Kingduck (Closed)

又同朋友二人去咗apm京饌食北京填鴨。北京填鴨皮肉均稱，唔會太多肥膏，半隻份量都好大碟。餅皮雖然好快凍咗，但唔會太硬。配料份量充足，有山渣條、青瓜條，同埋甜醬。煎鍋貼一碟六隻，鍋貼底部煎到焦香脆卜卜，但仍有充足肉汁，蘸醋同食剛剛好。雞絲粉皮，雞絲肉質唔韌，醬汁好多，足夠拌勻每條粉皮😆*店舖坐位唔算闊落，同隔離枱好近，聽到人地傾偈內容😆**成日轉餐牌，最喜歡的脆脆臭豆腐粒又無咗...希望佢可以快啲再提供啦…Read More

間唔中會諗起呢到嘅醉鴨肝 於是今晚又嚟食下星期日睇嚟都多人 不過唔使等位但得兩個人就要坐中間同隔離檯只有一條縫嘅位醉鴨肝仲係好好食口感好似凍嘅牛油咁好滑 入面好滑嫩加埋啲酒汁好入味 舊舊都好有鴨肝香咪同酒香小籠包係有四粒嘅我最鍾意嘅一樣嘢係入面係啲肉餡無薑佢個皮夠薄 不過筷子功唔好會夾爛個皮啲肉加埋湯汁食落好舒服清炒河蝦仁就有少少失準 之前食啲蝦仁係細粒啲 會鮮甜同彈牙啲今次啲蝦仁都幾大粒 無咗個鮮甜味北京填鴨上到嚟熱辣辣 即刻就咁夾兩片嚟食燒到皮脆肉嫩 唔會好肥膩 夾埋餅皮食就會有層次啲總括嚟講啲嘢係幾好食 同埋幾貴😂都係想食醉鴨肝過下口癮時先會再嚟…Read More

晚飯四個大人，酸菜魚片較為出色，份量味道較為合味，小辣適合老人家；北京填鴨半隻較細，味道一般，有點失望，較為欣賞個皮，用紙獨立分開每一片片，容易處理；其他餸就中下貨式，沒有什麼特別。茶香但茶芥貴到不能想像，每位盛為16元餐桌位置安排近窗，開揚，望地鐵遠影，遠離其他食客，疫情下非常正！小插曲：餐廳內有一位置有一級小梯級，老人家差點不慎跌倒，幸好能沒事。欣賞： 飯後叫了一客外賣，經店員提醒，分單後有九折。…Read More

特意早兩日已經訂位同埋預留北京填鴨，因為聽人講如果多人叫嘅時候真係會冇得食。入座之後睇到Menu，就簡簡單單叫咗個六人餐，唔使再諗食乜嘢咁煩。六人套餐 $1680醉鴨肝好入味而且有種入口即溶嘅感覺，但係一人一塊就好夠因為食落感覺都幾漏。雞絲粉皮份量比較少，六個人食每人夾啲啲就冇咗。蔥油海蜇皮好好食，識落好爽口同埋唔會好衰都可以夾到完整一條一條。麻辣鳳尾魚份量幾多，食落小小麻辣味道好開胃得意，不過食多兩三條感覺好熱氣。花旗參螺頭炖烏雞清清地，口味偏淡。雞頭米炒河蝦仁酒樓質素北京填鴨(全隻)黎到重點嘅北京填鴨，上左兩碟配菜醬汁，加一籠皮用黎包住食。賣相都見得下人，不過片皮鴨食落好乾身，小小皮嘅油脂感都唔係好感覺到。要靠塊皮同埋配菜醬汁去搭夠先勉回少少口感同味道。其實都幾失望。什果糖醋大黃魚酸酸甜甜，幾好食。京蔥爆黑豚肉食到呢個位都幾飽下，呢道菜都幾油，食幾舊就算。北京水餃皮厚到癲左，入面冇汁，唔係好知食緊咩。糖水整體黎講，都幾失望，北京填鴨最為失望，其次就係價錢唔值，食物水準可能差過一般屋村酒樓。…Read More

老友慶生，約食觀塘，齊齊叫鴨囉⋯⋯六人行食六人餐，咪煩唔使諗，有呢D野食。連加一茶芥每人三舊幾，都幾多野食，雖然略有少貴但都算啱食的。醉豬手鴨肝沽清𨍭左豬手，皮厚爽口。蔥油海蜇皮一般啫，冇乜味似橡筋。麻辣鳯尾魚唔辣、唔麻，係脆脆地囉⋯⋯花旗參螺頭燉烏雞淡淡地，好大盎，唔肥，不錯的。雞頭米炒蝦仁雞頭米即係新鮮芡實，養生野，口感煙韌有趙頭但冇乜味。幾鍾意呢個菜，清清淡淡。北京填鴨招牌正野，唔肥膩，新鮮熱辣切出來什果糖醋大黃魚唔好味，魚炸完都仲有D腥京蔥爆黑豚肉一般般，冇特別。上湯浸豆苗Good , 多配料，惹味唔會寡。滋潤糖水奇怪，顔色嚇人，可以 skip 。…Read More

以前係度食要等好耐位 估唔到依家唔洗等位孖寶餐吸引了我地既目光！雞絲粉皮加北京填鴨一共$299淨叫雞絲粉皮要$3x-4x 而淨叫北京填鴨要$320孖寶的雞絲粉皮芝麻醬很濃味，瓜和粉皮都有咬口銀絲卷$15我以為係粉絲包，原來係饅頭，配合練奶食無得輸！砂鍋腌篤鮮 $110傳統上海菜式：春筍、火腿、鹹肉、百頁結、小唐菜鹹肉同火腿既精華加上筍同菜既清香味，開胃得黎又滿足到腸胃！ 飲完已經飽飽地了（8成）孖寶的北京填鴨可能多人order既關係 我地飲完哂個湯要等多十分鐘左右先黎到，已經9成飽了...2隻鴨腿 加薄餅配菜甜醬，京蔥，青瓜，紅色果個質感似啫喱甜甜地，京蔥同青瓜好爽口，可以清走鴨的油膩感覺鴨和皮中間有少量肥膏 外表睇落麻麻地...鴨連同薄餅加配菜食味道好夾，亦好飽肚由於食唔哂既關係，要打包走$1 有可叮飯盒蓋加膠袋…Read More