Lok Hau Fook Restaurant

「買少見少」的傳統潮州菜黎到被稱為「小泰國」之稱既九龍城，點解會食潮州野？其實九龍城除左泰國人多之外，潮州人都好多，九龍城就已經有好多間潮州雜貨店、打冷、甚至滷水....今日就決定黎呢間老字號潮州菜。七月係我呀爺生日，佢又係呢間樂口福既die heart 粉絲，大大話話食左廿幾年，由以前老細到佢個仔接班；由以前行得好地地坐到樓下，到而家要坐樓下。佢去到呢到食既野來來去去個幾味，但係志在有堆「格ge冷」同佢傾下計，或者「隻下爹」（飲茶），食既一份感情，好似舊朋友相見咁。我地一行三個人食左三個送一坐底梗係醒你幾杯功夫茶—一啖一杯，但係小心真係熱飯前同飯後都有（唔夠仲可以叫佢加）但係千其唔好飲太多　唔係就成晚晚眼光光勝瓜加肉碎，太清淡唔係好識欣賞菜脯蛋—潮州菜必食之一，雖然味道真係偏咸，但係配上潮州粥真係好岩味！滷水鵝—潮州菜必食之一，但係滷水鵝都有分唔同部分：鵝肉（肉連骨），鵝片（淡淡肉）同埋鵝頸（係潮州食過）！我地就叫左鵝片，貪佢肉多唔洗煩。滷水汁都係偏甜但係好夾個鵝片；下面用索晒汁既豆腐墊底！好味！…Read More

屈指一算，今次係第二次參加惡男兄攪的大局。我覺得大局的好處係，食物方面可以準備得好ｄ，或款式可以多ｄ，當然位子是另一問題，攪手也要花很多時間，所以我一向佩服攪手，我連攪個屋企人飯局都頭痕，更何況係百人夜宴？惡男兄明明斯斯文文官仔骨骨，為何會是大惡男？哈哈，在此感謝惡男兄親切的安排。其實食友飯局的食評我很少寫，主要是自問文筆差、錯字多、別字密，一比之下，獻醜不如藏拙。適逢二百食評，為左紀念，獻醜都想寫下（其實是沒存貨 ）。根據惡男兄所講，是晚都是潮州人的囍宴菜，一望而知都是手功菜。由於圍數太多，所以要分兩層坐，小弟被編到下層，正好看到那大個囍字，應該比我年紀還大。前菜先來一客錦繡大四拼，四拼即菜頭卷、海參丸、蝦棗、蟹棗。小弟有幸食晒四款，名副其實功夫菜，當中應以菜頭卷最花功夫，配酸醋吃起上來很開胃；海參丸很有膠質，不說真的不知是海參做的；蝦棗、蟹棗不叫蝦丸、蟹丸，原因應是因為蝦蟹肉未打到變膠質已做成丸，相比起丸類打到起膠的彈牙感，這個吃的是肉質，咬下去還覺得是蝦蟹肉來的。不過我地果檯的雕飾明顯營養不良，正常的應該更為靚仔／靚女，希望大家不要誤會。四寶元肚湯可說是全晚最為滿意的，整隻豬肚放料（蓮子、薏米、白胡椒等）紮起煲湯，成煲拎到埋黎，侍應先抽起豬肚，再用純熟的功夫做開肚手術咁，情況就好似街邊牛雜師傅咁’習習習’已經攪掂一個豬肚。豬肚湯夠晒辣，喜歡此道的朋友應該非常歡喜，但同檯有些朋友受不了，我覺得此湯不是死胡椒味，夾埋豬肚一起飲是一流的。印象中竹笙蟠龍卷是小時候吃過的，以竹笙包著蝦膠，兩著配合正是爽口加彈牙兼而有之，蝦膠中還有少許金華火腿提高鮮味，當然手功也是少不了，是另一味覺得不錯之菜式。潮式滷水鵝是另一期待，可惜期望愈大失望愈大，滷水味不入味，鵝肉偏鞋，我會覺得更好吃的大有「鵝」在。半煎煮黃花第一次吃，黃花一向鮮甜，沒想到用煎過後再浸蘿蔔魚湯更是鮮味，不過我不是魚痴，淺嚐就好。普寧炸豆腐有點失準，豆腐沒豆味，其實只是普通炸豆腐，如果是椒鹽還好，現在整件豆腐都無甚味道，連點了那特製醬汁都無甚味道，不過其實師傅炸功是不錯的，香口脆口不油膩，如果可以提升番豆味應該會更好吧。欖菜四季豆除了肉鬆外，還加了肉片，味道不錯，但四季豆可以更新鮮，又是材料採購的問題？潮式糖醋麵，麵餅熟左後煎香兩邊，加ｄ糖，加ｄ配，撈麵餅，放入口，不錯。韭菜粿拼筍粿賣相不討好，吃下去也只是一般，主要原因可能是不夠熱，煎炸食品放耐左感覺即時差了很多。畢竟＜百人宴＞的菜式不是易準備的，暫時還是可以理解的。這是我第二次吃潮式反沙芋，第一次覺得無甚特別，這一次也是一樣，芋頭四邊中有一面完全無糖，另一邊則可稱之為「糖泥」，不平均的糖成為這味反沙芋的敗筆。最後的功夫茶，是潮州菜的特色，也是最窩心的一刻。不經不覺，終於到了二百這個里程碑，一開始根本沒想過可以堅持這麼久，現在真有點仿如隔世。這段期間認識了不少食友，也學了很多東西，在此向大家謝過，也希望大家食運亨通，長食長有。…Read More