，一段時間無食，唔記得咗原味炸雞係辣辣地😅🥵；甜辣炸雞則在外皮上塗上了一層甜辣醬汁，甜甜辣辣相當滋味🌶️～

————————————————————————李家地址：尖沙咀山林道54-56號利雅商業大廈地下2號舖超級有名的炸雞店，半半炸雞自由搭配🍗味道更是自由搭配，有骨和無骨🦴任君選擇！嫌麻煩當然可以無骨！冷冷的天氣一碗熱騰騰冒熱氣的韓式海鮮湯就非常推薦啦！味道美味😋🟠推薦食物 Recommended 🔹半半炸雞：賣相很吸引，炸得金黃酥脆，口感鮮嫩多汁，甜辣和蜂蜜蒜蓉兩種口味選擇讓人驚喜🌶️🍯🔸韓式海鮮湯($198)：味道鮮美，湯底濃郁，配料充足，海鮮鮮味十足，熱氣腾腾🍲🦞🔹芝士蛋捲($128)：捲心的芝士融化在口中，給予蛋捲豐富的奶香味道，口感酥脆而且不油膩🧀🍳🔸Apple Cider Rita($88)：口感清新，帶有微微的氣泡，蘋果的自然甜味和淡淡的酸度相互平衡🍎🍹🟡不推薦食物 Not Recommended 🔹無 No🟠員工 WaitersNice 😊 🟡環境 Environment 有點兒距離但韓風滿滿🟠總評分 Overall (9/10）#ezukokofood #ezukoko尖沙咀 #ezukokotsimshatsui #ezukokokorean #ezukoko韓國#fo

炸雞店始祖李家近年搬咗新鋪, 地方大左好多, 店舖既裝橫充滿韓國風格🇰🇷店員先上前菜醃蘿蔔同沙律, 酸酸地比你開下胃☺▫️半半炸雞 ($198)炸雞可以自選兩款口味, 我地揀左甜辣味同原味🐥炸雞亦都可以揀無骨同有骨, 我們揀左無骨加$10, 中意佢啖啖肉🤭一兜份量都唔細, 有成十幾件雞🍗甜味甜甜地一D都唔辣, 開胃得黎又降低左油膩感😋我地比較中意食原汁原味, 唔會比其他醬汁覆蓋咗佢原有既味道!!而且肉質相當嫩滑, 好多汁好juicy, 外層炸粉又唔會太厚, 食到停唔到🫢▫️雪濃湯 ($168) 熱辣辣又濃郁既牛肉湯呈雪白色, 用牛骨長時間熬制而成, 熱辣辣最岩天氣凍既時候飲🥣湯入面加左好幼滑既素麵同埋薄切牛肉片, 牛肉片十分嫩滑建議配飯食🍚

1️⃣半半炸雞(蜂蜜蒜蓉+芝士) $226韓式炸雞係李家招牌🤫蜂蜜蒜蓉味雖然淋左醬汁喺上面🤫但係依然保留到好香脆🥰食到最尾啲皮都唔會林😝雞肉有好多肉汁而且嫩滑😋芝士炸雞都有好多芝士粉喺上面🤩有奶味濃嘅車打芝士同芝士味重嘅巴馬臣芝士🤤芝士控一定唔可以錯過😛2️⃣芝士辣雞炒年糕 $178分量超多🤫有海量既拉絲芝士😍超正🤩而且醬汁甜甜辣辣好惹味😚由於份量好多適合多人share😝3️⃣檸檬啤酒🍻 $88打卡最岩✨✨份量好多成支啤酒插咗喺個杯度🫣而且成個杯都係冰唔怕飲到最尾會唔夠凍🥶

是日周末加班工作，下午收工行下尖沙咀，順便去醫下肚，路經山林道的盡頭，見到有間叫李家的韓國餐廳，一於走入去試下!!餐廳環境企理，裝飾擺設都好韓風，哈韓情侶夫妻不能錯過，打卡一流，仲播住潮韓MV，女團男團勁歌勁舞，YOYO!MENU制作精美，菜式種類豐富。聞說李家出名係食炸雞，就點了個無骨的半半炸雞($188) 同 蛹湯 ($138)，令我吸引的就係蛹湯，因為在香港韓國餐廳，不是每一處都可以點到呢款菜。前菜係酸蘿蔔同沙律。半半炸雞顧名思義就係一半原味炸雞，一半甜辣炸雞。呢一盤炸雞大約有十二件左右，原味炸雞外層酥脆，啖啖雞肉彈牙，而甜辣醬炸雞，惹味醒胃，如果清一色食呢款甜辣醬炸雞，可能會有膩，所以半半炸雞就啱啱好。而且整體炸雞都係大大件，食得過癮。不過更過癮的在後頭，蛹湯!!!!對上嗰次食蛹係在北京旅行時候食的，而且係食炸蛹。而呢個蛹湯，用鼻一嗅，感覺有少少似藥膳湯的味，但飲落去係少許辣味的香濃大醬湯，配菜有大豆芽，青辣椒，白蘿蔔。至於主角蠶蛹，數量多多，夥粒大大，口感幾特別，有兩三成似食青口。蠶蛹又叫繭蛹、小蜂兒，性平味甘，歸胃、脾經，《備急千金要方》記載提到，蠶蛹益精氣，強男子陽道，治

成日都睇韓劇都見到佢哋食炸雞，搞到我都好想食😋所以今日同朋友去咗呢間出名食炸雞嘅餐廳。呢間餐廳播韓國MV，真係好似去咗韓國咁🥰半半炸雞：見到好多款式口味嘅炸雞，原來佢有呢個半半炸雞，包括左原味同甜辣味，咁我哋兩個我哋就決定要呢一個一次可以是兩種味道味道😆原味皮脆肉嫩，好juicy 👍🏻而甜辣味好好味😋辣辣甜甜咁，真係食唔停口呀😍芝士辣海鮮炒年糕：鋪滿咗勁多芝士，而裡面有青口、蝦、魷魚，原來除咗烏冬之外，仲有烏冬呀！真係好多料😂年糕煙煙韌韌充滿咗甜辣汁同芝士一齊食超好味😍泡菜餅：煎到外脆內軟，好多泡菜！同埋仲有啲魷魚。呢個泡菜餅仲配埋一個醬汁，加埋啲醬汁一齊食冇咁膩，好味😋

去李家食韓式炸雞🐥 自選半半炸雞可選有骨或無骨，今次試甜辣($93)同蜂蜜蒜蓉($108)兩款味道，揀咗有骨炸雞，醬汁濃郁，雞件表層炸得香脆，內層雞肉依然保持滑嫩，好好食😋 個人比較鍾意甜辣味，再配啤酒🍻正！辣BBQ豬骨($188)以鐵板温熱，醬汁香濃，味道比預期辣，唔錯！👍🏽海鮮蒽餅($158) 配料豐富，蛋餅略為濕潤，唔會煎得好乾餐廳每一邊都有電視都播韓國歌曲MV, 幾有韓式風味🇰🇷😆

幾年前依間李家仲喺尖沙咀嘅時候就食過一次今次再去又係食韓式炸雞🐓價錢合理💰分量都唔少兩個女仔食已經飽咗 岩岩好食哂今次叫咗半半炸雞一個係青辣椒蛋黃醬味炸雞一個係甜辣炸雞叫咗無骨炸雞方便食😉都係比有骨貴少少甜辣炸雞係韓式傳統炸雞必食嘅選擇唔會太辣 炸雞外皮好脆 肉質嫩滑👍🏻👍🏻又熱辣辣食到凍咗少少 味道同口感都冇乜分別青辣椒蛋黃醬上面有洋蔥🧅加埋一齊食有啲似onion and sour cream嘅味呢個味食落唔太韓式不過都係好味嘅😋😋

中秋假期同朋友去左尖沙咀，行到咁上下覺得肚餓，朋友又話想食熱氣野，我就話不如去呢間，佢炸雞都好出名！🤣我地就叫左d單點食物，諗住每樣叫小小，點知全部都份量好足，食到我同朋友超飽！👍🏻最正係佢d野真係好好食！半半炸雞 (原味，甜辣) ($168)其實好多款味既炸雞可以揀，仲可以自由選擇半半既配搭。不過朋友話想下佢個原味，睇下咩質素先，而我就好想食甜辣。🤣佢個皮真係炸得香脆，肉身都頗滑，調味都做得好好，唔會好似出面食咁鹹！👍🏻個甜辣醬簡直係我至愛！小小辣，小小甜，我覺得佢調味上做得好出色，完全岩曬我口味，朋友都覺得好正。😍芝士雞蛋卷 ($128)呢個我次次黎都必叫架😋啲芝士勁拉絲超正仲好大份好足料添😚芝士辣海鮮炒年糕 ($158)突然想食炒年糕叫左呢份 點知原來超大份😱🤩🤩入面有蜆、八爪魚等等🐙 仲有炒烏冬添呢個年糕辣辣地好過癮添架😋😋

-尖沙咀真係有好多韓國餐廳🥰今次食其中一間 李家😆一坐底，就有麻醬沙律和醃蘿蔔做前菜💫餐廳仲會播熱門韓文歌🤟-半半炸雞(蜂蜜蒜蓉&甜辣味) ($168)因為想試不同口味所以點半半炸雞🍗就最適合不過🥰今次就試甜辣味和蜂蜜蒜蓉味每款口味都有大約9件雞🤤甜辣味都幾正٩(๑❛ᴗ❛๑)۶少少辣但好惹味😀而蜂蜜蒜蓉都不錯雖然味道都想像中不同❤️但炸雞外脆內嫩皮薄食落好Juicy😎正(*´◒`*)-泡菜餅❤️（$128)生米酒（$98)食泡菜餅梗係就要配生米酒Makgeoli🍻泡菜餅的油膩配生米酒飲就岩岩好💛估唔到泡菜餅都幾大份，仲有魷魚🦑而生米酒好香濃😀個人覺得易入口💫-紅醋（$28)Pomegranate vinegar 開胃飲品之一食到好飽飲一啖，又可以繼續食～-Name🏠:：李家 (山林道) Chicken HOF & SOJU (Hillwood Road)Location📌: 尖沙咀山林道54-56號利雅商業大廈地下2號舖（港鐵佐敦站 D 出口, 步行約7分鐘）價錢💰:半半炸雞(蜂蜜蒜蓉&甜辣味) ($168)，泡菜餅（$128)，生米酒（$98)，紅醋（$28)

呢間李家炸雞係我無意中發現，然後就一試難忘🤣 雖然餐廳嘅外型無其他韓式餐廳咁新潮吸引，但係佢嘅炸雞水準真係遠超一般嘅連鎖韓式餐廳。重點係～大份夾抵食!!!!😋-✨半半炸雞🍗甜辣炸雞 $93 + 青辣椒蛋黃醬炸雞 $113炸雞嘅份量一啲都唔少，最啱同朋友share食，性價比高高高( ˶ ̇ᵕ​ ̇˶) 炸雞外脆內嫩，外皮炸得香脆之餘，又鎖到肉汁，咬落口雞肉肉質嫩滑👍🏻 甜辣炸雞係韓式炸雞界嘅始祖🤣相信大家一定唔會陌生🤫～ 佢嘅醬汁一如既往，非常惹味開胃!! 相反， 青辣椒蛋黃醬炸雞比較surprise到我( ⋅֊⋅ ).ᐟ.ᐟ 青辣椒蛋黃醬帶有一陣洋蔥味🧅，好香又唔會好濃烈，再配埋原味炸雞，一秒KO曬🤟🏻-✨芝士辣雞炒年糕🧀 $168雖然外表十分之吸引，望落有好多好多嘅芝士🧀，但食落口一啲芝士味都無(失望～) 加上佢嘅炒辣雞都較為遜色，雞肉係鞋颯颯的🥲 所以唔太推薦大家試呢個( •᷄⌓•᷅ )੨੨-✨泡菜餅 $128泡菜餅都係我最愛之一❣️又大份又好食(仲大塊過我嗰頭🤣)，泡菜味都幾濃郁，塊餅食落又唔會好粉🤟🏻不過，真係有3至4個人先好嗌，如果得兩個人食應該會飽到傻咗🤫