Hanbando (Closed)

星期五晚，無book位，大約8點左右去到，2個人唔洗等位。2個人叫咗3樣食物：- 我們家鄉的環形天橋 $108（薯仔煎餅配泡菜、五花腩、椒絲及香葉）- 升上神仙臺 $128 （五花腩片配特製醬油）- 海浪覆蓋的岩石島嶼 $128 （大蒜油意粉配海膽蘑菇泡沫醬）飲品2樣：- 藍莓米酒 $98- 水果茶（唔記得咗名）$唔記得合共大約 $500開始來第一味：- 多脂肪- 普通腩肉味，我覺得一般- 同埋我唔覺眼佢有比過個咩特製醬油第二味：- 重泡菜味，小辣- 紅椒絲，小小辣- 個醬唔洗釀黎都得- 油膩，食到多油- 偏脆同食食下容易散開- 適合重口味好煎炸食物人士最後一味：- 重口海膽磨菇泡沫醬，但唔講唔覺似海膽味- 似黃色嘅磨菇忌廉意粉- 好食整體來說，可以一試，食物質素其實ok，環境也不錯，只係賣呢個價錢嘅食物無令人有眼前一亮嘅感覺。同埋，佢個gimmick 可能係想改啲吸引人嘅菜式名，但係作為顧客我覺得啲名一啲都唔吸晴，咁多字仲要睇到人有啲眼花撩亂。建議想改好名寫好餐牌，可以參考cwb 有間叫mamaday 嘅餐廳，人哋改嘅名係有趣又易明，例如：唔好咁大期望意粉，睇個名你都知呢道菜係食意粉，而唔係好似呢間餐廳咁，睇咗個靚名「海浪覆蓋島嶼」，我真係唔知呢味菜係會食乜，情況就好似同無睇無咩分別咁。重點係唔講唔覺自己原來係食緊韓國野，我覺得當佢整意粉呢啲西方食物仲好食過韓國食物嘅時候，呢間餐廳就變咗無乜特色風味可言，所以我覺得好普通。又或者係我無咩眼光，唔太識欣賞唄。…Read More

與老公在尖沙咀看完燈飾，忽然想吃韓菜，便到厚福街轉轉，沒想到找到這家煮法新穎的Fusion韓菜。只看食物名稱水蛇春般長，也不知道是吃什麼？！反而是看食物說明才知道。其實食物份量都不多，不過2人吃4道菜算是剛剛好。除了咸得我以為快要得腎病的貝殼湯外，其他的三款菜是又好看又好味道。燉牛肋骨肉軟稔得很，不用刀也可以切開。蕎麥麵很好吃；五花腩肉也是超讚的好吃😋這間店值得再來，會有意外驚喜…Read More

夜晚6點鐘做左晚市第一枱客人，餐廳入面侍應好似都係韓國人， 當一打開餐牌被d名吸引到續個續個名研究，餐廳應該係將餸菜同韓國既風景名勝天氣好有詩意咁融合一齊，好比心機咁研究晒成本Menu ,跟住決定叫升上神仙臺（五花腩配特製醬油）一黎到以為五花籃冇咩味要點醬油，點知原來已經入晒味又唔會太咸，如果唔驚肥嘅話呢個可以一試陽光與搜勝臺竊竊私語（燉牛肋骨配薯蓉）係全晚覺得性價比最低最嘅餸，因為上到黎牛肋骨得一件而且好細舊，味道亦咸左少少，反而薯蓉同啲菇係比牛肋骨做得出色連理枝的因緣（炸紫菜飯卷）味道真係好普通而且個炸飯卷真係有啲油…Read More

厚福街H8，餐廳多到試唔完。尋晚點指兵兵底下揀咗依間新派韓國菜試一試。餐廳裝修簡單，餐牌款式唔算多，但係全部菜式嘅相片都很精緻，菜名改得好有詩意，有晒題材，個個都好似幅名畫😅仙巖村的秋天🍂係用特製甜酸芝麻湯底加蕎麥冷麵，感覺清新而且開胃，真係做得唔錯😋漢拏生態林下雪天🌨其實係五花腩忌廉汁意粉，味道同Carbonara差不多，我諗只係無撈蛋汁。不過可能因為腩肉較肥膩，所以唔落蛋嘅情況下d汁都掛得起。如果喜愛白汁意粉嘅朋友，值得試下😊三光島的魔法✨好靚嘅泡菜飯團配飛魚籽加鯷魚干，仲有炸左嘅脆紫菜。其實味道一d都吾複習，食到入面有好多泡菜，不過只係微辣，所以好容易入口。升上神仙臺🐷應該係經過低温煑嘅五花腩，肉質柔嫩，肥瘦均勻，好味😋不過本人認為配韓式燒汁會比較恰當，配芥辣就有少許怪怪地🙄因為係我心目中，芥辣應該係配港式燒肉先至係絕配青提子汁都幾好飲，唔太酸，清新解渴。食住肥膩嘅五花腩配飲👇🏻杯果汁，感覺多好😍…Read More

鍾情韓國菜架我食炸雞韓燒都真係食到厭厭地。咁岩見到開左間fusion架韓國菜，終於有時間會一會佢。呢間餐廳菜名特別都吾洗我多講，菜式種類多到有D花多眼亂，樣樣都好想試啊!但冇多個胃叫住4款先。三光寺的燃燈節泡菜湯年糕配紫菜粉絲卷，魚糕雪人形狀架年糕之前都見過，今之就第一次食，口感都係煙煙韌韌，魚糕好重面粉質感，紫菜粉絲卷最好食，略嫌湯吾夠熱。升上神仙臺係吾凍吾熱架五花腩一層肥一層瘦，雖然好邪惡但我吾怕入口係好淋，仲要好夠味!!真心一萬個推介如果在小每勿島上搭橋又係一萬個推介!!係西冷牛排雖然店員建議食5成熟，不過要就媽媽吾食咁生，所以都係叫7成。但上到枱佢塊白色板仲會keep住熱熟塊牛排，所以叫五成就岩，7成太熟。牛排煎得好香口，好濃牛味又淋，都算juicy，認真建議大家叫5成熟。向著月兒唱羌羌水月徠呢個其實係海鮮薯仔煎餅，炸得好脆，如果吾點則邊架酸甜汁其實冇乜味，海鮮係尤魚同蝦為主。食完咸野吾食甜野硬係掙d咁就叫多個韓式草莓刨冰啦賣相好可愛~草莓醬味道幾似士多啤梨味百力枝果浸朱古力味咁，仲有一杯仔草莓醬for你食到中間吾夠醬，好貼心。不過原來食到中間到係有d稀身架cream同好多士多啤梨係裹面!!超足料，好滿足啊…Read More

這間係開業無幾耐的新餐廳，裝潢以深木色做主調～論特別一定是餐牌上的菜式名📋因為係根據韓國景點特色而設計🗺這裡每款菜除咗用上新派煮法外，排位也非常精緻而帶點色彩-<渡柴草橋過溪流> 🍝$68這是一款用上幼麵配上特製醬油，面上有青瓜、紅菜頭同鵪鶉蛋，個汁真係做得很好。掛哂上麵到😋而食落涼涼地酸酸地😎啱鬼哂夏天食<閑麗水道的斑斕> 🍙$68手作牛肉飯糰配飛魚籽、鯷魚干、紫菜脆片，望落去跟菜名很配👍整個飯糰好靚，食落有少少似日式飯糰👅口感豐富<升上神仙臺> $128個五花腩用上特製醬油伴食🐷肥瘦都幾分明，伴碟有醃蘿蔔跟沙律伴🌱兩者之間有黃色的醬伴食😈食落都幾新鮮特別而整頓飯可以用舒服來形容😌由點菜到吃完都好有詩意…Read More

韓風未斷，皆因創意無限，今晚到的韓半島，又有新搞作，食物造型以韓國風景為靈感，確實美侖美奐，視覺味道同享受。H8 這座食廈已經來過多次，相約朋友就是方便，踏出電梯，已經到達，出奇的沒有甚麼裝潢，簡單得有點不講究，與在其 Facebook 上看到的漂亮食品完全不似同出一店，亦非如其他韓店般有色彩繽紛的漫畫佈置。唯一可觀的只有此燈箱，播放著吸引的韓國風景畫。現在光顧更有機會贏取機票。打開餐牌，先見到店主的迎賓介紹，西韓創意料理是主題，食品設計加進藝術元素，而店名Hanbando 包含了天丶地丶人及韓國的意思。餐牌圖文並茂，而且菜式造型真的美麗如畫，菜式皆以風景命名，也許需要多一分想像力才可以聯想得到。今晚，我們就要把風景畫吃進肚子裡，胃納也要去旅遊！北漢山看雲海菜名是一個很有詩意的名字，密麻白點的黑色碟子仿似我們在玩圖形混亂視覺的遊戲！黑底白點的夢幻亦正好配合萬變雲海的意境！那麼我們在那處看雲海呢？連殻海蜆層層疊疊如高山，山頂上的青菜如叢林，山下的蜆湯如大海，這個想必就是北漢山實景的形態，處於山頂看雲海，就是這樣無邊界！這個靚絕的造型，誰不被吸引至相機先食！不拍照的，亦應該欣賞一會才吃，免得浪費設計者的心思！烹調方法是泰韓的混血，以韓國米酒煮蜆，怪不得白色一片，加進泰式辣椒丶香草及檸檬，令鮮甜的蜆湯透出層次的辛香，調味出色，喝得津津有味！蜆肉新鮮肥美，香甜美味，山頂的芝麻菜辛香並不霸道，泡在湯中恰到好處，倍增層次。升上神仙臺有趣的名字，但難以想像是甚麼食物或風景畫。原來是五花腩肉，聯想之方向要改改，應該是一肥胖叔叔，吃下一片美味的花腩肉後，有著升上神仙臺般感受！清䀿的三層肉，見到已經垂涎欲滴！以特製醬油醃味的五花腩片，味道微甜微酸不膩，身上塗上的，疑似柚子醬汁，腩片薄切鬆軟，入口融化，非常好吃，配備芥末醬及酸蘿蔔片及生菜，隨個人口味而增辛香及中和肉膩；值得一讚的是配菜擺設及顏色形態的選擇，確富藝術感。仙巖村的秋天 紅黃葉交替的秋色，漂亮中富滄桑，顏色太艷麗不夾，大廚以茶色的喬麥麵配之，考考大家的想像力！刻意選擇金黃丶紅色的車厘茄子作配襯，再加上不同顏色時蔬做出一座山形，這個仙巖村，難道並不是村而是一座山？韓國冷麵出色，一向皆以甜酸芝麻湯相伴。服務員堂前剪麵，一分為四，方便進食，但麵條似乎久浸過腍了，並非條條分明，也許是我們拍照悟時！口感涼快，酸香入味，亦過得好。羊群在草地上吃青草這一道必須加以幻想方能配合菜名，白色的鱈魚是羊羣，紅橙黃綠的配菜是青草，碟是黑的，我就無能為力聯想得到！本來喜歡吃魚的我，對這個鱈魚大失所望，它是清蒸的，可惜真是無調味的無味道，而且肉質粗嚡，完全不似常吃到鱈魚的肥美，真是木宰羊？造型漂亮，但食味有待改善。三光島的魔法又是一個好名字，一客三件泡菜壽司，饀料包括飛魚籽丶鯷角干，頂端加上脆紫菜丶生菜及酸薑點綴。壽司飯煮得很腍，相比日式壽司濕，記得石頭飯的飯粒亦是比較軟，也許這是韓式口味；泡菜完全不辣只有酸味，有些失分；飯團內的鯷魚干討好，硬身富鹹香，提升了米飯過腍之口感，不過不失。特別介紹一下韓半島的名片，設計得如一部手機板面，有一個透明的營幕，概念是讓客人把拍到的食品照套入，然後post 在IG, FB上，但不易做出效果！每道食品造型一流，為味道評為增分，但其實水準不一，但有閒情的話，續一試試亦無妨，只要不必期望太高！價錢表面不貴，但非飽肚之物，適合愛美而胃納較細的女生。服務環境合理，不失為一家概念有特色的餐廳，值得一妨。…Read More

曾經有一天經過H8 大廈時，店員都派過一些傳單，從傳單中得知H8大廈中有一間新開的韓國菜叫做「韓半島 Hanbando」，傳單上的相片，都擺設了好美麗賣相的菜式，看來都真是好吸引，今天特來訂枱食晚飯，順便與友人食便飯。 :) 環境都好燈火通明，裝潢簡約又整潔。 :) 餐牌的次序都好分明，圖文並茂列明中、英及韓文，也列明菜式中的食材，真是好清晰容易令客人更易了解，圖中的食物賣相真是好美，賣相好精緻細膩，每件菜式也好似藝術品，也配上美麗的菜式名字，大部份的名字也是來自韓國的地方環境，讓人已有暇想，更是讓人迷醉，仿彿身處韓國之中。 菜式分成有soup，salad ，noodle，rice，main course，pancake，tteok bokki及dessert，食物款式都不少。 先來頭盤點了一客北漢山看雲海($108)，採用了韓國米酒、檸檬及芝麻葉與貝殼蜆一同烹煮，先湯水呈乳白色，先飲一口湯水，已經有陣陣的米酒香，有點辣味又鮮甜，又來一口蜆肉，蜆肉都好飽滿爽口，少許辣，真是好惹味。 接下來是麵類，友人愛食蕎麥冷麵，她選擇了仙巖村的秋天($78)，冰涼的麵條浸在甜酸芝麻湯底中，店員好細心幫我們把一舊麵糰剪開成4份，讓我們可以分享共食，麵條質感柔軟，而且有嚼勁，麵條浸滿了帶甜甜酸酸的芝麻湯汁，吃起來更開胃又清香，濕潤了整個口腔，讓口感更清爽，也會令胃口大增，在炎熱的夏季來碗冷麵來吃消暑都是不錯的選擇。 手作的泡菜飯糰叫做三光島的魔法($68)，也是不錯的米飯菜式，賣相真是好精美，用上深黑色的碟子，令飯糰顯得更鮮明，飯糰加了一些沙律菜作點綴，看起來更是優雅有美感，不過味道可以再添加些辣香，一啖咬開已經嘗到泡菜的酸香，飯內有乾脆可口的鯷魚乾，加上卜卜脆的飛魚籽及紫菜脆片，口感層次更豐富。 最後主菜來一客叫做升上神仙臺($128)，名字真是好有趣。店員也極力推介我去點此菜式，介紹了廚師一早已用了特製的醬油醃了五花腩已經有4個鐘，先來一片品嚐，果然真是非常入味，肉質肥瘦均等，肉質易咬口又腍身，肉味都好香濃，蘸上碟旁清甜的南瓜醬汁，吃起來都不會太膩或飽滯，再吃碟旁的雜沙律菜，味道帶酸甜，沙律菜都好爽口新鮮，剛好中和下五花腩的油膩感。 最後我們點了一客甜品共食，我們一致決定點了歌劇院蛋糕配雲呢拿雪糕($58)，一共有三件opera cake，同時換上了綠茶雪糕，綠茶雪糕味道甘香清幽，不會太濃及太甜膩，奶香中富有陣陣的綠茶香，令人回味，opera cake一共有8層，份量都好平衡，朱古力已經披滿蛋糕的頂層作鏡面，中間夾雜了鬆軟的海棉蛋糕及咖啡忌廉，一層一層的配搭，層次分明，朱古力味都好濃郁香甜，再與濃郁的咖啡果然是完美的組合配搭，兩者味道餘韻縈繞在舌上，甘醇香濃得化不開。菜式的價錢親民之餘，食物賣相款款巧手又美觀，吸睛程度真是不惹少，店員有local及韓國人，服務都細心會幫我們換碟加水，感覺他們都好nice。…Read More