Gyujin HANARE Platinum Label

第二次嚟食，上一次係聖誕今次係慶祝生日。服務質素態度點係5星，不過牛肉質素今次真係有啲接受唔到，比到盡3星。就因為啲牛肉質素影響到我對成餐嘅觀感同食慾。牛肉係壽喜燒嘅重點，希望貴公司著重返啲牛肉質素，同埋廚房出菜之前都檢視吓是否合乎標準。我哋嗌咗8百幾個set，第一輪啲牛真係好靚。到第二輪係斷開一節節，第三輪係脂肪多過肉。之後都冇乜心機同信心再嗌多轉牛。本身都係做餐飲都知道costing問題，但係消費者角度咁樣八舊幾水食脂肪就覺得唔係太值。不過其他食物係完全冇問題，刺身好新鮮啲蔬菜都好食。最後都有個小surprise，staff好突然拎個員工砌嘅dessert platter當係生日甜品。Overall，成個dining experience 就敗筆於最重點嘅牛肉，希望下次嚟食呢個issue解決到，唔係都好難留到客再食。…Read More

晚市由5:30食到10:00好滿足🤩坐低就有人講解枱上嘅用具同埋餐牌店內嘅服務質素都好好🤍環境好大好靚坐得都好舒服～前菜有豆腐、鮟鱇魚同蘿蔔 都係任食全部都整得好精緻💖和牛今次叫嘅係第二貴嘅野崎牛食落去肉質好柔軟🥹沾咗蘭王雞蛋令到和牛入口更加順滑另外要一讚壽喜燒汁調味好適中👍🏻唔會太鹹或者太甜 食得多都唔會好口渴雖然條片冇講到但係仲有啤酒任飲🍺其他飲品選擇都好多 有一款提子梳打好好飲特別推薦!至於其他食物 刺身係肉眼見到嘅厚 而且每一轉都係咁厚食落好新鮮肥美👍🏻天婦羅就有魚、番薯、蝦 全部粉漿都好薄 全部都有調味唔會淡茂茂～蔬菜都有好多款式可以order🥗好似番茄、豆苗、各種菌類 好新鮮🌱仲有幾鐘意有腐皮烏冬嗰隻油豆腐！佢哋個烏冬都好柔軟 索曬壽喜燒和牛嘅油脂好正🤤…Read More

依間壽喜燒係同事推介，冇諗過一試就愛上。一個月就食左2次，都唔知點減肥😭先講我鐘意依度嘅原因：1）冇限時任食作為premium line，依度都幾重視顧客體驗❤️，就算係任食都剩係做1 round。誇張啲講可以由6點坐到10點。出面就算係貴啲既sukiyaki大多數都會做2 round，更加唔好講燒肉任食好多時都限時100分鐘，傾得計黎又食唔飽。而且依度環境算開揚同舒服，同朋友坐係度吹水真係一流🤤2）唔使排隊牛陣雖然大家都識，但因為咁令大家覺得佢行平價路線，反而冇乜人知佢有premium line✨大家又會覺得俾600蚊有更好既選擇，所以好易book到枱🥘而且都唔知係咪好事，感覺兩次食都唔係full house😭3）一雞兩味依度主打壽喜燒同shabushabu。如果壽喜燒燒燶左中途可以換一次鍋或者可以轉一次shabushabu，所以真係唔好燒燶個鍋🔥肉我會推薦壽喜燒煮，菜我就會推薦shabushabu。一餐可以有兩種享受，感覺上好豐富❤️講完優點就介紹食物:依度野食分左前菜（蟹膏豆腐，龍蝦沙律，海蜇）前菜好出色。蟹膏豆腐嘅蟹味好濃，龍蝦沙律會食到有爽彈嘅龍蝦肉🦞，海蜇就一般。就算係前菜，但其實豆腐同龍蝦沙律我自己都添咗3次🐷刺身🍣（我推介帶子同油甘魚）刺身質素都中上，解凍唔錯，冇雪味，但就唔係主角🦐天婦羅🍤天婦羅我覺得質素一般，食材嘅鮮味唔太食到，如果想食多啲肉我覺得可以skip肉🐂（A3/A5 和牛，豬，雞）489蚊套餐嘅牛係A3，589就係A5，下面有我,兩次食嘅比較圖。兩款嘅肉都好正。如果A3嘅話就比較撞手神，時肥時唔肥，有時一碟靚可以拍得住A5，但有時一碟又會差啲，不過肉味會比起A5多啲🥩A5嘅質素就好穩定，大理石花紋好平均同好靚，油香味出啲。豬肉同雞肉雖然唔錯，但比起和牛有明顯嘅落差，我覺得都可以skip。相比sukiyaki同shabushabu，我會推介壽喜燒多啲，先用牛脂將油均勻咁查喺個鑊度，再淋少少壽喜燒汁就可以燒牛，第一次唔識可以叫staff示範。燒完再點蘭王蛋汁食，會更加滑溜，好正。A3嘅牛會有少少嚼頭，但油香都好出。A5就會有入口即溶嘅感覺，口感好柔軟，油香更甚。但好難講邊個好啲，因為壽喜燒本來都著重肉味，燒落有啲糖嘅焦香配搭肉味都係一流。出面去一個set 800蚊好多時都係得4-6塊肉，要靠菜同飯食飽。但我係度食會食到10-12塊，有好大滿足感。野菜拼盤🍀就算係任食，菜嘅擺盤都唔失禮。我自己推薦菇類同紅心蘿蔔，因為鮮甜同爽口。菇類可以分開嗌。而且shabushabu食亦都好正。另外菜會推薦shabushabu係因為唔使慢慢燒，一烚就可以食。甜品🍬甜品方面有4-5款包括雪糕、蕨餅同蛋糕等等。我自己私心推薦蕨餅，有好濃嘅抹茶味🧉不過任食...所以都建議全部試一次🙈…Read More

壽喜燒的作法分為關東風與關西風，關東風是煮成火鍋湯底，關西風煮法則偏向似烤肉，位於銅鑼灣wwwtc世貿中心的「牛陣 HANARE」已經正式開業，是日式涮涮鍋放題店「牛陣」的姐妹品牌。全新推出的黑毛和牛關西風壽喜燒放題，放題套餐分兩個時段供應，午市為中午12時至下午3時，晚市為下午5時30分至晚上10時，時段內無限時用餐。餐廳以日本的「侘寂」美學為設計主題，利用木材質打造空間，營造猶如柔風吹至、安心平靜的氛圍。店內環境寬敞，充滿空間感，玻璃窗透進了柔和的自然光，使整體室內風格和諧溫暖，體現清淨且禪意深遠的和式美學。壽喜燒放題套餐所有食品也可無限追加，包括刺身、天婦羅、是日小鉢料理、甜品、特選鹿兒島縣產黑毛和牛、北海道產夢之大地豚和德島縣產阿波尾雞等優質肉類，另加$89享用日本啤酒及汽水放題。今次自選鹿兒島縣產野崎牛赤身肉放題套餐 $489，無限時任食絕對可滿足各食肉獸。開爐前先奉上時令小缽料理，包括蟹膏豆腐、龍蝦沙律及檸檬汁漬海蜇，喚醒沉睡的味蕾。另一特色就是可以任食多款刺身：三文魚、吞拿魚、油甘魚、帶子及甜蝦，質素新鮮肥美。煮壽喜燒時首先在平底鍋上投下一粒牛脂肪，傳來油脂熔化的滋滋聲響，瀰漫著牛脂香氣。再把秘制壽喜燒醬汁慢慢注到鍋裏，將牛肉表面燒燙過後，就可品嚐正宗風味的關西風壽喜燒。鹿兒島縣產黑毛和牛大理石紋分佈平均，肉質柔軟，放肉下鍋輕炙至半熟，如同雪花般融化，牛味醇厚富脂香。蘸點蘭王蛋打成的橙黃蛋漿，滿溢濃濃蛋香，入口更滑溜，這樣最能嘗出肉質的鮮嫩。甘甜香醇的壽喜燒，配合上乘品質的和牛，肉味濃郁有層次，實在讓人有追吃的衝動。其他肉類包括肥瘦適中的北海道產夢之大地豚和肉質緊緻的德島縣產阿波尾雞，同樣可以無限量追加。壽喜燒除了大口吃肉之外，也可吃到大量蔬菜，色彩繽紛的旬之野菜盛合嚴選新鮮野菜，有心內美(紫心蘿蔔)、春菊、黑皮菇、本菇等，更配有油揚、燒豆腐、日本葛絲等配菜。蔬菜吸滿壽喜燒鹹鹹甜甜的精華，相當入味，也可中和肉食的膩感。天婦羅則有南瓜、白身魚、冬菇及炸蝦四款，全部即叫即製，麵衣粉漿夠薄，色澤金黃，酥酥脆脆，炸得乾身不油膩。吃得再飽也不要忘了任吃四款日式甜品：日本卷蛋蛋糕、紅豆抹茶凍、日式蕨餅及雪糕，賣相貫徹和風料理的簡約優雅精髓。自家製雪糕質感軟滑，冰凍透心涼，尤其適合配搭口味濃重的關西風壽喜燒。蕨餅是日本的傳統的和菓子之一，口感軟糯彈滑，散發抹茶的微瀝幽香。抹茶與紅豆向來都是甜點絕配，大粒甘甜的紅豆與茶色青翠的抹茶凍，甜度亦是剛剛好。日本卷蛋蛋糕口感鬆軟綿密且帶點濕潤，內層鋪滿滑而不膩的忌廉。…Read More