Lady 13 Kitchen (Tung Choi Street)

今日去開旺角，試吓十三姨既湯粉先呢碗十三飛非常足料，有安格斯牛肩胛、牛肋條等，湯底充滿着牛肉嘅味道，但唔會太鹹。牛肩胛稍為略薄。朋友轉咗去個面底做翠玉瓜面，好清新同埋好健康，啱晒啲生銅人仕。…查看更多

之前已經聽過好多人介绍不過多數都話午、晚市通常都有好多人排隊今次咁岩夜左係旺角揾野食終於食到濃味出色湯粉🍜十三飛（銀針粉）安格斯牛肩胛、牛助條、溏心蛋要讚牛肉濃湯底出色，牛肋條炆得好淋，起乎安格斯牛肉就比較諧身，但湯底太出色，加入大量乾蔥蒜，少少青檸汁，清新又惹味🍜灸燒手撕雞湯粉絲估唔到有人會將手撕雞灸燒，將濃濃燒烤味融入湯底，加埋蔬菜粉絲，味道特別得嚟令你難忘…查看更多

一坐低首先有杯色彩繽紛嘅蝦片作爲開胃小食，仲有隻靚靚香檳色嘅杯裝住，成件事即刻好少女 😍😋 十三么 ~ 有炙燒手撕雞配雞叉燒，個湯偏清淡，不過個炙燒手撕雞焦香味好濃，好惹味 🤤😋 十三飛 ~ 有安格斯牛肩胛配牛肋條，味道相對濃厚，牛肋條好淋好入味，湯入面有三條腸粉，但索唔到湯汁，建議連湯食有味道d~😋 西多雞翼 ~ 炸到金黃色剛剛好，而且好夠脆口，如果有多d蜜糖就更加好啦 😍第一次食粉絲拼米粉，口感原來又幾特別，d麵少少淋得嚟又會帶點煙韌 👍🏻 另外個湯入面加咗青檸/檸檬，令個湯清新d無咁膩！下次如果唔駛再排隊嘅話會想試埋個鵝肝煎蛋撈飯！…查看更多

鵝肝煎蛋撈飯$157本身都覺得鵝肝好香，但有時食得太多覺得好流，但係！佢哋鵝肝撈飯超級好味！超開胃！入面仲有啲XO醬等配料，口感好豐富多元化，食得好滋味十三飛 $85面底有好多選擇，仲可以雙拼，啱晒啲好貪心既人😂即係我。本身佢嘅配搭係粉絲加米粉，已經好合我口味。啲牛唔算超級有味，湯底唔錯，不過冇鵝肝飯咁有驚喜西多雞翼$40蜜糖雞翼啲friend，正常好食，單骨好方便張枱有辣椒醬，喺青椒醬！好惹味，加落面到好正！…查看更多

上次約咗朋友放工食晚餐，醒起呢間有粉絲拼米粉幾特別又好少有，所以就揀返呢間，估唔到7點幾到都排咗差唔多20分鐘十三飛(安格斯牛肩胛，牛肋條，溏心蛋，粉絲拼米粉)呢碗充滿牛肉味，牛肋條牛味濃郁，肉質都淋相對安格斯牛肩胛就比較薄，而且偏瘦，口感好但牛味相對無咁濃，而粉絲拼米粉都係一個幾特別嘅配搭，兩樣mix一齊又意外地覺得好夾，加入煙韌粉絲比起單一米粉令整體更有口感個湯有牛味得嚟唔會太咸，配埋塊青檸令味道更清新十三么(手撕雞，雞叉燒，溏心蛋，粉絲拼米粉)手撕雞雖然份量唔多，但係食得出有輕微炭燒香味，雞叉燒大大塊，瘦但唔榎，佢呢款仲有腸粉呢個新奇配搭，從來未試過湯粉會配有腸粉，腸粉口感軟滑，但係就比較淡味至於個湯底除咗有雞味，佢仲配有一塊檸檬，令個湯有d酸甜味，更清香一開始覺得青檸味唔太濃，飲咗一半先飲得出青檸味同甜味，整體嚟講就無咩特別整體而言，呢間嘅湯粉配搭幾好特色，而且價錢適中，每枱仲有免費蝦片同熱茶提供，想傾計坐耐d都無問題啦…查看更多

十三姨一直聽咗好耐，今次試完果然係充滿驚喜同滿足，呢個市道嚟講開舖唔夠半個鐘就滿座真係唔容易👍🏻可想而知真係實力所在。座位寬敞又舒服，員工親切有禮貌，真係令人有種賓至如歸嘅感覺👍🏻 老闆娘鵝肝撈飯係另外最有驚喜嘅一個，嗰種味道到而家我都好懷念😃相信會再一次去惠顧呢間餐廳…查看更多

旺角逛街經過，剛好發現有位置，立即入去試試。首先叫了「十三飛」，即是牛肩胛、牛肋條、溏心蛋湯麵，我特別轉配六蔬配銀針粉，又健康又低卡。牛肉肩胛和牛肋條入口嫩滑多汁，肉汁和湯頭結合在一起，口感超濃郁！溏心蛋口感綿密值得加分，而且拉麵變成六蔬配銀針粉，菜的鮮甜和銀針粉的清爽口感，簡直是絕配！這道菜不僅美味，營養也超豐富！推薦給喜歡牛肉又想健康飲食的你們，絕對不會失望～另外同行友人叫了「大三元」，即是燒手撕鷄拌鷄油飯，配燒鷄叉燒，當然啦飯亦轉成椰菜花飯。手撕鷄肉質鮮嫩多汁，經過烤制後散發出濃郁的燒烤香氣，口感細嫩，搭配燒鷄叉燒的微甜和燒烤香氣，又係絕配！而且飯被椰菜花取代，輕爽清新，口感獨特～這間餐廳料理不僅好吃，而且健康，推薦給喜歡新奇料理和注重健康的你們，一定會大呼過癮。…查看更多

餐廳叫十三姨，好容易令人聯想到十三么，十三飛之類的麻雀用語，點知打開menu，餸菜名又真係有大三元，十三么，的確玩味十足又好記呀～店家主打麵食，實是一家非一般的麵店，因為無論你想減肥或增肥都總會迎合到你心意餐廳以中式木系的裝修格局，古色古香的外貌卻有一個玩味十足的menu和一道道是非凡創意的食物，真的看得出店家心思誠意滿滿呀～舖坐低仲會先附上一大杯彩色蝦片，可以食住睇menu🔮花雕啫喱蕃茄餐牌上面有一系列名為‘’最住配角‘’的前菜小食，而這道花雕啫喱蕃茄，實在真的配得起這個最佳配角的名銜。原個新鮮大蕃茄切開薄片，廚師刀功了得，每片切得厚薄一致，平均舖在托盤之上，十分得體；特製的花雕啫喱加入黑糖調味，整成啫喱奶凍的效果，上面灑上金梅片粉，入口酸甜醒胃，鮮蕃茄的爽甜配以花雕啫喱的酒醇香，那種回甘回甜的清爽感覺，絕對係一試難忘呀～🔮西多雞翼雞翼醃得十分入味，先炸再以蜜糖漿炒均勻，外面炸的甘香酥脆，單骨雞翼容易食，肉質嫩滑易離骨，入口味香又甜甜地，十分惹味🔮十三飛 （安格斯牛肩胛，牛肋條，糖心蛋，粉絲+翠肉瓜麵）麵要好食，湯底絕對是靈魂人物，此湯底用料十足，每天以大量的牛肋條和牛骨，與及超過十多種的香料，以慢火熬製6小時，牛味非常濃郁，每啖湯都牛香十足又不油膩，口腔內更一直營繞著那股牛香味，真心覺得淨飲個湯都好正；整碗麵以一個鐵煲端上，使其一直保持溫度，食到尾都暖笠笠；配料亦相當豐富，有來自英國牛胛肉，入口軟腍，牛香十足；牛肋條經過長時間的炆煮，肉質軟熟又有膠質感，彈牙有口感，兩者份量也不少呀！而想減肥又試盡美食的，更可以好似我咁，加錢轉做翠肉瓜麵，廚師會以兩整條翠玉瓜刨食麵條狀，翠玉瓜吸收哂湯頭的味道，入口不但爽脆而且味道濃郁得來又有新鮮的瓜菜清甜味，有飽肚感覺之餘又零澱粉，自製生酮餐，好味又健康呀～真心推介👍🔮老闆娘鵝肝煎蛋XO醬撈飯雖然就咁睇個賣相都覺得佢好邪惡，但是為食又有quota的你們，信我見到一定流哂口水，厚切鵝肝，兩面煎至金黃，入口即溶，那份鵝油香與油脂隨隨滲出，真的是齒頰流香呀～旁邊還有自家鮮炸的蒜片，肉碎和大陽蛋，加一些秘製XO醬，火辣甘香又惹味，味道層次層層遞進，真係食到唔停口，不過食完真係要跑多幾圈減番吓😅🔮金牛🔮黑牛餐廳保留了港式茶餐傳統特飲，金牛就係芒果雪糕加忌廉，黑牛就係可樂加朱古力雪糕，兩款都大大杯，用來減膩或作甜品都好啱大眾口味呀～…查看更多

見微知著🤌，由食材煮法到醬料都用心💖，味道超乎價值👍！・・・・・・・・・・・・・・・・・・・・🐔 炙燒手撕雞伴雞油飯 HK$64・味道：真係人手逐條撕唔係機出嘅手撕雞，每條都食到炙燒過嘅雞香味。雞油飯睇落係白飯但唔知點解食落係油飯，但唔係海南雞嗰種油飯，不過味道也不錯喔，見到個碗底有好小好小嘅油，估計係雞油來源XD 粒蛋正常，健康味道冇話好重蛋味。但加炸蒜同香蔥真係完美俘虜咗愛食口臭嘢嘅肚波心，害羞地點讚(❁´ω`❁)*✲ﾟ*！不過加炸蒜同蔥係真係smart嘅，因為會再吊出個雞味，仲有枱面個配雞飯專用秘製豉油，味道係淡身非鹹非甜嘅豉油，爭鮮嘅好light版，加埋豉油食更正，唔該食呢碗嘅波友記得加！・口感：唔柴嘅手撕雞，一定唔會嫩滑㗎喇但未去到攝牙罅嘅🤭飯粒飽滿粒粒分明，食到底都唔會油，有啲料嚟！🍜 十三飛 HK$80> 安格斯牛肩胛、牛肋條、溏心蛋、粉絲配米粉・味道：牛肩胛同牛肋條都重牛肉味，啱啱好夠熟仲有少少粉紅色好靚仔👍。湯底鹹香十足加埋炸蒜香蔥，yum yum desu！・口感：粉絲配米粉似摻摻，有唔同口感。🐤 鹽燒雞軟骨 HK$42・味道：香口不過冇咩味～・口感：脆卜卜～🍄 雞髀菇＋雞腿肉 HK$16/17・味道：雞髀菇juicy，有少少味粉吊味不錯的。不過雞腿肉懷疑畀錯，幾細粒嘅肉以為係雞軟骨～・口感：正常☕️ 凍蜂蜜蘋果烏龍茶 HK$22・味道：幾surprise有蜂蜜都係微甜，好順口。要攪勻XD，飲到最尾發現有好多甜甜的蘋果粒，喉嚨C伏！・口感：蘋果粒仲微爽口的，唔係淋pat pat，impressive ฅ●ω●ฅ・・・・・・・・・・・・・・・・・・・・🤰性價比：高～🤰9衝度：9衝～🤰結論：難怪長期人龍店，果然不錯，有下次！・・・・・・・・・・・・・・・・・・・・…查看更多

今次已經唔知第幾次黎喇星期日7:00pm已經100％滿座，好彩等咗幾分鐘就有位一坐低就先送一杯蝦片加每人一杯茶茶杯入面有一整個茶包，茶味夠濃蝦片就多多脆，少少“林“老闆娘鵝肝煎蛋飯有4塊鵝肝，我兩塊撈飯，兩塊就咁食仲有自家制XO醬(怕太辣嘅可以好似我咁“另上“)十三飛(員工T-shirt寫住：食完十三飛 打牌都會飛)有安格斯牛肩胛，牛肋條味道好濃，唔咸，個湯都好夠味小食叫咗雞軟骨不過我覺得味道普通又唔算特別脆另外仲叫咗杯嘢飲 - 檸檬柚子蜜味道同出面嘅差不多，夠凍夠味，正常總結：我下次黎都一定會叫鵝!肝!飯!…查看更多

旺角人氣食店，晚餐等位大概廿分鐘，餐廳內座位都幾迫，入座會送上一盤彩色蝦片，脆口，未落單已經食唔停。① 十三飛 $76安格斯牛肩胛，牛肋條，溏心蛋② 十三么 $72手撕雞，雞叉燒，溏心蛋呢兩個湯麵原本係跟粉絲拼米粉，但見翠玉瓜麵好特別，於是就加$18試下。點知原來係將個翠玉瓜刨成麵條狀，雖然係比較健康，但感覺唔值呢個價，而且無左翠玉瓜的爽脆口感。.配料方面，賣相唔錯，溏心蛋係加分既，可惜兩款牛肉都唔夠腍身；手絲雞好香黑椒味但食落有啲鞋，好彩雞叉燒有驚喜，炙燒過，幾滑幾好食。至於湯底，牛湯比較香濃；雞湯看似清淡，但飲落有胡椒味，都幾清香。③ 椒鹽魷魚鬚 $40叫左款最佳配角，望落唔多炸粉，食落唔夠香口但都算好味。.整體感覺還好，菜單設計有gimmick，但係食物質素一般，唔係好值呢個標價，而且仲要收加一，性價比只是一般。…查看更多

【生酮低碳翠玉瓜絲麵🥬招牌雞叉燒牛肋條】會encore之餐廳！發現了一間多菜低卡餐廳，麵底可轉半絲瓜半麵or全絲瓜，溫底好清，無味精可飲曬，好岩係旺角想食light d 既時候去！十三么 $72 👍🏻手撕雞、雞叉燒、糖心蛋加$12轉翠玉瓜麵拼粉絲十三飛 $76安格斯牛肩胛、牛立條白牛 $22 👍🏻雲呢拿雪糕，加雪碧第一次叫黎飲好得意！！唧花忌廉，下面隱藏咗一嚿雲呢拿雪糕原來味道真係同雪碧好夾！💭點評兩者compare：湯底的話牛湯底會龍啲雞湯就係清雞湯嗰隻味，但係有一絲絲嘅黑椒味所以如果想飲湯底嘅話，雞湯都不錯翠玉絲瓜麵，其實真係全蔬菜嘅，好啱啲食得太飽，但係想食少少嘢嘅人好返我食物質素係好不錯，健康得來又好味，真係好味嘅👅味道：4.5/5🌌環境：4/5👍🏻推薦：4.7/5(📍油麻地) 十三姨 (通菜街) (旺角)旺角通菜街1M-1T號華發大廈地下C號舖 …查看更多

夜晚旺角睇完戲有啲肚餓，去咗通菜街搵食。嚟到呢間十三姨，見到店內都幾多人，決定入去一試。本身淨係諗住醫吓個肚仔，點知有驚喜！一入座先有一碗蝦片作為餐前小食，好脆口👍🏻十三么手撕雞、雞叉燒、溏心蛋，粉絲拼米粉，轉陽春麵。湯底用鮮雞熬製，有少少胡椒味，幾清香。雞肉軟腍，同個湯好夾🍜十三飛安格斯牛肩胛、牛肋條、溏心蛋，粉絲拼米粉。湯底採用牛肋條同牛骨熬製，十分濃郁！牛肩胛肉牛味十足，牛肋條淋身，唔會好油膩，仲有啲粉皮索晒湯汁嘅精華，好入味😋…查看更多

人氣十三姨！原來呢間餐廳都幾出名，平日晚上都多人排隊等候。餐廳環境偏狹窄，會同後面枱嘅客人幾乎背脊貼背脊。每枱有一碗蝦片作為前菜，餐牌食物款式唔算多，我哋都係嗌啲招牌菜式試吓。十三么$72- 入面有好多手撕雞、幾塊雞叉燒、腸粉、半隻溏心蛋同米粉拼粉絲。雞叉燒有炙燒味，幾香幾滑。手撕雞鞋少少，同埋重胡椒味。有幾條腸粉又幾有趣。米粉同粉絲嘅份量太多，差啲食唔晒，湯底應該有味精，食完有些少口渴。十三飛$78- 朋友加$12轉翠肉瓜麵拼粉絲，翠玉瓜口感爽口，不過份量少咗啲。牛肉就一般般，普普通通。爆漿芝士煉奶炸年糕$36- 呢個年糕唔錯！流心芝士同煉奶配合得幾好，年糕煙韌，同朋友share啱啱好，推介！鮮奶溝忌廉$28- 個器皿係牛奶盒嘅樣，幾得意。400次岩鹽咖啡(凍)$32- 朋友自己扭岩鹽，用嚟打卡幾好。手作話梅可樂$22- 話梅粉酸酸甜甜，估唔到同可樂都幾夾。…查看更多

第二次黎食十三姨，今次叫左十三飛，有安格斯牛肩胛同牛肋條，半生熟牛肩胛唔錯，撈埋湯入面，食起黎啱啱好，唔會過熟😆不過牛肋條肉質鬆散，口感麻麻地，個人唔太鍾意。至於湯底重牛味，鍾意口感清淡既朋友可以試下。呢次十三飛主要揀左粉絲拼米粉，份量正常。粉絲不錯，米粉一般。整體黎講，70幾蚊唔包嘢飲，有茶提供，個人覺得一般，不過都可以試下。…查看更多