Running BBQ (Closed)

好耐都食過韓燒啦！係OpenRice見到呢間係旺角嘅任食韓燒餐廳，地點咁就腳，就即管試試～我哋兩個人都安排咗一張大圓枱俾我哋坐，空間好夠，而且隨身嘅物件，倒如手袋可以放喺凳下邊嘅空間，非常貼心。一坐低職員就會送上三碟前菜，分別係大豆芽、泡菜同埋海帶。三樣入面我最鍾意食泡菜😋佢嘅味道唔會太辣，啱晒我呢啲唔食辣嘅人，而且冇乜我平時最唔鍾意韓國泡菜嘅嗰陣酸味。餐廳入邊嘅自助醬料區有好多醬料可以選擇，而我哋就揀咗韓式辣醬、大醬同埋蒜蓉～雪櫃入邊有好多唔同種類嘅嘢飲，我就叫咗每次食韓燒必叫嘅忌廉溝鮮奶啦，而家好似越來越少地方有得飲🥲除咗唔同肉類之外，餐廳仲有好多韓國小食可以揀，我哋試咗嘅水冷麵、韓式炸雞同埋炸魷魚鬚都幾好味😋食韓燒梗係最梗要啲肉啦😂呢度嘅選擇都好多，有豬、牛、雞、羊同海鮮～而且蔬菜嘅選擇都唔少～呢度嘅肉類同其他韓燒餐廳唔同嘅係，調味得比較輕手，唔會一食落去就好鹹或者好重口味，比較可以食到肉本身嘅味道，呢點我係好欣賞嘅👍🏼為咗可以食得冇咁有罪惡咁，我哋跟咗韓國人嘅食法，叫咗一盤生菜包住啲肉食😂食完飯之後，每位食客都會送一份雪條，有四款口味可以選擇。我就揀咗芒果味，呢款雪條以前都食過，超級濃嘅芒果味，好似食緊原個芒果咁😂😂😂做飯後甜品真係好滿足呀～…Read More

次次都係一耐冇食一樣野就短時期內不停食，前幾日食完日式燒肉，今日就嚟食韓式燒肉，睇中佢有生蠔、扇貝、帶子、、炸雞、水冷麵等等，加上餐廳轉型前食過覺得好食，味道對我嚟講有保證，所以又返嚟食啦！環境彌敦道726號成棟都係餐廳咁制，都試過當中幾間，呢間「Running燒」係幾年前黎食過，果時係食單點韓國菜，估唔到已經變成任食燒肉店。餐廳唔算好大，但都坐得舒適。價錢特定時段有優惠，而我地嚟就食Running燒任食110分鐘 $258+10%。點餐紙免費項目3張紙，另一張係加錢飲品類別。餐廳提供一塊生蘿蔔，用以比食客清潔鐵板，我食咁多次燒肉都係第一次見，幾特別。牛/豬/香腸基本上所有牛既款式都點匀咁制，大部份都已經調味，當中醬汁牛五花肉、烤肥牛等醃得入味，火力夠，燒幾下已經食得，唔擔心會有老既問題。而豬方面，有較少見任食燒肉店有嘅豬頭枕，姐係豬勁脊肉，仲有回本既黑豚豬肉，唔少得韓式燒肉必不可少既五花肉等等。豬類既色澤都好靚，紋路清晰，肉質實而不韌，五花肉又唔算太肥，包生菜食啱啱好。至於香腸就正常冇特別。雞/羊雞翼好貼心地已經開左邊，方便煮熟，同樣本身有調過味，皮燒至焦黃再食，值得encore！仲有辣味雞肉、雞腎，後者夠爽口。有我鍾意食嘅羊肉，雖然得羊脾肉同香草羊西冷兩款，但羊味突出，頗夠羶香，都滿足到愛羊之士。海鮮揀呢間餐廳嘅原因之一仲有$300唔洗有得任食海鮮，當中最回本嘅心數係生蠔！仲有帶子、扇貝都係任食！生蠔好大隻，都洗得夠乾淨，冇乜腥臭味，食左4,5隻，而帶子就要比較有技巧地燒，否則好易痴底，要加比較多油同不斷翻面燒，都幾彈牙，扇貝、大蝦就正常。麵/飯/湯/小食叫左個什果沙律，估唔到咁大碗，份量驚人！少見放題有水冷麵食，所以就算咁飽肚都叫咗碗，有用冰挫底，夠凍夠開胃。亦試左炒粉絲，算入味，不過有幾條未熟。不能不試炸雞，估唔到外脆內嫩滑，而且味道十足，放題界中較高質嘅炸雞！總括而言，韓式燒肉店$300唔洗一位，價格合理，肉類大部份都已調味，所以唔會有味淡問題，最尾仲送每人一條雪條，捧住個肚走吖！…Read More

今晚同朋友去咗旺角「Running燒」食韓式燒烤放題。好耐之前其實都喺喥食過一次，感像中係一間可以翻兜再食嘅韓燒店，今晚一於叫埋朋友再戰一戰～🥩💪🏻應該係平日關係，今次去到都算快就有位～唔駛點等位。一坐低店員就即拎咗前菜俾我哋邊食邊落單。當中塊蘿蔔係用嚟清潔個鐵板用。唔知會唔會有人食錯過。😆主要嘅落單紙有3張（其實仲有1張係酒類，但我哋今次無飲酒）聽落3張紙好似唔係好多，但實際上睇埋紙上嘅食物會發現各式各樣嘅肉類/海鮮/小食同熟食都有。基本上張張紙都好有衝動想點晒佢！蒜蓉芝士生蠔、生蠔、扇貝、帶子、魷魚圈海鮮類整體食落都新鮮，而且賣相都算吸引！👍🏻當中我特別鍾意蒜蓉芝士生蠔、帶子同魷魚圈～蒜蓉芝士生蠔即使唔係好大隻，但燒溶咗嘅芝士配埋蠔呢個組合，其實都已經無得輸！🥴而魷魚圈就算燒耐咗，食落都依然好淋，好味！茄子、厚切豬腩肉、辣味五花肉、豬頸脊肉厚切豬腩肉非常好燒易控制，厚實嘅豬肉🐖，連埋生菜同醬汁包埋一齊食，好！滿！足！醬汁牛五花肉🐂牛肉之中，醬汁牛五花肉係我呢餐食過其中一款特別鍾意嘅肉。五花肉唔易燒燶，而肉身薄切，本身醬汁好入味，燒好其實直接食唔需要點其他醬汁都已經好good～最後都想講一講佢哋嘅熟食～柚子味炸雞🐓呢喥炸雞有三款口味（原味/柚子/噴火）。炸雞炸到外層好香脆而內裡juicy～選擇咗其他味嘅話就會配埋相應醬汁俾你點嚟食。我平時唔係特別好柚子味，但估唔到炸雞加上柚子味竟然有新鮮感而又好食！值得一試。水冷麵🥢平時食放題，相信好多時都會盡量唔點粥粉麵飯，又唔知幾大碗，又怕太飽肚食唔到其他～但呢碗水冷麵份量唔會好大，其實只係幾味就可以KO，同朋友share嘅話，食完差啲想再叫多碗。😝 水冷麵麵質幼身好彈牙，湯底冰涼又少少甜甜地幾清新～食咗咁多燒肉，整返碗食吓幾啱！…Read More

已經好一段時間冇食過韓燒，於是就決定同朋友韓燒一下。上網SEARCH下見呢到間除左燒肉之外，仲有海鮮提供，都幾吸引，所以決定試呢間佢係放題形式，任飲任食110分鐘好彩我地早左少少上去，等緊職員執枱期間愈黎愈多人等，如果遲多少少可能未必有位食物ORDER紙3張，分別係 牛/豬/香腸、海鮮/雞/羊、蔬菜/麵/飯/湯/小食。飲品就出面雪櫃自己拎，有汽水，茶，果汁等等，或者可以額外加錢叫酒飲。唔好以為ORDER紙得3張咁少，其實裡面可以揀嘅種類其實都好多下，貪心嘅我當然同朋友差唔多每樣食物都叫少少，咁就可以樣樣都試下 等食期間職員放低左3樣前菜，分別為泡菜、海帶、芽菜，另外仲有件蘿蔔係用黎清潔個爐出面調味料區可以自助拎醬黎點燒肉食豬/牛/雞肉類海鮮類蔬菜類小食類D食物陸陸續續出緊，放到成枱都係一邊燒一邊食真係好忙，冇時停生菜夾住D肉黎食，咁就可以去除咁D油膩感因為真係食左好多野我喺到集中講下幾種薄切西冷牛扒/烤肥牛/醬汁牛五花肉：夠薄身，基本上放上去燒一燒再反轉燒一陣就食得，味道香濃，快靚正厚切豬腩肉：肉夠厚身，燒緊時會出油，食落好有咬口又香豬油味，點辣醬再夾喺生菜食就一流雞翼：呢到會先處理左，可以成隻攤開平放，咁就更加容易熟又容易食大蝦/帶子：新鮮，食落肉質彈牙夠鮮甜蒜蓉芝士生蠔：蠔就唔算大隻，燒完之後溶化左D芝士配落蠔黎食好好味不過因為驚海鮮燒得唔夠耐會肚痛，所以燒蠔都會比較花時間咖喱魷魚鬚：食落彈牙，咖喱味味道適中青陽辣雞腎：食落有口感，佢隻辣味幾刺激生菜籃：一定要叫！用黎夾住D肉黎食，如果唔係淨係食肉實會好快食濟柚子味炸雞：唔算大件，作為小食就啱晒，佢D炸雞食落係有柚子味，呢個配搭幾清新，都幾夾 炸魷魚鬚：唔會炸到乾晒，食得幾好味什菜沙律：好大碗佢係落左蕃茄仔、沙律菜加醋汁，食落酸酸地夠開胃飲品任飲，咁就唔駛驚食咁多燒肉食到口渴淨返半個鐘左右，職員開始會派甜品紙，每人一樣，我同朋友就揀左椰子味同芒果味雪條任食110分鐘連埋加一，平均每人$284，相信好多人都會認為放題食物質素會比起散叫差，但呢間絕對唔係，每樣食物都好有水準，上菜速度都OK，值得一讚…Read More

一班朋友GATHERING，最開心莫過圍住個爐一邊食一邊吹水。除左打邊爐之外，韓燒都係一個非常不錯的選擇。因此要等個FD放工，唔可以早食，所以食唔到優惠時段。唔緊要LA~~~~~到韓式食店必然可以食到幾款前菜，雖然我唔太鐘意食辣野，不過個芽菜酸酸味味咁，都幾開胃。飲品除左酒要俾錢之外，都係可以自己去雪櫃度拎，種類都充足。職員好好，一坐低就介紹下有咩食，同邊度拎野飲醬料。特別提醒我地唔好燒果塊蘿蔔黎食，係用黎清潔個鐵板。餐廳燒肉的種類都好豐富，豬牛都有，最正係連扇貝、生蠔都有。雖然扇貝燒完會縮到細細粒，不過勝在係放題，當然就要係咁加單LA。個蒜蓉芝士生蠔好正，芝士蒜蓉融同D蠔味配合得天衣無縫，大家記得要試下。除左肉之外，都有唔同小食可以選擇。炒粉絲值得一試，因為真係好入味，口味彈。另外要試下原味炸雞、炸魷魚鬚，新鮮炸起脆扑扑。當你燒緊肉，等緊熟果時就可以食住D小食先! 其餘大蝦都可以一試，D蝦大大隻，唔會覺得霉。燒到後段就可以燒D菜食下，中和下無咁燥，生菜都好新鮮。賣單俾錢時重可以俾客揀食枝雪條AR.... 好正!  …Read More

天氣今日灰灰地，攪到個人好悶。忙咗成個上午，終於又到Lunch!今日同一班同事來個韓式BBQ，吹吹水，燒走d悶氣。呢間Running燒地點好方便，好近旺角同太子地鐵站。餐廳嘅內裏環境同一般嘅韓燒店差唔多，啲枱都唔算好迫，坐得都幾舒服。我哋今日呢個午餐韓燒係110分鐘任食，午餐時段仲有個七折。如果我個lunch hour可以長啲就好喇呢度嘅韓燒食物主要分為牛、豬、雞、羊、蔬菜、麵/飯。飲品放題（有多款韓式飲品選擇）前菜都係任食嘅（泡菜好好味）d肉都幾新鮮！啱哂我地d食肉獸！另外，小編一定要推介豬大腸、豬耳、雞腎同辣味雞！記得叫返個水冷麵，甜甜酸酸凍冰冰，中和下啲熱氣，正❤️中午嚟呢度食韓燒放題，七折之後，非常抵食！…Read More

好耐冇食韓燒了，肉肉肉肉😍😍看看價錢啦！今日係星期三，我地係任食110分鐘 $248點餐紙，其實仲有2張係for 自費酒架！我地就唔叫啦 所以冇影肉來了 ，排到幾靚啊！打個卡先其實仲有前菜！哈哈，個人幾鐘意佢個泡菜！而白蘿蔔大家唔好食呀 佢係用黎洗個「獲」架！我地洗到咁燒肉啦！除左肉都有幾種海鮮，試試佢個人覺得最讚嘅係d蝦！而蠔都不錯！但呢2樣野加埋蒜蓉就perfect所以大家記得自己去拎醬同蒜蓉佢都有野飲任飲呀 都算多選擇。最後每人有一樣甜品我叫咗呢個！！個人覺得有一點唔好嘅就係佢太早送黎 d野食都未燒好，搞到有少少溶咗食得有點狠狽！其他都不錯呀。。。。 下次可以再黎食過…Read More

跟食肉獸們🍗聚會，同事為我們推介了旺角這個韓燒任食🔥，$248 差不多兩小時任食燒肉，對於食肉獸們來就簡直就是天堂一樣🌟！餐廳跟地鐵站🚉只是幾分鐘的路程，絕對不難找。裝修蠻有特式，大愛牆上的塗鴉😍。肉類🥩、海鮮🦐、蔬菜🍄、小食🍢都有頗多選擇，對於選擇恐懼症如我一般的人，還是乖乖坐好讓朋友們發辦好了😌。飲品🥤方面選擇亦不少，驟眼一看，茶類🍵算是最受歡迎的。另外如果想要點酒精類🍺飲品，就要另行加錢了。韓式餐廳，前菜是必須的吧。泡菜🌶不算太辣，對於不太受辣的人也不會太難接受👍🏻。基本上每款肉我們都點了一點，牛肉🐮蠻驚喜的，肉味🍖甚濃之餘，嫩滑程度也不錯。海鮮🦐方面帶子也不錯，彈牙嫩口。之於小食🍢，個人推介炸雞🐣，不過真的小辣就好了。最後就是甜點🍨喇！總結：餐廳另設午餐及貓頭鷹🦉時段7折優惠，挺划算的💵。…Read More

大時大節，又是時候給自己一個藉口大吃大喝一番，兩頭食肉獸一於去到盡吃韓燒放題是也。頭盤泡菜醃得鹹鹹酸酸的，芽菜及海帶亦是又酸又爽，令人胃口盡開，迎接跟著而來的美食。未入正題之前，先吃個小食。難得在韓燒店有魷魚鬚，不管是炸的或是咖哩的都不錯。燒肉方面，豬牛雞腸仔我們統統一致通殺！牛嫩多汁、豬肉爽致、雞肉細滑、腸仔夠香，趁著韓式醬料及蒜蓉，樣樣都好好味！海鮮同樣出色，大蝦、扇貝、魷魚圈、蠔等全部都很大隻，而且肉質鮮美，是吃得到的新鮮。吃過那麼多肉，壓軸出場的韓式炒粉絲亦是佳作。粉絲炒得條條滑溜，卻又不會太油，鹹中帶甜，食肉獸還喜歡加很多辣醬，更加滋味。食肉獸又一次的大勝利！…Read More

成日覺得lunch 食韓燒好唔抵，不過今次陪朋友決定試下！超級驚喜之lunch 呀！雖然種類唔多，但係食物質素勁高呀！首先推介一下以食品：冷麵！超好味呀！必食！牛脷夠薄好易燒！五花腩配生菜！正！d 生菜超新鮮！又乾淨其實其他肉加菜食都好好味，可以自由配搭！骨牛骨喇！牛柳粒喇！都好好味又易燒！配飯都一流！另外個韓國辛辣麵都好正！唔知點解係街食突別好味！就算你唔食韓燒，set lunch 選擇都有好多，味道都好正呀！又抵！ 下次一定再帶朋友黎…Read More

今天約左朋友到旺角726大樓自助韓燒放題，不過突然加班，我大遲到了，害友人等我接近一小時，極速奔跑，今次我真係running 腳去running 燒，上氣不接下氣到目的地，見到朋友坐在落地玻璃前，看到outside好有feel，店內還有色彩繽紛嘅塗鴉牆和門口的復古櫈仔，另有一番懷舊風味，原來可以任飲汽水，任食燒肉，海鮮及韓國料理，非常吸引！我已忍不住這個邪惡的晚餐！今晚星期三晚上九點半時段$198店員率先送上二款開胃前菜，泡菜及海帶，基於我實在太肚餓，望著點餐紙，即時發揮出吃貨的本色，兩眼放光盡情放縱：▪️烤肥牛質素果然出色，顏色粉嫩，充滿光澤▪️雪花牛仔肉，雪花分佈均勻，燒至半熟嫩滑鬆化，油香滿滿，真正入口即溶，Encore再Encore▪️牛肋骨鬆軟入味，味道濃郁鮮甜▪️牛柳粒肉汁滿滿，濃香入味，不用點醬汁已十分滋味▪️調味雞肉預先經過醃製，燒過後肉質仍然嫩▪️雞腎爽口有嚼勁，我十分喜歡▪️蝦同帶子大大隻，肉質甜美，依然繼續encore▪️尤魚稍微不夠鮮甜▪️扇貝手掌心一樣大，有小小沙子，食時注意▪️任食海鮮當生蠔真係人見人愛，Keep住不停下單▪️茄子沒有醃製，味道清淡▪️冬茹經過一燒，相對香口一點▪️叫左一個熟食噴火炸雞，辣味相當噴火，唔食得辣嘅朋友仔要三思▪️最後送一個甜品，我選了韓國Melona蜜瓜雪條 ，新鮮蜜瓜汁混合牛奶炮製，食落滑溜溜，果味濃郁好豐盛的晚餐，終於棒著肚子離開，害到別人很夜收工，真不好意思…Read More

近來韓國食物也是一種潮流， 我愛韓式燒烤， 今次約了朋友到旺角， 順便試下這間韓燒， 一開始上網search 資料， 介紹這裡不單燒肉有水準， 而且仲有好多新鮮海鮮添， 超級期待呢， 海鮮我黎喇～～～大家有無留意9:30 後入座是全單7 折真係好抵食呀， 但小妹已經餓到不行了這餐廳佈置簡約， 坐椅下可以擺放袋子或個人用品， 咁就唔怕個手袋唔知點擺好啦， 抽煙放面都幾好， 唔會一入去就好大油煙味寫左d 野食未到，可以先吃點前菜:)泡菜酸酸辣辣最開胃， 另外白蘿蔔朋友說有特別用途， 可以清理個爐， 等佢唔洗咁痴底的基本上各樣款式我都點了來試， 包招肥牛， 牛舌， 五花腩， 牛肋骨， 牛柳粒。 覺得我地成個牛魔王一樣， 無牛不歡， 牛肉不會太厚身， 容易熟， 而且不用特別調味已覺肉嫩及肉汁豐富，味道非常好今晚的主角出埸我地絕對唔可以錯過海鮮呢， 有新鮮大大隻生蠔同扇貝， 仲有海蝦， 魷魚同帶子。 帶子鮮甜美味， 海蝦肉質彈牙， 生蠔一開始可能我燒得太耐乾左水， 但之後再燒就成功左， 好鮮甜， 這簡直是韓燒的最高享受另外， 仲有燒豬大腸， 雞翼， 咖哩魷魚都幾好味， 最後真係飽到上心口， 食埋個蜜瓜雪條就走, 現在還回味緊燒肉及 海鮮， 下次可以再約家人來食餐勁的💪🏻. …Read More

今晚約友人咁啱諗起好耐冇食過韓國嘢，於是上網周圍找找有什麼韓國嘢好吃，找到了這間，二百幾蚊每位包埋飲品任飲，有埋海鮮嘅選擇，韓國野黎講真係算係幾實惠。位置又高，之前泥過同一幢，個景都唔錯，於是就去咗嗰度食飯。一坐低佢都係依舊會有啲小食，泡菜好好食，仲可以添。而佢起碼都會有四五張紙list唔同分類嘅食物,因為佢每件嘅食物份量唔多,咁樣就可以試晒全部嘅食物，基本上每一種食物都食齊晒。先講肉類，佢啲肉質真係唔錯，而且很多選擇，係可以分別食佢唔同嘅部位嘅豬肉同牛肉~佢嘅牛舌都係香爽可口~海鮮方面佢分別有扇貝，蠔和帶子。加埋佢配嘅蒜蓉醬拎去燒，風味十足~我最鍾意食嘅係扇貝、豬大腸同埋五花肉!另外我都有個重點推介，就係水冷麵。本身食完燒嘅嘢有啲膩，之後就叫咗一碗水冷麵。一食落去酸甜同凍凍地，可以去油膩同埋你會想食多幾碗~加上用冰鎮，長期都可以keep住個種冰涼嘅感覺。So far呢間店佢嘅性價比係幾高，三五知己如果聚會嘅話都可以選擇呢間店，因為佢啲爐都幾密集，即使係兩個人都好啱食~p.s. 間店係要用蘿蔔去自潔鑊，個人覺得其實可以接受，而且又環保。…Read More

韓烤店愈黎愈多，不管喺連鎖定係小店，人氣未曾減退過，食過唔少單點嘅烤肉店，畢竟人少食，價錢都唔太划算，份量較多，我地都試唔到咁多款式，所以好多時都選擇放題或者有套餐嘅烤肉店。喺附近番工，都經常喺呢棟大廈食午飯，週四晚等埋男朋友收工食晚飯，試左呢間韓燒。餐廳位於9樓，位置比想像中少，幸好都夠闊落，枱與枱間有足夠空間。裝潢接近韓國燒肉店，坐嘅係圓櫈，裡面可以放置個人物品。平日晚上都近乎滿座，而且大部分人都有預先訂位。我地7點後入座，收費係$228/位，任食110分鐘。如果6pm前入座係 $178；9:30pm後收費 $198，仲話全單7折，其實幾抵食。店內都係例牌播住Kpop，最正都係聽到《鬼怪》OST！店員好快就送上泡菜、芽菜等，仲有一件蘿蔔（清潔鐵板用）。呢度嘅泡菜唔辣架，帶甜，幾好食。客人畫紙仔落單，放題時段完結前30分鐘就會截單，自己預時間。餐牌選擇唔算好多，有牛類、豬類、雞肉、羊類、腸仔共17款；9款海鮮，另有蔬菜、麵、飯、湯、小食等，一律任食。飲品方面以汽水、道地飲品、韓國果汁為主，由客人自取。韓式辛辣麵我地係平時出街食麵都會加錢轉辛辣麵嗰種，見呢度居然有，所以我地都點左一客辛辣麵，煮得幾好（笑）唔會好腍，而且都夠辣，兩個人share啱啱好。牛肉類就有肥牛、牛脷、雪花牛仔肉、西施牛肉片、牛肋骨、牛柳片、牛柳粒。牛肋骨、雞翼、牛肉片開頭幾次落單，都有跟足數量，不過後來加單，都係照人頭俾。牛肋骨唔會太韌，牛肉片就要用心啲燒，否則會好易老。雞翼做成單骨，方便燒。當中以雪花牛仔肉最好食細細塊，肉質夠腍唔韌。豬肉類方面我地點得較少，其實都有9款，熱門嘅五花腩、豬梅肉、厚切豬腩肉都好食牛舌雖然薄身，不過肉質較鞋。海鮮方面主要我地都係試左龍脷魚片、扇貝、大蝦、帶子，放題任食黎講，交足功課啦蝦肉當然唔會期望好新鮮，但食落唔會霉嘅。炸魷魚鬚幾脆口；韓式炸餃子食落較硬身。韓式炸雞，少少厚粉。炒年糕合格，唔會太辣，煙煙韌韌韓式炒粉絲生菜籃燒肉不能缺少嘅生菜籃，平時喺燒肉店單點都要廿幾蚊，好掠水。所以一去放題，我地會狂包肉食，一來冇咁熱氣，自我感覺良好，二來可以食得更多肉，冇咁飽滯。什菜沙律臨夠鐘前30分鐘，店員就會遞上一張甜品紙，每人限點一條/碗。蜜瓜雪條、芒果雪條、香蕉雪條、時果西米露，不過講真，差唔多價位好多放題都提供甜品任食架喇。揀左蜜瓜、芒果味雪條，韓國原裝進口，唔會雪到硬哂。整體黎講，呢度嘅放題價錢合理，食物質素都ok，肉類、蔬菜、海鮮等都幾好食。服務方面正常水平，始終客人頗多，都係幫你落下單、收拾碗碟等，要求換鐵板佢地都樂意。當然唔會好似單點咁，間唔中會有人幫你燒下。抽風一般、冷氣唔夠大，所以離開嘅時候真係臭得好緊要…店家有提供除味劑，臨走記得喺門口位置噴幾下，如果唔係好似我咁上到車都聞到自己一陣味，尷尬呢。餐牌：…Read More

突然想食韓燒，又唔想食單點個種，想盡情不理價錢地食，但漢**既質素同衛生又差左好多。幸好得友人推薦呢間同Running man個名如出一轍既Running燒，但其實兩者係無關係的。收費價目表餐廳內走工業風的裝潢，牆上也有街頭畫的塗鴉，感覺很"型"! 最重要係抽風系統比想像中好，食完都無一身燒烤的油煙味。汽水果汁是任飲的，客人需到外面自取。餐單可選海鮮、牛肉、豬肉、雞、羊、蔬菜、年糕/麵/飯類、小食 (只限晚市供應)和甜品。還不少款式的真露、米酒和啤酒等，但不設任飲，價錢由最平的啤酒$18-$62不等。前菜分別有豆芽、泡菜和菠菜，三款開胃菜都不錯，可以無限加添。不過記住左上的白蘿蔔是不能食用的，因為它是拎黎將個烤盆的"黑焦"擦乾淨的!扇貝、帶子、生蠔、大蝦扇貝的大小不大穩定，時大時細，不過燒完後都不會很乾，食落口感軟嫩，還可以；大蝦燒完後肉質頗彈，所以都有再點過幾次；而生蠔同帶子的味道就一般般吧。雪花牛仔肉肉質鬆化，牛味都幾重，醃的味道也很惹味；薄薄的肥牛輕輕一燒，邊邊帶微脆甚為香口。呢度既厚切豬腩肉同五花腩都好好食，兩者都有醃過，前者仲加添左幾次，厚切豬腩肉層層豬肉肥膏相間，燒至金黃色後，咬落充滿肉汁，有超惹味的油脂香，不需沾醬汁都已經好好，大力推薦!食得多肉要返點蔬菜平衡下，揀了冬菇、茄子和杏飽菇，不過菇類的蔬菜燒完後食落質感頗乾，反而菇子會好一點，但還是稍乾。韓式炒粉絲男人成日都好鍾意食炒粉麵，明知食熟食好易飽肚麵係都要試，好彩味道都算可以，甜甜地咬落帶點爽口的粉絲，比想像中好食。刨冰款式不少，味道有紅豆/朱古力/士多啤梨/柚子/藍莓和芒果等，小妹就要了芒果刨冰，食落雖然仍咬到粒粒碎冰，不過加左點芒果醬後食落都可以，仲有煙煙韌韌的麻糬粒在內。總結黎講小妹滿喜歡Running燒的，任食得來食物質素相當不錯，肉類都醃得夠入味和惹味；款式又不少，仲有熟食等選擇，食完又不會一身油煙味，絕對值得再來。…Read More