Rock Salt Japanese Restaurant (Lee Theatre Plaza)

銅鑼灣有好多美食，今日行經利舞臺發現一間好特別嘅日本餐廳，門口有個位放住一個個鐵鍋，有啲似香港嘅煲仔飯，於是就入左去試。原來門口見到果啲鍋係由日本訂造嘅釜飯機，而呢間餐廳主打日本傳統釜飯，今次我就試左北海道海鮮釜飯。北海道海鮮釜飯🦀 ($168)釜飯送上時會連同一個沙漏，計時一分鐘就可以打開蓋食飯啦! 釜飯材料非常豐富，有蟹鉗、海膽、三文魚、三文魚子、帶子、鰻魚。釜飯入面仲有栗子、香菇、菠菜，真係超級豐富！而且配上秘製醬汁，更能突出海鮮嘅鮮味👍🏽😋 食到最後就可以加入茶漬高湯，撈埋飯焦一齊食，飯粒吸收晒上湯及配料精華，味道清清地，好味!!日本黑豚腩片沙律🥗 ($88)黑豚腩片好多片，睇相都見到堆到好高😂再配上新鮮嘅蔬菜加芝麻醬，fresh得黎又唔會齋。鮪魚雙色卷($108)鮪魚超厚切，好鮮甜，入面仲有魚蓉，入口即溶🤤雜錦天婦羅 ($98)有南瓜、3條大蝦🍤、茄子、香菇、紫蘇葉，夠晒份量!香草燒羊架 羊架好大塊，燒得啱啱好，肉質超嫩滑👍🏽📣 餐廳單點項目仲有85折‼️由即日去到18/12，甘抵你都快啲去試下啦😋…Read More

銅鑼灣有不少日式料理店，但說到吃到開心和滿足，我會選「岩鹽」。記得第一次跟朋友上去時，已被它門前的大玻璃吸引，只見廚師忙碌有序的炮製他面前的十幾鍋釜飯，當下我就決定要食它，之後就愛上了。🔶北海道海鮮釜飯（$158）當沙漏漏完，即一分鐘後，便可開蓋，香味撲鼻。飯面鋪滿蟹拑、帶子、鰻魚，海膽、三文魚、冬菇、菠菜……加點附上的鰻魚汁拌勻才吃，非常美味！🔶九州魚生丼（$178）三文魚、帶子、油甘魚、赤身、海膽、甜蝦、三文魚籽……一次過吃盡新鮮甜美的魚生。還需要飛日本嗎？岩鹽的午市餐牌有數十種選擇，除了釜飯和魚生丼，還有壽司、咖哩、燒物和火鍋等等，全部都跟味噌湯、漬物和幾款前菜，例如沙律、蒸蛋、刺身等，大碗小碗排列面前，色彩繽紛，還有餐飲或雪糕，豐富滿足，吃得特別高興。餐後憑收據七天內再來午市堂食，即可減$30，怕什麼選擇困難呢？今次吃不到的就下次再來吧。…Read More

以前在附近返工都常食，這次帶同友人於八點半左右食晚飯，被安排坐在卡位，很舒適。上菜後，侍應提醒要待沙漏⌛滴完才可開蓋我要了北海道海鮮釜飯，海膽新鮮好味。友人點了和風牛肉釜飯，我嘗了一塊牛肉，味道不錯。釜飯配有紫菜和茶，性價比很高，以後會再來。…Read More

疫情咁嚴重，真係好耐無出街食飯。一直念念不忘幾年前喺呢度食過既特盛海膽飯。今次再黎竟然 lunch同 dinner menu都無再發現呢個飯，其實都幾失望，唯有叫返板海膽補返數~價錢唔貴，$138一板，好抵食，但係好可惜，海膽充滿藥水味，相當失望！我地仲叫左鰻魚釜飯定食同北海度海鮮釜飯定食。鰻魚釜飯相當一般。北海度海鮮釜飯就幾好食，幾鮮味，落埋醬汁更好食。定食會跟3件刺身，麵豉湯，沙律，仲有飲品同雪糕。夜晚銅鑼灣呢個價位呢個位置真係唔貴，係幾抵食，如果鍾意食釜飯，呢間係幾好~店員服務同態度都唔錯~…Read More

平時都去開利舞台食飯但就係未試過呢間,於是今晚決定一試😈等左半個鐘終於可以入座喇,餓餓🐷tim⋯⋯一坐低已經急不及待order食物我地叫左兩個Set Dinner1️⃣雜錦燒肉御膳:如圖所見都算豐富,刺身新鮮🤤,美中不足就係肉要自己燒,重點係燒完肉,果碗白飯已漸凍,如果你一心想食熱辣辣嘅飯配件燒肉嘅果種口感,呢part係失望嘅😅2️⃣北海道海鮮釜飯:海鮮味道一般,海鮮嘅鮮度滲唔到落飯,果種開蓋聞到陣陣海鮮香都係無嘅😂✨✨不過勝在飯後有多數人都喜愛嘅Häagen-Dazs雪糕🍦🤤🤤🤤👍🏻,為呢餐普通晚飯加返分💖…Read More

今日試食位於利舞臺嘅岩鹽釜飯 ，入面裝修都幾靚，外面仲有一個玻璃位可以睇住人煮釜飯.。睇左餐牌一陣，我地就叫左以下食物：三文魚牛油果米子卷三文魚同牛油果用米子包住，口感其實好得意。淋淋地之餘又有d 煙靭嘅感覺。三文魚味道同牛油果都好夾。芒果奇異蝦卷 呢個就好啱夏天食，芒果奇異果嘅酸甜配 中和左炸蝦嘅油膩感 。 好開胃同易入口合鴨大蔥串燒 鴨同大蔥 ，兩樣本身好合適燒烤嘅煮法嘅食材 ，燒起好香。加上有少少鴨皮油香。就香上加香。岩鹽燒香魚 呢個係季節限定嘅食物，緊係要試下。佢燒得啱啱好 ，外面皮香脆內裡仲保似水份。加埋岩鹽釣下味就已經好夠。炸岩鹽南瓜天婦羅 天婦羅基本功係粉漿唔厚又唔油，兩樣都做到足 。 加埋岩鹽就更加好味。北海道海鮮釜飯呢間店以釜飯作為招來 ，試問點可以唔試下佢？佢上菜時除左茶漬同醬汁紫菜。仲有沙漏比你睇住焗幾耐先夠，一夠時間就即刻攪拌佢黎食。海鮮方面就有鰻魚，帶子 蟹拑、銀魚仔 律子 三文魚 冬菇 海膽 同三文魚子，好豐富下。食到一半就可以加茶漬變泡飯。一款食物多樣食法。滿足感加倍。…Read More

今晚朋友仔介紹我Taddy試新嘢，位於銅鑼湾利舞台廣場十六樓高級日式料理岩鹽，未入門口見到有個細細㕑房有個㕑師正在煲飯，奇怪走過去問問原來是韓式煲仔飯名叫釜飯，於是我坐下便叫了多道菜式其中我首選了北海道海鮮釜飯，一場來到當然要試他們特式釜飯和靚拖羅啦。釜飯味道似似地煲仔飯，加上特制少少咸帶少少酸調味汁，十分開胃。中拖羅，色澤紅潤帶粉，一望就知肥美高質，食落口直頭嘩嘩聲，味道甘香，入口即溶，$198抵比總括而言 - 呢兩款美食 100分，即得再幫襯！下次要試埋他們的其他款式美食，例如和牛咁先可以做肥Taddy架麻…Read More

睇左好多呢間餐廳嘅promotion同好評，一直都好想去試下,呢一日終於約到朋友同我去試喇😆見到呢間野近排咁hit，醒目嘅我地緊係有book定枱喇😄個餐牌都幾多野揀，我同朋友就想咩都試下，所以都叫左幾款唔同嘅野食呢個牛油果刺身他他賣相已經好吸引，他他分左5層，最上層係車厘茄同粒粒三文魚子，之後就到牛油果、吞拿魚、油甘魚同三文魚。每一層都有唔同嘅鮮美感，配上兩片烤得香脆嘅面包，作為前菜非常合適。菠蘿青檸梳打相當開胃，一飲落去就有酸酸甜甜嘅菠蘿同青檸味，再有粒粒嘅菠蘿可以咬下，相當唔錯。餐廳嘅刺身非常高質!我地分別叫左吞拿魚腩刺身同帆立貝刺身，兩種刺身都非常新解，賣相已經好吸引。吞拿魚腩刺身非常肥美，入口即溶，成個口都係吞拿魚嘅鮮味同特有嘅油份，超好食!!呢種質素嘅魚生真係拍得住我係日本食果啲~帆立貝刺身係真係原隻嘅帆立貝咁上，除左有平時食開果種粒粒帶子外，仲有好似磅咁嘅刺身食到。帶子食落非常清甜，而磅狀嘅刺身則較為爽口。之後就到最令人期待嘅釜飯喇，店員細心咁同我地講解釜飯嘅食法: 首先係就咁食左釜飯嘅餸同飯先，之後就可以將淨低嘅飯包紫菜食或者當茶漬飯咁食。釜飯嘅配料相當吸引，有鰻魚、海膽、三文魚子等等，釜飯嘅熱度令魚生變到半生熟咁，別有一番風味。食到咁上下就去始試下第二種食法--茶漬飯。個人覺得呢度嘅茶漬飯係比其他地方好食嘅，因為好多餐廳嘅茶漬飯往往都係普通嘅湯，只有咸味而沒有茶味，而呢度嘅茶漬湯真係有清淡嘅茶香，湯亦唔會太咸，非常唔錯!食到最後包紫菜亦可以。食到最尾準備埋單嘅時候，店員同我地講只要like左佢地個fb page再分享就可以有雪糕送，每枱一個人like左就成枱有得食，我就緊係即刻like左喇😍仲要係haagendazs嘅雪糕，正呀~!…Read More

在上月尾與互相約了很多次,卻始終未能成功出街的朋友,到銅鑼灣行行街, 食食飯! 可能大家生理時鍾不同, 不久在經過利舞臺附近, 朋友開始感到肚餓!幸好利舞臺有很多食店可供選擇.我們一邊行一邊找, 當經過岩鹽日本料理時,我在遠處看到門口的特色廚房, 特然醒覺不知是在OPENRICE, 還是甚麼平台上見過介紹這裡的--岩鹽釜飯!!!知道他們主打日本傳統釜飯及海鮮磯燒,特別從日本訂造釜飯機, 今次難得機會, 就一定要食佢................釜飯!!!未入去時, 完全沒有想過食店有如此寬大,連舖面面積,房間 , BAR 位, 及廚房,相信必定過萬呎! 而且, 雖然我們只得2人,但可以安排坐在落地大玻璃前, 遠眺擴闊環境,可令人在完全釋放壓力底下, 食一餐開心飯.他們亦有新鮮海產陳列出來, 並且列明價錢.夏天天氣熱, 一眼望過去, 令人身心涼快! 原來我們當時正是岩鹽的午飯時間,看看餐牌, 選擇頗多, 眨時令人眼花撩亂!不過, 我自己一早已決定北海道海鮮釜飯--$148朋友是鮪魚三色丼--$268這裡有酒, 汽水, 雞尾酒等.我們兩個都很少飲酒, 甚至未試過,今次有服務員的詳細介紹後,我們決定..............第一個午餐是我這個釜飯先端來,原來盛著釜飯的器皿是如此特別.飯面上有很多蒸得剛剛熟的三文魚,帶子, 蟹箝, 蒲燒鰻魚, 入了味的冬菇條, 三文魚子,青豆, 蛋絲, 小魚仔和栗子. 材料非常豐富, 而且飯粒軟硬度適中, 份量多到食極仍未見底.還有鮮嫩魚生刺身;開胃雜菜沙律, 麵豉豆腐湯,  配上這杯正合我不喜太甜, 而且可以消暑降溫的綠野小島--$ 42由濃青檸汁, 青瓜粒, 鮮青檸汁, 薄荷葉, 加入燒酎酒,口感清新, 帶點微微酒味, 如果不說, 會像有汽特飲,很適合一般不懂飲酒的人士.到朋友的鮪魚三色丼出埸--$268從未見過整碗飯, 上面舖滿如此又大又厚的大拖羅,及拖羅蓉, 加上少少青蔥, 紅紅綠綠,色彩鮮艷, 新鮮大拖羅, 簡直令人垂涎欲滴!套餐還包括有雜菜沙律, 帶子蒸蛋, 麵豉豆腐湯.朋友這杯是熱帶雨林--$52由菠蘿汁, 橙汁 加燒酎, 味道酸中帶甜,亦是微微的酒味, 很適合一般人士.原來當日仍是他們新張喜慶, 每人贈送雪糕一杯, 我: 含有雪尼拿籽碎的雲尼拿雪糕,朋友: 有士多啤梨粒的士多啤梨雪糕.今次岩鹽, 無論在視覺, 味道, 環境, 服務都非常滿意及讚嘆! 一定要再回來, 試試他們的另一主打: 海鮮磯燒!!!!…Read More

幾年前帶媽媽到奈良旅行，長輩鍾情當地有米氣的志津香釜飯，當時排隊排了很長時間的。女朋友行街見到銅鑼灣都有釜飯，今晚就一於帶媽媽來嚐鮮吧！一到門口已經看到兩位師傅製作釜飯，一排排整齊的釜飯不必日曬雨淋就能吃得到。北海道海鮮釜飯材料非常豐富，海鮮樣樣都新鮮，有齊三文魚、三文魚子、蟹鉗、帶子、海膽和鰻魚！除了上層的海鮮，釜飯亦內有乾坤！釜飯混有蛋絲和白飯魚，層次多多。第二個食法是加入熱茶，變成茶漬飯。飯粒飽滿有咬口，媽媽都說好食。見釜飯的海鮮不俗，所以放心試試磯燒海鮮。店員介紹醬汁有三種，青色的是帶些微辣味的柚子醬，啡色是濃味點的麵豉醬，最右邊是海鮮醬。店員在我們面前一邊介紹食材，一邊燒海鮮。珍寶花竹蝦果然是巨型珍寶 size，有專人燒海鮮，可以盡情食。如不媽媽一定爭住做。海鮮全部 size 碩大又鮮甜，店員燒好後亦會將每樣海鮮剪好才上碟。服務相當細心。活日本帆立貝連著裙邊，王貝大隻多肉，兩樣味道都爽甜可口，鮮味十足。我的波蘿青檸特飲配搭特別，酸得開胃止渴，酸度適中，不錯！…Read More

今日同小女生到利舞臺廣場muji 買文具和零食，好快又到了午餐時候，看到傳單16樓有間新開的日本料理，新張期間還送movenpick 指定雪糕，那麼就走上去看一看。在門口已看到廚師在烹調，然後有位姐姐熱情地向我們介紹這就是香港很少見到的「釜飯」啊！每客釜飯由生米加入魚湯烹調而成，再根據其他食材的烹調時間遂一加入，聽到都口水流，小女生和媽媽決定試下！餐廳裝修時尚，座位十分寬敞，我們二人被安排坐在卡位，很舒適。午市有很多定食選擇(至少三十款)，每日精選$88就有了，特式釜飯由 九十多元至140多元不等，在這裡這價格屬便宜呢！正在心大心細時，媽媽就決定問經理有什麼推介。經理就很有耐性為我們介紹餐牌上的特色食物。媽媽就被石頭燒牛扒吸引，這定食是由食客把牛扒放在石頭上，決定牛扒的生熟程度，很是有趣 ！但由於小女生選了牛肉釜飯，所以媽媽還是選了北海記海鮮釜飯。每客定食都有沙律，茶漬，湯，刺生和飲品，相當豐富。沙律加上和風醬汁，酸酸的，十分開胃。剌生有四件，全部都十分新鮮。尤其喜歡甜蝦，又大隻又鮮甜。 和風牛肉釜飯熱辣辣的牛肉釜飯，送到時把生雞蛋攪拌來吃。 配料十分多 ，洋蔥、香菇、菠菜和銀魚仔等， 單是配料已經能拌飯吃。 牛肉的肉汁再加上香菇及雞蛋，令到整個飯的味道更加香濃。 炒過的牛肉十分香，牛肉香滑之餘也不覺肥膩，不要小看，原來容器深深的，吃極也吃不完。 北海道海鮮釜飯未食就先興奮， 整個飯面都被海鮮鋪滿。三文魚香滑、帶子鮮甜、飛魚子爆脹、鰻魚肥美、海膽更是入口即溶，沒有一點苦澀。 加了栗子的釜飯，口感更豐富。 飯內的銀魚仔 配上魚湯煮成的飯，真的十分鮮味！每個釜飯都會附上一碟醬油，讓食客按自己的口味加添，喜歡濃味的可以加多一些。雪糕新張期內送贈的movenpick 皇牌 vanilla雪糕， 讓整個午餐劃上完美的句號。…Read More