Teppanyaki Kaika

係openrice係咁見到海賀既午市套餐4人同行1人免費優惠就去左試下，佢唔係傳統鐵板燒，而係走現代fusion路線既鐵板燒。我地一行4人叫左兩個【鐵板精選套餐 • $550/$350】同埋一個【精選商務二人套餐 • $1,480/$1,180】，試晒所有combo🖐🏻兩個餐都有牛肉(日本A4和牛西冷/美國頂級牛柳)、野菜、炒飯、味噌湯、漬物、甜品、咖啡/茶。鐵板精選套餐有大蝦，而精選商務二人套餐就有鵝肝同鮑魚。✍🏻(按上菜次序)▪️前菜：前菜係沙律、螺同蒸蛋。螺係凍上而味道淡；沙律同蒸蛋都係正常水平。▪️大蝦：size唔算係大，一開二，肉質尚算彈牙同新鮮，配上香草醬，味道唔錯。▪️鵝肝：每人有一塊鵝肝，份量適中。一開頭見師傅煎驚佢煎得太燶，但實質好外脆內軟，配埋輕輕煎過既麵包同提子，減少左d油膩感，正！▪️鮑魚：鮑魚超出我預期😳😳😳配左少少昆布湯，一咬落去一d都唔韌又夠爽口，好出色👍🏻▪️日本A4和牛西冷：和牛油脂好重，入口即溶，真係要加$200轉和牛🤣兩款牛肉都有蒜片同車厘茄伴碟，仲有3款調味：岩鹽、黑椒同芥末醬。▪️美國頂級牛柳：我地叫五成熟，不過都六至七成熟，好彩肉質軟淋，一d都唔韌。如果唔想食太重油脂既，美國牛柳都係好食既。▪️炒飯：炒飯淨係加左牛肉同蛋炒，連蔥花都無，個樣好齋。作為鐵板燒既重點之一，無咩特別，亦唔覺特別好食。▪️野菜：味道好淡，份量唔多但都只係食左半份。▪️甜品：甜品係水果抹茶豆腐，原來佢成個豆腐都係抹茶色，好濃味。總括黎講，回頭率唔高，試一次就好。…Read More

這日大家來到尖沙嘴The One 19樓的《鐵板燒 海賀》。《鐵板燒 海賀》與隔離姐妹店Harlan's一樣坐擁開陽維港靚景，加上優雅輕鬆的用餐氣氛，確是個忙裡偷閒歎個休閒weekday lunch好地方。這裡午市套餐有多款選擇，鐵板燒、壽司、燒魚等多款定食，定價由百多元起，以這裡的食物的質素與環境，很合理呢。這日我們就選了《龍蝦及牛肉定食》 ($348)。先由「前菜」與「沙律」吃起，2款都很新鮮，為這餐來個清新好開始。接著是4款鐵板燒菜式。先有鐵板燒「法國鵝肝」，外層燒得焦香。咬下去油脂豐盈甘香，邪惡但又相當滋味。每位半隻「波士頓龍蝦」，龍蝦燒得香噴噴，肉質爽甜。之後就輪到「厚燒美國牛肉」，牛肉燒得燒得火候控制不錯，肉質juicy軟嫩，不要蘸任何醬汁都夠美味。。一口氣吃了這麼多豐富菜式，最適合吃點鐵板燒野菜平衡一下。還有2選1「炒飯、漬物及麵豉湯」或「迷你角切魚生飯及麵豉湯」。大家都選了迷你角切魚生飯及麵豉湯，各款魚生都頗鮮甜。最後可選甜品或咖啡／茶。不過《海賀》這客《龍蝦及牛肉定食》實在太足料、太豐富了，大家唯有捨棄甜品而選熱咖啡。順道要一讚這裡的服務，相當貼心又有禮。每次大家來到《海賀》，無論午餐還是晚飯，都會吃得大滿足呢～…Read More

今年生日同友人嚟過海賀一次, 因為覺得食物同環境唔錯, 決定媽咪生日再嚟一次! 同上次一樣, 我都係要咗龍蝦牛肉套餐:先嚟一個沙律清一清味蕾前菜有熟帶子, 味道可以主菜: 半隻波士頓龍蝦配麵豉汁 - 賣相靚之外, 龍蝦肉新鮮可口主菜: 鵝肝 - 外脆內軟薄燒美國肉眼牛肉 - 半生熟剛好, 肉味濃迷你魚生飯 - 大部份餐廳通常會係炒飯, 但係呢度係迷你魚生飯, 以我而言, 魚生飯比炒飯更好食! 媽咪要既三文魚扒加帶子, 色香味俱全!整體嚟講, 環境同食物質素都唔錯, 以三百多元就可以食齊龍蝦, 鵝肝同牛肉都算係實惠之選! 順帶一讚就係當日餐廳其中一位 in-charge既服務態度, 因為當日細佬開車嚟到商場時, 停車場剛剛 full 哂, 我地唯有先到餐廳. 當個位in-charge 知道之後, 好熱心咁幫我地通知商場安排車位俾我地, 我地雖然唔係熟客, 但仍然咁主動幫我地, 咁0既服務態度係值得一讚!…Read More

生日飯, 六人, 叫咗三個套餐, share.鐵板達人長谷川料理特選 $2500/位澳洲鮑魚牛肉二人餐 $2580/兩位日本銀座海賀二人晚餐 (兩位.忘記金錢)壽司套餐 $990凍鮑魚, 可以.侍應三番四次婉拒我地叫壽司套餐, 理由係只有坐壽司檯客人先可以點, 又話因為師傅即時按客人要求拍板, 最後侍應比我地叫餐. 但壽司由原來15件+手卷, 變為得12件. 講真真係好搵笨.....壽司水準合乎餐廳檔次, 一口一件, 飯不鬆散. 但魚不算鮮. 無甚驚喜.澳洲黑邊大鮑150G配紅酒汁. 略咸, 尤其鮑邊, 而且食唔出紅酒味. 我只以為是牛油 中心幾老下反觀日本蝦蛦鮑就嫩口好多!鵝肝, 火侯好, 正龍蝦好嫩, 不過MISO汁唔出鐵板魚柳. 賣相好, 鮮嫩, 魚底的洋蔥入味和牛. 其實有兩款, 一款鹿兒島A4和牛西冷, 一款澳洲M8和牛肉眼. 侍應上碟無介紹邊款打邊款, 只係話有碟熟D, 有碟生D.....全餐最正係和牛! 不適熟D定生D, 都好好味, 都唔覺得好老喎!飲料方面, 我地訂了支真澄350周年紀念清酒, 亦自攜一支紅酒, 免咗開瓶費. 不過佢地忘記咗其中一個餐有一杯餐飲. 雖然我地六個人無可能分一杯野飲, 但都唔代表可以唔提. (我都係返屋企先記得)服務方面, 幾有禮貌, 不過唔得醒目. 倒酒時成日都倒瀉 .... 侍應對食物嘅認識亦一般, 邊碟牛打邊碟牛都無交代, 壽司套餐因為唔係坐吧檯就有3件壽司同手卷"被消失" 亦都好離奇, 我地已經話唔介意師傅自行拍板架喇. 只可以話佢地太有性格唔識轉彎掛呢餐總共成萬蚊. 真係唔值. 試一次就夠 …Read More