PEKING GARDEN (MOKO)

有朋友從外國回來，因為多年未有回來所以很想念中菜，在商場走了一圈後便選定北京樓進餐。餐具富色彩，備有公筷和自家筷子。坐定及備好茶水後便送上一份前菜。前菜 — 泡菜      單據上寫的是泡菜，但其實是木耳、青瓜和細件豆腐，味道像韓式泡菜的辣味。小籠包 點了兩籠小籠包，一籠有四隻，用筷子夾起時要萬分小心。小籠包皮薄，肉汁滿滿，熱湯包味道好。鍋貼 - 四隻 溫度剛好入口，肉汁不算太多，底部煎得香口。韭黃鮮蝦腸 腸粉白滑，蝦腸味道適中。酥炸魷魚鬚份量不少，魷魚鬚炸得不錯，粉也不太厚，碟上的紙張也沒有很多油份，調味好!鮮蝦腐皮卷 腐皮卷可以看到一層層脆的腐皮，很熱的，好好味!白灼郊外菜心 菜心大棵，新鮮清淡。豉汁蒸鳳爪 夠熱，味道正常，有花生在底部吸收了肉汁，特別好味。牛肉球 同樣夠熱，味道正常。海皇脆皮腸粉 顏色奪目，內裏脆的食材很脆，口感豐富，味道也好，必食!北京填鴨  一隻  很久都沒有食這道心愛的名菜，很期待！北京填鴨無論是表皮或是肉質都是極好，鴨的油脂更是香，味濃！每塊餅皮都有紙張相隔不會弄破，蒸籠底下有一小型火燭維持溫度，再加上點一隻北京填鴨食肆有七五折優惠，所以食得好開心!因為我們點的是一隻，服務員將北京填鴨的鴨殼包起讓我們帶走，乾淨之餘並看到透明袋內有着從食物散發出來的熱水氣。焗西米布甸 近年能製作出這款甜品的食肆都買少見少，可以算是懷舊布甸。焗得剛好，中間有一細塊蓮蓉，蓮蓉與布甸混合後甜味也是剛好，很喜歡這款熱騰騰懷舊的味道！…Read More

因上次食北京樓有200蚊coupon，今次試食中銀咭專享套餐。918蚊有前菜醉雞同素方，蒸魚柳，炒蝦球，浸菜苗，小籠包，燕液海皇羹，最重要當然係主角 北京填鴨，以麻沙小丸子作結。首先講下環境，整體新淨，闊落，餐具等都非常乾淨。傳統中式格局。服務都係一貫的好，但人手應該稍為唔夠，侍應們都好忙無停手。味道方面：前菜： 正常，不過不失；欖角蒸魚方（魚柳）： 以葱花同刴椒陪面，增加咗口感，同層次，而且無腥味，收貨；炒蝦球：正常菜式，蝦球大隻爽口，入味；瑤柱奶湯菜苗：唔見瑤柱，菜苗爽口，加入芽菜增加口感；蟹粉小籠包：感覺普通，湯汁唔夠多，不過皮薄；海皇羹：普通菜式，無乜特別；原隻北京填鴨：份量十足，皮可以再脆啲，肉質鮮嫩，配上的包皮夠薄，所以唔好一上枱就攞，會散，要等一等，包皮涼少少就易攞，配菜有傳統京葱，青瓜同海鮮醬。正常味道；麻沙小丸子：煙韌既小丸子，加上不同配料既湯水底，幾好食。用了200蚊 coupon，中銀咭埋單，922蚊。 去北京樓主要要食北京填鴨，其他菜式不過不失。…Read More

父母生日飯，要搵番傳統既中菜。佢地鐘意食北京填鴨，所以揀返北京填鴨著名嘅北京樓。咁啱仲有信用卡既四人餐優惠，好抵食。北京填鴨嘅鴨皮好香好好食😋，份量唔多唔少岩岩好，餅皮望落少但其實岩岩好，青瓜京蔥唔夠可以再添加。京爆蝦球玉帶。酸酸甜甜好開胃欖角蒸魚方既味道岩岩好，魚肉夠滑小籠包入面有湯汁，熱辣辣食好正。蟲草花菜苗小蔥拌麵不過不失，個餐好飽食唔哂個面。總括而言，北京烤鴨一定要叫，北京樓係好適合帶埋兩老一齊出街食既餐廳，包你屋企長輩滿意😎。係可惜假日訂位限制六點食到八點要交枱。時間較唔方便。…Read More

同朋友係moko搵左野食好耐，睇左好多間western cuisine都麻麻地，朋友就話不如食chinese food，咁就係上海菜同北京菜揀左食北京菜。由於朋友十分熱愛食北京填鴨，但呢個套餐係for 4人用，而我地得2個，雖然肚餓但都怕食唔曬，所以只叫左填鴨set，同1個appetizer。問過server，話2個人係食得曬個set，所以我地都好有信心去order，不過，黎到就覺得有d多……🤣首先出場既係appetizer，肴肉個醬酸酸甜甜好開胃，個肉唔肥膩，同以前食過既好唔同，好味再上場既係鴨架湯，個湯只有豆腐同cabbage？！冇肉的，但有濃濃既肉味同肉香係湯入面，飲落就feel到，不過湯頭偏咸，我同朋友都麻麻地，但湯既份量係有4碗既🤔～之後就到呢個同鴨肉同雜豆炒成既料，包埋生菜黎食，好香好味，但係已經開始有d飽……（點算）到主角出場啦，係填鴨呀～～成隻好大隻（心諗要take away了）好食好香，不過唔太肥膩，但同美中鴨子既味道好似，果然美心中菜既味道都係一樣既，好厲害既師傅們總結係好食但好飽～4人set果然係for 4人的🤣…Read More

早前與一班朋友下班後,來到旺角北京樓由於是日非公眾日子，所以等候時間不長餐廳的裝潢委有格調，下單由於我們的另一個朋友仍未到所以上餐的時候仍算快食物質素不錯但價值偏高可以一試…Read More

難得同長輩見面，就食中餐啦⋯⋯今次㨂左信用卡6折4人餐，連加一每人大約$250。1. 北京樓二小拼杭州芳香素腐方/七里莊酒糟醉雞依個無影相添🙈2. 燕液海皇羹依個抵讚呀！鮮味十足，而且每一啖都足料，婚禮果d無餸羹輸九條街🤣3. 北京宮爆蝦球依個甜酸蝦球味道唔錯，不過掛住講野，食第一粒脆脆的，第二就淋左了😵4. 烤北京填鴨填鴨黎講係好食既，燒得ok a ，少少脆，不過偏肥。但係呢⋯⋯如果你要玩正宗食開薄薄既就唔達標，港版北京填鴨😅5. 茶樹菇蒸魚方依個魚無魚腥味，但亦唔重魚鮮味。反而欣賞佢個茶樹菇，配住d source 小朋友都食唔停口☺️6. 蒜子奶湯翡翠苗食完肥野清一清先，淡淡地ok a 6. 北京人家小蔥拌麵依個口感好rich, 以為食落會乾，但結果唔係喎⋯⋯👍🏾7. 無錫灌湯小籠包一向好鐘意食小籠包，但其實攪笑喎⋯⋯北京菜邊有無錫小籠？！依個有d失望，湯汁唔夠，失左色！8. 美心迷你冰皮月餅已經飽到上心口，4人餐甜品竟然係2個冰皮重要無得轉，我地決定包走返歸食😝😝😝總括黎講6折好抵食，味道都ok ge, 但如果正價...我要🤔🤔…Read More

以北京樓之名來講呢一餐非常抵吃！4大1小，坐得高雅舒適而且捧着肚子走，計埋加一都只係一千元鬆啲埋單。富貴吉祥餐＄908頭盤：醉雞、糖醋小排骨、素腐方三個凍盤一齊上，咁一齊影啦！醉雞：凉涼地，皮薄肉嫩，花雕酒非常入味糖醋小排骨：顏色很黑影相出來很難睇，不過味道才是重點，酸甜度適中，小小方塊一口一粒，肉有點鞋口素腐方：太凍，腐皮濕潤嫩滑，咸咸地蘆薈海皇羹清清地，冇乜味，順粹粒粒蘆薈爽口過引宮爆炸蝦球辣味很小，細路都啱食，炸得很靚，熱騰騰炸漿夠薄，外層甜酸漿剛好包裹着蝦球，蝦肉結實彈牙又大隻茶樹菇蒸魚方魚肉勁嫩滑沒腥味，正！茶樹菇亦吸收哂魚的鮮味！北京填鴨呢個餐扺吃在有一整隻跟餐，當然水准也是很高，皮膽肉香，唯一巿惜是切得不入流，正路要是三分皮加一分肉上碟才是皇道吧！！大大籠夠哂包小籠包皮薄多湯汁，熱騰騰！！！姫松茸上湯小黃菜小黃菜肉上湯浸着上碟keep得住溫度，而且姫松茸味道也溶入蔬菜小葱伴麵別看小，小小的伴麵，造型也廷精緻，吃落卻有點似撈麵皇的味道....碗豆皇要睇個人口味，吃這個似是在吃碗豆蓉般，濃濃的豆昧和口感....我想不是人人接受…Read More

因為要同個同事farewell, 佢又話想食北京填鴨…..就諗住去試下呢間北京樓la…..好彩一早book左位….因為真係好full,…. 放左工去有d遲， 雖然book左但都要等一陣….( 無奈) 有位la….但就開始計時, 極速點菜， 因為北京填鴨準備需時….叫左個3食， 有個湯, 肉碎加生菜包, 當然唔少得主菜北京填鴨, 再加左個小籠包…..3個人夠食la卦….. 等上菜期間撞到另一個同事，佢話原本恆生卡有discount…..但我3地個都無, 反而同我地講有discount果位同事就有….(果然早有準備)…. 果日個場實在太full…..等上菜都等左幾耐下…..首先上左個湯，係幾足料ge, 食到鴨肉，金華火腿, 有d好似翅甘ge物體….XD個味唔錯，幾鮮, 唔會太鹹….. 個小籠包, 都唔錯新鮮出爐, d湯同肉都熱辣辣, 一咬d湯就爆灑出黎….要好小心食XD 再上埋個生菜包 (其實對呢個無咩興趣, 所以只係試左d肉碎)…. 因為要留肚食主菜……終於等到北京填鴨la…..正! d薄餅皮好熱， 熱到滾手!!! 反而鴨肉溫度就一般….我本身係好鍾意食醬果d人….所以碟醬好快清左， 當然係要refillll la….(d蔥都係..XD) 鴨肉d皮好脆….肉都好林，有平均ge脂肪， 要少少油先好食……..可以balance翻薄餅皮, 係蒸ge…比較乾身…..所以其實食左幾舊已經好飽， 所以到最後都係淨食d鴨肉…LOL so far都清灑野食…..其實overtime左半粒鐘先催我地埋單…….都算超額完成..hahah 食物優質唔錯， 但侍應服務就一般，好似無咩主動性….要叫佢地先會埋黎serve我地 ….. …Read More

昨晚因為婆婆生日，一家七口來到新世紀五樓既北京樓食晚飯。因為預先訂了位，不需要等候便可入座，餐廳的環境亦相當整齊潔淨！我們事前聽過朋友介紹，毫不猶豫點了最有名的烤北京填鴨！片皮鴨的皮十分脆，口感不錯，可是因為肥膏也頗多，整體感覺有點油膩。用來包著鴨的皮疊得滿滿的，份量比想像中多！如果多了的話，用來點甜醬吃味道也很不錯！整體上片皮鴨味道真是挺好的，值得推介！另外，我們也點了上圖的雀巢(用米粉造的雀巢裝著薯仔、椒等。)點的時候心想味道應該不錯，可是試過後卻有點失望。薯仔的口感欠佳，有點太硬，而雀巢內的其他食物也不太入味。下次再來的話也不會點這碟菜了。整體來說，餐廳的服務態度不錯，環境也很好，值得一試。…Read More