Chicken HOF & SOJU (Shau Kei Wan Road)

聽聞呢間炸雞啤酒係第一批黎到香港既店🥳之前已經有朋友推介過話好好味，今日終於可以試到🫶🏻果然無令我失望😋點左3樣野食。半半炸雞（原味+辣味）$168原味係乾身脆卜卜辣味係醬汁滿滿，本人比較鍾意食脆卜卜香口嘅炸雞雞肉好滑，食到停吾到口⚠️再來韓式炒豬肉粉絲$128 （可選牛肉）相比起出面嘅炒粉絲佢濃味得黎又唔會太咸或太甜又吾會太油，有啲會好大陣油益味….呢個味道啱啱好☺️☺️☺️同埋好足料～ 人蔘雞湯$198雞好嫩口又大隻，好多肉人蔘味唔算好重，入邊仲加咗啲雞蛋絲，人蔘補氣血，女仔真係要飲多幾碗🥰整體3款都好好食😊老闆又好好人不斷問我地夠吾夠味，又比泡菜我地送湯教我地食炸雞就配酸蘿蔔。👍👍…Read More

今晚收工同同事去晚飯兼happy hour😝好耐冇食炸雞嘅我就提議去食李家😋呢間韓國炸雞始早店食物又有質素飲酒又唔貴所以我都成日去食架😌-半半炸雞🍗（甜辣/ 原味）$168半半炸雞有兩種味 最啱大班人一齊share🤩原味嘅炸雞都有少少辣😋啱晒我鍾意食辣又唔食得太辣嘅～啲雞粉皮唔會好厚 又炸得好脆好香😙甜辣炸雞係微辣嘅 唔食得辣嘅朋友都可以試下😚個醬好掛身 唔洗怕淋得唔均勻～-芝士雞蛋捲🐣 $128我次次都會食呢個蛋捲🤤🤤超大舊超實嘅千層煎蛋捲埋一齊🍳入面仲有好邪惡嘅拉絲芝士🧀😋-雪濃湯🍲 $168呢個係新出嘅湯品 我第一次食😆佢上菜嗰陣仲滾緊泡泡 超熱😝入面有好多牛肉同埋粉絲 都好足料啲湯好熱 倇人住燒酒咁樣飲好夾😋養生啲 可以暖下個胃👍🏻…Read More

今日過左西灣河睇場，甘難得過到黎當然要係呢度食埋個晚餐先走啦！平時黎西灣河會去太安樓搵食，今次決定行遠少少睇下有無其他特別餐廳，竟然比我見到李家！李家其實好多分店，插咗旗喺好多旺區例如尖沙咀、灣仔，西灣河分店算係比較新嘅店舖。要搭電梯上一樓，座位大部份係卡位，天氣好嘅話仲可以坐戶外位置，舖頭入面所有佈置、擺設都好整齊，整體感覺非常舒服！半半炸雞（$168）必點！一次過滿足兩個願望，今次叫咗有骨版本，因為原味嘅有骨版本係香辣炸雞，好刺激又好惹味，甜酸醬炸雞就酸甜開胃。李家嘅炸雞真係非常高質，咬落去嘅鬆脆口感喺聽得出嫁！芝上辣海鮮炒年糕（$158）份量幾大，底層係雜菜加烏冬同年糕，配料有大蝦、青口、魷魚、八爪魚仔等嘅海鮮，最上面舖上超多邪惡拉絲芝士！微辣，食嘅時候記得小心海鮮嘅殼！三色糯米腸（$168）三色韓式糯米腸包括白米腸、血米腸同辣米腸，內餡有糯米、豬肉、豬雜、蔬菜等，配埋新鮮蒜頭、辣椒、辣醬一齊食，其實入口味道唔算太重，比起台灣嘅豬血糕更淡味，口感比較淋。Rainbow Soda西柚梳打、藍梳打（$38）打卡用特飲藍色多瑙河，飲落嘅味道介乎波子汽水同吹波膠，個人來講比較鍾意粉紅色酸酸地嘅西柚梳打！另外好欣賞呢度店員全部都好nice，反應好快，點餐嘅時候會溫馨提示返邊啲菜式會辣同介紹比較特別嘅菜式，下次要再嚟食水冷麵！…Read More