Seng Seng Korean Cuisine

份量十足嘅韓式料理，兩個人order三樣野已經食到極飽。前菜相當豐富&有誠意。坐位空間偏窄，環境偏嘈雜。感覺冇之前咁好食🙊炸醬面 $88第一次試韓式炸醬面，expect 佢係辣嘅，點知原來唔係。不過不失食得飽人。炸蝦紫菜包飯 $82炸蝦仲係脆嘅，不過咬落紫菜包飯中間有件脆嘅炸蝦，口感好唔夾。味道都ok但下次會試其他款式紫菜包飯。星星炸雞 $78原味炸雞冇乜特色，有碟醬油可以點，但食到入雞肉都係冇乜味。建議order酸辣炸雞可能好味d。…Read More

突然想食韓國菜，又咁啱喺佐敦就見到呢一間，決定去試吓先！佢哋嘅餐廳侍應都係韓國人，自自然然都希望會食到正宗嘅韓國菜！ 韓國嘢梗係唔少得嗌炸雞！決定叫個韓國酸辣炸雞，1份有5-6件 88蚊！再叫個伴牛肉紫菜包飯都只係78蚊！ 另外怕唔夠食就叫多個冷伴麵88蚊！首先食得韓國菜一定會有前菜，韓國泡菜，芽菜，薯仔同埋翠玉瓜。泡菜正常略嫌唔夠辣，其他都正常發揮唔錯！首先嚟嘅係炸雞，每一舊都好大隻，酸辣都幾足夠，偏濃味，但粉好厚，肉比例就少啲！但都幾脆口，爭返唔少分數！而再黎就黎紫菜包飯，幾香既牛肉味，但少左啲麻油味，但一份有成10件都只係88蚊，無野可以挑剔！都幾豐富，夾雜左啲醃製青瓜，蛋，紅蘿蔔，火腿絲，蟹柳，性價比好高！而最後一樣就係冷伴麵，呢個麵犀利！我會稱之佢為"方辣你唔死爆菊冷麵",唔食得辣千祈唔好嗌！因為後勁都幾犀利，啲汁超濃超掛汁，我唔係食得好辣所以越食越辛苦！鍾意食辣嘅就可以挑戰下，但係普遍就覺得麻麻地！…Read More

喺IG見到呢間韓國餐廳嘅醬油蟹好吸引，見疫情稍緩，就即刻同friend黎！鋪頭好多韓星posters, 入到黎已經好韓feel~~🥬餐前小食嘅泡菜、芽菜、豆角、蘿蔔, etc, 真係好飽🦀醬油蟹$383 (2件) - 兩件大大隻嘅醬油蟹，好入味，再加一大碗紫菜飯，兩人食一定夠飽，仲好滿足🐮燒牛肉$138 - 牛肉多兼多汁，送飯一流🦑海鮮豆腐辣湯$78 - 多料！辣度係小辣，但已經夠惹味，超正🍶米酒$78 - 米酒，食韓國菜必備呢間餐廳嘅每一碟dish嘅份量都好大，價錢相宜，而且味道真係好地道好韓國，所以呢間小店真係好多人。12點幾座低，不停有人入黎買外賣、攞位、etc…想食嘅，真係要早少少黎，唔係就真係有排等位！🌟星星 Pho Cha (佐敦)📍佐敦文英街18號文英樓地下…Read More

同好耐冇見既朋友約出黎食餐飯 朋友就話想食韓國菜 咁朋友就揀左呢間 都係朋友個朋友推介俾佢 話幾好食 咁就試下啦 反正都好耐冇食過韓國野 餐廳同地鐵站既距離都唔近 要行十至十五分鐘左右先到餐廳 不過個條街成條街都係食店 都好易搵 餐牌既選擇都有好多下 我地四個人叫左五樣野一齊食 落單之後就會上左份前菜先 有泡菜 芽菜 辣辣地幾好味 海鮮葱餅 一份好大塊 煎到金黃色 好薄身 食落好脆好香口 呢個好好味五花肉紫菜包飯 一份有成十一舊 仲要每件都好大舊 每舊都好足料 有五花肉 青瓜 雞蛋 火腿 蘿蔔 但食落麻麻 有啲怪 可能太多料係入面炸醬麵 又係好大份 可能我地擺得太耐先撈 撈個陣已經凍晒 又乾晒 食落冇乜味 又係麻麻地星星各式炸雞套裝 好大份 有好多件炸雞 仲有炸薯角同炸餃子 呢個炸得幾好味 仲有好幾款醬俾你點 不過炸雞有好多碎骨 食既話要小心啲星星炒粉絲 又係大大份 食落完全冇味 整體黎講 除左個海鮮葱餅最好食之外其他都係得個大字 一係唔好食一係冇味 唔知食梗乜 一次就夠了…Read More

難得放假，同朋友周圍搵嘢食，行到佐敦估唔到個邊都咁多嘢食，見到呢間餐廳下晝五點幾都咁多客，一於試吓。.menu入邊食物種類都幾多，我地雖然得2個人都叫3樣嘢。不得不提佢個前菜好大份，一啲都唔孤寒，又唔會好碎咁，值得一讚，食完仲會refill！辣牛肚牛腸鍋估唔到都幾大煲，除咗牛肚同牛腸仲有粉絲同埋其他配菜，所有嘢都好入味又唔會太辣同埋太鹹。兩個人食晒呢煲嘢再加個小食應該都夠，食極都好似唔見底咁。星星炸雞幾脆，但有少少乾身，一般，反而醃蘿蔔幾好食。韓式米腸米腸配埋一啲烚豬件，幾特別，呢碟唔好睇佢好似唔係好大碟，但係超飽肚！總結，今餐埋單500蚊唔洗，其實幾抵。…Read More

環境幾光猛，可選室外室內座位，上菜速度有啲慢，味道整體64分。.🔸前菜好多款式既涼拌前菜，食完可request refill，泡菜，菠菜，芽菜，茄子，翠玉瓜都有。.🔸星星豉汁味炸雞($88)呢道菜不推介。。其實有啲失望😕雞肉有啲鞋，咬落唔Juicy，炸皮好厚，汁偏鹹。唯一好，係佢提供兩指手套，唔怕隻手油淋淋，不過佢靜靜雞放喺擺骨個兜入面，唔細心睇真係見唔到。.🔸海鮮豆腐辣湯配飯 ($98)呢個可以，熱度足夠，湯少少辣，好啱送飯，面頭有好多豆腐，食到底發現好多小蜆肉。…Read More

📍星星PhoCha 📍Seng Seng Korean Cuisine 人均消費: HKD300.味道: 👅👅👅👅賣相: 👀👀👀👀價格: 💰💰💰💰環境: 🌹🌹服務: 👨🏻👨🏻👨🏻性價比: ⭐️⭐️⭐️回頭率:🔆🔆🔆.講起突然又想食韓國醬油蟹🤤幾年前食過星星，近近地就快食🤘🏻餐廳好韓風，地方細，比較回音重有點嘈，店員不是香港人，但基本廣東話都溝通到👌🏻.⭐️#醬油蟹 HKD338 (兩隻)HKD338有兩隻醬油蟹加一碗紫菜飯，一啲都唔貴！蟹係藍花蟹，有膏但唔算太肥醃得好入味，肉黏黏地口感好好將蟹蓋同膏一齊撈紫菜飯真係好正！.⭐️#星星豉油味炸雞 HKD88係香港真係好少食炸雞，依個真係算係好好味❗️雞炸得好靚，粉又唔厚，雞好滑，少少juicy，配豉油汁又幾有趣.另外一人叫左杯啤酒，買一送一好抵飲💖.…Read More

韓國餐廳通街都係，但稱得上好食而又物有所值既，究竟又有幾多間？黎到星星，見佢鋪面細細間，但環境就佈置得幾舒服，重點係野食居然比想像中好！ Menu 種類都幾多，樣樣都想試下，可惜我地得兩個人驚食唔哂，惟有努力作取捨免費既泡菜，好多種類，最中意大豆芽，夠爽口！飛魚子紫菜包飯好多料，薄薄既一層飯包住勁多材料，D飛魚子又爽脆，真材實料！炸雞熱潮不斷，雖然明知食左會爆瘡都要照食，外層炸得好香脆，入面就好juicy，點埋個醬真係不得了呢個真係芝士迷最愛，一上檯已經聞到濃濃既芝士味，撈埋一齊時真係流哂口水，配埋辣味豬手，惹味十足，不過如果一個人食哂應該幾膩！…Read More

同朋友係尖咀行完街，諗住搵間餐廳食飯，行多兩行就見到呢間韓國餐廳~之前係網上都見過介紹，不時話要排隊，咁岩有位一於同朋友試試啦!環境同傳統韓國餐廳大致相同，尚算寬敞，同朋友食飯傾計都唔錯~睇一睇個MENU，呢度食物選擇好多啊，樣樣望落都好似好好味，搞到都好難選擇haha今次試左兩款菜，包括豬直腸 ($118) 及韓式芝士辣味豬手 ($238)，兩個女仔食真係好飽!一黎當然其實係有前菜，呢度GEI前菜係FREE架，同一般韓國餐廳好似~前菜有芽菜、菠菜、泡菜、四季豆等，味道不錯，幾好食架!豬直腸：係同洋蔥、冬菇一齊炒gei，肉質同味道都唔錯，平時好少可以食到，試下呢個地道韓國菜都幾好!韓式芝士辣味豬手：愛食辣同芝士的朋友，我好推薦呢個菜式啊~~~份量都幾多，芝士結身又香濃，要趁熱辣辣個時食；而個豬手配埋芝士食真係無得頂，超滋味啊!我地兩個人食，叫兩份菜式已經好飽，份量都算多啊!!!對於愛吃韓國菜的我，我都推介大家黎呢度試下~不論環境食物都好有水準啊!…Read More

佐敦這一帶算是有蠻多的食肆，但一般都很少會來這邊作新嘗試。某夜在晚飯時間一直在掃哪裡有好吃的烤肉，剛好看到這家，記得也經過了好幾次，便來這邊一試吧。餐廳有兩種桌子，一邊是我們坐著的木桌子，另一邊是可以烤肉的。木桌子這邊有可以靠著的椅子，坐的比較舒服，不烤肉的話，店員也建議我們坐在這邊。吃韓國菜，先端上的一定是前菜。今天的前菜種類有五款，味道中規中矩。醬油蟹（兩隻） $298韓國菜之中，我最愛的就是醬油蟹的了。每次去韓國，我總會每天吃最少一隻醬油蟹。去不了韓國的時候呢，只好在香港吃一下，但每次也心知不可期望太高。在期望不高之下，這份醬油蟹算味道不錯，最少新鮮，肉質也都還可以。唯一有點可惜是醬油蟹不配飯，加配要加錢，但由於我們已經點上了炒飯，也不想浪費，所以也沒有拌著飯吃，感覺有點太鹹了。芝士泡菜炒飯 $98這個就是今天的craving所在了！整天下來沒吃過什麽，芝士和重口味的食物自然就是我的首選。賣相一流，拍完照就馬上把它拌均匀，卻發現，芝士是不是有點少呢？有點失望之下，還是吃了一口，還好味道不錯，也算是滿足了今天的craving。不過順帶一提，一般在其他餐廳吃這個的時候，店員都會幫忙拌一下的，但這邊卻是放下了，不解釋，也完全沒有提出過要幫忙。星星拼份炸鷄（原味+香辣） $148這個一上菜的時候，我們感覺真的好大的一份！看它說每種口味五到六件鷄，其實都蠻大件的。旁邊有沙拉和酸蘿蔔，整體擺盤感覺不錯。每份炸鷄只有一件鷄翅和一件鷄腿，應該是最好吃的部分吧！我也不客氣的先試了一下，哇，好硬，這鷄皮，真不是一般的硬！鷄腿應該已經算是油份最高的吧，可是爲什麽炸出來，鷄皮的油份全消，我只咬到硬硬的炸粉？還好鷄腿肉還算滑嫩，我還是把它吃完了。再來的是香辣味的鷄翅。我是一個鷄翅愛好者，有再多的鷄翅我都能吃下去，可是很遺憾的，這鷄翅我也就只吃了一口。因爲，鷄皮比原味的更硬，肉質也不滑嫩。其實調味是還不錯的，但我真的沒法繼續吃下去了。基於不想浪費的原因，我們還是把炸鷄都打包了，拿回家給別人吃了。還會再來嗎？應該是不會的了。價錢不算便宜，食物不算好吃，而服務，更談不上有。…Read More

其實喺香港識得食，真係好多好野食，咩國家的菜式都有，仲要係正宗的味道，是日朋友生日要求食韓國菜，抱住try try never die的心態隨便選左呢間餐廳，估唔到有意外驚喜。附送的前菜6小碟，款款各有特色，雖然冇我最想食的泡菜，但蓮藕同蘿白絲都好好味、好開胃！呢個紫菜包飯睇賣相都忍唔住食指大動，飯只有薄薄一層，材料多到嚇死人，都未曾試過咁豐富的紫菜包飯。唔知記時開始，食韓國菜一定要叫炸雞，酸酸辣辣，雞肉好入味多汁，個酸辣醬真心無得輸。我個人最欣賞呢個魚蛋青口湯，有好多隻青口喺入面，鮮味十足，魚蛋又彈牙，好食又好飲！ 邪惡首選！芝士同飯差不多1:1比例，加埋隻半生熟的蛋，撈埋一齊啖啖飯有芝士的味道，不過最尾有少少膩，好在我地4個人share就啱啱好。一碟三款都幾特別，除左平時食開既韓式炒年糕，惟有第一次食粉絲豬，煙煙韌勒，外層幾香口，幾多味，但食完都唔知咩黎😂白雲鳳爪就食得多，黎個辣味湯鳳爪又係一個新嘗試，味道唔錯，再加埋個飛魚子飯團，鮮味有口感，粒粒飛魚子係口到爆開。總括而言，黎餐10分滿分，我比8分！…Read More

今日黎開呢頭探朋友，探完之後搵地方醫肚，就黎左呢度~呢間店入到黎好似去左韓國，好地道的感覺~原本這裡剛轉了新menu, 所以與以前的不同，剛好有機會試新野~老闆地道韓國人，親切又熱情~第一道少不了就係我最愛的前菜啦~原味紫菜包飯 $48紫菜包飯(韓文叫Gim Bap)，餡料很豐富，去韓國街頭買來的都是到用錫紙包著原條紫菜包飯，但這樣就切開用碟上，更方便吃呢~呢味有MIX 3款, 包括紫菜包餅, 炒年糕及韓式粉絲豬 $98根據老闆娘解釋，這味MIX 的3款，每樣配料的開頭加起黎就是Kim Top Sun, 是像韓國的女人名字呢~三款都好好味,  我特別喜愛炒年糕呢, 『떡볶이』Dok bo gi, 當年學左韓文, 去韓國最叻係點呢味菜~ 年糕吸收左醬料之後，口感煙韌而又不黏牙，層次很豐富。至於冷面$83 酸酸地很開胃呢~ 芝士海鮮炒飯$98呢味好邪惡呀~好香芝士味，上碟之後撈埋D飯一齊食，好好味~最後當然少不了飲番杯地道韓國飲品啦，錫蘭檸檬茶$13好香茶味又不太甜~下次要同喜歡韓國野的朋友黎先，感受韓國地道人情味同溫暖~…Read More

本來同男朋友plan好嚟緊11月去韓國睇紅葉，點知佢公司突然出announcement話唔比11月攞假，真係嬲到震！男朋友為左氹返我，應承成個月都同我成韓國菜補返數，同埋任我買韓國護膚品，咁就算佢啦，今晚佢就揀左呢間喺佐敦嘅餐廳同我開餐！首先歎下免費豐富前菜，總共有7款，好味，好正，好開胃，食下食下心情都即刻變返好。作為一名韓粉加職業吃貨，次次食韓菜必點芝士炒年糕，最鍾意佢一上到檯，熱辣辣既煙氣帶著香辣味散出黎，將d芝士同年糕mix埋黎食，煙煙韌韌口感一流，最正係入面仲有埋韓國拉面，粗粗地既麵質索晒d辣汁，兩個人share分量剛剛好。今晚既主角係韓國國民美食一：土豆豬骨湯！土豆即係馬鈴薯，d薯仔慢慢熬到成泥狀，冒著燙口既風險都等唔切放入口，勁鬆軟，而d豬骨就燉到好嫩，直接用手攞住食先夠過癮，咬落軟軟嫩嫩，其實輕輕一撥d骨同肉就會分離，熱辣辣由頭暖到腳，而家有少少涼既天氣食係唔錯。辣辣地既湯頭配飯一流，好濃郁好好味。呢道既食物味道夠正宗地道，加少少幻想就當自己喺韓國囉！…Read More

好耐無見既朋友話想食韓國野就揀左呢間黎食到坐底就話想食芝士炸雞 所以必嗌左然後再嗌埋泡菜炒豬肉等既時間比較耐少少 先黎既係前菜 好肚餓既我地係甘食 有5款前菜都幾多然後到炸雞既時間 店員會幫我地撈勻d芝士係雞上面 我地就開始食 初初食係好好食因為佢好多芝士 陣味超濃 但當食到第二舊既時候我已經好流但唔食快少少 d芝士硬哂又唔好食抖左陣就食下泡菜豬肉 但無我想像中甘好食 因為太大陣豬肉既味道！對比起見到隔離檯既牛肩骨 我更想食牛只能說開頭食得太多芝士搞到好濟唔想食其他野…Read More

又是Girls night聚會, 愛oppa的朋友介紹呢間餐廳我地試.店子小小, 但食物製作非常有誠意!前菜好好食, 味道好正宗醬油蟹好抵食, 好好味又不會太鹹, 把飯加進蟹蓋和羔一起吃! 好正星星兩拼炸雞, 好滑好juicy! 沒有油膩感 (好邪惡)星星蛋卷, 好滑好味芝士炒年糕, 好好食, 吃得很飽都把它KO了!海鮮蔥餅, 普普通通燒酒加啤酒, 好飲, 不會太濃, 女生都可以接受…Read More