Magic Lantern Grill

💛💙🧡神燈燒有啲唔好🧞‍♂️就係冇神燈幫我燒🥹咁多嘢食，弱小嘅Hatty真係燒到手軟🫠前排屋企人好開心咁帶咗我去燒肉肉🥩雖然唔知點解佢咁high🤣不過既然佢請，就嗌個最豪嘅餐 Level 5啦！❣️Level 5❣️ $588 + $38/ppl早鳥時段係$588/位，星期五六日 公眾假期及前夕每位+$38💕依個套餐可以嗌晒成個menu 嘅嘢食🤪仲會有頂級刺身同埋和牛寶盒添！🧡頂級刺身🧡 每人每樣一客有原粒珍寶帶子、日本牡丹蝦、海膽、日本拖羅，海膽味道濃郁入口即化🤤日本牡丹蝦又鮮又甜，嫩滑度足夠🦐唔沾醬汁食更佳！❤️和牛寶盒❤️ 任食除咗日本和牛，仲order咗其他牛肉🥩用寶盒呈現出來，視覺效果好澎湃！肉肉入面有鹿兒島A4和牛肉眼蓋、鹿兒島A4和牛三國腩、近江牛、澳洲M9和牛西冷、澳洲M9和牛肉眼、澳洲M9和牛牛肋肉🤩Hatty最愛和牛三國腩😍（佢係位於和牛前腳對上嘅腩位，位於第1至第6條肋骨切出嚟嘅三角形位）油花分佈特別平均仲好完美，咬落去有牛油香同濃濃肉味，🥩每一啖都係享受！🤍串燒🤍 任食用竹籤將啲嘢食串起一齊燒，唔知點解咁樣會更加好味😂今次encore得最多就係煙肉車厘茄串同埋雞肉軟骨串！前者有煙肉鹹香又有車厘茄清甜🥓，後者口感爽脆好過癮！🍢💙水產💙 任食咁多選擇，緊係每樣都嗌啲啦！擺盤好靚，令人食慾大增！蒜蓉燒生蠔同埋芝士燒生蠔新鮮又飽滿🦪，如果唔夠芝士都可以額外再向店員拎呀！🧀蒲燒鰻魚同埋黑松露燒帆立貝都好好味！估唔到蒲燒鰻魚咁大份，啖啖肉好滿足！🔥黑松露燒帆立貝鮮甜又滑嫩，再加埋黑松露點綴，又有另一番風味！🤪🤎小食🤎 任食用木盤裝住真係好靚，又係時候打卡了！😂小食即叫即炸，咬落酥脆又好食！忌廉芝士無骨雞翼真係必食，咬落去有嫩滑嘅雞肉🐥芝味濃濃😛🖤飲品🖤 任飲呢度真係傻傻哋😂每個飲品都咁大杯，店員話驚我哋唔夠飲喎🤣第一次嗌嗰杯已經成個頭咁大杯，第二次就同店員講話要細杯啲嘅(不過都有啲大杯)，第三次就話要normal size😝因為想飲多幾款飲品嘛！乜乜冰方面味道係ok嘅，唔會太甜，配料都好足！其實佢除咗依啲飲品仲有罐裝飲品、支裝飲品同埋啤酒、清酒、紅酒、燒酒等等😏💜自助區💜 任食除咗可以手機落單之外，自助區嘅嘢食都可以任食😎豬扒、雞扒、雞翼嘅口味選擇都幾多！仲有一款啱心水嘅！旁邊仲有小菜、小食、雪糕等等，真係太多選擇啦😝依度嘅環境好大😆雖然係Lower Ground Floor，但佢抽風系統做得幾好，油煙味唔大🔥坐又坐得舒服，食又食得開心！(係爭在擦極神燈都冇精靈岀嚟幫我哋燒啫🥹) BTW記得save post，方便向店員查詢有關套餐啦❣️📍神燈燒📍旺角彌敦道565-567號銀座廣場LG樓…Read More

疫情仍然反覆不定，趁未收緊措施，真係要繼續瘋狂咁食食食呀，咁先可以舒解到壓力架嘛。今晚去左呢間神燈燒和牛燒肉放題店, 一坐低覺得環境都唔錯，卡位寬敞，椅背高，有足夠私隱度。格上放有三層架、神燈造型的燒肉汁及原樽粉紅鹽，喺調味料提供方面真心覺得做得好體貼。餐廳用神燈黎做主題，牆身畫左阿拉丁，燈神同茉莉公主嘅圖畫，仲一直播著阿拉丁嘅主題曲，好似去左廸士尼咁😊放題分左3個level，我地叫左lv.2，咁就可以order埋d特飲，安格斯美國牛同水產，價錢每位$297加一。食物款式超過80款，有燒肉、壽司、刺身、海鮮熱食、甜品等，唔洗燈神出黎都可以達成我嘅願望呀。呢度有開心share雞泡魚乾，我見到真係好開心呀，兩面燒至軟身有少少燶脆，燒完剪開一條一條，油脂清香，好好食喔～唔同部分嘅美國牛，啲油脂分佈都幾靚，食落都好重牛味，肉質軟腍；油花受熱後，與肉質溶為一體，汁多味美，即使encore都keep到水準。刺身好新鮮靚，油脂分佈平均，三文魚同油甘魚都係厚切，質感厚實真係好食好多。加埋鮮甜嘅帶子，忍唔住再黎多round，壽司都幾好食，不過太多野食，唔可以試到太多款。叫左d脆卜卜嘅炸物小食，可以一邊食一邊燒。 特飲方面真係好多選擇，好辛苦下揀左綜合水果茶，甜味重，水果係罐頭雜果；然後叫左華田火山脆脆，超級好飲，夠凍夠味夠脆，可惜qoua已滿，試唔到雪糕紅豆冰同失傳左嘅黑牛冰🤣值得一提嘅係竟然可以任飲OOHA嗰隻0糖0卡0脂汽水，送埋Anson lo陪你💗抵呀甜品自助區有氹得小朋友好開心嘅朱古力噴泉同多款蛋糕，唔岩心水仲有雪糕飲食，西瓜同熊貓雪條真係唔係度度有。整體食物款式味道非常滿意，燒肉之餘仲可以食到放題嘅食物👍👍…Read More

今日下午去咗旺角一間餐廳「神燈燒」食燒肉放題 (早鳥時段1430-1900)，餐牌有3個不同選擇，分別是：《Level 1, $238》包括 甜品、小食、炸物、生果、沙律、前菜、豬肉、雞肉、牛肉、其他肉類、特色菜類、其他菜類、熱盤、拉麵/烏冬、迷你石頭飯/迷你石頭飯丼飯《Level 2, $308》包括 Level 1 食物，刺身、卷物、壽司、水產、安格斯美國牛肉、特飲《Level 3, $398》包括 Level 1 及 Level 2食物，黑毛豬、澳洲和牛、日本和牛最後我哋揀咗《Level 2》$308 ，我們食咗：1️⃣ 刺身 (三文魚、吞拿魚、油甘魚、赤貝、北寄貝、魷魚)；估唔到職員將一大盤「刺身船」送上，賣相吸引，各款刺身都幾新鮮，相當不錯2️⃣ 美國安格斯肉眼扒、美國牛頸脊、美國頂級雪花牛小排、美國頂級板翼西冷、秘製壼漬封門柳；可以一次過試晒不冋款式嘅牛肉3️⃣ 蒜蓉燒生蠔、芝士燒生蠔、蒜蓉芝士青口，用簡單嘅配料如蒜蓉/芝士，再配上不同的海鮮，簡單又好食4️⃣ 雞泡魚乾、鰻魚第一次食放題，竟然會有一大條鰻魚供應，正5️⃣ 韓式牛肋條、網燒一口牛牛肋條 又幾好食😋6️⃣ 煙蔥芝士扒大啡菇大啡菇配上煙蔥芝士，一定要試吓7️⃣ 明太子雞翼熱辣辣嘅明太子雞翼，啖啖肉好滋味8️⃣ 椒鹽魷魚鬚、椒鹽雞軟骨9️⃣ 極尚 •特濃花膠滑雞石鍋湯餐廳還提供一些幾得意嘅食物及甜品注意⚠️：星期五、六、日、公眾假期及其前夕 +$28…Read More

神燈燒係一間主打食烤肉嘅放題，佢最大賣點係有多款啤酒可以任飲，如果係星期六日或者公眾假期三點前入座仲可以任食三小時。一坐低，當然拎左野飲先，除左涼茶同汽水，仲有好多款唔同牌子嘅啤酒，Asahi、1664、泰啤、嘉士伯同新力都有，另外仲有清酒。除左罐裝野飲，仲有果汁同咖啡。佢地嘅任食套餐分左三款，分別係Level 1-3，Level 1只可以以揀自助區嘅野食野飲，Level 2就多左水產、刺身、壽司、安格斯美國牛肉同多款特飲，而Level 3就有埋黑毛豬、日本同澳洲和牛。我地揀左最貴嘅Lvel 3套餐，因為係中午時段黎，所以$398/位，星期五六日假期同前夕另再加$28。因為烤肉都冇調味，所以每張枱都放有玫瑰岩鹽可以自己加。堅鮮菠蘿冰＆奶蓋華田火山脆脆 - 菠蘿冰好多菠蘿，味道香甜。華田脆脆都幾濃華田味，上面仲放滿好多朱古力脆脆。芥辣八爪魚伴青瓜 - 青瓜比八爪魚多，不過放題場預左，芥辣味夠出又唔會太嗆鼻，都唔錯。刺身  - 正常放題質素，可以接受。雞泡魚乾&魷魚乾 - 平時居酒屋一客雞泡魚乾都要七八十蚊，估唔到哩度有得食，乾完之後唔會乾柴柴好更咁，同居酒屋質素唔差得遠，必食！燒菠蘿 -  雖然唔係厚切，但燒完之後非常香甜多汁又冇渣。蒜蓉孜然燒茄子&煙蔥芝士扒大啡菇 - 因為茄子同啡菇都比較厚身，所以建議盡早落單，放喺爐邊等佢慢慢燒，燒到佢軟身都要燒一個鐘以上。茄子同大啡菇雖然燒嘅時候我冇補水，但燒完都好juicy，非常好食。水產 - 叫左燒生蠔、燒虎蝦同多春魚，水產都有睇頭，解凍我夠，生蠔有芝士同蒜蓉兩款，都幾厚肉，海蝦蝦肉結實，以任食黎講質素唔錯。烤肉- 因為我地點嘅係最貴嘅Level 3套餐，當然要試晒佢啲靚肉，所以我地點晒全部嘅日本同澳洲和牛，同重點揀幾款美國牛肉黎試。佢地嘅和牛都幾靚，雪花紋好平均，解凍得夠，又唔會切到碎濕濕。豚肉解凍情況就爭啲，不過肥瘦適中食落唔會太鞋。一口牛幾有咬口。牛舌雖然唔係厚切，不過食落都彈口。甜品雖然唔算多，雪糕亦只有雲呢拿同朱古力味，不過Coco berry哩個牌子味道幾出都幾好食。總結，好難得任食可以有咁多款唔同啤酒任飲，就算係最平嘅Level 1都可以，酒鬼最啱。Level 3嘅靚牛質素幾高，不過如果預計唔係食好多肉，我覺得Level 2有晒刺身壽司水產美國牛同特飲都好夠食。QR code落完單都好快上枱，亦冇漏單情況，收碟都快。…Read More