Hop Sze Restaurant

終於2022完之前有機會試到合時小廚 越來越一位難求🤓我地得三個人就冇叫招牌豬扒飯 所有dish都水準一流-百花炸鑲蝦多士🌟 我自己食過最好食嘅蝦多士 蝦肉打碎 但好實在 啖牙，麵包炸到酥脆 烹調時間火候完美-菜胆杏汁燉豬肺湯 🌟-蟲草花燉豬展雞腳湯-脆皮炸子雞 唔錯 好像大家都推薦煙燻雞？-菠蘿千層咕嚕肉🌟 必試之一 非普通做法，將五花肉卷好再過粉炸 口感更滑 以後都只想食呢款咕嚕肉添-生炒糯米飯 wo 氣好夠 最鍾意粒粒分明的炒飯 要再來試馬友 同 蟹蓋腸粉☺️期待再次回訪…查看更多

隱細私房菜，基本上呢間餐飯唔憂做，Book位起碼要book以上，地點亦都唔係特別方便。但食物就真係冇得頂。嚟到呢度亦都唔係講坐得舒唔舒服同埋環境好唔好。不過佢嘅食物真係會令你難過及鍾情，而且都真心唔係貴。頭盤冬瓜盅～呢個係我飲過最足料同埋最清甜，真係好想飲多碗但係又驚食唔落其他野紅燒乳鴿～炸得好香脆主菜韮菜銀魚乾小炒王～一啖小銀魚一啖韮花，脆卜卜，再配蝦乾、魷魚，鑊氣夠千層咕嚕肉～特別餸，用五花腩片捲埋之後先炸成一舊舊，個酸甜汁味道剛剛好薑蔥肉蟹煎焗腸粉～墊底既腸粉吸盡肉蟹精華好惹味！汁有時咸，腸粉味道剛剛好雞油花雕蒸馬友～不愛吃魚的人都停不了，肉滑很嫩滑，而且吸滿花鵰及雞油，一放進口就會融的感覺，難以形容，非常好吃焗魚腸～本身唔識，不過味道幾得意飯類焗豬扒飯～份量澎湃，勁多芝士濃濃蕃茄汁，食唔晒要打包走8個人$4680埋單，個個飽住走，抵！真心推介，應該要再去，如果book到位。…查看更多

上年11月尾同屋企人終於試到合時小廚，我係10月頭打去book枱想食lunch，超好彩有位可以唔駛等咁耐🥺🥰我哋預先訂咗少爺焗豬扒飯 ($480 六人份)、菜膽炖豬肺湯 ($75/每位) 同茶香煙熏雞 ($300/半隻)，想食嘅朋友記住要預先order啦～坐低一陣好快就上菜，我哋首先飲咗菜膽炖豬肺湯，杏汁好香濃，豬肺超腍同洗得好乾淨，一啲腥味都冇，我本身唔係好食豬肺都食咗幾件👍🏻⭐️大推少爺焗豬扒飯，呢個一定係必嗌，六人份量超澎湃😍 厚切豬扒勁軟腍入味，每一粒飯都有蕃茄醬同拉絲芝士包住，你睇佢以為會好膩但其實一啲都唔會，每一啖都勁滿足！🍅🍚另外茶香煙熏雞都推介，雞肉好嫩滑，茶熏香濃得嚟又唔會蓋過雞味🍗識我嘅都知我唔鍾意食蝦，但呢度嘅百花炸釀蝦多士 ($464/8件) 令我對蝦多士有新嘅睇法！首先舊蝦多士好大舊，有成隻手掌咁大。金黃香脆，入面嘅蝦膠都好彈牙，原來蝦多士可以咁好食！🍤🍞第一次食千層咕嚕肉 ($138)，佢唔係普通豬肉咁簡單，而係用五花腩肉捲起再炸，表面香脆然後一咬開睇到豚肉層次分明，幾得意。香煎蓮藕餅 ($224/8件)又係好大件🤣好香口，咬到粒粒蓮藕，口感豐富。呢道每道菜都好大份，好啱一大班人sharing，好味得嚟性價比高，食完包你係會好滿足飽到捧住個肚走。聽聞而家要book位已經等到年尾，唔知下次幾時有得再食🥲…查看更多

兩個月前book左位去呢間位於西灣河嘅隱世私房菜同屋企人食飯。大概早一個星期左右，就打咗電話俾餐廳去留餸，預好哂份量。今日嚟到餐廳，環境比較迫夾，分樓上樓下兩層，但都唔會話坐得好唔舒服。見到有啲街客諗住Walk in嚟食，全部一律冇位🤣所以想食嘅話真係一定要預早book。不過問過老闆，原來食夜晚都要去到下年五月先有位，可見呢間其貌不揚嘅餐廳，其實真係真正嘅隱世高手。餐牌: 簡單粗暴用手寫🤣別有一番風格，今日就係食咗呢啲餸。杏汁菜膽豬肺湯: 一開始黎個招牌嘅豬肺湯潤下喉。雖然睇落去啲南北杏打得唔係好細滑，不過飲既時候係幾OK的。比較impressive既當然係豬肺。洗到白雪雪超級乾淨，完全冇蘇味。點少少豉油食，正呀~每碗湯大概有三舊左右，非常軟糯。菜膽都非常淋。不過飲完碗湯已經有少少飽。所以建議都係慢慢飲🤣assess下自己個食量有幾大，預留返個肚之後食嘢。韭菜小銀魚小炒皇: 我第一次見小炒王嘅配菜係多個韭菜🤣真係超誇張。小銀魚炸到超級鬆脆，而且仲有魷魚同蝦乾。食落去卜卜趣，熱辣辣夠晒鑊氣。茶熏雞: 係炸子雞同埋豉油雞之間，揀咗茶熏雞。原因好簡單，因為出邊比較少有，同埋喺屋企冇㗎撐的話，好難整到煙燻嘅餸。仲有其實呢度唯獨是係茶熏雞先會有埋雞腎同雞肝🤣平時鍾意食內臟嘅，順便試吓嘛~不得不說個熏味做得好出色，有一種好香煙燻嘅味道，又唔會太咸。隻雞唔會太肥，肉質爽嫩。雞腎雞肝都唔錯，夠淋。真係幾有特色。黃金豆腐粒: 呢度餸夠晒邪惡，但真係炸得好好食😋真係會令人食到唔停口。層炸粉做到有少少厚度得來，又唔會有空氣感，係嗰種會令人想食落肚嘅炸粉。而且鹹味係360度沾滿每一粒豆腐面，非常均勻。入邊嘅豆腐係超級嫩。同層炸粉好似係兩個世界咁，形成鮮明嘅對比😂整度餸份量超級多，又夠大粒。全台人一齊狂啪都冇問題🤣平時屋企人唔鍾意食煎炸野，都大讚呢一個豆腐好食👍🏻👍🏻忍唔住要食多幾粒椒鹽吊片: 吊片其實就係魷魚個身，呢度餸同黃金豆腐粒一樣咁邪惡，而且一樣咁好食😋真係覺得呢度啲炸嘢做得超級出色。兩樣餸好食程度不相上下。只能說小朋友先做選擇，大人全部都要！同豆腐一樣，炸粉超級平均同貼服咁樣沾係魷魚上面，炸得非常鬆脆，而且夠晒熱。椒鹽分布喺每一塊魷魚上面，非常香口同惹味。枝竹涼瓜炆龍躉頭腩: 食完咁多度好食嘅餸，到到呢一味時就覺得有啲失色🤣其實上菜嘅時候都係熱辣辣，豆腐枝竹魚腩其實都夠新鮮同好食好食。不過魚腩稍微有啲骨，所以食嘅時候都要小心。不過以煲仔菜來講，質素唔錯。千層咕嚕肉: 呢一味係特色餸，用五花腩片捲埋之後炸成一舊一舊嘅咕嚕肉，同平時食開嘅好唔同。加上甜酸醬炒埋一碟，非常香。不過冇諗過嘅係原來五花腩片中間有少少軟骨，所以如果係老人家食嘅話就要小心啲咬。分量唔算超多，不過勝在做法非常有特色。少爺焗豬扒飯: 豬扒飯又係一味招牌菜，不過要六人份起，所以真係要多人先一齊食到。呢個豬扒飯真係無敵，芝士同醬汁都勁多。豬扒好淋，脂肪分布均勻。食嘅時候waiter會幫你分好一碗碗，原來個秘訣係要將啲芝士同醬汁同飯完全撈埋先好食。食落去嘅時候每一啖都係濃濃嘅番茄醬同芝士味，真係超正。食到時最後嘅時候其實真係好飽，不過依然忍唔住要添多碗呢一個豬扒飯。而且分好每一碗飯之後，佢仲會幫你喺上面加一隻窿邊流心蛋。豬扒飯加埋蛋黃一齊食，真係超正😍😍成餐飯我最鍾意呢個豬扒飯。椰汁芋頭西米露: 最後waiter姐姐勁好人，每人送左我哋一碗糖水。糖水唔係太甜，而且份量唔係好多，所以就算好飽都食得落🥰有甜品做ending真係好滿足。總括來講合時真係好高質🤣唔怪得佢要咁早book位。餐廳細細間，真係估唔到原來生意咁好。希望佢長做長有！有機會絕對會來返兜，不過可能已經係出年嘅事🤣(Price: lunch ~$350/pax.)…查看更多

晚市訂位去到下年3月據聞午市好似容易啲訂！好足料嘅蝦多士，每粒都脹卜卜 脆卜卜用上新鮮雞，秘製豉油汁是精髓！市面上好多copy cat呢個係始組- 焗豬扒飯 + 脆邊荷包蛋10/10 💯 this was the bomb!!!!!! 💣腸粉沾上全部精華，非常香口惹味！究竟咩係千層咕嚕肉呢？原來外層係加上煙肉～幾特別The overall experience was great! I miss the baked pork chop rice already 🥲…查看更多

雖然今次重點不是想講其食物..但食評嘛..都是以食物行先~杏汁豬肺湯~是這裡有名的..很多人專誠來拜訪就是為了這個湯..湯濃..清甜..確實做得不錯..很有住家湯的感覺..三蔥炒魚球~非常之惹味..有驚喜是魚肉夠厚..啖啖肉又夠新鮮..干扁四季豆~正常..炸子雞~標榜用本地農場雞..我對這個挺有期望的..可惜今次這個雞肉做得亁咗小小又鹹咗小小..但皮薄也香脆千層咕嚕肉~很有趣..像在吃豬大腸..味道偏酸..焗釀蟹蓋~好味！蟹肉頗多..但價錢略貴($88/個)..頭抽豬扒(唔記得影相)~呢個正！豬扒肉質爽脆..味剛好..不會太鹹..其實..食物不錯..但我今次想講嘅重點係佢地嘅service!20:00坐低..不客滿..已經即刻落單..我個蟹蓋食剩4份1..阿姐就走埋嚟問我仲要唔要..我即刻愕咗然..我以為係咪我掛住傾偈..坐咗好耐而唔知？我一望隻錶..21:10..一個鐘啫..唔使咁趕呀？！跟住隔離走埋..得番我地一枱仲離譜..開始係我地旁邊掃地..我地食淨小小餸..阿姐A同阿姐B講..收唔收得..阿姐B話：收啦..喂..收唔收係咪應該問食緊嘅人-->即係我地呢？ 跟住朋友問..阿姐你地收幾點？佢話收23：00..不過無咩客就早d收！阿姐..你咁趕法..唔係趕收工..係趕客呀！ 酒樓嘅價錢..茶餐廳不如嘅服務..要人客再嚟..難度高d囉! 今時今日生意難做..如果好多人等緊位或者真係到收舖時間..我都唔會阻你發達..呢次真係接受唔到囉！四個人食咗成千蚊..比餐安樂茶飯食下都得啩…查看更多

9月1日（星期三）晚，是日中午發生了近年罕見的「冒失事件」，惟有將原本的計劃稍稍更改，連累女友要加班至九時許才能收工，之後相約在西灣河一起吃晚飯，幸好我早已想好來這店吃，在地鐵站接過女友後，便直接走過來。這店門面簡約樸實，不大起眼，若不是看過兩位心水食家對此店的食評，也不知甚麼時候才會來試試。約晚上十時許來到，其他食客剛好離開，幾乎剩下我和女友的一檯客，雖菜單祇有一頁紙，但小菜選擇也很多，我們就點了千層咕嚕肉、頭抽三蔥炒魚球和蝦籽蝦仁紅燒豆腐，還前後點了三碗白飯，好讓我把剩下來的飯菜可以用來翌日帶飯。千層咕嚕肉外表和一般咕嚕肉無異，但咬落層次分明，原來是將梅頭肉起片捲成粒狀再染漿炸，做法新奇亦令口感提升，糖醋汁亦做得很好，雖未至於掛漿境界，但是甜酸比重和醬汁稀杰方面也做到恰到好處；頭抽三蔥炒魚球炒得甚有鑊氣，先用蒜蓉和三蔥（洋蔥、京蔥和蔥條）起鑊爆香再下魚塊，然後加頭抽炒香起鑊，魚塊雖魚味不濃卻入口幼滑，而頭抽的鮮甜亦和魚塊很配合；蝦籽蝦仁紅燒豆腐卻有點畫蛇添足，其實紅燒芡做得濃淡適宜，豆腐亦夠滑溜，再加上冬菇和筍等配料已經足夠，可能是為了能將這個小菜的價錢推高一點，才加入蝦仁和蝦籽，蝦仁用上中蝦，雖爽滑卻欠缺鮮味，蝦籽更是下了等於沒下，因為味道早已被濃味的紅燒芡蓋過了。最後還附送足料的腐竹意米白果糖水，但我就嫌甜度不夠，祇吃了兩口就沒有吃了。原來這店還有分店位於坑口，我竟然也不知道，有機會真的要去試試，可能還會相約食友一齊，人多些可以試多幾款小菜。…查看更多