Chef Daruma

今日同大家介紹一間旺角日式餐廳，除咗食到壽喜燒之外，仲有儀式感滿滿嘅生日畫碟。餐廳位於TOP 後面既彌敦道726號，一出𨋢仲有好多達摩佈置，仲有達摩神台、打卡牆，好日式風格既裝修。窗外仲有開揚旺角夜景，坐得舒服，打卡一流📸。今次食左呢款壽喜燒二人餐，真係非常豐富，包左前菜「醬漬螢光魷魚🦑」同「辣條帶子裙邊」，香辣醒胃。最吸睛一定係呢款「牛肉盛盒 」，$618 就可以食到牛舌、牛板腱、和牛三角等部位。牛舌爽脆，牛板腱牛味香濃，和牛油花分佈平衡，好肥美。呢款既壽喜燒要自己動手做，可以按教學加入牛油、砂糖、醬汁，都幾過癮。燒完配埋蛋汁好惹味❤️。套餐仲有蔬菜🥬盛合同稻庭烏冬，煮完肉再放落去煮都好惹味。小食建議+$26 食「海苔芝士玉子燒」，玉子燒香甜軟熟，再加上鹹香芝士🧀，味道好香濃👍🏻！飲品當然要揀梳打類，荔枝味同菠蘿🍍味都夠清新有夏日feel。我哋幾鍾意佢呢款抹茶味海綿蛋糕，忌廉中間仲有粒粒嘅紅豆🫘，整體都幾香滑。最驚喜一家係佢上甜品既方式，用火槍燒走表面既紙，入面仲有可愛既卡通畫碟，夠晒驚喜。食完仲可以抽達摩小禮品，同埋有紙條係掛門口許願🎋，都幾特別。除咗晚市，午市呢食都抵，套餐有買四送一優惠，而單點、壽喜燒或朴葉燒套餐都有79折。想同朋友慶祝🍾食飯既不妨嚟試下～…Read More

這間新開的居酒屋位於旺角彌敦道726號，短短時間已成為網紅人氣餐廳，有全港首推日式生日祝福寫字服務，絕對是慶祝餐廳的首選！店內環境寬敞舒適，以達摩為主題，裝飾沿用摩登日系風格，尤其是達摩神台及打卡牆是打卡的好地方，窗邊亦能欣賞到壯麗的高樓美景，記得寫下紙條掛在門口許願，還可以抽達摩小禮品，在日本是招來好運的吉祥物～朴葉味噌燒(二人前) - $398蜆肉味噌湯味噌的濃度恰到好處，濃郁的豆香不會過鹹，蜆肉新鮮無沙。辣味帶子裙邊絲絲帶子裙邊特別脆彈，微微辛香更開胃。醬漬螢光魷魚爽脆的螢光魷魚，醬漬帶出其鮮甜風味，一咬爆膏好甘香。明太子雞翼(兩隻)飽滿的雞翼去骨，咬開雪白的雞肉嫩滑多汁而不柴，明太子辛而不辣好香口。芝士吉列豬扒配稻庭烏冬 + $48整塊吉列豬扒炸得酥脆不膩，咬開半溶化的芝士富奶香，可蘸上沙律醬或芝麻醬；稻庭烏冬清爽細膩，以明太子牛油拌，幼滑細膩且帶點辛香，日本生蛋流出濃濃蛋液增添順滑感，或可選鰹魚昆布湯。安格斯牛板腱 +$18一片片安格斯牛板腱，軟嫩且富含嚼勁，中間有條透明的嫩筋，肉質細緻滑順又彈牙，有濃郁的牛味，鋪在朴葉上燒製，吸飽味噌的鹹鮮醇厚，且有淡淡獨特葉香，還有豆腐粒及香菇。北海道抹茶蛋糕 - $98絲花木箱隱藏著甜品，燃點魔術紙有壯觀的視覺效果，自定圖案選擇了最喜愛的chiikawa及小八，還送上即影即有貼紙相，儀式感滿滿～北海道抹茶蛋糕亦相當美味，抹茶味濃郁不苦澀，蛋糕體鬆軟濕潤，清爽而不膩。特調巨峰提子梳打 +$34巨峰提子香甜的果香好突出，梳打水的碳酸氣泡好清爽。淡雪の莓 +$41幼滑細膩的鮮奶，有酸甜的草莓醬及原粒草莓，又有濃稠的厚奶蓋綿密醇厚。…Read More

⛩️香港鬧市中心 - 旺角食肆林立，彌敦道726號大廈成幢都係餐廳，絕對係食飯聚餐的落腳點。📌熊妹聽講近排開咗間新的日本居酒屋《達摩堂》大受歡迎，環境一流，有得食又有得抽獎，今日就帶𡃁妹過去湊下熱鬧，感受一下新潮流。📌位於17樓，一出𨋢就已經有好靚靚的打卡位，有好多達摩公仔怖置的走廊，仲有滿怖達摩許願卡的牆壁，可見裝潢花盡心思💞。餐廳環境格局非常日系，好似居酒屋🏮，有窗口卡位🖼️，有二至四人枱🪑。居高臨下，坐到窗口位望著街景進餐，感覺份外寫意🎶。📌餐牌有漬物、小食、甲羅燒、鍋物、鐵板燒、丼飯、稻庭烏冬、甜品同靚靚打卡飲品🍹，居酒屋應有嘅款式都有。達摩二人前定食，$388花多眼亂👀，兩妹子叫二人餐就最好不過啦！二人餐包味噌湯，兩款漬物、一款小食、一款鍋物或鐵板燒、一款丼飯或稻庭烏冬，另外可以額外加錢，跟餐優惠價叫兩杯飲品。蜆肉蛋花味噌湯熱呼呼的味噌湯又唔算好鹹喎，入面都入咗蛋花，豆腐同海帶，仲有粒蜆肉，餐前飲湯暖下胃，就係日本嘅飲食文化。醬漬螢光魷魚一碟有四條醬漬魷魚，食落口感軟身，醬汁味濃。芥末左口魚邊一碟芥末左口魚邊，前菜黎講份量都算多，芥末粒的爽口配撘淋身的左口魚邊，少少攻鼻嘅芥末味好過癮。招牌玉子燒（明太子），跟餐價，加$18玉子燒揀咗明太子口味，軟綿綿嘅玉子卷蛋入邊包裹住滿瀉嘅明太子餡料，食落去就係充滿幸福嘅味道，oishii！安格斯壽喜鍋，跟餐價，加$48新品推出咗壽喜鍋，一於試下。安格斯牛有五六片，喺壽喜湯鍋入邊滾啦滾啦♨️，望着等着感覺都好自癒。滾兩下就食得，安格斯牛夠晒軟淋又大片，唔肥無渣，壽喜鍋入邊仲有好多配料，豆腐、蘿蔔片、冬菇、野菜、金菇等等，索哂帶甜的壽喜湯，咁多蔬菜感覺唔膩濟，連湯都飲埋。芝士吉列豬扒配稻庭烏冬（冷麵汁）天時暑熱，係岩食涼浸浸的冷麵時候。稻庭烏冬過咗冷河，口感非常彈牙，加入冷麵汁芝麻醬，𠽌一聲啜入口，爽快！特別在食完壽喜熱鍋湯之後真係透心涼嘅感覺💧。吉列豬皮炸皮唔算好厚，豬扒肉層加入了芝士🧀，熱辣辣炸起會流出來，酥脆油膩，係非常邪惡嘅炸物😈。茉莉綠茶，跟餐價，加$13明太子雞翼，$58明太子熊熊妹食開有條路，食一款明太子產品又點夠啊？叫多款小食明太子雞翼，脹卜卜嘅雞肉入邊包裹住爆饀的明太子，一啖咬落去，連埋雞肉雞皮嘅雞油混合一齊食，真係滋味無窮！北海道抹茶蛋糕，$98餐廳最近仲新推出左甜品畫碟服務，抹茶熊熊妹就梗係叫咗最愛嘅抹茶蛋糕啦！在驚喜地原來係用上一個紙包面的木盒呈上，當職員抱起成個木盒過嚟上枱時都已經夠晒震撼，然後店員點着火槍，燒起木盒上的雪梨紙，頓時火光熊熊🔥，成為全場人嘅焦點。當雪梨紙燒完之後，內裏嘅畫碟蛋糕就會呈現喺壽星眼前，成個生日驚喜的安排絕對係攞滿分💯！驚喜過後，再食一口生日蛋糕，柔滑的抹茶忌廉，軟綿的海綿蛋糕，每一啖都是心思同甜蜜的味道☺️。📌最後，職員仲會為壽星送上生日小禮物🎁，一個祈福包，一張餐飲券，仲要可以同𡃁妹影一張即影即有留為紀念，呢個餐廳安排嘅生日驚喜會唔會太落重本啊？食滿$400，仲可以賣單時喺門口碌個滾輪大抽獎，頭獎可以中到單人來回日本機票✈️，即使係最細的五等獎都有一個靚靚達摩小匙扣，成件事真係滿心歡喜。📌今時今日，想慶祝生日，都係想有儀式感開心下，《達摩堂》有畫碟服務又有𣊬間煙火表演仲要有生日小禮物🎁，絕對係一個慶生打卡嘅好地方。…Read More