Lady 13 Kitchen (Parkes Street)

帶住今世情人（老公）同前世情人（仔仔）到佐敦搵食，見到呢間曾經被介紹嘅鋪頭響年初四唔駛排長龍就入咗去。叫咗個兩粉，一小食同送咗個前菜。炙燒手撕雞湯粉絲拼米粉（$68）- 燒過嘅雞絲真係香到爆，先試原味湯底，清雞湯味易入口，再拮個檸檬，係如虎添翼，鮮酸味令人流口水。雞絲唔鞋，加埋個炙燒香味一絕。當中嘅陪菜腸粉亦係有趣地方，再試啖辣醬，整體真係非試不可。十三飛（$80）- 湯底濃濃，同雞湯完全唔同風格，配上乾蔥又係另一風味。安格斯肥牛係正常原味，唔會差。牛肋肉夠淋夠入味，比肥牛吸引。食埋腸粉就好滿足。西多雞翼（$38）- 糖漿甜牛油香，點會唔好食，加埋香脆，真係要快手享用。蝦片（免費）…Read More

🀄️\ • 十三姨 • / 💃🏻又去佐敦覓食！今次去咗人氣店十三姨平日七點幾門口都有幾個人排隊不過好彩好快入得🧡餐點名都好得意✨大三元✨$78炙燒手撕雞伴雞油飯＋炙燒雞叉燒+溏心蛋要配秘製豉油先至好食🥹如果就咁食有少少乾，同埋就冇乜特色😗✨十三飛✨$80安格斯牛肩胛+牛肋條+溏心蛋+粉絲拼米粉麵底幾有趣，好似健康版滲滲咁🤓牛肋條好味，牛肩胛量多小食叫咗醋漬蓮藕就爽口解膩，味道就普通啦，10幾蚊份量都好夠嘅😜另外散叫咗忌廉溝鮮奶，鮮奶樽仔好cute🍼😍推薦度：💛💛💛🖤🖤📍 十三姨 (白加士街) (佐敦)佐敦白加士街42-50號金寶樓地下6號舖…Read More

行過見到佢啲菜名幾搞笑，又十三么，又大三元，好似去咗打麻將，就入去試下。坐低就俾咗個七彩蝦片，可以邊食邊諗食乜。- 十三飛 (安格斯牛肩胛，牛肋條，溏心蛋，粉絲拼米粉)粉麵係鐡鍋上，保持温度，不過要小心燙親。湯底係正正常常既牛骨湯，配料有粉腸，好少見。有兩種牛部位，牛肩胛係半生熟，都好重牛味。佢預設係粉絲拼米粉，口感幾特別，可以試下。可以加錢轉翠玉瓜麵，真係未見過。- 嚦咕嚦咕 (玫瑰雞鎚，雞义燒，溏心蛋，粉絲拼米粉)免費轉咗做銀針粉，又係出面少有既選擇。雞叉燒，即係用雞做成日式叉燒，冇咁肥，肉質冇咁乾。玫瑰雞鎚外形幾靚，食落脆口，可以用手拎住黎食。- 400次岩鹽咖啡上層有綿密奶泡，下層係冰凍鮮奶，仲有少少岩鹽調味。打卡一流，不過個人覺得味道一般。…Read More

十三姨由四位老闆娘合資開返，從菜式來看她們除了對食有要求外，還特別喜歡打麻雀🀄️😵‍💫。在香港現時開設了三間分店，分別是旺角、佐敦及尖沙咀，均是排長隊的人氣食店。 無論佐敦還是旺角，都光顧了好幾次，可以講係充滿回憶拌伴多年的店舖。食店裝修以木系中式為主，主打粉麵，好食抵食，光顧每檯均會免費送一杯蝦片。缺點係排太長隊時間等太久，有時讓我停止了腳步，想幫襯但肚子太餓等不了🤢，令我又愛又恨～～恨係食唔到。 老闆娘鵝肝煎蛋撈飯：私心推介，真的幾足料，係有三至四片煎香了的鵝肝啊啊啊！！外脆內creamy油香味十足，再拌以菜甫、瑤柱、蝦乾、香蔥、京蔥、蛋、肉碎加以秘製醬油拌飯，有少少辣，有點韓食feel之餘又保留返港式，是一個經常賣斷貨的食品，呢個價錢食呢個飯係無得輸。飯可加錢轉椰菜花飯。 椒鹽魷魚鬚：正常的，生炸乾身見口不油，但個人口味較喜歡有醬粉的炸魷魚鬚。 西多雞翼：煎香至脆口，再加入蜜糖的單骨雞翼，非常甜香，而且單骨食落非常方便。 十三飛：以安格斯牛肩肉、牛肋條、糖心蛋及粉絲拼米粉組成，可加錢轉其他麵如翠玉瓜麵、銀針粉及陽春麵等。砂鍋湯頭以牛肉湯為主，再加入共十三種材料淆製，味道略濃，食前再加入青檸汁。 串燒：買四送一的串燒，當天點了雞腿肉、雞軟骨及雞腎，味道不過不失，勝在抵食。 鵝肝多士：老實講份量及價格完勝，可惜最新menu已經沒有了。佢係之前某次的舊相。😂…Read More

———————————環境⭐️⭐️⭐️———————————今次去咗佢係佐敦新開嘅分店，一入去光猛同乾淨，個theme係用古色古香嘅客棧theme，配個竹制同陶瓷嘅餐具擺設，都好符合主題。唯一不足係枱與枱之間空間吾多。———————————服務⭐️⭐️⭐️———————————我地係平日晚飯時間7點幾到，完全吾使等就直入，而且無限時間任坐。甫坐低就送上蝦片做前菜同熱茶。上菜時間亦算快。———————————食材味道⭐️⭐️⭐️⭐️———————————以主食黎講，吾算好多選擇，主要分牛同雞，湯面或者飯，但應該定期有期間限定菜式。去既時候係一心想試鵝肝煎蛋飯，但一打開餐牌，發現有更多想食同cp值更高既，就無叫嚕。…Read More

優點- 裝修，員工制服，食物都可以系打卡。改善點又話重點系湯，但兩個湯低都無牛或者雞味，只是酸酸地，所以影響分數。十三飛（$80）3分-牛肩胛- 有部分真系生生地，好嫩，牛味普通啦！份量十足- 牛肋條- 幾好牛味，有D 似牛腩，好在吾黐牙。- 糖心蛋-真系流心，蛋味幾濃嚦咕嚦咕（$76）3分- 雞叉燒- 幾特別的做法，但無乜幾味同咬口。- 玫瑰雞腿- 有孜然味，玫瑰系乜就吾值得，- 雞腿炸得仲幾嫩滑爆漿芝士煉奶炸年糕（$36）3分- 幾特別，芝士系面，爆漿煉奶系裡面，但芝士吾夠味。- 年糕一D 都吾煙靱，400次岩鹽咖啡（$32）4分- 咖啡打得好滑同幾香辣椒漿真系幾鬼辣咖…Read More

今日同生酮嘅朋友出去食飯，所以就揀咗呢一間餐廳。餐廳係滿座，二人座位就比較迫。一坐低就送咗一份炸蝦餅做小食。叫咗老闆娘鵝肝煎蛋撈飯加咗$20轉咗個椰菜花飯。個賣相唔錯，入邊有三舊鵝肝，我地將所有配料撈晒再兩個人分黎食。鵝肝唔錯，但係啲配料呢令到個飯過喊😖另外再叫咗一個十三飛轉左翠玉瓜麵。我同朋友比較喜歡過個麵，翠玉瓜麵爽口，有驚喜，牛肉都幾淋叫左兩杯飲品岩鹽咖啡，會俾樽岩鹽你，叫你自己落㗎😆味道都唔錯，加$18都值。另外我叫咗杯鴛鴦，但係就沒有特別。雖然可以食到生酮餐單，但價錢比較偏貴🫣…Read More

早排天氣咁凍最岩食熱辣辣嘅湯麵🔥暖笠笠～每次經開旺角分店都見排滿人🥲一直搵唔到機會試直至早排係佐敦發現有分店，即刻狗衝🐶♡ 十三飛 (西安格斯牛肩胛，牛肋條，粉絲拼米粉) $74安格斯係薄切，但牛味好濃～而牛肋條都炆得好軟焾🥰湯底好濃郁，牛肉精華完全溶入湯底🤤粉絲拼米粉岩哂選擇困難症嘅我🤣當中嘅粉麵、椰菜絲、芽菜索哂啲湯，夾埋啲肉一齊食好滿足～入面仲有腸粉又幾滑，溏心蛋煮得剛好，一咬會溜哂啲黃出黎😛♡ 嚦咕嚦咕 (玫瑰雞鎚，雞叉燒，溏心蛋，粉絲拼米粉) $72雞湯底清甜，明顯無十三飛咁濃～而玫瑰雞鎚炸得都幾香脆🤤隱約食到淡淡玫露酒香同孜然粉嘅味道，但就好細舊，得好少肉😢雞叉燒係卷埋雞皮入去，幾特別而且都入味🤩…Read More

女小編超鍾意食鵝肝 近排見到呢間餐廳有鵝肝蛋飯 所以就即刻去試吓佢哋嘅午餐 唔知好唔好食呢😚👅老闆娘鵝肝煎蛋撈飯 $120呢個真係超級推介‼️佢有三大塊鵝肝 啲鵝肝都幾厚 而味道都幾濃郁 入口即溶🤩再加埋流心太陽蛋 同埋蔥加其他辣辣地嘅配料 撈飯食真係一流 超正😋👅十三飛 $74入面嘅配料有安格斯牛肩胛 牛肋條 溏心蛋🍳而小編揀咗陽春麵 佢嘅牛肩胛好淋 一啲都唔韌 陽春麵正正常常 成個配搭同湯底有啲似食緊越南生牛肉湯河 加埋佢嘅秘製辣醬更加好食😛👅西多雞翼 $34雞翼外皮表面脆脆地 淋左啲蜜糖喺雞翼上面 唔錯🤓👅爆漿芝士煉奶炸年糕 $32一咬就勁多芝士爆出嚟 芝士控一定要食🧀🧀再加埋煉奶同埋年糕上面多一塊芝士 真係超級邪惡 不過就略嫌年糕嘅外皮淋咗少少同埋唔夠熱🤨👅黑牛 （跟餐）+22朱古力雪糕味道算濃郁 仲有好多cream 不錯😝👅金牛 （跟餐）+22呢個係芒果雪糕加忌廉 味道正正常常😙同埋特別一讚呢間餐廳嘅服務幾好🥰總括嚟講呢間餐廳嘅食物水準幾高😚鍾意食鵝肝嘅一定要嚟試吓‼️😋 好味：8.79/10🤑 價錢：8.21/10🤗 服務：8.30/10😝 環境：7.98/10😚 衞生：6.76/10🤩 整體：8.51/10…Read More

最近去左佐敦staycation住EATON HK，咁啱朋友話原來十三姨黎左佐敦，一於去試下。我哋叫左兩個招牌菜，老闆娘鵝肝煎蛋撈飯、十三飛。兩樣都無令我失望，鵝肝入口即溶，再加上秘製撈飯醬油，味道濃郁。十三飛個湯好飲，米粉都好入味，而且啲牛肉好鮮嫩，值得一試!最後飲品叫左個忌廉鮮奶，奶味濃郁，我特別鐘意個杯的設計，很有特色…Read More