iPot - The Shabu Shabu Expert

一向有去開一人火鍋，其實以前香港有好幾間一人火鍋任食架！不過唔知係咪香港租貴做唔住，全部都執曬！終於搜尋到天后有一間新開，仲要係日台式添！印象中既台式一人火鍋質素唔差，又多選擇，終於約左個朋友一齊去食～ 位置都好方便易搵，去開天后電器道食野既朋友就知方便，係地鐵站出去英皇道巴士站再行3分鐘～一入到去就見到自助吧，檯唔算多，但自助吧幾乾淨企理，一邊係丸類菜類既自助吧同醬料吧，另一邊放新鮮蔬菜、粉麵類同飲品，見到今晚任斟有冬瓜茶同荔枝汁～荔枝汁幾好飲～自己鐘意加唔加冰都得，仲有支裝汽水有凍有唔凍 我地揀左湯底先，都幾多選擇，有11款湯底，平時少見既壽喜燒同牛奶鍋都有，呢d真係喺日本台灣先食到！今日想食清清地，加左$20要日式鰹魚湯，朋友叫左牛奶鍋，menu有詳細介紹各種湯底既材料同味道 原來呢度係半自助方式，揀完肉類係套餐價，就包埋出面既野飲野食，其實計返都幾多野食！我地叫左一個龍蝦餐$398包一隻龍蝦、一碟肉同一罐啤酒，揀左台灣水果啤酒，又幾好飲喎！其實係水果味無啤酒味👍我就揀左松板豬肉，店員介紹係豬頸肉爽口d 無耐就上左湯底：牛奶鍋同鏗魚湯。牛奶鍋好濃，有d似豆奶，我果個鏗魚味好重比我想像中香好多，裡面有2塊昆布，愈滾愈清香，無揀錯😋 松板豬肉：份量都幾多！肉質真係好爽，唔肥，平時叫開黑豚肉，轉下食呢個都唔錯👍推介 紐西蘭小羊捲：都幾好味，唔蘇，自己鐘意食再肥少少，不過都算滑 龍蝦黎啦！👍👍👍再散叫一份帶子，帶子口感👌，唔使淥太耐已經好食龍蝦真係唔錯！有好多膏😍肉質好彈牙食得出好新鮮😂因為好痴殼😂😂 再係出面夾左d台式丸試下，尤其麻吉燒同墨汁墨魚丸，麻吉燒係裡面夾住麻糬，好煙韌😁試埋紫薯都已經好飽，無夾太多費是浪費食材，紫薯好快淋都幾甜！蔬菜洗得好乾淨新鮮，係日常食既菜類。 我地2個人食左$760，因為叫左龍蝦餐，如果唔叫龍蝦既話每人$200-$300左右啦，視乎揀咩肉類。今餐食得好滿足😋😋😋比之前係香港食既任食一人鍋再高d質素，湯底又好味，滾到無湯店員會主動埋黎加湯，仲加返本身鍋底既湯！呢種服務幾貼心👍又提我地仲有一人一杯Haagen Dazs 雪糕，我地話食到太飽，店員仲叫我地抖多陣先食都得～其實果時已經食左超過2個鐘都無催我地，服務都似台灣咁幾主動服務又有笑容，香港有咁既服務態度係值得讚👍…Read More

這個冬天時冷而時暖，天氣轉變的速度快得叫人無所適所。是夜天氣又再突然轉冷，便決定與朋友打個邊爐，暖一暖身。  朋友推薦了這一間位於天后的火鍋店－一鍋。顧名思義，它最主要的特色，便是一人一鍋的火鍋，正好適合我們各人不同的飲食習慣！ 餐廳的內在環境比一般火鍋店細小，但因為只有約二十來個座位，是以空間反而顯得寬敞，頗為舒適，而且四周也比較整齊清潔。 餐廳以台日式料理為題，並為食客提供了多款湯底以供選擇，包括有較普遍的蕃茄湯、麻辣湯以及較特別的壽喜燒、冬蔭公和牛乳湯等等。餐廳採用「半任食」的收費模式，食客可揀選一款肉食，然後到自助處取飲品、丸類及蔬菜等食物。飲品以瓶裝汽水為主，並以冰鎮的形式保持低溫，色彩繽紛的畫面十分美觀。總覺得瓶裝汽水喝下去的時候，感覺特別爽快！ 比較特別的飲品還包括各款果味的台灣啤酒。這款啤酒的酒精濃度較低，不苦澀而帶有淡淡的果味和麥香，有點像啤酒版的Jolly Sandy。試了兩款口味，菠蘿與啤酒的配搭感覺比芒果的更相配！ 食物的種類頗豐富，有各式的肉丸和蔬菜。大部份肉丸的外觀與平時看到的不太相同，而當中最特別的，相信是墨魚包心丸和櫻花蝦片。蔬菜方面也不甘示弱，出動了紫心蕃薯來迎戰！ 擺放著新鮮蔬菜的另一面，牆上貼著眾多明星的照片，當中更不乏巨星的蹤影！如有幸與他們同場吃飯，相信也是一件賞心樂事。 不一會兒，店員便為我們端上各人的湯底和肉食。面對乾燥的天氣，我選擇了感覺最滋潤的牛乳湯底。牛乳湯底呈微黃的乳白色，加熱後，先嚐一口，牛乳湯入口順滑沒有渣，但牛乳味不太突出，反而較重豆味。 肉食方面，餐廳亦為食客提供了眾多的選擇，分別有豬、牛、雞、羊等四大種類，而當中的豬肉及牛肉更有數款不同的款式。素來怕吃肥肉的我，便選了肉質相對地最瘦的一款牛肉－牛肩胛肉。捲曲著的牛肩胛肉整齊地排列在碟上，叫人看得垂涎欲滴。每一塊的牛肩胛肉都是薄切而成的，脂肪明顯較少，但肉質一點也不韌，而且牛味濃郁，十分出色！較有趣的一點是煮熟了的牛肉很容易從中間主要的脂肪位置分離出來，更方便了我食用！ 雖然丸類食物的外觀十分獨特，但吃下去的時候其實與平時所吃的沒有太大分別，比較推薦當中的櫻花蝦片。蔬菜類的食物看似平凡，但其實也隱藏著不少出色的食物，其中白蘿蔔便是當中的表表者。有別於一顆顆的蘿蔔粒，這裡的蘿蔔每一片都是薄切的，更達致半透明的狀態，而且厚度十分平均，可見廚師的刀工了得。 薄切的蘿蔔有助節省烹煮的等候時間，既快熟之餘，又更加入味。 吃到最後，店員更為我們送上套餐已包的Haagen Dazs雪糕，為這頓溫暖而精彩的晚餐劃上完美的句號。 以前和朋友去吃火鍋，總是要為了迎合各人不同的口味而作出遷就。雖然「柴娃娃」地搶食物的感覺十分過癮，但有時候，還是會想與幾位朋友靜靜地享受鍋中的美食。一人一鍋的火鍋文化未算流行，但慶幸我們這次能在這一間小店中尋獲與體會得到。 …Read More

一人一鍋晌香港已經唔喺咩新事物，晌台灣亦喺好普遍，舊年就曾經到「一鍋」試過其台日式精緻小火鍋，印象唔錯。今次重臨，事緣新出咗兩款雞鍋底：古早柑桔雞鍋及上品花雕雞鍋，都甚有興趣想知道兩者味道如何！座落晌天后琉璃街嘅一鍋，鄰近天后地鐵站，交通極之方便。而店內環境簡單骨子，感覺舒適，無一啲做任飲任食火鍋嘅酒樓咁嘈。此外，以2、4人枱居多，適合三幾個朋友嚟聚聚。店員話為方便管理，分咗3個時段：6:00pm-8:30pm、8:30pm-10:30pm、10:30pm-12:30pm，不過，都解釋依個都唔喺硬性規定，如果當晚人客唔算太爆，都唔會太跟足個時段做嘢，早啲嚟又得，晏啲走都得，但如果撞正日子旺，就最好麻煩要依時交枱喇。雖然以前個食評已寫過，都概略講講一鍋嘅收費方式。享用模式好簡單，一條方程式就明晒：湯底1鍋 + 肉類1份 + 配菜飲品自助 + 加送台灣啤酒1罐 + Haagen-Dazs雪糕1杯，而收費取決於所揀選嘅肉類。肉類分為4大類、5個級別價錢：牛肉類- 美國雪花肥牛200g（$198）- 美國安格斯牛肩胛肉200g（$248）- 美國安格斯去骨牛小排200g（$298）- 美國頂級肉眼200g（$348）- 澳洲和牛肉眼180g（$498）豬肉類- 培根豬200g（$198）- 日本松阪豬肉200g（$248）- 日本黑豚梅花肉200g（$298）羊肉類- 紐西蘭小羊捲200g（$248）雞肉類- 美國無骨滑雞肉片200g（$198）此外，亦可以以優惠價再追加，例如第5級別嘅雪花肥牛、培根豬、無骨滑雞肉片都只不過$20 / 100g，其他為$30 / 100g（第4級別）、$50 / 100g（第3級別）、$80 / 100g（第2級別），而第1級別就當然喺最貴，追加價為$150 / 100g。（以上所有價格當然要加收10%服務費）上述都喺基本套餐，仲有1款龍蝦 / 毛蟹餐，1人份收$398 + 10%，2人份收$738 + 10%，前者包括龍蝦或北海道直送毛蟹1隻，湯底1鍋，肉類4選1（牛小排、梅花肉、小羊捲或滑雞肉片），配菜飲品自助（加送台灣啤酒1罐），Haagen-Dazs雪糕1杯；而後者則湯底2鍋，肉類4選2，另再加一份海鮮拼盤（廣島蠔及帶子）。湯底比以前所見多咗3款，依家一共有成11款：台式麻辣鍋、日式壽喜燒鍋、北海道牛奶鍋、養生蕃茄鍋、香濃咖喱鍋、牛骨湯、豬骨湯、素菜湯、冬蔭功湯、昆布麵豉湯、日式鰹魚湯。對上一次已試過日式壽喜燒鍋及養生蕃茄鍋，以後者做得突出且啱心水。今次既然衝著新出品而嚟，就當然試新產品為首要目標，可惜，個古早柑桔雞鍋太受歡迎，是日沽清，幸而仲有上品花雕雞鍋，當然，未能一次試齊兩款新品，心裡總有點「心有不甘」嘅感覺。而依兩款新鍋收費模式跟基本套餐大同小異，包雞鍋1鍋，肉類4選1（牛小排、梅花肉、小羊捲或滑雞肉片），配菜飲品自助（加送台灣啤酒1罐），Haagen-Dazs雪糕1杯，食完雞鍋加湯再涮肉類及配菜，暫時嘅試食價喺$338 + 10%。上品花雕雞鍋估唔到，雞件份量不少，睇嚟至少都有半隻雞，可知道，依個喺一人份量嚟架。鍋內仲有洋蔥、芫荽、西芹等材料一起加熱，滾起再倒入一小杯花雕酒，即時酒香四溢。鮮雞件的確好味，嫩滑以外，帶微微酒香，據餐牌介紹，此養生雞鍋更有行氣活血、驅寒保健之效。美國安格斯去骨牛小排個上品花雕雞鍋嘅肉類揀咗牛小排，原來，因為個鍋有半隻雞，所以，份牛小排喺比基本套餐少一半，即喺100g，其實，過吓口癮已好夠食。安格斯嘜頭，喺品質保證，牛小排油花多而平均，輕灼後軟腍而肉味濃厚，正。北海道牛奶鍋依個牛奶鍋相對就簡單啲，採用北海道3.6牛乳，配合自家熬製嘅豬骨湯，加點杞子、紅棗之類藥材而煮成。湯底滑溜富奶香，鮮甜健康。唔需要擔心個牛奶鍋會越溝越淡，一鍋細心之處就喺每款湯底都有預備咗獨立嘅「補充湯底」，即喺北海道牛奶鍋會加番牛奶湯底，養生蕃茄鍋則加番蕃茄湯底。相反，由於水份蒸發，怕湯底會越滾越濃，加點水溝淡少少作平衡都得。日本黑豚梅花肉足200g嘅基本份量，梅花肉刨得超薄，色澤粉嫩，肉質細緻柔軟，睇落脂肪唔算多，配北海道牛奶鍋都好唔錯。一人一鍋採用小型嵌入式電磁爐，無火既安全又無咁熱，開關及火力調較就晌枱邊，1-5度火力完全掌握閣下手中，完全自我操控。自助配菜一入門口左右兩旁就會搵到所有配菜，等小弟一口氣講晒有咩啦（由下至上，並左至右）：白蘿蔔、芽菜、紫心番薯、板豆腐、蓮藕、雞脾菇、秀珍菇、金菇、雲耳、鮮冬菇、洋蔥、豆卜、龍蝦球、海鮮球、冬瓜、南瓜、芝士蛋、芝士包、蝦腐皮卷、沙律包、幸福包、香菇貢丸球、蟹粉蟹籽包、櫻花蝦片、干貝鮮蝦丸。另一邊廂，又有菠菜、油麥菜、小棠菜、娃娃菜及唐生菜，樣樣都翠綠新鮮；兼且掛有粉絲、出前一丁、日式烏冬、統一福麵，自家製拉麵等。全部任夾任食，拎多拎少，份量隨你心意。用料都頗新鮮，尤其啲蔬菜，個別丸類又幾特別，而自家製拉麵值得捧場。自助飲品一大雪櫃放滿多款支裝汽水，如可口可樂、雪碧、芬達、玉泉忌廉，此外，上層又有幾款特飲，是晚就喺水蜜桃汁、芭樂汁、荔枝汁，其實睇佢側邊放有好多名牌（烏梅汁、冬瓜茶柑桔檸檬……等等），就知啲特飲每晚都會輪流登場。至於額外送贈嘅台灣鳳梨味水果啤酒，試咗少少，跟飲一般嘅啤酒口感差唔多，只喺味道多咗一層菠蘿味，而且入口又甜甜哋，都幾有趣。自助醬料點解臨尾先介紹啲醬料？其實兩個鍋都唔錯，淥起啲肉或配菜都有味，食咗成晚，都無乜點沾過啲醬。不過，都介紹番吓佢哋有咩醬料提供，上層有麻油、黑醋、醬油、白醋、甜白醋，而下層有蒜蓉、麻醬、蔥花、乾蒜、沙茶醬、辣椒粉、芝麻、辣天椒及乾蔥。以前有生雞蛋提供，似乎依家無咗。Haagen-Dazs雪糕最後以甜品作結，每位客人都獲奉上一杯Haagen-Dazs雪糕，可惜只喺僅此一杯。味道有雲呢嗱、朱古力、士多啤梨、同忌廉曲奇。雖然只得一杯，但亦為今餐有個美好結束。由於喺一人一鍋，真喺一時興起，一支公走過嚟涮個火鍋都唔喺咩問題，當然，始終三五知己一齊食會開心好多。雖然單以價錢而言，唔算好親民，但喺，計及整體質素，都仲喺可接受呢！再次感謝店方邀請，祝願小店繼續努力，做得更成功！…Read More

夏日經常出入冷氣地方, 身子一向馬馬地的我, 一入冷氣地方, 長袖外套就不離身, 好似好誇張, 但無法子, 只好一年四季都食一些養生和進補的美食。今次有幸得到食友邀請到一間主打養生火鍋湯底的食店共進晚餐, 又帶我食好野, 實在非常感激, 還有相聚的時刻, 太好了!這間食店名為《一鍋》, 皆因它是一人一鍋, 方便又衞生。大大塊黑色招牌配金色的店名字, 高高掛在門口的正中位置, 奪目耀眼, 遠遠也能看得非常清楚。門口亦貼了很多飲食雜誌的報導, 讓客人可更了解食店的賣點。內裏地方不大, 大約有四至五張六人枱, 還有二人和四人枱, 每個座位均有一個電磁爐。店主事事親力親為, 為客人送上飲品、執拾抺枱、添湯底、添加自助區食物等等, 真是力不到不為財, 雖然忙過不停, 但仍然招呼周到, 友善親切。一人一鍋套餐包括湯底一鍋、自選肉類一份、自助吧任飲任食、台式啤酒一罐及Haagen-Dazs一杯, 收貴是因應不同湯底和不同肉類而有所不同。今次本應品嚐這裏獨家首創的古早柑桔雞鍋及養生之選的上品花雕雞鍋, 可惜食店是日生產太好, 古早柑桔雞鍋一早已沽清, 只好選擇上品花雕雞鍋及另外款式湯底。我本來打算擇選養生蕃茄湯, 因有 “養生”這兩個字, 但店主介紹牛骨湯內有中藥成份, 好似仲補啲喎……所以最後選了它。湯鍋和肉類隨即送到, 第一款是牛骨湯鍋配紐西蘭小羊捲 ($248)。深啡色的牛骨湯以特選牛筒骨熬製, 配以適量中藥烹調八小時, 湯內還有不少枸杞, 充滿着藥材味, 味道濃郁甘甜, 的確很滋補。用此湯烹煮食物, 甘香的藥材滲透在食物裏, 而食物亦變成深啡色。淡紅色的紐西蘭小羊捲夾雜一層肥膏, 肉質有咬口, 但我不喜愛它帶有羶味, 反而食友覺得很有風味。接着送上北海道牛奶鍋配日本黑豚梅花肉 ($298), 乳白色的牛奶湯底以北海道牛奶配適量藥材及自家熬煮豬骨湯製成, 亦加入珍珠米熬製牛奶粥, 入口滑而香濃, 相當健康養顏, 不知把它喝光會否令皮膚又白又滑呢?粉紅色的日本黑豚梅花肉, 只看其外表已知其相當新鮮。每片肉中均夾雜着一段厚厚的肥膏, 雖入口有點油膩, 但口感相當嫩滑, 而且一點膻味都沒有, 不錯之選!最後是要較多功夫的上品花雕雞鍋配美國安格斯牛小排 ($338)。濃郁花雕酒香氣，配以嫩滑的雞件、爽口的紫洋蔥、清香芫荽及清爽的西芹等食材烹煮而成。花雕酒具有和血、行氣、驅寒等保健功能, 最適合我這種常常手腳冰冷的人仕享用, 果然是養生之選。一鍋共有半隻連骨的雞件, 連骨的位置更加美味, 每件都很嫩滑和入味, 充滿花雕酒的甘香, 一流! 因已有半隻雞, 故所配的小牛排只是半份, 其實份量相當足夠, 一個人食都未必食得晒!薄薄的鮮紅色小牛排捲, 外表同樣新鮮。每片小牛排肉中夾雜着雪花的油脂, 稍稍灼一灼便馬上變色, 肉質極之腍嫩, 而且滿有牛肉的鮮味, 雖夾雜油脂, 但不感肥膩, 推介之選!最值得欣賞之處是這裏準備好一樽樽的湯底, 當食客要添加湯底時, 並非加水而是加入原汁原味的湯底, 以確保不失其味, 相當細心!繼續便再到自助吧挑選配料及自製醬料。店子一邊放了蔬菜類、粉麵類及飲品類, 而另一邊設有醬料部和一個大凍櫃, 內裏放滿數盤配料, 選擇眾多。這裏所提供的醬汁款式眾多, 自己喜歡如何混醬便如何混。有蒜蓉、麻醬、蔥花、辣椒粉、乾蔥、指天椒、芝麻、乾蒜、沙茶醬、甜白醋、白醋、醬油、黑醋和麻油。本人用了沙茶醬、乾蔥、蔥花和芝麻製成自家醬料, 但其實所有食材均有本身的鮮味, 加上湯底濃郁, 這醬料都用不著。蔬菜類共有五款, 包括菠菜、油麥菜、小棠菜、娃娃菜及唐生菜。它們均新鮮翠綠, 滿有鮮菜香, 灼得時間剛好便爽脆清甜, 本人最愛就是菠菜和唐生菜, 不知不覺間吃了不少。粉麵類則有粉絲、出前一丁、日式烏冬、福字伊麵及手打拉麵, 我們揀選了其中兩款一試。粉絲放在雞鍋煮一會, 其完完全全吸收了雞鍋的湯底, 花雕和雞味十足, 入口軟身滑溜, 相當美味。還有手打拉麵, 店主提示要用滾水先煮散, 以免令麵條黏成一團, 果然很細心。拉麵果然條條分明, 吃時淋上預早舀起的雞鍋湯底, 味道剛好, 麵質彈牙, 頗有嚼勁。數一數凍櫃裏, 共有約二十六款配料, 選擇眾多, 包括芝士蛋、芝心包、蝦腐皮卷、沙律包、幸福包、香菇貢丸球、蟹粉蟹籽包、櫻花蝦片、干見鮮蝦丸、龍蝦丸、海鮮球、雪魚方、洋蔥、粟米、冬瓜、南瓜、鮮冬菇、豆卜、秀珍菇、雲耳、雞脾菇、白蘿蔔、芽菜、蓮藕、紫心蕃薯和豆腐。當然未能一一吃盡, 選了一些心頭好, 有粉甜的紫蕃薯和南瓜、有超甜粟米、爽脆的蓮藕片、清甜的冬瓜件、爽口的雲耳、菇香味十足的鮮冬菇和雞脾菇、略為硬身的白蘿蔔片和帶有豆香的豆卜。除了以上較為清淡的食材外, 當然不少得試試特色的台式丸。橙白條紋相隔的沙律包, 圓碌碌, 相賣可愛, 外層彈口內裏是流心的沙律醬料。鮮黃色的幸福包，底部印了一個櫻花圖案，精緻特別, 外層的魚肉膠帶有黏性, 內裏則是煙煙韌韌的肉丸。至於方形的雪魚方, 外層金黃內裏雪白, 口味特別， 而一件件不規則的櫻花蝦片混入不少材料, 口感豐富。飲品方面, 除了每人有一罐台式啤酒外, 還可在自助吧自取飲品。自助吧的飲品款式都不少, 有各款的支裝汽水、水蜜桃汁、芭樂汁、荔枝汁及阿里山頂級綠茶。試了粉紅色的芭樂汁, 味道不算太甜, 易於入口。至於台式啤酒方面, 則有八款選擇, 有台灣果微醺(白葡萄味或荔枝味)、台灣水果啤酒(芒果味或鳳梨味)、台灣金牌啤酒、朝日啤酒、藍妹啤酒及台灣蘋果梳打。我揀選了台灣水果啤酒(鳳梨味), 甘苦中帶點鳳梨酸, 味道特別, 但因受不了太多氣的飲品, 故只喝了數口。吃完一身熱辣辣, 來一杯冰凍的Haagen-Dazs雪糕實在太美好。口味有雲尼拿、朱古力、曲奇忌廉和士多啤梨。一向都得喜歡滿滿多士啤梨肉粒的Haagen-Dazs士多啤梨雪糕, 味道清新, 酸酸甜甜, 絶對沒有藥水味, 雖然已經很飽, 但仍忍不住把它吃光, 正!------------------------------火鍋給人熱辣辣的感覺, 但只要提供有創新而養生的湯底, 再加上新鮮的食材, 幾時一鍋都一樣適合。…Read More