Korean Inn Restaurant

好耐無食韓燒喇。突然間心思思好想食，於是去咗尖沙咀都頗有人氣嘅高麗軒韓國料理去食晚飯。我同女朋友兩個無book檯，直接walk-in入座，好彩去到時，時間尚早，未算太多人。入咗去無耐就坐滿哂喇。由於係平日星期一至買晚飯時段，所以收費係$248一位，另外再加咗$68任食升級推介menu嘅食物。食物同飲品嘅選擇都非常之多，豬、牛、羊、海鮮、蔬菜都有。除咗生嘅食物，仲有一品料理、湯類、飯類等等。一坐低就俾咗前菜，有韓國菜最常見嘅泡菜、辣蘿蔔、青瓜、芽菜同埋豆角。每款前菜都好好食，食完仲可以再添嫁。升級推介嘅食物當中，帆立貝、加拿大Prime雪花牛同加拿大3A雪花牛相當之唔錯。帆立貝加上咗蒜蓉，燒熟後吸收哂蒜蓉嘅香味。兩款嘅雪花牛雖然各有特式、但都係油花分佈均衡、入口嫩滑、充滿油香。另外推介俾大家嘅有蒙古羊肉同牛肋骨肉。蒙古羊肉預先用醬汁醃好，燒好後少少甜甜的，而且完全食唔到膻味，大家真係要點依個嚟食。牛肋骨肉係我另一推介，雖然肉香不級升級menu嘅加拿大Prime雪花牛同加拿大3A雪花牛、但牛肋骨肉嘅油脂分布絕對唔會比兩款雪花牛肉差，入口油香而不膩。因為燒肉食嘅意欲太強，所以都無咩叫到熟食。其實有好多款熟食都想試，但最終都只係點咗牛肋骨湯。牛肋骨湯同附近街嘅韓國料理餐廳一樣處理得好好，湯滲透住好香濃嘅牛味，無得彈！…Read More

尖沙咀就緊係多韓國野食啦朋友介紹有間超啱大胃王嘅高質韓燒放題所以就一於去試下喇間舖係地牢舖 只係得個門口喺街邊但招牌夠大個 唔會好難搵嘅食放題前當然要睇清楚價錢先啦放題價再加$68就可以食啲再靚啲嘅料4個人食嘅時間長啲㗎 大家留意番喇環境方面舖頭唔算大 不過枱與枱之間嘅距離都還可以嘅仲有間vip房 啱晒疫情過後一大班人嚟食返餐勁嘅嗌野食嘅方法係店員會俾紙筆你 然後寫低想食嘅no. 就可以㗎喇 唔需要寫份量嘅至於飲品呢就自己出去攞嘅有汽水類同埋韓式飲品嘅韓燒前有五小碟提供嘅不過筆者無乜點食 因為志不在此haha強烈推薦大家要加$68升級因為啲肉真係靚啲同埋食到濃濃嘅肉味中間嗰兩碟紋路好靚嘅就係兩款加拿大雪花牛另外仲特別推薦牛舌同埋牛肋肉牛舌雖然都唔係厚切 但口感同肉味都非常好而牛肋肉係舖頭自己調咗味嘅 調味好味同埋肉質較林嘅食得太多太濃肉味嘅肉會好易滯 食返呢個調劑下就非常好喇同一般韓燒唔同 除咗燒肉之外仲有大量嘅韓食選擇筆者揀咗幾款試嘅其實仲有好多好多款 所以大胃口或者韓食愛好者嚟講呢到真係天堂總結嚟講 食物質素絕對對得住個價錢係一餐非常享受嘅韓燒放題推薦大家嚟試下😉…Read More

高麗軒韓國料理，位於尖沙咀金巴利道，即諾士佛臺橫街街尾對面。已營業好一段時間，可說是老牌韓式料理專店。訂左星期日12時2位韓燒，大大力推開大門，落了樓梯，到達鋪面。環觀鋪面整潔，座位寬闊，可容納超過60多位食客，而且仲有1間VIP房，一大伙兒齊齊食韓菜就至岩。鋪面以淡淡黃燈照明，增加柔和感。一會兒，店員迅速安排座位，親切介紹餐牌一輪，端上前菜。我們就開始翻看餐牌，點餐！配菜中的泡菜、青瓜、蘿蔔和芽菜十分爽口醒胃。任飲罐飲，目測見有3款選擇，可樂名的款cider，我先拎2罐可樂開場。午市$198/1位任食，超抵食！見特別推介的小食好吸引，就+$38 去點。我倆一口氣點了十多款餸，食個豐富的lunch。高麗軒落單點餸，不用四出起身拿碟盛，方便又舒服，仲有雙手不怕沾污；食品衛生問題又不用擔心，可以專心傾下計、燒下野食。十分鐘左右，海鮮、肉類和熟食都陸陸續續上菜。先來張大合照，未食已經流晒口水！先是韓燒罕見帶子，一碟4粒大大舊，燒完都入口彈牙；然後是帆立貝，配埋蒜蓉更帶出滋味，真係超級好食；水潤鮮魷，微微燒起內卷，食落滑彈。亦點了花甲，一碟接近廿粒，殻也不時有舌伸出，非常新鮮，燒十分鐘左右為佳。這4款海鮮很讚！燒緊之際，食住韓式牛肉炒粉絲，出奇地少油膩，牛肉不老，一人一半即刻清碟。間斷來碗人参雞湯，濃郁参味，淺淺起膠狀，不過不失，滋補一番。最期待的燒肉到了！皇者牛排骨，由於牛排骨位置關係，色澤不會像其他那般紅，相反是暗沈，不過看落juicy。燒過後，終於明白點解取名為皇者牛排骨，也是特別推介。這碟皇者牛排骨真的很推！肉質非常嫩口、燒過後肉汁緊鎖在肉中，非常非常好食。同樣，牛仔骨也是十分嫩和厚，真的非常推！牛利，我家姐至愛，大大片，輕輕燒一會兼不時反轉即可。而特別推介中的熊本霜降和牛同埋和特級牛頸肉，色澤鮮紅，絞理清晰，微厚切，賣相一流。頭兩片我們都燒燶了，這兩款特別要看緊點，不然便嚐不了最佳的口感味道。輕輕燒兩側和邊緣，開始顯淺啡便好了。特別推介的果然名副其實，很有驚喜，大快朵頤！燒到2時食飽飽，燒完幾轉海鮮和肉類，韓燒網也沒有怎樣起焦，不用換，一氣呵成地食，整個韓燒過程都很滿意。Menu 如下：…Read More

我懷疑年尾的飯局熱潮會一直延伸到農曆新年，平均每星期都有1-2次在外面吃飯，推了幾餐新的又來約，真的不狂做運動不行。這天又跟朋友聚會，因為近來吃太多的關係，對美食好像沒什麼慾望了，朋友想吃什麼就吃吧。朋友推薦一家在尖沙咀的韓燒，是一家開了很久而且較傳統的韓燒，位置在金巴利道惠康的對面，門面很低調，要推門下一層才進到餐廳。*餐牌是一本本的，把食物的號碼填在紙上再交給店員。款式很多，除了有不同的肉類，還有海鮮、小食、飯、湯等等，全部都是任點，不過吃得完才點呀不要浪費。*還有加 $38可以吃特別推介，這是朋友來的目的！*一坐下店員就送上5小碟，吃完可以再加。*這是我們第一輪點的食物，知道我們有多餓了吧！*熊本霜降和牛傻朋友說：要罷不吃，要吃就吃最好的，不要浪費QUOTA！(笑)，說的沒錯，所以我們大多都只食值得吃的。首先是這個熊本霜降和牛，顏色紅通通的很新鮮，脂肪分布均勻，輕輕燒到兩邊呈啡色便可以食，和牛肉味濃郁，鮮嫩多汁，是幸福的感覺。*皇者牛排骨接下來是令人驚喜的皇者牛排骨，不知皇者是什麼意思，因為看實物是沒什麼特別。皇者牛排骨有醃製過，牛味很濃，略燒後肉質仍然保持嫩滑，鮮甜的肉汁保存在肉的中央，這碟我們ENCORE了好幾回。*帶子雖然我們點了烤什錦海鮮拼盤，但還是覺得帶子是最好吃的，粒粒都新鮮飽滿，又JUICY又彈牙，屬於高質素。*雞亦不爭氣的我們也很愛雞亦，不知道是醃製得好，還是我的朋友燒的好，怎麼燒完之後裡面這麼滑嫩和JUICY！*烤什錦海鮮拼盤烤什錦海鮮拼盤真的也太豪華，有青口、扇貝、魷魚、魚柳、海蝦！每一款都很新鮮，最喜歡是扇貝，喜歡它有蒜蓉汁在旁邊，可以吃到不一樣的味道。魚柳我也蠻喜歡的，厚厚的吃起來有口感。*花甲其實花甲我也很喜歡呀，只是我們燒不好，燒到有點太乾 。*牛仔骨牛仔骨味道很香濃，單吃我覺得有點油膩，跟泡菜一起包生菜剛剛好。*肉眼扒平常吃西餐喜歡點肉眼扒，但因為有太多其他更棒的肉，所以肉眼扒有點比下去。不過薄片的肉眼扒還是第一次吃，蠻特別的。*黑毛豬腩豬肉方面最好吃就是特別餐牌內的黑毛豬腩，脂肪比例分佈平均，一半肉一半脂肪，油脂豐腴味濃。單吃一塊覺得很爽，第二塊建議包生菜吃呀，減低油膩感。*燒銀雪魚熟食只點了燒銀雪魚，即點即做，我覺得是偏炸的不是燒，但是沾沙律醬很好吃。*這是放題餐的飲品櫃，款式不算多但基本的都有，有氣水、茶和涼茶，全部任君自取。*有位朋友吃到一半想點燒酒喝，說韓國人都這樣(汗)，這些特別的酒類是另計的，不包含在放題套餐內。*雖然是限時120分鍾，但真的足夠有餘了，吃到肚子爆炸也只是90分鍾左右，然後都是喝酒聊天。呀對了，我還要說店員的服務態度很好，一坐下先詳細的給我們介紹，每碟肉來的時候也會說這是什麼肉，不像一些大型的燒肉店，冷冷的放下就飄走，也不知道自己在吃什麼。…Read More

位於婚紗街的低調韓燒店！因為店舖其實是在地庫，因此我覺得很低調，而且也在一堆婚紗店的附近，其實不特意前來應該很難發現呢！。店內座位及環境算是滿舒適的！韓國餐廳必備前菜有我最愛的泡菜和大芽菜然後是我必點的牛舌！薄薄一片，食再多也不會覺得油膩！而且一碟的份量也不少，（2個人）一碟有8片海鮮方面除了我喜歡的魚柳外，一定要食帶子！大大粒得來仲好鮮好有口感忘了說剛剛的帶子是特別推介系列，每位需要另加$38才可以任食的～但真心覺得值得加錢～因為好戲在後頭，特別推介中的以下幾款都叫人食到停不了口！。必食推介 - 皇者牛排骨至少食了3碟，肉質超～級～軟棉棉完全不韌之餘更沒有牛的騷味！！！其次就是熊本霜降和牛、特級牛頸肉和肉眼扒·熊本霜降和牛的雪花分佈得剛剛好，可以說是肥瘦適中！但又不會覺得韌、牛味比較重～特級牛頸肉適合跟我一樣鍾情偏瘦肉質的朋友肉眼扒⇣飲品種類以汽水為主，也可以另外叫啤酒或其他飲品～總括來說食物種類超多，除了以上肉類（也有豬肉的啦）之外、也有海鮮（蝦、青口、帆立貝、多春魚 等等...）、還有熟食...例如炒飯、湯類等等...可以滿足同行朋友的口味和喜好，這裡可以算是不錯的選擇喔！…Read More

今日同4個好姊妹又試新野食盡去我們訂了尖沙咀一間韓式放題，大家都好耐無食韓國菜，今日食盡所有韓菜😎👏🏻這放題在地下，地方都好寬敞好舒適安排了比較入的位置，幾好呀 可以慢慢食慢慢傾😍👅食物好多選擇，我們選了加$38 有和牛、海鮮這裡是白紙寫上食物數字而點菜的前菜有四款，炸豆腐、泡菜、芽菜、辣蘿蔔，不錯哦，好食好入味👍🏻熱食：叫了鰻魚石頭飯（好熱騰騰又香口，鰻魚都唔少，有粟米紅蘿蔔，健康又好味）又試了不同的湯 我喜歡人參雞湯同牛肋骨湯，人參雞好滑好腍；牛肋骨湯有蘿蔔紅蘿蔔配料，好甜好腍，好香又入味， encore 了一次也叫了炸魚，剛炸起，外脆內滑，一流呀韓燒方面：有牛有豬有羊有海鮮；我喜歡和牛，好腍好滑辣豬排骨都好正，好有口感，好香好食另外海鮮有帶子同青口，好大粒！好鮮甜飲品任飲，好多選擇，要甚麼自己選擇這裡服務也好好 主動收碟及送上碗，又或遺漏點的食物 好好哦大家都好滿足 一星期的壓力全放下 又有力量向前💪🏻💪🏻…Read More

呢日約好耐冇見既朋友出黎食飯，因為三個都中意食韓國野，所以就揀左韓燒，邊煮野食邊傾計又係尖沙咀！尖沙咀實在太多好野食喇，我地就揀左位於尖沙咀既高麗軒韓國料理！高麗軒既位置唔難搵，喺尖沙咀B1出口出左去之後向the one方向行，之後轉入金巴利街見到好多婚紗舖行一段路就見到架喇！我哋大約6:30到，但門口已經排左好多人喇，所以大家要注意時間/book枱！我哋食嘅時段係平日嘅晚市，每人$218～入到去，侍應會話比你知menu有咩特別呀，點嗌野食呀等等。嗌野食就係寫番相對既number喺張白紙度既～基本上menu入面所有食物都係任叫既，另外仲有個特別推介既menu，每人加$38就可以食多啲款式既食物喇～飲品既話汽水都係任攞既，出面有個櫃放左好多唔同既汽水～有可樂、蘋果汁、水蜜桃汁、冰紅茶等等。啤酒/果汁果啲就要加錢～前菜（四季豆、豆卜、辣青瓜、芽菜菠菜、泡菜）一嗌完嘢食，侍應就上咗啲前菜俾我哋。同平時嘅韓國嘢食一樣都係嗰啲前菜啦～因為我哋冇食晒啲前菜，所以唔知道可唔可以添，不過通常韓國嘢都有得添嘅牛肉、牛脷特級牛頸肉（特別推介menu）、熊本霜降牛肉（特別推介menu）首先講下啲牛啦～一開始燒嘅時候唔識控制，燒到啲牛燶曬，但其實牛應該唔駛燒咁耐嘅～之後識得控制燒幾耐就好味好多～普通牛肉唔會話太un，而且又唔肥，相當唔錯牛脷就係我哋入面最受歡迎嘅，食完一塊又一塊下面嘅特級牛頸肉，因為係特別推介menu嘅，所以明顯比普通menu嘅份量少xp熊本霜降牛肉都一樣，份量比較少。但喺張相都見到，啲紋好靚，脂肪同肉嘅比例都好好，證明高麗軒來貨唔錯～但係唔知係咪我哋食開cheap嘢，覺得普通menu嘅牛仲好味XD五花腩、黑毛豬腩（特別推介menu）跟住就到豬喇～自己覺得黑毛豬嘅肉比較厚，亦都相對比較un。所以自己鍾意普通五花腩多啲～雞肉雞肉都係來自普通menu嘅～ 質素唔錯韓國麵豉生菜食韓燒又點可以冇生菜包住啲肉食呢～呢到提供生菜+韓國麵豉，肉可以點咗麵豉醬先食，淡淡嘅咸味帶出肉味我哋亦都另外嗌咗碟豉油點肉～之前去過間食韓燒嘅舖頭食啲有怪味嘅生菜，搞到以後都唔係好夠膽食出面嘅生菜。好彩呢到嘅生菜無果陣味，而且仲好新鮮、好脆，食落索索聲冬菇、雞翼冬菇燒完之後好多汁，一啲都唔乾～雞翼就因為我哋唔識控制煮嘅時間，搞到未熟就食咗魚柳、帆立貝（特別推介menu）本身以為魚柳同帆立貝呢啲海鮮煮好快就熟，點知原來都要燒一段時間架～大家可以留意留意～最鐘意呢到嘅另外一點就係，呢到有熟食叫不特止，而且仲係任食架！我哋雖然得嗰三個人，但都叫咗ok多嘢食泡菜煎餅唔係好辣，啱晒我食！蛋包魚平時去韓國街嘅舖頭一定會買蛋包魚。係呢到見到梗係即刻叫啦！果然無令我失望呀！唔會話蛋漿包到好厚，係啖啖肉的～雞肉石鍋飯好正～又多雞肉又有流心蛋最衰就係我哋唔記得咗叫侍應比麻油我哋，如果唔係仲更加香呀！人參雞湯呢個人參雞湯到好值得講！因為佢真係好足料！每啖湯都有雞絲，認真和味呀韓式炒牛肉年糕呢個係我哋嗌嘅最後一樣嘢～果陣食到好飽都無乜胃口食呢個lu～但係佢又夠辣喎，辣到又停唔到口而且年糕炒得煙靭，夠好咬呢個就係我哋張檯喇～雖然得果三個人，但叫嘅嘢都擺到滿晒不過就好在侍應手腳好快，好快會嚟收嘢，空番啲位～呢晚真係食得十分滿足～用二百零蚊食到咁高質素嘅咁多嘢其實真係好抵～如果有埋甜品就不得了喇下面擺返menu：下面呢個係加$38就可以叫嘅特別推介：…Read More

同舊同事聚會，一行五人，舊同事建議嚟呢度食，上嚟Openrice嚟完食評後，立即答應。坐低後，侍應生報告價錢，每位218，加海鮮,和牛任食多加38及加一。海鮮拼盤，蝦痴殼，所以唔Refill喇，其他都Ok的。生牛肉，好食，如果比多少少雪梨絲就更perfect了。炆牛肋骨，炆得好入味，又淋，即時再Encore. 熊本箱降和牛及其他肉類都唔錯。銀鱈魚因炸得過火了，失去銀鱈魚原來的滑嫩口感，嘥料。海鮮石頭窩飯，沒甚麼失望，也沒驚喜。海鮮煎蔥餅，上檯要立即吃，好好味。人蔘雞湯，飲到人蔘的甘味，唔錯呀！炸蝦，味道ok,只是淋了些。總括而言，連加一後每位$291.60的價錢，單吃和牛，炆牛肋骨，人蔘雞湯都已經回曬本及拍手掌了，這間韓式燒烤，一定會有下次。…Read More

喜歡食韓國餐的都知道尖沙咀有條韓國街, 食肆方面有傳統的韓國料理也有新派的炸雞啤酒但今日走過了整條街都還未決定到該去哪家晚餐, 步行到婚紗店下的高麗料理店, 店員還邊向我們揮手邊叫喊著反正未有落腳點就一於一試就看門面其實沒會發亮的光燈, 招牌字體也不突出, 店舖門口更企在一邊, 令人不以為意店員推門帶我們入去, 然後要落半層樓梯, 原來這是地下食肆！而食客更是坐得滿滿的, 我們要等一會兒讓別人離坐才可就坐結果二人被安排到最入靠牆的位置, 稍為近離人堆嘈雜聲, 食得舒服店員表示加$38就可以點星級食材, 看到星級選擇也不錯, 好吧加吧雖然有放題飲品但我認為食韓式燒烤都是要配燒酒才盡興, 但朋友喝不慣所以取了一罐蜜桃飲料來兩溝, 味道便容易入口了還未點餐, 客人已預先送上韓式前菜, 共五小碟. 就算是放題形式這餐前功夫也不馬虎, 很讚事不宜遲, 點了特級牛頸肉及熊本霜降和牛驟眼看過去肉質的確是有質素, 而味道牛頸肉有口感之餘牛味較重, 和牛口感鬆軟一點, 淡淡牛脂香味單吃肉很快就會覺得膩, 所以我們點了一份生菜, 內附生蒜青椒還有麵豉醬, 包著肉一齊食可以大大減輕油膩感, 又有肉有菜, 心理上平衡一點朋友最喜歡海鮮, 一直在密密燒帆立貝 / 帶子 / 蜆 / 蝦帆立貝加入了蒜容, 加上帶殻燒，味道特別惹味帶子要小心控制燒的時間, 如果燒得剛好的話帶子肉是很嫩一碟蜆有約16隻, 燒至開口就可食, 粒粒飽滿無沙, 很有驚喜海虎蝦亦屬正常醬油蝦size, 啖啖肉之餘肉質亦爽彈食完主要燒物就轉攻一下熟食當然點一些韓國傳統料理紅紋牛肋骨 - 大大件牛肋骨, 骨肉容易分離, 紋得好腍好入味豆腐泡菜湯 - 不只是豆腐湯那麼簡單, 內藏大量海鮮(有蝦/魷魚/蜆..)還有蛋, 雖然色底偏紅, 但我認為不太辣, 味道適中, 襯熱飲一碗好暖胃韓式炒粉絲 - 本應粉絲對胃不太好, 但實在很久沒食過了, 不要被賣相騙到, 這個味道炒很超出色, 有點肉碎, 我跟朋友都把它秒速食完蛋包什錦 - 有 蝦 / 魚 / 翠肉瓜 / 茄子, 外表似日式天婦羅但入口卻一陣蛋香味, 似我們港式炸物, 挺香口 (我最喜歡食蛋包魚, 是不缺肉汁的魚柳肉將這通通都食完已經超飽, 如果要在外面單點的餐廳, 今晚的價錢一定很貴, 這裏的完全不像放題貨色,性格比極高！…Read More

今天友人帶我去TST一家很神秘的韓國料理店，非常有驚喜跟高質，我忍不住馬上打上食評給大家介紹介紹。老實說其實我是個大吃的女生。最喜歡就是肥肉。不過我自覺是有要求的人，所以通常不會去任食的韓燒和放題，因為食物質素太差。但如果每牒每牒的去計數，那請我吃飯的人一定得花大錢哈哈。友人這次帶我去的這家韓燒是雖是任吃，但這裡的肉絕非等閒之輩，絕不會因為是任食就低水準。真令我大開眼界。內在環保很乾淨舒適。掛的畫也滿有韓店精髓。店的桌子餐具燒網都絲毫不油膩。乾淨維生我給十分。海鮮肉類應有盡有。前菜我最愛的是大豆芽，麻油香。這三款肉是我的大愛。牛舌不要燒太熟，太熟便老了不好咬。黑毛豬腩是最正豆的，肥和瘦的部分剛剛好一半。我自己都吃了一大牒。肉的質素是出面80元一牒的單叫靚肉般。而肥肉位十分野火，燒的時候要小心。再來是湯品。人蓼雞湯雞味出較出，內有新鮮雞肉紅棗等上等材料。湯的口感是濃的，帶點膠質。沒味精。吃韓燒都算熱氣，大家不妨叫碗雞湯解解火喔仲有最靚的蛋伴生牛肉  牛肉望上就知道是高質牛吧。把蛋搞搞再加一點點鼓油再搞搞。入口滑滑的，連我這種怕吃生肉的也吃光了。生的牛完全可以吃出牛的原味。海鮮中必叫的。蔬菜我也沒有放過。甜甜的柚子蜜。總括而言，這店的水準高，服務好，每牒的量也適中不會造成浪費，食物價性比高。賣單兩位都只是500多。是超值的餐廳。個人認為是生日朋友眾會都可以到的地方。 …Read More

伏是這樣中的，睇左好耐openrice d 評價，最後決定揀呢間，我地差唔多5:45去到$198/位，位置係地庫，電話接收唔多好，裝修好殘舊，同埋好大的UP味，坐低左，佢開左爐，我地叫完野食，先發現佢個爐下面勁污糟其實當下真係有啲嘔心，但已經坐低了，唯有唔望啦!講講加錢的食物，加$38可以有多幾款食物揀但海鮮不新鮮，蝦有點霉，其他海鮮都唔多鮮肉眼扒~話說是升級才有得食，大家睇相就應該感受到個質感同味道加錢叫做好D既係~(佢話)熊本霜降和牛但第二碟就不是這個質數了，牛舌好韌，叫左個紅炆牛肋骨，真係唔好食呀!完全唔係嗰回事，辣汁五花腩無咩味道，不升級的五花腩與所謂的升級後黑毛豬腩，分別只是一個薄一個厚，沒有醃，所以沒味道，豬頸肉幾好，總結，唔知點解咁既質數可以有咁多好評。…Read More

話說約左朋友黎尖沙咀買女人野，買完想醫肚抬頭一望見到個招牌，就衝左入黎食了XD好好彩唔洗點等位，有PAIR情侶遲我地一步到，佢地就要等了（好好彩）！D肉未送到，好彩有D前菜LONG下胃先～我地仲加左HKD 38要埋特別推介果D肉事實證明呢個決定係極之正確架！！！因為可以任食熊本霜降和牛真心極力推介係咁多款肉入面位居NO.1的，黎食一定要試呢個！痴孖根！一入口果下FEEL到佢油脂分布到好平均～果種牛肉香味真係同我喺日本食到的一樣的～～～～韓燒必點牛脷！仲有加左HKD 38就可以點嘅特級牛頸肉，佢寫明係A Grade架～再一次證明加錢決定係極之正確架XDDDDD肉質確係唔錯，唔係用CHEAP肉HEA你，有誠意！皇者牛排骨，係我嘅NO.2~佢呢隻韓燒個爐邊有大量抽油煙位，所以唔會好勁油煙，抵讚另一重點推介，必點！食咁多肉緊係要濟濟地，想繼續戰鬥係有秘訣架，就係要點「生菜及韓國面豉醬」。佢會跟埋生蒜頭，我地鐘意將燒好嘅肉沾少少面豉醬，夾舊蒜頭再用生菜包住，最後，一野啪入口！超正，生菜嘅清爽解左燒肉嘅油膩感～仲叫左個海鮮拼盤，不過相對肉，就冇咁出色喇。我地燒左個零鐘頭，都冇燒到痴底，單靠肉本身嘅油份已足夠。比起要額外落油嘅韓燒更健康D～呢餐食到我同我朋友勁滿足呀！！！…Read More

已經很久沒有吃過韓燒，心癢癢決定來吃一次放題式吃到飽！午時價錢$198/位(有加一收費)，部份特別推介就需要加$38/位(加一次)，難得來到，當然要嚐嚐啦！前菜有5款，個人最喜歡酸瓜~又爽又脆，很開胃。冰凍汽水是自助形式，任飲，當然有部份餐牌顯示了要加錢。-熊本霜降和牛這款餐牌顯示是新款燒肉，馬上心心眼，和牛佈滿雪花已令人十分期待，燒起來已慢慢滲出油脂，令人食慾大增。不消幾分鐘便燒成，馬上來一口，肉汁充滿口腔內，很JUICY，肉質非常豐腴美味，很軟稔亦很滑溜，我還encore了兩次呢！^^帶子 N咁多粒XD!不過海鮮類寧願燒久一點，熟一點會比較安全。這些帶子除了會較痴烤盤，並不會很鞋口和不會很韌，仍然幾爽幾鮮。雞翼 雞肉比較耐熟，所以燒帶子時便同時放側邊慢燒。表面帶有bbq過的燒烤味，內裡又幾嫩滑。五花腩半肥半瘦剛剛好，因為較薄身，女士們不怕太肥膩，亦較快燒成。五花腩腩肉嫩口，肥厚的部份經燒烤過變得爽脆可口。生菜及韓國麵豉醬如果怕油膩，怎少得了生菜呢，都算新鮮，包著肉來吃可減低油膩感，再加上麵豉醬，滋味得很。年糕湯餃 有3-4隻餃子，不過送上已經散開了，入面材料頗足，肉碎香口，滲有湯的甜味，而年糕夠煙韌，不錯。豆腐辣湯微辣易入口，熱熱的很暖胃，遺憾的是只吃湯料已很飽肚，不然送白飯必定非常好吃。＊溫馨提示:吃到飽飽的韓燒放題，不過要留意燒烤肉類時，油脂會很惹火，放太中心位置燒烤時，要多留意將肉汁倒到爐的側邊啊***部份餐牌參考:…Read More

說好的韓燒終於可以試啦😍 經過一輪挑選之後，最終揀左高麗軒因為節日關係，佢分時段開始，我食第二節(7:30-9:20) 準時入席，值得一讚既係呢度上菜速度都算快👍前菜有六款款式都算多😱特別中意佢個青瓜，好爽脆又入味😍 第一round 點左９成特別推介既野紅炆牛肋骨 (無影到相)呢個非常好食!!😋牛肋骨炆得好淋，入味又甜，個湯都好好飲。送飯一流😍呢個真係必點黑毛豬腩 (上)厚切版，好重豬味。不過略嫌有啲無五層😂 包菜食一流蛋包蝦 (下)係蛋漿包蝦，之後炸熟😋好香蛋味，而且蝦又滑，不過太油肉眼扒呢個都唔錯，好重牛味，而且又唔韌烤牛肉拼盤同皇者牛排骨醃法一樣，所以味道都一樣不過牛排骨就方便燒，同埋淋身啲烤什錦海鮮拼盤有蝦，青口，帶子，雪魚，墨魚雪魚好好味，燒完好滑而且無雪味👍蝦彈牙帶子同青口好難燒 墨魚即使加左蒜蓉同麻油都無味🙁特級牛頸肉第一次食，呢度薄切，燒完太韌…生牛肉一直都好少食生紅肉，因為覺得好血腥。但見人話生牛肉好食，而且黎到應該咩都試下。所以叫左一份兩個人黎講，個份量多左啲😱 提供左生蛋黃、梨絲同蒜絲撈埋一齊黎食好濃既麻油味…味道唔太討好😓 海鮮煎餅一份有四件，任食黎講，份量太多😖而且唔算好脆，海鮮亦好少，可以唔試今次燒近兩個鐘都唔夠時間，好難想像個半鐘點夠時間😰 呢度都算抵食，不過平日得個半鐘真係太趕客啦😔…Read More

烤肉向來都是我和男友的最愛，偶爾吃任食的燒肉放題絕對可以滿足到兩隻食肉兔的要求！上星期誤打誤撞的到了尖沙咀一家不錯的任食韓燒，而且跟以前吃的韓式鐵板燒不同，這家是網燒的，網燒的感覺比板燒好多了~日式燒肉經常都吃，但韓燒較少光顧，看到前菜就有久違了的感覺。泡菜很開胃，我都吃到的話，不算辣呢！ 看看Menu，最興奮是看到牛肉和海鮮，聽說人蔘雞湯很不錯，但還是吃完燒肉再決定吧... 最後決定每人多加$38，可以任點特別推介的肉眼扒、特級牛頸肉、黑毛豬腩、海鮮拼盤等。 上菜速度很快，不一會已經滿枱都是肉了！我們要努力燒丫燒~任食兩小時，手腳不可以太慢呢~~ 食材相當新鮮，而且調味適中，不會太濃味。 感覺上特別推介的肉是更好吃的，份量跟Menu所示的一樣，不夠再ENCORE~肉眼扒紋路相當漂亮~~ 沒加錢的肉就更有份量，牛舌很大碟呢...但也很新鮮，燒出來是爽口彈牙的！下次人少少該要半份^^ 黑毛豬腩肥瘦適中，肥肥的油脂很搶火~ 燒出來的黑毛豬腩~~ 油脂的部分燒至外脆，既香口惹味又有層次！還可夾生菜吃哦~ 肉眼扒、特級牛頸肉都好好味，那$38絕對沒有白花呢，食材質素特別高丫！皇者牛排骨超好吃，肉質鮮味~ 我覺得調味較甜，但男友覺得剛剛好，結果再encore叫多碟。 網燒的好處之一就是可以燒出賣相好的網紋肉片~~花甲多肉飽滿很鮮味，而且份量多...！！所以到尾段的食物我們都半份半份的點^^ 燒帶子都很鮮甜，不錯呢。 本來想多點一些海鮮，但已經吃飽飽大滿足了~ 下次Gathering可以考慮再來這間，人多可以吃更多的款式。 汽水也是任飲的，酒要另外收費。最後埋單2個人$542，以尖沙咀這地段，沒想到看上去普普通通的店，以這個價位可以吃到如此高質素的韓式網燒放題，十分抵食呢！服務環境算不錯，唯一可以挑剔的是吃完韓燒全身都是香噴噴的烤肉味，但吃韓燒基本上都這樣，抽風系統再好一點的話就更好了。…Read More