Shin Mapo BBQ (Percival Street)

同朋友打波之前行經附近，見到依間韓國野都唔錯，於是就入黎試下。雖然佢係主打燒肉，但係除左燒肉之外仲有其他野食，見到有份menu講既秋冬限定韓式鍋物，都幾岩我地食，所以就一於食鍋物，下次有機會再食韓牛燒肉。 咁佢個韓式鍋就有人氣海鮮鍋同埋牛肉野菇鍋，因為最近其實都食左唔少海鮮既關係，所以就揀個牛肉鍋，248港元夠兩個人食。 個鍋黎之前有各種各樣既前菜，我地食完沙律之後侍應仲問我地使唔使再添，因為我地諗住留肚既關係，所以都係唔使了。另外，個餐仲配一人一個白飯。 個鍋終於黎了，其實都好大鍋，好足料，有各式各樣唔同既菇類，岩哂我，中間就有牛肉，牛肉係加左配料醃過既。之後侍應就就倒D 牛肉湯落個鍋度，等一陣就有得食。 牛肉湯底鮮味，而且D 配料吸哂D牛肉味之後，非常正，牛肉不錯。另外，成個鍋雖然話係二人份，但係份量都係好多，我地食哂D飯之後，都仲有好多餸，最後都係好努力咁食，都仲有些小食唔哂。…Read More

因為Sogo感恩節既關係到處都是人所以想上來看看 結果可能十二時左右的關係人流俾想像中還好先來前菜和以前有點不一樣前菜有點乾前菜可以Free refillRefill的感覺好很多泡菜都略微有點乾每次都叫的汽水 🥤味道是我杯茶老公叫的 湯略微甜我最喜歡吃的食物😍蛋裡帶有芝士👍🏻喜歡芝士的必吃環境很好侍應都好勤勞👍🏻👍🏻👍🏻…Read More

今日雖然落雨，但放工都想去銅鑼灣行下街食下野，見到有好多餐廳嘅選擇，而今日想食韓國嘢，就揀咗呢間餐廳，雖然餐廳多數都係食韓燒，但因為怕熱氣，所以決定食其他韓國食物餐廳嘅座位都算闊落，坐得幾舒服一坐低店員就拎左幾款小食嚟，其中一款係雜菜沙律🥗，配搭好清新，有青椒紅椒生菜蕃茄仔等等仲有幾款小食包括泡菜、海帶、酸蘿蔔同洋蔥，海帶酸酸地好開胃，而泡菜嘅口味係較咸，食完呢幾個小食令到胃口大增女仔一見到又可以美肌又健康，就當然會揀杯果醋飲品啊！我就揀咗杯石榴果醋，酸酸甜甜一定好好飲，好適合夏天賣相幾靚，顏色鮮艷，睇見都覺得解渴，飲落去似蘇打水我哋見餐牌話石鍋牛肉拌飯係推介食品，雖然比較普通，但落雨天想食啲熱嘢材料好豐富，有牛肉、菇菌、蘿蔔、芽菜、雞蛋同其他雜菜，攪勻之後食熱辣辣好滿足，而且有好多蔬菜，感覺好健康，如果有埋飯焦就最好啦因為我朋友喺個芝士控，而且好鍾意食年糕，所以必點芝士炒年糕拉麵上面鋪滿一層厚厚嘅芝士，配料仲有雞蛋、魚片、大蔥等，配上甜甜嘅醬汁，趁熱食係好惹味，而年糕口感好煙un，煮得剛剛好芝士做到拉絲效果㗎！兩個人埋單二百幾蚊，下次有機會會試吓韓燒…Read More

今次我哋四個人一齊食韓燒兩個大人兩個細路 每人叫咗一個餐因為有午市買三送一優惠 好抵呢!!! 計返一個人都唔洗$100蚊份量都岩岩好但係小朋友肚餓 一見到紫菜飯已經係咁食餐牌仲有其他熟食架 不過難得有時間可以韓燒下啦!套餐除左肉之外仲有 菇類~我最鍾意係食護心肉 味道唔錯 而且有口感!!!!唔洗點醬汁  已經好夠味~其實落單無耐就上小菜同開始爐邊蛋啦 都好快啦!!再加上係平日下午 所以唔洗迫人可以傾下計坐下慢慢食我地仲叫左藍天檸檬汽水同埋石榴果醋 好靚呀~…Read More

有400間店的新麻蒲，原來已經打進香港，前些子沒有留意，若非朋友相約，不知道就在就腳的銅鑼灣，周日晚，一行三人，早早預約，韓吃去！七時到達，門外十多人在等位，幸好有訂位。門前店內，依然有Halloween的裝飾，想必若是早一兩天光顧，更熱鬧好玩。全店以二至四人的卡位為主，桌上碗筷丶金色餐牌，韓味十足！相信正宗。食品琳瑯滿目，似乎套餐最實惠，選了海鮮＋豬／牛肉二人套餐，三人分吃，亦已經足夠。無限追加的前菜先到麻醬沙律美味，辣醬牙菜爽口，海帶味帶甜，洋蔥絲半生熟，酸甜醒胃，泡菜新鮮肉厚。亦備有三款汁醬以醮燒烤食品，每人一碟辣椒鼓油，另分用韓式甜辣醬及蒜鹽油各一碟。用的是明火烤爐，我們主要用此網燒，奇怪，原來內藏水份。先到的是 火山泡菜炒飯見差不多枱枱有點選，出場觸目，整個鐡板原個上，下面以木板隔熱，混了芝士及雞蛋的pancake半生非熟透，滿鋪鐵板，而淡紅色的泡菜炒飯堆成小山丘在中央，頂頭是一條條粗粒芝士。放下食品，男侍應員隨即燒起火槍，用明火把芝士熔化，亦在班㦸上加熱，令其全熟。我們亦如打鐵趁熱，馬上分吃火山泡飯，熱騰騰的煙霧瀰漫，透出泡菜之香，吃一口，芝香辣味，雞蛋軟滑，米飯腍而不爛，反而有些焦香，鹹甜味道不濃，微辣清淡，以香為主，口味獨特，值得一試。海鮮＋豬／牛肉套餐套餐燒烤食品份量不少，照片中最下方是雞脾菇，向上移左方就是鎮店的新麻蒲護心肉，右方是韓妹至愛的香辣八爪魚，繼而是特級霜降牛肉，小碟內的是芝士生蠔，兩只帶子是特製黃油製，遠方有具殻類的蜆及青口，而尾端是兩片南瓜。霜降牛肉果然有韓國人主場，一位說韓文、頗高大的男侍應在剛開始時，像示範式的替我們放上食物，見那霜降牛肉，脂肪分佈豐富，碰一下，質感冰涼硬淨，烤熟後，又果然軟腍滋味。中央小錫蝶內，芝士片下是一顆生蠔，待芝士全部溶化後便可吃，蠔仔並不大只但肥美，配以芝士滑溜得無法形容！新麻蒲護心肉新麻蒲護心肉是店之主打，是橫隔膜及肝之間的肉，一只豬只有200g，當然必試，其貎不揚，與一般豬肉無異，但肉質果然煙靱無筋，嫩而有嚼勁，調味亦出色。加添甜辣醬，以生菜包著吃，韓式風味，集爽甜辣香於一身。香辣八爪魚香辣八爪魚以豐富的辣醬浸醃著，自當全身沾滿辣汁，幸好韓式辣醬，甜多辣少，容易入口，八爪魚頭大爪長，脹卜的魚頭汁多味甜，而爪腳就香囗惹味。韓式烤爐，四周的芝士蛋漿少不了，泡菜餡料可見，需時烹煮，要有耐心，烹熟後既滑且香，確實好吃。喝了一杯 香蕉草莓馬格利粉紅佳人，外型討好，如奶昔般起泡，內有草莓小粒，味道清甜自然，新鮮果汁之味。性價比中上，食品選材不錯，調味亦好，服務無特別問題，以5分作滿分計，整體3.5至4分。…Read More

麻蒲bbq原本見到餐牌覺得佢比較貴我地2個人點左豬肉套餐2人份（$368+10%）但前菜、沙律可任refill就抵哂啦第一層有芝士腸、烤菇、南瓜、年糕、大蝦等等年糕烤完好脆👍🏻好食蝦都好好味 夠大隻南瓜就比較失色 塊南瓜燒完好硬:(第二層：．護心肉、五花肉呢度護心肉超正！不得不試第三層：秘製豬排骨好大塊個人認為麻蒲爐邊蛋比起某間有名既烤肉店更為好食👍🏻本來以為會吾夠食點知燒到一半已經飽到想嘔不過今餐真係正 店員服務態度又好真係乜都抵哂美中不足既係爐邊蛋如果要refill就要加錢($28)一round實在不夠食😣如果爐邊蛋有得免費refill就好了:)…Read More

由朋友介紹到新麻浦食lunch，是第一次在香港享用韓燒感覺十分新奇，因為新麻浦的韓燒爐旁邊有一個圈給客人打蛋進去，未煮熟時可以用來沾蛋汁，熟後蛋餅的味道也很好！除蛋餅外另一樣值得一讚的地方是它的前菜！前菜的免費的，種類十分多，而且可以無限添加，沙律真的好好食，我和朋友共添了四次！…Read More

姐妹淘生日派對。。聽說銅鑼灣開了一間需要排隊才能吃到的正宗韓國餐廳~所以決定上去慶祝生日！我地收工先上去，結果唔洗點等 就可以入座~~韓國老闆推介我地食豬/牛套餐1 再另叫小食~原來豬/牛套餐1係會有免費汽水同韓冰送架！！！！！仲要唔係普通可樂雪碧 而係佢地餐廳自家特制既韓國飲品。前菜好豐盛 未落單 已經送上一整枱前菜 辣芽菜……海帶……同泡菜 好味。（我唔食得辣都係咁食。唔會太辣~~~）姊妹們話個火龍果沙律好正~同時前菜是可以免費任加的肉既份量剛剛好 果然係老闆介紹。。。非常好。。。最憎出街食飯俾左錢又食唔曬！！！新麻蒲的專業替我解決了這個問題^_^韓籍侍應好專業咁幫我地燒。好難唔好食XDDD 雖然佢係韓國人 但好努力咁用英文服務我地！GOOD~~~~~…Read More

有食過好多韓燒，但係就未試過爐邊蛋，一直都好想試。和朋友一行二人，排左個半鐘終於試到。叫左二人份量的豬肉套餐(包左爐邊蛋一次，護心肉，五花肉，豬排骨，年糕，蘑菇，豬肉香腸，大蝦，仲有火龍果沙律同幾碟菜），仲叫左秘製豬皮，覆盤子梳打汽水同埋紅豆冰沫。呢度的前菜比起其他的韓式燒烤店都多款，三層式的層架擺出黎精緻之餘又慳位。火龍果沙律用左新鮮的芝麻醬，第一次食這種芝麻醬，很特別。覆盤子梳打汽水好好飲，很解渴。爐邊蛋同護心肉真係超好味。唯獨燒豬皮令我有點失望，甜味的豬皮有點怪。食到飽飽之後，一場黎到排左咁耐，點都要試埋紅豆冰沫。食甜品果然係有第二個胃。呢度的亮點係呢個紅豆冰沫。唔同其他刨冰咁，就算有牙齒敏感都唔驚，因為唔會冰到震，入口即溶，甜味剛剛好。今晚晚餐真係超滿足。…Read More

話說朋友熱推尼間既爐邊烤蛋🍳而咁岩又係我既生日，所以就同一位朋友黎左尼間野都試～一入去就見到有人排隊，然後去攞飛果陣可能見我地2位，所以就直接帶左我地入去坐啦～坐底之後就開始睇餐牌～發覺果到D野一碟都幾多～肉既話應該係150g或以上雖然對佢既護心肉都好有興趣，但係又想食牛～但佢果個2拼要包埋甜品，本人同友人都對佢個紅豆冰麼麼，所以我地2個就簡左個牛肉既2人套餐～好似係set A跟住點完餐之後，侍應就即刻幫我地set 爐架同比D前菜我地～2個人佢都比足D前菜我地，真係好～我最鐘意食果個海帶同芽菜～但佢黑芝麻醬沙律就有D失望，冇網上講既火龍果同車厘茄～剩係普通沙律菜加黑芝麻醬～(^-^)/果泡菜都係不過不失，無話特別好味，但個大豆芽就出奇地幾好味😋然後我地叫左杯藍天檸檬汽水！！！發覺真係好飲！！！出奇地好！然後係我地開始燒果陣，D泡菜蛋食得啦，因為我唔想太硬，所以見佢大部分熟果陣就開始食，發覺，又真係幾特別既，好食！但又冇網上面D人講到咁好食....然後就開始燒野肉啦～～～唔知係咪我地唔太食燒，發覺其實同其他韓國燒烤差唔多～唔係突別好食～然後當我地將d霜降牛肉同其他牛肉一齊燒果陣，個店長？經理？唔知邊個，但應該係大粒既，終於忍唔住走過黎同我地講霜降牛肉係用第二個架燒完完全全柒左..><"佢應該係韓國人，因為用英文同我地講野跟住就一路燒燒燒～發覺個韓國人超好，見我地唔太識燒就主動埋黎幫我地睇火同燒，仲要交埋我地點食！！！真係出門遇貴人！當我地食到有D濟果陣，佢就教我地用塊酸蘿蔔包住果牛肋排或者牛肉黎食！發覺，真係冇咁膩同好食好多!!!!!可能係佢差唔多全程幫我地燒既關係！而且佢見我食晒D海帶同酸蘿蔔，就幫我地refill!!真係太好啦!!!^^跟住終於食完牛肉，到霜降牛肉啦！佢首先幫我地換左個網，變左一個架～跟住又幫我地燒埋！實在太好service la!!!然佢又教我地可以將D芽菜擺落烤蛋到燒，跟住用D牛肉卷埋一齊食～實在比就咁食塊牛肉好食好多！！整體黎講，今次既用餐都幾好！雖然D食物唔特出，但勝在service太好！同埋油煙味唔算大，燒左成個幾鐘都冇咩味帶番去～同唯一不足既係張枱離椅子有D遠，同埋太細，擺唔晒D野食～…Read More

《新麻浦BBQ》，乃韓國馳名的烤肉連鎖店，於韓國已經有多達四百多家分店嚕。這晚獲店方邀請，於香港首間分店的開幕前夕，到來品嚐店子的美食，實在非常榮幸。（上圖為封面照）******************************位置便捷，就在地鐵站C出口對面。面積也頗大…甫坐下…便被店子的menu吸引了，仿皮套外有一塊金屬牌，印上店名等資訊，就如醫務所內掛上的醫生證書銅牌般，製作相當認真，拿起來還挺重的說，放在桌上翻閱會比較自在呢。內容為中、韓、英文對照，大部份菜式皆附有圖片，點菜時就不會「無從入手」。除了烤肉，還有各款韓式主菜供應。不想吃烤肉的話，也有別的選擇。然後，侍應端來一堆前菜…泡菜，沒苦澀味，感覺不錯。辣度亦不重，不太吃辣的人也可輕鬆吃下。醃酸蘿蔔，酸味淡淡不嗆喉。韓式麵豉醬配青瓜及青辣椒，嗯嗯，還是第一次以這種方式吃，甜甜的、可中和青辣椒的辣味。大豆芽拌蔥絲，配上韓式辣醬，很香口。當然少不了生菜及佐烤肉的醬料，是加入了青辣椒及洋蔥的醬油，還有韓式辣麵豉醬。我就是喜歡韓國菜的蔬菜攻勢，這堆前菜既可單吃（醬料例外），又可夾烤肉同吃，悉隨尊便。隨後店員還拿來爐邊烤蛋專用盤，置於爐上，並加入泡菜碎及油。倒入店方的特製蛋漿，呵呵…（原想拍店員倒入蛋漿的一刻，可惜來不及呢，只好拍拍店子的環境）對於香港人來說，韓式烤肉配爐邊烤蛋已非新鮮事，只因另一家韓國過江龍《喜來稀肉》已率先引入這種玩意。不過至今我仍未到過《喜》，因此對我來說也蠻有趣的。看過店方的介紹，原來她們採用的烤肉盤款式於韓國已取得專利，可說是賣點之一耶。說得上是韓式烤肉店，伸縮抽油煙喉是必備的喇！！！抽油煙喉上方還安裝了燈罩，既可作照明之用，又可讓食客看清楚烤肉是否熟透，而且光線充足更方便拍照耶。檯面更備有「呼叫按鈕」，當要order又或是有任何需要之時，只要輕輕一按、聽到發出「叮噹」聲響，侍應便會主動走過來，免除食客「揚手片刻卻無人看見」的煩惱。除了必備的烤肉夾子，還有剪刀供分享食物之用喔。原來前菜攻勢尚未完，侍應端來了雜菜沙律。內有青瓜、甜青紅椒、生菜、紫生菜等等，是滿滿的西式風。面層還灑上脆卜卜的杏仁片，充滿「嚼頭」。而最特別的是調味方面，店子採用了微甜的黑芝麻醬，比一般的白芝麻醬更香啊！！！還未正式開始烤肉，胃納已被蔬菜填了一半。烤肉方面，既可單點，亦可選擇多款套餐，以豬或牛作分類，另有綜合的（即既有豬、又有牛）。而這晚店方便準備了牛豬拼盤予我們品嚐，以三層架奉上，既美觀又「慳位」。第一層是特選什錦（雞脾菇、冬菇、金菇、大蝦、豬肉香腸及年糕），第二層是新麻浦護心肉、以及霜降牛肉，第三層則是新麻浦秘製排骨。起動嚕…燒金菇很好吃喔！！！！這時，旁邊的烤蛋也烤好了，但因烤了好一陣子，已不滑嚕，但挺香口的，若果可以自行加入不同的配料便好了。店子用上呈圓拱形鐵網而非龜背鐵板，不用額外下油也不怕「黏底」。（呵呵，上圖像「哈哈笑」嗎？！？！？）肉烤好後，既可單以生菜夾著吃，亦可佐以上文提及的前菜同吃，我個人覺得配大豆芽拌蔥絲最惹味。吃畢拼盤後，我們額外點了新麻浦秘製牛五花肉…還有新麻浦護心肉，閱畢店子menu內的解說，原來即是豬的橫隔膜與肝之間的部位，而每頭豬就只有大概200g左右的護心肉，故此非常矜貴。尾聲時點了藍天檸檬汽水及覆盆子紅醋汽水（x2），前者是我的，後者是同行友人的。我喝了數口後者，個人較喜歡藍天檸檬汽水，酸酸甜甜的，且有點像兒時吃到的「太空糖」那種味道。　最後，侍應奉上韓國紅豆冰沫，一客的份量頗多，應該足二至三人享用。底層的牛奶綿花冰是店子自行以機器製作的，口感細滑綿密，面層還有黃豆粉、杏仁片、紅豆蓉及麻糬，整體食味微甜而不膩，個人頗喜歡。…Read More