YOI Coffee & Bakery

同朋友特登遲少少嚟，打算避過中午飯時間，2:15嚟食，點知都要等30分鐘，夏天等真係一大折磨。好彩同朋友一齊排隊，可以傾偈打發時間。不過啲食物味道都真係值得等！// 堅果醬脆麥片乳酪(配日本黑芝麻醬)夏天特別排完隊，食返個凍乳酪bowl 好正！當堂消暑！不過佢一碗都大碗，兩三個人share食會好啲，食到尾段可能會覺得膩。黑芝麻好出，會有黑芝麻糊感覺。麥片能夠增加口感，不錯！// 北非沙卡蔬卡配意大利香草麵包真係食得出係自家製嘅香草麵包，外皮鬆脆，內裏鬆軟，用嚟伴佢嘅濃郁蕃茄微辣醬，超級惹味！每啖都要用匙羹筆大大啖醬嚟食，點係完全食唔到佢味道。//手工炸蝦餅牛油吐司三文治夾泰式椰菜沙律配薯條&自加柚子蛋黃醬見冇乜人食過呢個，好似係新推出。個蝦餅係超厚實、多餡料、炸到外皮好脆口，配上泰式蜜糖芥末辣醬，加清新柚子蛋黃醬簡直係絕配！食嘅時候一定要點柚子蛋黃醬！再用十分鬆軟嘅牛油吐司包住炸蝦餅，簡直係完美！啲薯條勁似Shake Shake薯條//日式湯種牛奶吐司配法國發酵牛油&果醬果真係一塊牛奶鬆軟吐司。包的確好鬆軟、果醬明顯係自家用新鮮藍莓煮製成。//開心果修女泡芙超多人嚟都有食呢個，即管嗌嚟試試~超脆泡芙，內裏超飽滿濃郁開心果cream。Ps 並非開心果醬個人覺得如果有開心堅果，可增加口感及減少膩感~…Read More

位於九龍城的多國料理Cafe，由中東到歐洲的餐點都能在此店享用。店內空間大，餐點選擇多，不論在主食或在甜品的發揮亦不錯，絕對是和三五知己忙裏偷閑的好去處～YOI Coffee & Bakery provides cuisines from the Middle East to Europe, showing a wide variety of food options. Spacious space in the restaurant creates a casual atmosphere for people to take a break with friends, while enjoying the flavorsome food. -🔘 北非沙卡蔬卡配意大利香草麵包 Chorizo Shakshuka | hkd$108沙卡蔬卡是以色列有名的早餐，醬汁混和了西班牙香腸、番茄、蔬菜、蛋、羅勒、和芝士等食材。蕃茄味濃郁，少少辣十分惹味，配上新鮮熱辣的香草麵包，好味又飽肚！🔘 開心果修女泡芙 Religieuse à la Pistache | hkd$68法式修女泡芙外型有點兒像雪人，很可愛，泡芙外層非常酥脆，內餡的開心果忌廉甜而不漏🔘 抹茶拿鐵 Matcha Latte | hkd$50🔘 白咖啡 White | hkd$45-🍽️ 食物 | Food: 4/5🌅 環境 | Environment: 4/5💆🏻‍♂️ 服務 | Service: 4/5💰 價錢 | Price: 4/5📝 總結 | CP Value: 4/5-A foodie documentation of dining experience in restaurants through image and text.…Read More

今日放假，嚟到宋王臺朋友推介嘅一間Cafe！門口係黃色嘅落地玻璃，空間都好廣闊同舒適。我哋叫咗一份早餐🫶🏻煙肉滑蛋漢堡，連薯餅同沙律係好簡單嘅食材，但係煮出嚟各有風味漢堡包本身脆口同好香煙肉同滑蛋都煎得唔錯！ 之後我哋都嗌咗一份特別啲嘅菜式叫北非沙卡蔬卡配意大利香草麵包啲肉醬微辣好惹味麵包外脆內軟，好有空氣感鍾意特別啲嘅菜式可以揀呢個！我哋都嗌咗一杯ice black正正常常同一杯手沖candy crush哥倫比亞咖啡豆啲店員話會有士多啤梨糖嘅味道亦都提供左兩款杯俾我哋品嚐飲落去果然係唔同嘅風味啊！整體感覺都好舒適，同埋服務好好得閒經過都可以去坐下！…Read More

YOI Coffee & Bakery 要加一~味道評分:☄️(highest_surprise)/☀️/🌤(pass)/⛅️/💨(lowest)☀️北非沙卡蔬卡配意大利香草麵包 $108麵包外脆內軟，好好食！香料味重，食到個汁入面係由唔同既配料製成😎有層次感好適合重口味既你地😜☀️慢煮嫩雞胸羅勒醬香草麵包三文治$98兩層麵包都有塗羅勒醬，誠意十足💓見到雞胸尼兩隻字本身都有啲卻步(因為驚好鞋）但完全唔會 反而好滑😋仲要入味💥超級surprise!!!!!🌤開心果修女泡芙 $68造型超少女心💕個cream好滑，Nuts味好出，外皮超脆☺️美中不足可能係外皮有少少燶左🙃❤️‍🔥餐廳設計簡潔文青，令人好舒服❤️‍🔥chill半個晏晝完全冇問題…Read More

九龍城呢間YOI Coffee & Bakery既menu 好特別，除左一般cafe會有既意粉之外，主打三文治同麵包類，佢地既麵包都係自家製，誠意滿分。另外呢度既甜品都唔錯，第一次食修女泡芙👍佢地仲有啲cheesecake、曲奇，可以留意當日既甜品餐牌。 1⃣️北非沙卡蔬卡配意大利香草麵包（$128） Shakshuka我都係第一次見香港有得食，有蕃茄、蛋、芝士、辣肉腸等調配成一個酸酸地、微辣既醬汁，質地唔算好稠身，配上四塊店鋪自家製既香草麵包，食既時候沾上醬汁，味道唔錯～另外特別要讚下佢地既麵包！好脆得黎唔會好難咬或者乾身，就算擺左一陣食都keep住個口感係脆脆地既🤩  2⃣️慢煮嫩雞胸羅勒醬香草麵包三文治（$98） 呢款既麵包一樣驚豔到我😍上下兩塊麵包有一定既厚度，食落係有彈性同埋鬆軟既！入面搽滿左pesto，陣香草味勁出！雞胸好嫩滑！中間仲夾左生菜同埋蕃茄片，配上伴碟火箭草既沙律，感覺多左分清爽。  3⃣️開心果修女泡芙（$68） 呢款甜品我黎之前已經諗住一定要嗌！見到好多人推薦，同埋出面都冇見過。泡芙係即叫即焗既，拎到出黎，食既時候，個皮係好脆好脆🤤唔係平時出去食層皮軟pat pat 既泡芙。入面既開心果加吉士醬食落唔會質感唔會太過heavy，堅果味都夠，仲有啲開心果碎碎伴碟～  …Read More