話說同男友想食下日本野，睇到網上呢間評價唔錯就想試下個火鍋餐，但有食過既朋友同我講某訂座app訂九點半有半價優惠，所以諗住咁樣可以叫多啲唔同種類。我哋9:20入座，坐低個帶位就同我地講和牛同海膽係冇半價，雖然都明白既，但佢個訂座網上面係完全冇寫，淨係話單點食品半價。因為本身想食壽喜燒，但係我見到佢有和牛所以我再問多次有冇優惠，當時個侍應話有，我就問 咁頭先又話和牛冇優惠，有冇㗎？咁佢走去問下個前台，再覆返我話冇，咁如果正價我寧願食中環某間sukiyaki午餐啦！咁我話咁我食返個火鍋套餐，二人起嗰個啦。咁等左20分鐘左右，佢拎咗個爐同啲食材出嚟，我心諗點解前菜都未有就咁快主菜？原來佢誤會左我要果個壽喜燒，我同佢講我要嘅係火鍋套餐，佢好似唔係好明咁，因為唔知點解佢嗰個餐牌係冇擺到出嚟。我直情開埋相俾佢睇，最後佢去咗前台先搵返張餐牌出嚟。之後竟然個經理同我地講啲牛已經切左。？？？咁點啊？大佬啊，你岀咩菜就要買單㗎啦？何況我講得好清楚係要火鍋套餐啦喎。唔知係咪我地唔肯屈就，佢遲遲先岀餐比我地，等到訓著咁濟，足足十點先有前菜食，不過前菜其實都係冷盤。好啦，上左個前菜，先同我地講冇曬蟹要轉扇貝...其實我唔太啱食，不過等咗咁耐都要食㗎啦。不過值得一讚既係啲野食真係唔錯！幾好食既！個生蠔同刺身都新鮮！呢個價錢乜都有啲，扺食。因為佢跟餐比左個飯我地最後放落湯底，咁我諗住食啲黎餸個牛啦，但一食，哇不得了，正宗食濕米，又鬆又唔熱，咁我以為佢係放湯底先係呢種飯，於是我就叫多碗飯，結果都係一樣。。。唔講咁多，睇圖都睇到咩事。不過去到最後我真係跟返佢個食法，出乎意料係好好食！好正！不過由於我地10點先有得食但11點關門，我哋食到超級急，最後直情開大個火放哂啲野食落去，係咁燙到個嘴係咁食。我知食特價冇得咁多要求，但其實如果個餐廳做唔到特價時段比正常時間人食就唔好搞加上請加強員工對店舖食品認識，我諗呢個好基本姐。仲有，應該係網上訂座嘅程式加返有咩條款，好多其他鋪頭都有講明晒，但入座先知真係有啲呃人嘅感覺。講真，食物係幾好食扺食，不過我成餐飯食到我好唔開心，大家請自己衡量。…Read More
首先係 梅刺身 $388，有幾款唔同既刺身，好鮮甜。最鐘意係帆立貝，因為真係好厚身呢。
之後，係鹽燒鱈場蟹腳 $188。鱈場蟹真係好好好好食。其實花木既鹽燒鱈場蟹腳係 開晒殼，拆晒肉。可以啖啖肉，又唔怕會手忙腳亂，好細心呀。
然後係，網燒日本和牛 $488，我地叫左5成。佢既肉汁同油脂都好豐富，入口即溶。表皮燒得鬆脆，肉質好淋滑，真係好好食。真係一邊食，一邊覺得好幸福。
而期間限定既Menu好抵食，相比起梅刺身，差唔多價錢既係 花木激安壽司盛 $398。但佢有10款既時令刺身，最緊要有除左刺身，仲要有海膽、三文魚籽！！超大份，超豐富。而且所有刺身都好鮮甜，又厚身飽滿。擺盤好靚，有種花草樹木、田園既感覺。同間店既裝璜好襯。比起梅刺身，我覺得呢個更加抵食，大推
最後係 炎燒六式珍味蠔 $248，有六款，包括芝士焗蠔，蒜蓉，清酒酒糟，芝士海膽，昆布，天婦羅。粒粒蠔都好肥好大隻，而且款款都唔同。呢個係芝士焗蠔，芝士可以拉絲、而且味道好濃。呢個係鋪上海膽既蠔，好高貴呢。呢個係昆布，清清既湯，最能夠突出蠔既鮮味。而我最最最鐘意係呢個蒜蓉既，因為蒜蓉既味加上蠔既鮮味真係超、級、夾！！雖然只係叫左五樣野，但食完真係超級飽。口痕之下，今餐真係食得好豪華，一年都唔知有無一次咁既機會 XD但真係要推介呢一間高質既日式料理餐廳呢，因為刺身真係好新鮮，而且食品既款式都好多。
一入到去，好大好靚的日式格調，好寬廣的空間，好乾淨好舒適，主色是黑、白、木色，坐位有私人獨立日式房間、2-4人方形枱、梳化位、bar枱（對住日本師傅、睇到佢地的功架）
服務都好優質，有禮又主動為我們添茶收碟！
喜歡日本人的技術及好細心將每一碟菜餚設計成藝術品一般的用心
共有9串不同串燒，有：牛柳粒、雞翼、雞心、雞腎、鵪春蛋、莖蔥、秋葵、雞軟骨右下角的是蒜蓉調的配料，好香好夾串燒（肉類）
；最喜歡牛柳粒（好腍好軟熟好香蔥蒜味）；雞軟骨（香又有口感）；雞翼（外脆皮香）；
，第一次在餐桌上看見它，長知識了。
