Akita Hamayaki

很多餐廳為了吸引食客，都會諗唔同的噱頭，而今次是和手有關的。朋友約我到這裡吃飯，估計應該是因為尖沙咀，夠方便吧。餐廳主打浜燒和日式食物，為著浜燒，四周的抽氣也做得不錯。點了食物後，朋友已經立即告知店員玩遊戲，這時我才如夢初醒。讚好面書專頁後，店員就會拿來一盤蝦，一手可以拿到多少，就送你多少。終於知道朋友約我來這裡的目的，就是貪我的手夠大。目測自己大約也能拿到四五隻蝦，而結果遠超我想像，竟然是九隻，是我的手太強(大)了吧。而且提供的蝦絕非一般貨式，而是有一定份量的赤海老。贏得九隻赤海老，可以選擇浜燒或是刺身。既然有九隻咁多，就一半浜燒一半刺身。燒赤海老肉質較結實，赤海老刺身則是爽彈的口感，各有各的好。人氣蟹味噌甲羅燒 $68蟹蓋上有大量蟹膏，蟹肉，蟹子，還有鵪鶉蛋，店員即場開爐加熱，確保新鮮的程度。完成後，可以放在脆口的餅乾上吃，十分惹味。北海道帆立貝 $78帆立貝好巨型，成個手板咁大。先在爐上加熱，令帆立貝張開。拿出內藏後，在加入清酒繼續燒。燒後的帆立貝爽口鮮甜又多肉。脆炸雞軟骨 $48香脆程度溫和而不過火，炸粉適量，細細粒，一口過。加上檸檬後酸酸地夠開胃。岩鹽枝豆 $22這個十分抵食，份量多，感覺食極都有。即叫即焗，入口還是熱辣辣，加上枝豆有充足的鹽粒，咸香味十足。當季壽司盛 $228壽司盛感覺都幾豐富，海膽，飛魚子，吞拿魚等多種壽司，份量不錯，是浜燒以外的好選擇。看到朋友在玩遊戲後的反應，我知道佢沒有揀錯人，今晚對我亦比平時好。…Read More

今日友人推介食「秋田浜燒食堂」，''浜燒''究竟係乜東東一回事呢？食乜架？但又唔好意思問朋友😅，等我上網搜尋下資料先😬''浜燒''日本傳統上是指漁夫將即撈獲的海鮮,上岸後在海灘上直接燒烤食用的料理,不過現今多半用來形容在居酒屋的餐桌上現烤新鮮魚貝類食材的人氣潮流明白了！今晚我地係食新鮮魚貝類仲要係即場向我張枱度烤添去到見到<水產直送>浜燒食堂已經好期待喇好多嘢都想試，一於叫個套餐(北海漁港)，乜都有，唔洗我心大心細諗食乜刺生蝦，免費架，只需 LIKE 左「秋田浜燒食堂」Facebook ，1~3位可以攞一次，4位或以上可以攞兩次，我地今晚共四位，兩友人都 LIKE 左，我地可以兩次🤗，由我做代表，兩次加埋共攞左 19只蝦，店員提議可以幫我地將其中九隻做燒蝦，而另外個十隻做刺生蝦，我食左刺生蝦好鮮甜呀清酒昆布大蜆煮，加左酸汁同少少芥辣煮呢個清酒湯，湯底好濃郁，大蜆好大隻又無沙兵庫縣活播磨牡蠣(燒生蠔)，燒生蠔好大隻，今次要試下分開三個層次食先，先吃蠔肚，之後是的肌肉，最後才是爽口的裙邊，細味品嘗北海道帆立貝+清森殘酷網鮑，店員好仔細幫我地燒，燒到一半會幫我地去除牠的腸臟，並會細心地逐一剪開，帆立貝清甜好有海水味，個汁仲好濃，網鮑爽口鮮甜人氣蟹味噌甲羅燒，我期待的一個環節，松葉蟹膏加上蟹肉燒，再加上一隻鵪鶉蛋伴勻，配以威化餅品嚐，簡直係無敵九州松葉蟹，好香好有蟹的鮮甜味，又好多蟹肉鮭魚京都茶漬飯，本人第一次食，將熱茶倒進飯，然後攪拌，味道唔錯日本蜜瓜，已經為我切好了，蜜瓜好甜，為呢一餐畫上一個完美嘅句號。店員全程為我們燒烤，好讓我們專心閑聊，他們燒海鮮的専業水準十分高，燒製的時間完全掌握準確，不會浪費海鮮…Read More

很久沒有吃浜燒了，所以老友一提議馬上行動，反正在家附近。👆水產珤，夠新鮮。費是多諗就要了個套餐札幌漁港$538, 內容非常之豐富。燻雞刺身沙律： 因為醬汁内有わさび所以只是淺嚐。另加刺身拼盤：三文魚，油甘魚，北海道帆立貝及生蠔四款。看見有日本象拔蚌又加一個， 象拔蚌的鮮甜味蓋過了帆立貝，三文魚及油甘魚油脂豐滿， 生蠔新鮮。原來只要在facebook分享，食客可以用一隻手從竹籃上獲取赤蝦， 手帶有著數 ，拿到的赤蝦馬上享用。鮮味😋彈牙。北寄貝和辛辣腸：北寄貝有海水味鮮甜，嫰滑有嚼口。辛辣腸，微辣，惹味十足，外皮脆口，可口惹味。清酒煮大蜆： 大顯沒有想像中那麼大，但新鮮加上用日本酒煮更加帶出鮮味。帆立貝：珍寶size大😍用清酒燒煮，時間掌握適當，鮮滑美味，陣陣酒香惹味。九州活松葉蟹：蟹腳及蟹鉗已經半褪殼，吃得方便。蟹肉鮮味十足， 口腔內的鮮味歷久不退，令人回味無窮。鮮活伊勢龍蝦：龍蝦肉結實有彈牙，龍蝦膏用牛油烹調後，掃上 龍蝦肉上，令龍蝦更加香濃惹味。甲籮燒：蟹膏放了蟹籽和鵪鶉蛋拌燒，蟹膏混入鵪鶉蛋後更甘香。燒好以匙羹搯入烤香的威化餅內，成為美味的夾餅小吃黑松露野菌燒：用錫箔包裹著燒可保持香味和水份。打開時黑松露香味撲鼻。鲑魚茶漬飯： 已經很飽了，但又受不住誘惑。最後甜品日本蜜瓜，甜美。真是好豐富的一餐，要散步回家幫助消化😄…Read More

踏入2017首季，銀聯信用咭已出招，跟諾士佛臺與天文台圍一帶十二間食肆合作推出優惠。普通級別的銀聯信用咭可享有九折優惠，若果擁有白金或鑚石銀聯咭，在星期一的時候光顧用膳，更可享有八折的優惠，折扣率頗是吸引。有優惠，肯恩當然不會放過。星期一的晚上，來到諾士佛臺，選擇了一間剛開張不久的新食肆光顧。相信秋田已經算是老字號食店，在香港已經開了數間不同的日式食肆。近年香港開始興起浜燒料理，飲食集團也趁機趕趕潮流，迎合市場開了這間浜燒食堂。食店位於諾士佛臺較末段的位置。地下是秋田另一間供應炭火燒的食店，需要上一層樓梯去到二樓才抵達浜燒食堂。店內環境光猛，座位闊落。以木板拼合作牆身，天花綴以捕漁繩網，一派漁市場裝潢，貼合食店主題。每張桌子上面早已放置好調味鼓油與浜燒爐具，由於到來時已有鄰座客人開始浜燒店，店內空氣瀰漫着陣陣燒烤香氣勾引着食客。餐牌上九成五都是海鮮類菜色類項目。除了浜燒，也有供應刺身，沙律，小吃等菜式。除了單點餐牌，食店另有兩款浜燒套餐提供，價錢分別為每位$398的北海道套餐及$538的札幌套餐。套餐有頭盤，浜燒燒物，飯或烏冬主食及甜品。雖然信用咭優惠不適用於套餐項目，但心水清的食客跟單點餐牌比較一下便知，把套餐內浜燒燒物項目的單點價錢相加已經超過套餐本身兩位的價錢，所以套餐其實是甚具吸引力的選項。三位英雄入席，最後決定點選兩客北海道套餐，再加一個刺身拼盤及一客味噌甲羅燒，一晚吃盡生熟海鮮。新開張的期間限定，只要在面書給like及share 貼文，便可以大玩一手蝦遊戲。食客可以用一隻手從竹籃上擒取赤蝦，拿到的赤蝦盡歸食客當晚享用。(注：赤蝦的單點參考價是$78四只)事有湊巧，當日在席的其中一位英雄正是少林擒龍手九代傳人，此等取蝦玩兒正合他的武學門路，所以就讓他大展身手去。擒龍手一出，竹籃上只剩下一只赤蝦！！究竟英雄一手拿到了多少只蝦？？讀者可以自己觀看圖片尋找答案。華美燻雞刺身沙律套餐頭盤沙律先上桌。大夥兒對上桌的沙律有點猶疑。鋪在沙律菜上面的雞肉肉色粉嫩，難道真的是生雞肉刺身？吃生雞肚子會生蟲的....跟店員了解後，知道雞肉是用烟燻製作，生肉已經燻成熟肉，可以安心食用。閉眼去品嚐雞肉，雞肉吃出的口感與味道其實與煙燻三文魚差不多，感覺頗為新鮮有趣。清酒昆布大蜆煮以清酒混入煮湯，還未嚐菜前已酒香樸鼻。沒有花巧的調味，清煮最能吃出大蜆的鮮味。蜆隻雖然不算非常大隻，但肉厚而嫩，蜆肉滲出陣陣清酒酒香。吃完蜆肉還會嫌不夠喉，連煮湯湯汁也想一拼喝下。撈到的赤蝦一半以燒烤烤製。所有的浜燒燒物有專人侍候烤煮，食客安坐自己座位等吃就可以了。吃回自己捕獲的漁獲，滿足感特別強烈。赤蝦燒得彈牙可口，蝦味濃郁。既是刺身級別的赤蝦，當然不會放過嚐鮮的機會。另一半的赤蝦用刺身形式享用。赤蝦蝦身足有一隻食指的長度，啖啖肉吃得滋味。僅是奉送的赤蝦已經鮮味十足，令人對食肆的食物質素打下了強心針。松盛盒 刺身拼盤內有三文魚三切，油甘魚三切，北海道凡立貝及生蠔四款海鮮刺身。吃過赤蝦刺身，對食店的刺身水準沒有太大擔心。三文魚與油甘魚都厚肉肥美，其中生蠔伴以蘿蔔蓉及酸汁調味，既為生蠔提鮮亦添上更貼近日本地道的風味。沒待多久，浜燒的食物亦已準備就緒，食物將會全是即席現場燒烤，讓食客第一時間感受最直接的珍饈鮮味。大阪爆汁辛辣腸大阪腸不是海鮮類食品，由於本身已經是熟肉，稍稍烤過已經可以食用。味道微辣，很是惹味，不過爆汁的效果不算很出。兵庫縣活播磨牡蠣牡蠣跟先前的刺身是同一品種，不過今次改以燒烤製作。以火熗燒焯後牡蠣外層帶來一片焦脆感，一口咬下，牡蠣飽滿的汁液破體而出，跟吃刺身帶來不一樣的感覺。之後的北海道帆立貝與青森殘酷網鮑。由於用的都是活海鮮，所以較花時間煮製。首先要把帆立貝與鮑魚燒至六七成熟。帆立貝的殼張開了，露出大大粒的帆立貝肉。燒起了的帆立貝及鮑魚，由於依附了內臟，所以會先拿入厨房清理。再出來之時，已經被整理得井井有條。厨房還為帆立貝添上牛油粒。帆立貝與裙邊重新上殼去燒，期間還有加入香草牛油及燒酒等調味料吊味，燒出的帆立貝入味可口。鮑魚切粒再燒，服務員小心奕奕將鮑魚肉展開。燒好後的鮑魚再原隻被還回殼中，原隻鮑魚還原眼前，不過很快又再被解體，因為爽彈的鮑魚轉眼已被三位英雄一掃而空。蟹味噌甲羅燒是浜燒料理中的招牌菜式，以蟹膏混入蟹籽、蟹肉及鵪鶉蛋製作。燒好的甲羅燒以匙羹搯入烤香的威化餅內，便成為美味的夾餅小吃。豐腴的蟹膏混入鵪鶉蛋後更見豐腴甘香，配搭蟹肉絲與蟹籽味道口感更見層次。吃完蟹膏，還有半只九洲松葉蟹等著大家。蟹腳及蟹鉗已經半褪殼，吃得更為方便。輕以清酒及鰹魚汁調味，紮實的松葉蟹肉鮮味十足，令人回味再度。浜燒最後以黑松露茸野菌作結，均衡飲食。即燒的野菌包傳來撲鼻的黑松露香，裡面盡是烤得入味的雜菌，熱感十足。最後送上的是京都鮭魚茶漬飯及鯛汁野菜烏冬。相較野菜烏冬，茶漬飯無論在賣相及口味上都更為吸引。熱綠茶傾入碗內立即拿來吃，保留了脆米脆卜卜的口感，味道豐富。晚飯送來日本哈蜜瓜，清甜潤美，滯氣全消。食店的食物的水準不錯。浜燒的項目全交由服務員一手一腳負責煮理，服務員的烹燒技術其實也很重要。加上長時間近距離面對客人，跟客人的互動帶起用餐氣氛也是一頓晚餐是否滿足的關鍵。在這裡侍餐的服務員，真是身懷百般武藝。…Read More

浜燒是日語，即指剛捕獲的海產，在海邊即燒即食。剛剛去過日本東京旅行，光顧過差不多類型的磯丸水產，但海鮮質素很差，還有昂貴的小食費，言語不通的關係難以跟店員表達。今次回港光顧秋田浜燒食堂，裝潢好有日本地道風味，好像又回到日本。兩個set的分別是鮑魚、龍蝦，所以我選了前者的北海漁港，不過價錢牌有點取巧，就是食物份量寫兩人前，但價錢寫$398/person，沒有看清楚以為前面套餐是$398，其實是 $398x2位= $796。除了套餐外，還有散點的刺身、炸物、烏冬等。除了食，還有「一手赤蝦」遊戲玩，只要 like & share 餐廳fb就可以，我隨意拎左7隻，一半燒一半刺身。啤梨味乳酸梳打 $40梨味清新而不假，甜甜地好味～～全程都有專人燒，好嘆~~燒蝦熟度剛好，好彈牙，至於刺身也鮮甜啖啖肉。華美燻雞刺身沙律雞肉經煙燻過，不要擔心是生雞，而味道重煙燻味，質感似是巴馬火腿。清酒昆布大蜆煮蜆肉好大隻鮮甜及無沙，湯底有淡淡清酒香味，正。最期待的海鮮來了，分別有九洲松葉蟹半尾蟹味噌甲羅燒x1北海道帆立貝x2青森殘酷網鮑x2兵庫縣活播磨牡蠣 （即是生蠔）x2大阪爆汁辛辣腸，味道辣辣地，外皮脆，內裡肉腍，很不錯。生蠔輕輕燒過後，再以火槍燒過表面，多種燒烤香味，而生蠔肥美，鮮甜。北海道帆立貝，放在燒爐上一會兒貝殼慢慢打開，店員就會剪走整個帆立貝到廚房清走不潔物，在貝殼上擠了清酒及醬汁，再放帆立貝慢燒。帆立貝有少許燒得過火候，帶點韌，但也可接受，至於群邊好彈牙。海鮮併盤當中最活躍是鮑魚，放上燒網更加激烈，怪不得說青森 "殘酷" 網鮑，親眼看真係幾殘忍，不過我又好想品嚐....差不多燒熟再剪開一片片塗上牛油就完成。這個燒得剛好，一片片質感非常彈牙，有少少牛油香味，超正！最後的九洲松葉蟹好期待，因為我很喜歡吃蟹！燒到蟹爪呈橙色，好吸引拆出絲絲蟹肉，可見十分新鮮，肉質的鮮甜味是難以形容。山之惠黑松露茸野菌鋁箔燒，黑松露的香味加嫩滑的野菌，除了海鮮，其他食物都很出色~~京都茶漬飯（配鯛魚）因為等了好一陣子才上檯，所以湯不算熱，但味道是不錯的，至於烏冬就一般，不夠滑身。最後奉上是日本果物，是蜜瓜，但不算甜。再追加 水蜜桃雪葩 $78 及 椰子雪葩 $48水蜜桃香甜清新，至於椰子就有雪糕幼滑質感，超正~~~這一餐真是大。滿。足，套餐$398一位算經濟，而且要讚一下幫我們燒海鮮的Janet，有她我們才可以品嚐到海鮮的最鮮味。…Read More

今晚去食日本浜燒，以為諾士佛臺道只有酒吧，西餐，原來開左間日本浜燒，去到街尾一幢式的，係二樓，招牌至入餐廳既裝修都好似置身於東京既磯丸水產，見到餐牌有個二人餐，但價錢合理，都唔算貴，有兩款，差在個龍蝦，我地叫了個$398@餐，前菜先上了燻雞刺身沙律，雞肉有醃製過燻咸味，之後上辛辣腸，好多肉汁，之後店員推介like 及分享餐廳全名既Facebook 就可送一手赤蝦，朋友一手攞到8隻，超勁，我地四隻做刺身，四隻燒，一個籃上晒漁獲浜燒，好豐盛既感覺，之後上清酒昆布大蜆煮，個湯好清甜，又有陣陣酒香味，再加埋好似裝左湯既蜆肉，一咬，成口湯汁，極鮮甜。之後燒蠔，先燒底，面就由店員用火槍燒，燒至7成熟，蠔味鮮,賬卜卜厚肉，唔腥，裙邊位少少脆，之後兩款係我至愛，重頭戲，係青森縣殘酷網鮑，如果散叫都要＄138 一隻架，殘號嘅意思相信係佢活生鮑魚擺上個爐度燒囉！見住佢好似跳舞咁郁同爭扎，真係殘忍，店員燒左一邊拿起話拎去再清洗，拎回來再燒，所以熟度恰當唔會韌，肉質彈牙有濃濃海水咸味，超鮮甜，個邊有微微煎香味，之後食蟹味甲羅燒，燒一陣放鵪鶉蛋，再攪勻再燒，好有蟹肉鮮味，一條條蟹肉絲配味噌配以一圓塊餅，好夾，唔會咸，坊間其他餐廳食過勁咸，呢度直程可以就咁畢黎食都好有蟹肉鮮味。之後到燒北海道帆立貝，肉質超鮮甜爽口，仲有爽口裙邊，店員燒到中段，落了清酒，再加啲牛油好香，上碟時店員細心剪開一小塊，個清酒夾埋帶子鮮味，可以當湯飲埋添。另外剛才既赤蝦刺身已剝殼, 再上碟, 好新鮮, 大隻, 啖啖肉。到松葉蟹棒, 超長, 有埋拆蟹工具, 好容易就食到蟹棒, 肉質一絲一絲, 好有蟹鮮味, 連蟹身, 好大份蟹肉, 在燒時還搽上牛油, 更香更可帶出蟹的鮮甜味, 還有焗鮮菇, 香噴噴的牛油味, 好滑,之後唔夠喉叫多個活帶子刺身$78，同平時壽司店不同，更爽口鮮甜，冇咁黏口口感。仲叫了燒鰻魚，魚皮好脆，肉身淋上燒汁, 面有焦香味，完全唔腥，肉身有質感。之後仲有鯛魚茶漬飯，一㝞上，有味湯水般的綠茶，倒入鯛魚及有些脆粒的調味飯超正。鯛魚肉質較實。朋友叫了鯛汁野菜烏冬，魚湯味鮮甜,烏冬好滑煙韌。套餐還有哈密瓜, 好清甜呀, 再散叫了杯荔枝冰茶, 解除燒烤的熱燙感覺, 餐廳座位寬敞, 除室內, 還有涼爽的室外, 另一邊更有bar 位, 可供飲酒人士暢談。…Read More

香港人喜愛吃海鮮，亦愛吃日菜，所以浜燒店越開越多。秋田浜燒食堂是其中之一，剛開業於食肆臨立的諾士佛臺。店內陳設雖簡單，但頗有和風特色。浜燒的重點是海鮮，因此不會錯過看看魚缸的機會，挑選時令生猛的海鮮入饌。平日吃浜燒，人均消費往往逾千元，餐廳現供應的套餐只是四五百元左右，定價相對合理。除此之外，餐廳現正有「一手赤蝦」推廣，只要在 Facebook "like & share"，便可免費一手盡拿赤蝦一次。好友手小，一次只拿到四隻，相比鄰枱的「大哥哥」，一手拿掉近十隻相差甚遠 ！ 這些來自日本的赤蝦，體型相當大隻，可刺身或浜燒兩食。既然今天的目標是浜燒，就以此方法處理吧！因蝦隻屬刺身級別，所以燒至八九成熟最好不過。這個生熟程度，外層肉質結實，蝦香豐碩；內𥚃肉質微微透嫩，泛著生蝦的自然甜香。吃過免費赤蝦，正式進入「札幌漁港」尋味！首個送上的菜餚是一道冷盤華美燻雞刺身沙律。平日刺身吃得多，雞肉刺身實在未吃過。所選的雞肉產自日本，入口細嚐先感受到芬芳的煙燻香氣，繼而是軟嫩緊緻的口感。一如其他刺身食材，生食味道比較清淡，加上有煙燻及沙律油醋等介入，要用心才吃到新鮮雞肉的自然本味。北海道帆立貝的選材非常大隻，燒至半熟後先去掉半殼，然後店員會為裙邊作清洗以去掉僅餘的沙粒，最後原隻重置於半殼中加入清酒及鰹魚醬油等調味。帆立貝因肉厚，所以吃時相當富口感，淡淡的清酒香氣亦賦予帆立貝一陣獨特的和風味道。同屬雙貝類的北寄貝，食感清甜帶彈性，以牛油調味更添香口。大阪爆汁辛辣腸屬風味小吃，味道鹹香帶微辣。相比一般腸仔內含更豐富的肉汁，所以吃時要小心不要被滾熱的肉汁燙傷或濺出。浜燒製作需時，等候時間有其他熟食作間場是合適的安排。這鍋清酒昆布大蜆煮，大蜆肉質非常細嫩，是眾多雙貝海鮮中最鮮甜。鮮活伊勢龍蝦出品非常生猛，蝦頭蝦羔取出後另外加熱烹煮，待蝦身煮熟後再蘸回蝦羔引味。為免蝦肉直接接觸熱網以至燒焦「黐底」，店員會在烤煮尾段用火鎗直噴表面以弄熟整隻龍蝦，安排周全。相比赤蝦，龍蝦的肉質當然更結實緊緻，配合蝦羔非常搶味。 緊接的人氣蟹味噌甲羅燒與蝦羔龍蝦的風味有點類近，只是以蟹羔取代了蝦羔。這個松葉蟹蓋，內裡放滿了蟹籽、蟹肉及蟹羔，另附有一只鵪鶉蛋。吃前先將配料拌勻再燒煮，最後置於甲羅當餅點吃，既香且脆，鮮中帶甜，可口但邪惡！ 餘下的蟹身蟹腳成就這味九州活松葉蟹。松葉蟹貴為日本四大名蟹之一，味道清甜，長長的蟹腳頂角肉豐。各蟹件早已被適當剪開處理，配合蟹匙叉食用非常方便。 山之惠黑松露茸野菌鋁箔燒是實而不華的作品，菇菌味道平衡出眾，彈牙富嚼勁甚討好。 浜燒完滿結束，接下來是兩道小巧主食。鮭魚京都茶漬飯是和風味濃的作品，品嚐這道飯品記緊要熱食，否則魚腥味道會慢慢浮現。綠茶碰上鹹香的飯品有不錯的效果，但空口品評則略帶澀味。相比之下，筆者更欣賞鯛汁野菜烏冬，因魚湯味道吸引，但建議烏冬不用淥煮太久，以免口感過腍。飯餐最後出場的是日本果物，一件香甜多汁的哈密瓜，美味可口不滯膩，是十分滿意的餐後小點。整體來説，筆者對浜燒所用的海鮮感覺新鮮滿意，定價合理。加上幫忙浜燒的店員對各食材及處理手法都富一定認識，用餐體驗良好。…Read More

因為就快過年，最近一直在工作工作，完全沒有出去吃飯的意欲，才突然發現沒好好的和fiance吃一餐於是心血來潮決定嚟到諾士佛臺嚟食餐飯。由於間間都幾爆，我地一路行見到呢間有兩個reception 小姐係度招手，於是我地就入去坐一坐。原來呢度好似有成4間餐廳係呢揀野入面，間間都好似一樣咁，於是就由reception 姐姐帶領下走入呢間浜燒食堂。呢度幾乎每枱都有人serve浜燒其實即係燒海鮮，呢度仲自設一個魚缸養住啲海鮮，可見店家真係有心提供啲新鮮海鮮嚟俾客人燒~ 講完一大輪廢話，其實我有啲擔心俾人當水魚劏，但呢度竟然有套餐提供，仲要每一人只係$398，其實我本來有啲懷疑夠唔夠飽，但後來發現其實係過慮。除咗套餐，我地亦叫咗客脆炸雞軟骨，檸檬同沙律醬都提供得好足，而且食落粉唔多，入口唔係淨係得骨無肉，而且上枱溫度夠，送酒一流~ (但我沒點走~WHAKAKAK) 前菜嘅華美燻雞刺身沙律，我一度懷疑究竟係食緊雞刺身定係魚刺身.....因為口感實在太相似。而且以WASABI沙律汁入饌，除了有殺菌工功效，亦相當合宜，吃後也覺開胃。 話說這裡有個小遊戲，只要你LIKE咗呢度個PAGE同埋SHARE 係你自己個facebook度，就可以戴住手套去徒手拎蝦 !!!! 感覺非常好玩! 我一手拎到4隻呢 ! 如果手大嘅朋友相信可以拎得仲多~ 仲要拎完之後，店員會問你想燒定刺身~ 真係好體貼呀~ 講返啲蝦嘅味道，SIZE大唔在講，而且店員幫我地燒至緊緊熟，本來我以為可能會好腥，點知控制得好好，鮮味仍在~ 而且呢客大阪爆汁辛辣腸亦係意外的好吃，本來我都好鍾意食辣，加上佢真係好多油份，又多汁，皮又脆，食完都唔覺漏。呢客清酒昆布大蜆煮其實有啲失望，清酒味唔出，而且也不算大蜆，蜆肉唔太厚肉，食落竟然有牛油味~ 真係幾搞笑.... 散叫嘅話真係唔好食~ 主角們來了~ 這個濱燒拼盤賣相靚~ 呢客北海道帆立貝真係幾巨型，店員先煮熟咗少少，再成個拎返入去廚房切咗啲腸，再拎返出嚟燒，俾人個感覺其實好衛生，係個殼度加咗啲清酒再將肉剪碎再煮，加埋啲群邊同埋橙色嘅膏一切煮~ 估唔到嘅係一舊扇貝可以咁多野食~ 入口有清酒嘅味道外，帶子肉煮得有點像貝柱，肉質有點韌，還好群邊同埋橙色嘅膏都控制得好好，群邊香脆，肉甜味美。兵庫縣活播磨牡蠣是必吃的! 兵庫縣本身出名海鮮唔在講，而播磨嘅生蠔質量亦相當好，本來我以為生蠔再燒可能會有啲腥，點知竟然無，而且火喉控制得啱啱好，入口juicy又鮮味~ 另一推介嘅係青森殘酷網鮑，本來我都唔知有幾殘酷，而家終於知勒~ 因為係活燒的~ 首先睇下以下短片都知，真係好生猛，燒嘅時候仲係不停咁郁。燒到咁上下，又拎入去洗一洗，搽上少少牛油係鮑魚上面，搶咗一輪火，好似睇馬戲團表演咁，就食得了! 的確，佢嘅香烤味濃厚，而且牛油味香，又唔會太老~ 鮑魚肉仲有啲啜舌~ 九州松葉蟹~ 雖然只係得半份，但佢嘅肉真係好多，而且還有少少海水的鮮味 ~ 最特別嘅係呢一客人氣蟹味噌甲羅燒，望落去個賣相真係麻麻，特別係啲蟹肉顏色，好似泥土一樣咁嘅色，有啲擔心唔知會唔會腥~ 不過呢個食法係幾新穎，入口威化尚脆，蟹膏味厚實又唔腥，仲加入蟹籽增加口感。本來對燒菇呢樣野有啲抗拒，因為我好怕好大陣菇味，但呢一客山之惠黑松露茸野菌鋁箔燒，唔單止啲菇無乜up味，而且佢嘅黑松露無遇熱揮發，而且仲滲透入啲菇度，好味~ 食到自選食事時，我已經好飽，我揀咗呢客明太子味噌烤飯團，香味就麻麻，但拎上手係好熱騰騰，而且好痴牙，灑上七味粉係外層，相當香口。最後兩個人食咗每人4百幾~ 其實呢個價食日本野又食海鮮嚟講都算合理，而且仲有店員serve咗你成晚~好過俾幾百蚊食西餐，啲店員都未必serve得你咁足。…Read More

友人生日，姐姐知道她很喜歡到北海道，於是到浜燒食堂晚膳。店內裝潢充滿日本地道風情，更有日本電視節目播放!我們選擇了札幌漁港二人前。由前菜都飯後水果總共十四道菜，每道都做得很用心，姐姐精心挑選了幾道菜給大家。先說清酒昆布大蜆煮吧，清酒甜甜地令大蜆入口很溫暖舒服，而且沒有沙粒非常好!濱燒開始了，這裡有專人即場用小烤爐進行燒烤的。店員有禮而且浜燒期間談天很歡樂。剛巧遇著免費挑戰一手赤蝦活動，朋友強勁地一手抓起八隻赤蝦!雖則免費，但每隻赤蝦都很大吸新鮮， 肉質彈牙而且蝦的鮮味一流!再來一客伊勢龍蝦，很生猛。 跟著是九州活松葉蟹，蟹膏留來放於蟹蓋上燒，姐覺得啖啖蟹肉如果用來做蒸蛋可能會更美味。北海道帆立貝非常美味，大大隻的帆立貝鮮味很出燒熟後亦不乾身。最後北寄貝配搭清酒燒的味道很棒!聽著海浪拍打石灘的聲音，將撈獲的海鮮與友人即席燒烤把酒當歌，夫復何求?這就是姐姐嘗過浜燒海鮮後的感覺。…Read More

浜燒, 以放在桌上的小烤爐, 親自動手把新鮮漁獲燒烤. 要食, 不需要去到日本, 去尖沙咀諾士佛台就吃到, 而且質素幾高! 作為地獄廚神的我, 當然需要專人幫忙把海鮮燒得夠火喉, 才不致浪費珍貴食材. 店員招呼周到、價錢合理、新鮮食材, 秋田浜燒食堂總有令人吃過回頭的原因. 秋田浜燒食堂有刺身、活魚及活貝, 產地直送. 菜單上有料理、壽司、刺身及浜燒選擇, 我們當晚就選了北海漁港二人前, 不作他選, 只因有齊沙律、清酒煮蜆、五款海鮮、食事及果物, 每位$398, 重點食物是鮑魚及蠔, 而$538札幌漁港則是龍蝦及北寄貝.居酒屋設計, 靠邊坐還有衣架掛起大樓.食堂播放著日本歌曲, 氣氛挺好, 這時候特別適合來一杯麒麟生啤, 燒物配啤酒, 無得輸!而我, 雖有果汁燒酎氣酒、困味乳酸梳打等選擇, 我則偏好提子果汁, 日本果汁, 有粒粒提子肉, 而且甜度適中, 讚!上菜速度快, 首先奉來燻雞刺身沙律, 意想不到雞肉可生吃, 但店員解釋日式燻雞, 可放心進食. 口感像風乾火腿般, 厚薄適中, 少少咸香, 以醋作為醬汁拌蔬菜, 開胃也.  海鮮尚未奉上, 店員就為我們帶來額外食材, 只要讚好及分享餐廳臉書, 即可嘗期間限定的「一手赤蝦」, 即以一隻手去取籐籃內的赤蝦, 能拿到多少隻, 就視乎你的手掌大小或技巧啊~ 我們一手拿到九隻, 可以做刺身或燒烤. 就分半來吃, 五隻燒蝦、四隻做刺身. 燒蝦其實很好吃, 但較黏殼, 很難剝到一隻完整的蝦肉, 還是刺身來得好吃, 少少黏兼鮮味. 蝦頭就請店員放上爐燒倒是沒錯.   清酒昆布大蜆煮, 湯汁內清酒的辛度較薄而昆布的甜味較高, 比例沒有很誇張, 依然有酒香.  有時清酒太多, 會令蜆肉也變得苦澀, 但今次的醬汁既能去除隻隻厚身蜆肉的苦, 更能提升蜆肉的鮮味.   期待的海鮮盤共有五款海鮮, 很吸睛!! 那款最令人口水流呢?店員先把北海道帆立貝放到烤爐上, 大得把爐剛好覆蓋. 滋滋聲響, 蜆殼打開一刻, 很治癒! 去除內臟後, 以清酒、鏗魚汁及牛油烹煮, 醬汁香甜, 帆立貝肉十分彈牙而群邊爽口, 顯示了懂得掌握火喉的重要性.  再接再厲, 兵庫縣活播磨牡蠣, 加少許日式豉油去燒, 牡蠣特別多汁、鮮甜、嫩滑. 接下來的環節...是比較殘酷, 青森網鮑非常厚肉, 在盤內仍是活活的. 放在爐上掃上牛油燒, 煎至條狀再放回殼內, 鮑魚沒有特別縮水, 剛好填滿殼. 口感軟糯、愈嚼愈甜，齒頰留香, 正如蘇東坡在《鮑魚文》中表示「一旦品嘗了鮑魚的美味, 一切珍饈都微不足道」. 的而且確, 接下來的九洲松葉蟹半尾是給比下去, 縱使燒的火喉夠, 蟹腳亦如在日本吃到的美味, 但口腔還留著鮑魚的香甜味.  最後一款海鮮燒物, 說來慚愧, 我是首次吃人氣蟹味噌甲羅燒, 滿滿的蟹膏、蟹肉及生鵪鶉蛋, 把所有材料拌勻燒香, 必定惹味非常. 兩塊威化也輕輕一烘, 目的是要盛著弄好的甲羅燒一起吃. 顏色上絕不討好, 一坨甚麼似的, 但只要衝破心理關口, 淨心想著蟹膏的美味, 確實是十分香滑濃郁, 即使單純吃一匙也覺好味! 把蟹膏填滿威化, 這樣吃全不覺膩!海鮮盤中還有兩條大阪爆汁辛辣腸, 以為沒有甚麼特別, 咬下才知有多爆汁, 微辣惹味, 必食!!重頭戲過後, 吃菌類冷靜一下. 山之惠黑松露茸野菌鋁萡燒, 其實...味蕾是接受另一浪!! 自己到郊外燒烤, 也會做類似的焗蔬菜, 但就是燒不到食堂的水準...這包野菌, 我們沒有吃剩一條. 自選食事可選味噌烤飯團、京都茶漬飯及鯛汁野菜烏東. 烏東彈牙, 浸在香甜的鯛魚汁, 只恨份量太少了吧!!! 捲心菜內有蟹肉, 又有日本大葱絲, 整碗烏東來得輕盈.茶漬飯可配明太子/鏗魚/鮭魚, 水滾茶靚, 以熱茶代湯, 把脆粒、明太子及味素的香氣逼出, 飯粒泡在茶中, 很清香, 會一試愛上. 最後吃片清甜多汁的夕張蜜瓜, 這頓晚飯, 那有不滿足之處? 醬汁從晚飯一刻已經端來, 但食材原本就夠鮮甜美味, 實在不需再沾任何醬汁. 值得一提, 店員非常有禮友善, 而且很貼心, 在遠處看著每位客人的需要, 更主動添上熱茶, 很有置身日本的感覺. …Read More