Takashi

又係一年一度我生日，梗係要食好野啦!本身訂荔枝角個間鐵板燒, 但無位, 要訂到去2月份啦...雖然前兩日先食過松菱, 但有鋪鐵板燒癮😆繼之前發現元朗國係一個美食國之後, 都唔介意遠都去搵好野食👍門口好有風格, 一見就見到, 店鋪位置揸車去會方便0的, 可能甘樣, 所以唔係好難訂位。揀左個二人餐, 好得意架wo, 有d items 有得選擇, 但唔會問你架。要自己出聲,你唔出聲就廚師幫你發板。前菜係芝麻醬沙律，跟左2片鴨胸。好好食喎個鴨胸。同buffet 食個啲有好大分別！之後就比你睇下你叫左咩。有湯碗甘大嘅澳洲鮑魚，新鮮架，仲識郁。片片鮑魚。好冧好好味。冧得黎又彈口！廚師話分幾次梅花間竹甘食個鮑魚無甘悶😆帶子配紫菜湯。感覺個帶子煮得岩岩好。鮮甜，好正，上面啲三文魚子，一啲都唔腥，廚師話係調味過既。連我仔都食晒！叫多隻一人隻！廚師好好，見我仔鐘意個紫菜湯，再煮多啲添飲！再黎厚切鮑魚配鮑魚既膽汁(就係旁邊既金黃色汁)好好味，幾特別！本身見到有銀雪魚，我以為煮之前會問一聲。但都唔緊要啦！因為好驚喜。賣相好特別，原來個啲係魚鱗。炸到脆卜卜，又唔會油膩，配左青椒仔！廚師話一百條先有一條係辣架😆我好怕啲魚係腥既。唔腥好食。似雞肉。鵝肝，好juice 同好厚。一定要連埋片多士食先無甘漏。傾傾下計廚師個履歷都知道埋。感覺好似日本啲居酒屋小店甘，廚師同客人傾計，座隔離唔識既又會撘下嘴甘。好warm! 好鐘意個氣氛！廚師好好，整左佢既得意之作！薯條咁脆嘅多士條。氹小朋友一流！呢個係咸既。再食多個甜既！兩款都好食！牛薄燒，啲雪花❄️靚到呢。藝術品一樣。溶喺口嘅感覺好正。牛味出！廚師炒緊飯啲配菜，但我真係想食烏冬，即刻轉左烏冬！係港版烏冬，豉油王炒烏冬。仲有個炒雜菜，欣賞佢唔油！火喉岩岩好！個湯廚師推介。用左好多魚熬製而成。我怕腥唔得，飲左2啖係甜既。但腥我真係唔得。雪糕有豆腐芝麻紅豆抹茶柚子。我揀咗豆腐，老公食柚子。應該係自己打出嚟。好有豆腐同柚子味。生日特別甜品要預約架！等下次有人生日要試先！P.S. 係有一個女待應唔係甘識人情世故, 問都唔問就收走我仔食緊d野, 好似好趕甘, 但無客架wo. 走既時候好興奮熱情甘bye bye....所以又唔係叫無禮貌, 而架d 零零後係甘......我希望我仔唔會係甘啦!…查看更多

為慶祝美女朋友生日，不惜捐窿捐啦找高質的餐廳同朋友食，今次發掘到元朗原來有個隱世的地方 — 天空之城，可能對於九龍既朋友仔(包括我)比較遠，但是原來又沒想像中那麼遠，我和朋友是坐港鐵🚇到美孚轉乘西鐵線，搭兩個站話咁快到錦上路站，C出口一出直走就見到一排巴士站，找64K/77K/54站牌就可以啦，注意⚠️別排錯方向的車，要往元朗西方向的巴士🚌才對哦！📍地址: 元朗錦田高埔村108號地下🚖路線教學:1. 鐵路: 港鐵錦上路站C出口出-> 轉搭巴士(64K/ 77K/ 54)-> 高埔村下車(8分鐘到達)2. 巴士: 搭巴士到大欖隧道-> 轉搭68E-> 5分鐘到達3. 的士/ Uber/ 私家車📞電話: 28828962💰Visa/Master/Cash✅(有加一）—特上活鮑魚鐵板燒二人前 (HKD$ 1980)—《前菜》溫室野菜沙律+日本生粟米，日本生粟米都係第一次食，超甜超多汁，沙律好清新《澳洲活鮑魚450g》首先鮑魚真的大得超級誇張，幾乎大過我整隻手掌，未烹調前師傅會將海鮮食材放於我們前面，見住隻鮑魚不停地轉動超新鮮，師傅說會分開鮑魚邊同鮑魚中間切片烹調，師傅仲好熱心提我地唔好掛住影相啦哈哈，鮑魚要趁熱食，凍左就會韌啦。鮑魚片，咁薄全靠師傅刀功，簡單加上少許鹽調味，控制燒既時間岩岩好，無令鮑魚過熟；另外較厚的鮑魚邊切粒用左牛油炒，再配上一個鮑魚肝醬，出奇地好似蟹膏般的味道，又另一種味蕾的衝擊！《北海道帆立貝》香煎帆立貝真的很厚肉同大粒，師傅用帆立貝的殻盛載著煮熱左的海帶高湯，帆立貝上面再加上自家醃製的三文魚籽，沒有腥的味道，整個擺盤都好精緻，真的不捨得食😆《白甘鯛》連魚鱗一起食，超脆脆的口感，魚肉亦非常嫩滑，形成一種好強烈嘅對比，配上黑松露枝豆汁，大愛黑松露，它的味道可令整道菜式昇華《法國鵝肝》大愛鵝肝 ！可能有些朋友會感得好膩，師傅也準備左印有釜字的麵包墊底，可同鵝肝一齊食，中和鵝肝的膩～好好食！《焦糖多士&青檸啫喱》另外師傅也加插了我們套單裡沒有的焦糖多士，多士煎到金黃色，香香脆脆，有少少似平常燒烤整的蜜糖面包，但這個再脆一點；食完多士再遞上一小碟的青檸啫喱，原來作用是幫你中和口腔味蕾去迎接下一道菜。《A5鹿兒島野崎和牛薄燒》接下來也到我們最期待的A5和牛，有厚燒或薄燒選擇，我們選了薄燒，仲有問我們要幾成熟，一致認為五成好了，師傅手勢好純熟，很快放上和牛在鐵板上燒，加上炸蒜片和蔥，翻一翻就放到我們面前，和牛脂肪好均勻，肉汁好豐富，咬下去油份滲出，也是不用沾什麼調味已經好有味。《櫻花蝦炒飯&鯛魚湯》食到接近尾聲，其實我同朋友都已經很飽了，師傅都問我地仲食唔食得落🤣，我地已經叫師傅少飯就Ok了，炒飯炒得乾身及粒粒分明，好彩都清得哂。鯛魚湯超級濃濃的奶白色同好creamy，飲落去令成個人都好暖好正，湯入裡有少許豆腐粒、菇粒，聽師傅講係用左幾十斤的原條魚熬製而成的，難怪一碗好味既湯的背後係花左師傅好多心機同時間。.《炒野菜》最後一道其實是炒芽菜，忘記了拍照，可能你會話炒芽菜咁單調??錯了，芽菜都炒得好好食，好爽的，加上少許岩鹽黑椒碎，也可以中和前面幾道的肉！已經好圓滿了～《甜品》選了綠茶和豆腐口味的雪糕🍦.👨‍🍳服務廚師在燒好每一道菜式都會好貼心地提醒小心熱，個人覺得每個菜式都好夠味，毋須再沾調味已經超級棒，師傅又會同d客人講下點烹調，見旁邊的客人不知是不是熟客，見他們的師傅會烹調餐單而外的菜式嘗嘗，我們都好想成為這家鐵板燒的熟客，就算多遠，再來食多幾次都是非常願意的😊…查看更多

今日女朋友生日，上網見到元朗有間新開嘅穩世日本高級鐵板燒，兩人餐要$1980，就專登去睇下有乜咁好食，結果大吃一驚，非常值回票價。第一道係前菜，有沙律同東風螺，好新鮮，但未算最正。之後就真係黎料luu，廚師走左出黎喺我地面前開始”表演”。第二道菜係日本響螺，廚師將響螺切到好細，方便入口，非常有海水味，完全唔洗點任何配料都好好食。果然食料新鮮比所有野都重要。第三道菜係帆立貝，廚師將帆立貝切開一半，再加啲湯喺底，簡直係絕配。第四道係白甘鯛，依個真係重點，廚師先用油將魚鱗炸到鬆脆，再放上鐵板剪香，咬上魚鱗索索聲，但魚肉好多汁好嫩滑，完全唔似係煎過咁，好好食！第五道菜係全晚最貴嘅龍蝦，廚師拆肉非常熟手，一睇就知係老江湖。佢將龍蝦膏同肉一齊煎香，好濃郁嘅味道，完全唔洗加醬料都好夠味好好食。第六道菜係日本A5和牛，和牛當然冇得同喺日本食到嘅比，但喺香港黎講已經係中上水平。第七道菜係一個西多士，廚師喺鐵板上用糖同牛油剪香麵包，麵包上仲有個”崟”字，好特別，好脆好香口。最後有個炒飯炒芽菜，炒得好香好好食！仲有個鯛魚湯，味道好濃郁，同喺出面飲到嘅好唔同。甜品係奶凍，自家出品，用北海度3.6牛乳造，好重奶味，正！最後一提係店員嘅服務質素，非常周到，友善不在話下，見到你杯茶就飲哂就會立即refill。廚師會解釋每道菜嘅做法同食法，同佢有講有笑，非常好嘅一次用餐體驗。第一次食啲咁貴嘅餐，但我絕對覺得係值得！…查看更多

朋友住在錦上路，今天特意入去探訪，朋友仲帶左我去食鐵板燒！！平時很少去元朗果邊的地方，不過呢間餐廳都唔算太遠，搭到錦上路站轉一程大概5-7mins 的巴士就到！都好方便。原本以爲村屋地方的餐廳應該唔會太多人，點知一拉開門（滿座）！！！相信餐廳的水凖應該都很高。我地叫左二人前set-的特上活鮑鐵板燒 ($1980)前菜係東風螺同沙律，東風螺嫩腍，鮮味和酒味道都很出。沙律用左冰菜！很新鮮的配搭，加上黑醋令人開胃。師傅首先拎海鮮比我地打下卡先，然後先拎去煮。個鮑魚仲識郁！！非常新鮮。第一菜係白甘鯛，呢個魚係可以連埋魚鱗一起食！！！首先師傅將魚鱗炸至金黃色，再焗熟鯛魚。最後更配左個黑松露蒜蓉汁。魚鱗炸得好脆而且一D刮口的感覺都無！魚肉嫩滑配上黑松露蒜醬汁更能提鮮魚的味道。北海道帆立貝：帆立貝肥厚而鮮甜無比，師傅更用了紫菜高湯和三文魚籽，將食材的優點發揮的淋漓盡致。日本活鮑魚：鮑魚味道濃郁，而且口感比起其他品種的鮑魚軟霖，鮮甜味明顯！加上師傅用了海膽和鮑魚肝製成醬汁，那種鮮味令人難忘。此外原來熟了的海膽味道很像蟹膏的味道！！因爲朋友唔食鵝肝，所以師傅幫我地轉左大蝦。一D都唔誇張，呢個大蝦差唔多係我手臂感大！！！蝦肉十分肥厚，肉質有爽口彈牙，加上醬汁係蝦膏製成！所以係鮮香味俱全。食和牛之前餐廳特意準備了清檸Jelly然我們能清一清口腔，十分貼心。A5 鹿兒島野崎和牛：全晚最期待的和牛！果然無令我失望。和牛油脂分佈均勻，腍滑鬆化！！肉汁在口中不斷湧，肉汁豐富且甘甜。鯛魚湯：入口已經嘗到鯛魚濃郁的味道，而且湯有點黏黏的！能受感到到餐廳用了大量的鯛魚熬製，一D都無慳料，魚湯鮮味卻一點腥味都沒有！令人驚艷。最後就係超野菜同炒飯，餐廳的炒飯真係超得好令！！炒到金黃色之餘，飯粒更是粒粒分明！證明厨師工架十足。食埋甜品為這頓飯畫上完美的句號！！如此好質的鐵板燒很值得進黎食，一定會再光顧。…查看更多

><近年元朗錦田嗰邊起咗好多新樓盤有人氣嘅地方自然有美食🤤識食嘅朋友帶我去試新野 食元朗少見嘅高質鐵板燒兩個人食咗二人前set- 特上活鮑鐵板燒 ($1980)首先黎左個沙律+東風螺前菜有我至愛嘅冰菜😍 東風螺有酒味好香師傅炮製海鮮之前 先俾d 新鮮海鮮引下我地先隻鮑魚仲識郁㗎第二道係北海道帆立貝紫菜高湯同三文魚籽帶出帆立貝嘅鮮甜下一道係白甘鯛配黑松露薯泥師傅用油炸一炸魚鱗 同焗熟魚身所以魚肉好滑 魚鱗脆卜卜得嚟唔油膩之後就到重頭戲燒澳洲活鮑魚唔同烹煮方式兩種食法：淋身&爽口 嘆完海鮮就食法國鵝肝好滑好多油脂 好細心安排咗一小口青檸啫喱清一清油膩感終於到我最期待嘅A5 鹿兒島野崎和牛😍厚切和牛油脂分佈均勻 配角嘅蒜片係即炒 非常香脆 無油膉味食完牛之後 有鐵板燒必備嘅炒飯值得一提係個鯛魚湯有驚喜非常香濃嘅魚味同豆腐味最後有雪糕作結 我揀左蕃薯味 好滿足呀🤩><><><><><><><><><><崟元朗錦田高埔村108號地下…查看更多

今日晚夜諗住同女朋友食餐好既，所以一早約左一間餐廳去食飯。去到見到間餐廳門面好靚，同女朋友係咁影相😂😂我影到好似去左日本咁，但真係咁靚嫁👍🏻👍🏻入到去，餐廳坐位吾算多，但坐得好舒服。店員全部都好有禮貌，安排坐底後就點餐🙂我地點左二人前既鮑魚餐，好多野食，等我介紹下先。首先會上前菜，沙律🥗同埋海螺。餐廳服務好好，真係要讚，上菜前，店員會在我們身後，幫我地攞開主菜碟，將食物放到我地面前，食完後又會馬上幫我地換碟。而且厨師每煮一道菜之前都會介紹一次，過程中會同客人互動日傾下計，介紹下食物，好細心，好好服務。👍🏻👍🏻講返個前菜先，沙律真係好新鮮，好好味！餐廳好多食物同醬汁都係自家制，例如相中既兩種汁，左邊既係芝麻汁，中間既係酸甜汁，都係厨師自己整嫁，佢話好處係可以自己控制到個味道同埋甜度👍🏻👍🏻 堅細心開始煮餸啦，厨師手勢熟練，好似睇表演咁，哈哈。第一道主菜係燒帆立貝，粒帆立貝好大粒。👍🏻貝殼上面加左自家制既魚湯，上面加上大大粒既三文魚子，再加上紫蘇花，整得好靚🥰店員瘭日介紹食法，啲湯都可以飲埋，紫蘇花可以食少少，成個口會充滿紫蘇味，好清香好清香👍🏻 再慢慢食埋隻帆立貝，太好味了。第二道主菜係炸甘鯛，佢地會用油炸到魚皮同魚鱗都好脆，但魚肉剛剛熟，一啲都吾油膩。好考技術，炸到魚皮香脆但肉剛剛好👍🏻👍🏻所以食起上黎，魚肉好有肉汁好鮮味。甘鯛魚下面既汁都吾好睇少，係用支豆同埋黑松露整嫁，都係自家制，厨師介紹呢一個汁，入左米之蓮推介嫁🥰太好味了，個汁將魚既鮮味都提升左，好想再食多一件。第三道主菜係原隻燒鮑魚，原來係用澳洲鮑魚，但最近見日本呢隻蝦夷鮑好大隻又爽口，篂中以入左啲貨。隻鮑魚煮完，切埋件，都可以排土返同未煮既差吾多樣，厨師技術一流👍🏻重要介紹埋相後面果啲醬汁，係用鮑用既胆汁同肝整出黎，好似蟹糕咁既味，好好味😀 我會推介加少少鹽或者就咁加果啲醬食，兩種食法，都係咁鮮咁好味，鮑魚燒得剛剛好，真係好爽，好鮮味。第4道主菜，係燒鵝肝。 塊鵝肝大到呢，又厚喎，我第一次食咁厚既鵝肝👍🏻👍🏻 佢地就咁煎完之後，放上有餐廳名既麵包上面吸油，然後向後面準備既店員，又會幫手上菜，太好服務了。佢地重會介紹食法，要連麵包一齊食，重會味下會吾會太濃味😂一入口，你會發現成個口入面都有好濃既鵝肝味，真係好好味。麵包會令我感覺到無咁油膩，食晒兩件都吾覺好濟住👍🏻👍🏻向我地食鵝肝既時後，厨師已經細心地為我地準備好牛油沙糖多士，佢係即時向我地面前用沙糖牛油整出黎。熟練既技術令到糖溶左，平均地分布在麵包上，而且煮完之後，佢既用具係無任何糖膠粘住，利害👍🏻👍🏻店員介紹呢個多士都係好出名，我地食完咁濃味既鵝肝，食返呢件多士，會清晒口腔入面既鵝肝味，等我地繼續食下一個菜👍🏻👍🏻細心到呢🥰第5道主菜係A5和牛。我地選左6成熟，由於食左件多士，口腔都無晒鵝肝味，一口咬落去啲牛到，肉汁多到呢，好有牛味，好食到大得之了👍🏻👍🏻食飽晒之後，重有一個炒飯，鯛魚湯同埋甜品。我要介糿水埋個魚湯，好濃好濃，正到呢。佢地都係用好多魚，自家制呢個湯，入面放左少少豆腐，完全食到好鮮甜既魚味，一流！無得輸👍🏻👍🏻最後食埋個柚子雪糕，勁清新既感覺。非常完美同完滿既一餐。我覺得呢個價，食咁個質素既食物同服務，係超值。如果想同朋友或另一半食好啲，強烈推介呢一間崟（讀音：任），真係會好滿足。…查看更多