Sister Korea Cafe (Closed)

今晚難得老公放假，諗住去龍門居食日本菜，點知無開門非常失落之制，老公就搵下附近有咩食，結果最後決定轉食韓國菜，因為天氣凍凍地食番個泡菜鍋也不錯之後去左H.A.N.D.S.A區尼間新派韓食館，以前係大圍都食過，今次試下尼區既水準平日既晚上差不多8-9點已經無晒人咁制，非常靜，但尼到就超大超多位，座位都好舒適。坐低之後職員就上左前菜小吃俾我地，有五款，可以無限添加味道還可吧尼間野款式都幾多，三心兩意底下都係最後決定食《二人韓國海鮮火鍋🍲》$268個盤係幾大既，但其實得好少材料，海鮮有生蠔、青口、蛽、蟹、八爪魚🐙、螺等，款式算多但就好細份同埋配菜吾多，得年糕同一個烏冬，海鮮吾算好新鮮，唯一正既係個泡菜湯底好入面好濃另外職員態度都麻麻，雖然個場無乜人但都吾太想理你咁埋單仲要加一服務…Read More

屯門安定呢間 #新派韓食館 開左都一段時間，幾大間，星期六午市黎都唔洗等位🙈唔想食親韓國野都係xx鍋、炸雞，所以今次揀左d清少少既#水冷麵 $78係韓國食冷麵都會有舊冰係入面，好鬼凍又搞到無咩味。但呢個水冷麵無冰👍🏿唔會好凍，有酸蘿蔔、青瓜絲、半粒蛋同埋一舊腩肉🥩腩肉睇落好靚 真係5層，但食落好硬、好鞋☹️但係麵有驚喜！好彈牙😍似蒟蒻麵😳仲好貼心咁比埋✂️湯底睇落好似水咁清，但落左牛肉煲😳都幾好味其實就咁食個麵已經好好食！腩肉雞蛋反而令個麵扣左分美味指數：8/10紫菜三文魚小飯團$49/4粒每粒都有半個拳頭咁大👊🏿略覺得三文魚少左d，紫菜落左麻油同芝麻，食落幾香😳美味指數：7/10附送既小菜有成5款咁多😋薯仔粒甜甜地，幾好食😋食完可以添🙈…Read More

屯門的韓國餐廳不多，在市中心附近，朋友聚會可坐較耐而又具空間感的，要數位於H.A.N.D.S.的新派韓食館。侍應端上五碟前菜。當中以菜類最好吃，芽菜和菠菜充滿濃香的麻油味。爽口的蓮藕片加了甜醬汁。泡菜辣味不多，屬微辣。黑豆的份量最多，帶微甜。蠔仔韮菜煎餅($88)有大量蠔仔平均分滿煎餅。微脆的餅皮非常有口感，外脆內軟。蘸一點煎餅汁可增添煎餅的鮮味。韓式餃子拼盤($58)有三款餃子，各有兩件: 原味炸餃子、泡菜炸餃子和紫菜包粉絲卷。當中以紫菜包粉絲卷最特別和好吃，紫菜本身已是爽脆，加上外面一層的炸粉，脆上加脆，內裡的粉絲既軟且爽。整體口感搭配具層次，由最爽脆的外層炸粉、帶點爽而軟的紫菜，至最內層軟滑粉絲。紫菜味濃，不用蘸任何醬也有足味道。其次是泡菜炸餃子，圓形狀的餃子載滿泡菜，泡菜清爽但不辣。白蘿蔔非常清爽和甜，洗脫炸物的油膩。吃了炸物，點了一杯熱桂圓紅棗茶($12)消膩滋潤，相比其它飲品，這杯特飲是出奇的便宜。桂圓紅棗茶味道較甜，杯底有碎桂圓肉。喜歡這個特別小托盤和小匙，很文青的感覺。夏日怎少得冰涼飲品，點了一杯很多人點的草莓梳打($20)。有時草莓飲品很酸，幸這裡的草莓梳打是甜的，是草莓果汁和一點點草莓果籽。地方寬敞，更適合一大伙人聚會，吃個大鍋物眾樂也。…Read More

屯門覓食商場莫過於屯門市廣場和V City。但近來市廣場附近的友愛安定商場翻新並命名為H.A.N.D.S。不同類型的食肆和商店相計臨立，而「新派韓食館」便是其中一間新開業的韓國菜餐廳，今天一於與朋友抽空試試。餐廳位於1樓A Zone。在尋覓餐廳時發現有點難找，搞不清樓層與區域。1樓即是商場地面，並記得留意指示牌前往A Zone。餐廳面積頗大，可以同時容納大量客人。當日我地一行三人午膳時間到訪，人流相對較少，可以任意選擇位置就座。一坐下，店員便隨即送上5小碟前菜，包括蓮藕、菠菜、芽菜、蔬菜條和泡菜。—蓮藕 - 共2片蓮藕，腌製後帶點甜味，而且爽口菠菜 - 加了點麻油更野味芽菜 - 似乎沒有加什麼腌料，但更特出芽菜味蔬菜條- 同樣似乎沒有加什麼腌料，更顯清淡泡菜 - 酸中帶點辣的腌料可接受，辣度屬中辣，略嫌泡菜被剪成粒狀太碎，不太能吃出真正的味道午餐肉甜蛋飯卷：一碟共8件，飯卷內包含了蘿蔔、菠菜、午餐肉、青瓜、甜蛋和酸瓜。蘿蔔、菠菜和青瓜能夠帶給飯卷層次感及多一份咬口。煙韌的韓國午餐肉供給咸味，但略嫌咸味不夠。甜蛋則提供飯卷甜味，但同樣也吃不出甜味，而酸瓜也只有較淡的酸味，加上飯卷缺乏麻油味，當整舊飯卷吃下時，便會發覺飯卷淡而無味紫菜包粉絲卷：一碟共5條，紫菜包著粉絲粒並經過油炸，剛剛炸起溫度屬熱，整體味道偏淡，有炸物的咸味，配上甜酸醬令炸物增添了味道和減少了油膩感。牛肉年糕粉絲海帶湯：湯內包括牛肉、年糕、粉絲、翠肉瓜、草菇和洋蔥。可惜尋找不到海帶的蹤影，而湯比較清新，有淡淡的肥牛味，而且肥牛的油份流到湯內，所以湯比較油膩。漢拿山芝士蛋牛肉飯：該店鋪特色之一的食物，主要原因是店員會在客人面前製作炒飯。炒飯過程大致可分為6大步驟。—步驟1 ：店員會先將要用的工具與材料放在客人枱面。工具包括爐、鍋和木剷，而材料則有大約一碗份量的白飯、蛋、芝士、紫菜、肥牛、洋蔥和蘿蔔。步驟2 ：將所有材料切成碎並與白飯撈在一起步驟3 ：材料和飯壓平並加上韓式辣醬。製作炒飯前，店員會先問你想要的辣度。步驟4 ：再加韓式伴飯燒烤醬步驟5 ：非常有心意地將飯疊成心形🧡，並圍繞著心形飯倒下蛋漿和芝士步驟6 ：蛋包著飯後，店員會因應客人數量分切炒蛋—由於店員非常細心，把材料切得非常碎，令材料完全融入白飯內，炒飯加上韓式辣醬和燒烤醬，味道酸酸甜甜帶點辣，是一種會令人上引的味道，再加上外圍包著蛋，有吃蛋包飯的感覺，而每吃一口蛋也充滿著芝士，切開蛋時更有拉絲的效果。不論有製作過程、配搭和味道都很欣賞。忌廉插柚子沙冰：飲品內能找到柚子粒，而柚子味和忌廉的比例剛剛好，酸甜味平均。—————————————————————————整體評語：味道 - 每樣食物的層次感足夠但整體味道偏淡，唯獨炒飯令人喜出望外—環境 - 鋪頭面積頗大，座位與座位之間寬敞舒適，而且人流並不多，所以頗寧靜，可以跟好友促膝詳，而且食韓國菜不用出市區，已經有一間在左近—服務 - 服務尚可，店員一般都頗有善，製作炒飯的店員也很細心—衛生 - 所有碗筷餐具都整潔企理，既沒有黏黏感也沒有污跡—抵食 - 性價比一般，價錢對於屋邨來說的確頗貴，雖然食材新鮮，但整體味道欠缺…Read More

翻新後既商場H.A.N.D.S，入面有唔少餐廳，我地一行人行咗一陣，見到新派韓食館，設計係開放式，幾寬敞，而且店外貼住告示，幾特別喎，所以決定入去試番個晚餐。其實有侍應識講廣東話或普通話，所以點餐時都冇有怕。一黎就有五小碟前菜，包括泡菜(夠辣夠好味)、芽菜(卜卜脆)、蓮藕片(爽口)、黑豆(甜甜地)同埋菠菜(正常)。最遲上既係火炎芝士拉豬仔骨，不過佢係今餐既重頭戲，所以想介紹咗先。侍應會先將中間d豬仔骨夾走，再用筷子係咁攪d芝士，攪呀攪，攪到溶完變成一團野，再煮多陣，逐件卷起豬仔骨，俾我地食。芝士卷得好厚，仲諗住會好結實，點知一咬，都可以拉絲，拉到好長。豬仔骨既辣醬調味好濃味，正！跟住食咗個街頭辣炒魚片年糕餃子，份量好足，好多魚片同年糕，食隻餃子飲啖湯，品嚐佢既辣味。又食咗雞肉石鍋伴飯同烤豬腩肉大醬湯手切麵，另外再叫個小食芝士味炸雞，都富有韓國特色。今餐食得好滋味，menu上面仲有好多野好想試下，不日再去。…Read More