Kobe Fusion Restaurant

返工咁辛苦緊係要食返啲好野慰勞吓自己😍又黎到兆萬食放題!我地晚市時間七點黎到每位$299加一~一坐低可以order咗限定鍋物先,有牛肉壽喜燒、韓式部隊鍋同麻辣雞煲😍除咗鍋物只可以叫一次之外其他食物同飲品甜品都係任食👍🏻電話訂座仲有野送!刺身好豐富😍一黎就點左一大堆,超大盆打卡靚爆🤣三文魚好肥美!蠔同海膽可以加錢任食😋海膽超新鮮超甜,馬刀貝同赤貝都好爽口!牛肉壽喜燒賣相好吸引,配料仲有菇、菜等,湯底較甜,有好香嘅芝麻味❤️食到差唔多仲可以叫配料打邊爐😍配料選擇都好多除咗平時常見嘅刺身、壽司、炸物、燒物,都有好特別嘅和食料理同飯麵😍第一次放題有小龍蝦食!仲有龍蝦湯同松葉蟹粥🦀食物質素都唔錯,黃金芝士燒廣蠔同芝士燒黃金沙律開邊蝦好好食😋整體黎講呢道嘅上菜速度同收碟速度都好快,亦冇漏單情況,張枱亦夠大放唒所有食物👍🏻唔錯…Read More

今日黎到旺角食放題～ 神戶屋日韓放題 第一輪先食刺身 估唔到食放題都可以打邊爐呀🤣 仲可以揀壽喜燒、部隊鍋或者雞煲添😗 仲有好多野食揀呀🤩 刺身、火炙/黑松露壽司、麵類、燒物 料理、炸物天婦羅等等😍 刺身我哋點左好多呀😂 有三文魚、有頭赤蝦、希靈魚、北海道角螺、泰式生蝦、鮑片、松葉蟹棒、厚燒玉子、帶子、赤貝、北寄貝、八爪魚 款式有好多😬 除咗我哋點既刺身之外仲有生蠔同埋海膽😌 熟食方面有辣椒帶子、清酒煮蜆、蕃薯仔、炸雞軟骨、牛油金菇、燒羊架、豬仔骨 啖啖肉😋 最估唔到係有黑金流沙包 熱辣辣流出黎～ 炸物方面有日本芝士年糕、芝士蝦春卷、韓國炸鮮奶、日本香芋丸、吉列廣島蠔、椒鹽豆腐、芥末蜜糖炸雞等等 我推薦芝士年糕同埋香芋丸 呢兩個都好好味😋 壽司嘅擺盤做得好靚呀🤩 有吞拿魚壽司、火炙岩鹽燒三文魚腩、火炙沙律燒三文魚腩、火炙松葉蟹棒等等 比較推薦係火炙類 好好食🤤 仲試埋佢個鰻魚炒飯 粒粒分明鰻魚汁好味🤣 最後最後點都要食埋雪糕先滿足😋 種類都有好多 我哋都揀咗朱古力同埋抹茶紅豆 都好味呀😗 整體來講 呢間神戶屋日韓放題 食刺身之餘仲有得打邊爐 係有驚喜既 同埋除左食刺身 炸物都係比較出色 可以一試呀😬…Read More

每年秋季就是吃大閘蟹的日子～市面上的餐廳推出不少大閘蟹套餐，不過大多數每人只能分得一兩隻，往往意猶未盡……大閘蟹放題絕對是我的首選，吃多少點多少最實際！旺角兆萬這間放題更包普通的日式放題，能夠有更多嘗試。 120分鐘任食爆膏大閘蟹放題 - $529 6時時及9時後入座可享9折優惠 星期五、六、日、假期及假期前夕+$20 大閘蟹 即叫即蒸冒出新鮮得白煙，每隻大約有3至4兩，打開隻隻都有著豐腴的蟹膏；蟹乸的蟹膏好細膩和綿密，質感硬身香口，而蟹公的則較軟身黏糯，蟹肉同樣清甜結實；上碟速度好快，而且無漏單。 有齊吃蟹工具，包括剪刀、手套和濕紙巾，還附上熱薑茶驅寒。 升級大閘蟹放題有不少限定的海鮮包括蒜蓉粉絲蒸扇貝、香辣燒生蠔、鹽燒大虎蝦、蟹粉扒時蔬、蟹粉蟹肉蒸蛋等等。最喜歡蒜蓉粉絲蒸扇貝，大大隻扇貝肉厚鮮甜好彈牙，晶瑩剔透的粉絲吸飽蒜香和扇貝水份。  還可以點選普通放題的食物，包括刺身、壽司、熟食、燒物、炸物、甜品等等。 刺身方面，一共有十八款刺身，如三文魚、海膽、赤貝、蟹柳、馬刀貝、赤蝦和帶子等等，厚切的刺身特別有口感，好新鮮。 鍋物方面，選了香辣惹味的奇味雞煲，裡面全部都是雞中翼，特別皮薄肉嫩，充滿四川香料味。 壽司方面，有多款手握壽司、軍艦和手卷等等，火炙三文魚逼出豐溢的魚油；花之戀被多片肥美的三文魚包裹和蟹籽沙律醬。 燒物方面，即叫即燒帶微微香烤味，海蝦好新鮮彈牙；燒牛舌肉厚軟嫩中帶微煙韌，滿佈黑胡椒香；還有燒羊架、燒廣島蠔、燒菠蘿等等。 炸物方面，即叫即炸特別金黃酥脆，榴槤炸彈有濃郁的榴槤流心；炸鮮奶咬開軟嫩的牛奶；芥末炸雞和他他醬炸雞外酥內軟，毫不油膩。 熟食方面，蒜香一口牛的牛肉好大塊，肉質軟腍，牛味濃厚富蒜香；咸蛋黃金蝦的鮮蝦仁滿佈甘香的咸蛋香，還有麻辣小龍蝦、泰式鳳爪等等。 飲品方面，有多款罐裝飲品及紙包飲品，還有酒類飲品嘉士伯啤酒。 甜品方面，每位包一杯MÖVENPICK雪糕外，還有多款高質的韓國雪條，如LAVELEE藍莓乳酪雪條和30%芒果雪條，有著濃厚的果香；也有不少店家自製的甜品可任取。…Read More

呢間放題因為開到12點所以我先去食，因為嗰晚出去旺角都9點半，其他都好似11點左右收，所以就上咗呢間。上到去職員安排坐位都已經有少少亂，不過都算數。有位坐就得了。職員多次提醒叫我哋早啲order，因為好多嘢都即叫即做驚等得耐，咁我同朋友就叫咗一個雞煲，同埋刺身啦。刺身都尚算新鮮，但係我哋take咗嘅數量，同埋款式，永遠都唔齊嘅。仲有個雞煲嚟到嘅時候，我哋嗰啲驚訝，好似食淨咗嘅雞加水俾我哋，最好笑係個職員問我哋係咪食完，我話我哋都未掂過已經係咁嘅樣。總括嚟講，呢間放題成日漏單，雖然侍應多次提醒同埋埋你問有冇嘢漏，就算講咗漏啲乜，永遠都唔會齊。如果唔係咁夜冇其他放題都應該唔會揀呢一間。…Read More

大家會唔會有一個小時回憶嘅地方神戶屋係我每次小學、中學朋友聚會到大個公司同事聚會都去嘅地方雖然以前地方窄 10個人照塞埋去坐大家好Close咁食個放題係開心嘅依家因為疫情過往個年都好少食放題好少再10個人坐埋一檯但係再到神戶屋食放題都係有驚喜今次趁母親節同左媽媽去食小窮J嘅母親節禮物🥲🥲幸好媽媽都食得開心#咁爸爸節都可以🤪🤪🤪🤪🤪好開心神戶屋加左火鍋 #定係不嬲都有？有壽喜燒、韓式部隊鍋同四川辣雞煲揀我地揀左壽喜燒，但係覺得下次可以試下部隊鍋提提大家肥牛填1係會黎大大卷🙂#我臨尾填左3🙂刺身嘅蝦都有幾種有頭 無頭 大蝦 同生蝦都甜都可以試三文魚都切得幾厚炸物我中意食炸芝士同炸鮮奶甜品有好多好新款嘅雪條😍趁呢排openrice做緊特價可以重返一戰😇…Read More

講起食放題我第一時間諗到呢度！ 今次已經係第三次黎食喇 食物既水準都keep到 而且3小時任飲任食收費都只係$179起（指定時段） 真係好抵食 性價比真係非常之高！值得一讚既係食物選擇都幾多 燒物、刺身、壽司、熟食、炸身及甜品等等應有盡有 點餐紙由英文字母A排到J今次叫左個期間限定既「日本和牛壽喜燒」 黎試試 都幾驚喜 牛肉既份量好多 一d都唔孤寒 而且牛肉既質素唔錯 下次黎食都會再嗌另外刺身同熟食既水準都唔錯 尤其係刺身 色水好靚夠新鮮 推介泰國生蝦刺身、三文魚刺身同埋希靈魚刺身 我地嗌左幾轉添呀！燒羊架亦都唔錯 好入味好香孜然味 而且燒到岩岩好 唔會太生 同時肉質仍能夠保持juicy味美而佢地既服務亦係非常之抵讚 店員好主動咁問我地d食物到齊晒未 需唔需要幫我地跟進 呢d真係加分位黎ga!…Read More

好難食，絕對唔會有下次，就算係黃店又點？啲好評唔係咁樣比，認真討論。錢比咗得啖氣，又難食，比啲心機啦黃店。刺身 - 第一輪可以接受，但我嗌4片鮑片你比10幾塊，嗌10隻甜蝦比4隻👎🏻去到後面我就開始淨嗌甜蝦，因為其他真係唔係咁好食，如事者每次嗌10隻，每次比4隻。咁last order我都好聲好氣話，可以比足啲嗎？結果6隻我再問，佢地答我，今日甜蝦賣哂，咁可以轉帶子嗎？佢地答cut咗order。咁你賣哂我想轉都好正常姐。。。最搞笑係，過左半個鐘佢比一兜溶冰底10隻甜蝦我，我食唔食好？留意返，時間係4點，我2點入座就4點last order，6個鐘放題12點開始，大家嗌野食自己就時間😉其他有啲枱我後尾聽到5點3 last order，唔知佢點作準。其他炸物 - 亂咁上，冇落過order嘅照上比你，咁我咪當試下囉。不過好油，唔推薦，連芝麻雞翼都好難食天婦羅 - 由第一張order落到last order終於有3隻蝦上咗，蝦ok嘅，係粉多啲燒物 - 燒牛舌 - 係灼完再燒，所以咬落去會好淋，冇燒嘅爽口感羊架 - 可以試，好重香料味燒菠蘿 - 又係灼完再燒，好難食，唔係正常嘅燒菠蘿心太軟 - 其實係Brownie咪出聲，唔好扮心太軟，定心太硬？其他野食我冇乜評論，食得落肚但唔會係好食，有推薦嘅，就係佢送嘅兩舊海膽，係ok嘅，葵廣手卷上面啲海膽嘅水準，唔臭嘅唔好意思我冇乜影相，因為我冇諗過要打食評，但係最後嘅態度我真係忍無可忍，所以同大家分享，都留意係第一篇食評。黃店唔係大哂架，唔好持住呢樣野去呃人上黎食。態度亦好重要，你班侍應後生唔緊要，可能你請班手足，但唔該你教好佢地，仲有，煮到咁難食，係浪費食物🙂…Read More

減壓既最好方法當然就係食啦，今次一於去大解放一下，盡情咁食我至愛既放題。晚上7時來到，幾乎滿座呀。刺身類選擇都好多我地幾乎差不多試哂，點了三文魚、甜蝦、松葉觸棒、厚燒玉子、珍寶帶子、象拔蚌、有頭甜蝦、北海道角螺、希靈魚、鮑片、激巨赤蝦、迷你北寄貝和八爪魚。最欣賞佢竟然有象拔蚌，呢樣係其他放題比較少有既。珍寶帶子壽司和藍鰭拖羅蓉軍艦壽司份量較細，咁樣就可以試多幾款，藍鰭拖羅蓉好鮮甜，紫菜夠脆，果然係新鮮即整。日式茶碗蒸蛋好滑，香濃蛋味。芝士燒黃金沙律開邊蝦開邊蝦雖然細隻，但超有咬口，用芝士燒好香。另外仲有沙律/日式前菜、唐揚炸物/韓式炸物/天婦羅、日本和食/一品料理/韓式料理、迷你手卷、火炙壽司/黑松露壽司、麵類、火鍋名物等等。自助甜品，款式不算太多。雪糕也是自助的，是雀巢雪糕。飲品也是自助的，除酒類外，其他任飲。…Read More

好一段時間無食放題了，今日難得同媽咪撐檯腳，決定請佢食餐放題放縱一下！講到旺角放題，少不免都會諗到兆萬，係樓下派傳單嘅員工努力推介之下，今次就黎到位於8樓嘅神戶屋。對於樓上放題，我嘅印象都係環境逼夾，但呢度反而座位都幾闊落，由於都比較早嚟到，所以仲可以坐到卡位添。呢度店員服務態度值得一讚，一坐低先係同我地介紹食物分類，落單安排等，主動問我地需唔需要點精選鍋物先，態度好親切首先打頭陣嘅係一盤好精美嘅刺身海膽同生蠔係按人頭比，不過都大大啖！欣賞佢地生蠔好乾淨，望落新鮮，至少外觀都比到食客信心先啦唔洗幾耐即刻上埋個部隊鍋，入面啲料堆到成個鍋都係，有金菇、厚切午餐肉、腸仔、年糕等，仲有好多塊芝士。隨鍋仲附送一包辛辣麵，加埋包辣粉入鍋煮更加惹味雖然哩個咁足料嘅部隊鍋對於食放題黎講，係會霸左肚入面唔少位置，不過係幾好味嘅，媽咪特別喜歡燒物方面推薦嘅有羊架，唔會有騷味，同埋肉質嫩滑。另外炸物同天婦羅都相當出色。熱辣辣唔係一早炸起，天婦羅個皮略嫌厚左少少，不過唔會皮肉分離，炸到卜卜脆，特別喜歡佢嘅天婦羅多春魚，多春魚嘅春無苦味，炸完都食得出幾肥美，唔錯哩度嘅芝麻雞翼都好抵讚，皮薄香脆，唔似出面有啲皮好厚。芝士年糕好煙un，芝士味淡淡的最後仲叫左份韓式炒豬頸肉，肉質彈牙爽口，醬汁甜甜地，好開胃。我同媽咪兩個人清晒以上嘅野食後，已經係飽到食唔落甜品🙈哩一餐當係提早同媽咪慶生，好彩野食好合佢心意，仲讚不絕口！相信下次一定會成家人再黎…Read More

食過返尋味指數：🌕🌕🌕🌗🌑放題都真係食過唔少間，不過近排越食越少可能年紀大，食量細左好多選擇又多左，大家都開始揀擇左，齋量多真係完全唔OK陰差陽錯黎左兆萬，揀左哩間放題非常非常surprise 今次竟然唔洗等lift可能係因為閒日，唔洗排隊都有得入座環境正正常常，D位安排都OK，好多卡位，傾計安全感都OK佢D落單紙係一格格分開擺嘅，所以拎得好方便比起其他果D成本要自己撕落黎嘅，哩間咁樣開心D選擇都多嘅D刺身都算幾新鮮wor，有驚喜除左刺身，都仲有小邊邊爐食壽司D款色都好多哩個牛舌真係冇得彈...真係因為太飽如果唔係我應該可以食到10件最抵讚係有Hoegaarden吖！真係好開心！一人仲可以送一隻生蠔或者海膽服務質素都可以比個B+好快手，而且都有禮貌，冇見到黑口黑面嘅出到黎見到咁多雪條有得揀，其實真係好心動咁嘅價錢，有咁嘅質素，都真係好抵食我真係食得好辛苦，爬牆出去整體experience好開心…Read More

好同事生日，佢話想食放題。。於是上網搵啦！見呢間評語唔錯而且仲有嘢送。。。就試試啦！我地bk咗八點，但遲咗。。。但意外佢安排間獨立房比1我地因為限食兩個鍾，所以快速點嘢食。。。以我地食放題嘅經驗，佢嘅款式唔多，飲料款太少！而且雪糕雪條無任食。。。呢幾方面比較遜色！響旺角咁多選擇嘅地區，真係要再落多少少心思先可以再引到d客喇！…Read More

同朋友食新年飯，一同3人上網搵到喱間放題，見有優惠卷晚市2.5小時任食任飲，$179/位+$79服務費，比wall in食抵少少，地點都方便在兆萬中心，所以就試下啦。一到達時都有大約8人等枱中，我地訂咗枱大概等10分鐘左右，等的時候已比點菜紙你剔定先。然後我地坐底後就馬上比點菜紙，上菜時間好快，5分鐘左右就上咗刺身，刺身幾新鮮夠凍，口感都好好唔錯，刺身是好味的之後熟食都好快上菜，熟食質素就麻麻地啦，比較失望。首先芝士焗蝦/芝士焗帶子的芝士較乾身，蝦肉較霉；燒牛舌都唔錯，中規中矩；清酒煮硯和中式炒硯都麻麻地，硯肉霉身唔知煮咗幾多次，特別係清酒煮硯根本無味道，未食過咁難食既清酒煮硯，失望；蟹粥味道幾好幾有蟹味；但碗粥是唔熱又唔暖，偏凍身點食呀粥黎架Ok既食物有：燒雞肉串，甜甜地唔乾身；雞亦不過不失，肉質算滑但味道無咩特別；一口芝士/芝士年糕/炸鮮奶都唔錯，不過每樣食一粒都夠膩；茶碗蒸的蛋好滑口有蛋香，不過較淡味；鼓椒魷魚鬚都幾好味夠入味，咬口都幾好唔會太韌好味有水準的食物：刺身夠鮮甜同凍，特別是甜蝦同三文魚，讚👍；鹽燒大蝦肉質爽口唔乾身；韓國雪條，試咗款藍梅乳酪雪條，唔太甜好有乳酪味，好味，仲試咗波子汽水味冰棒，好味但有d甜；團購送的海膽+生蠔都好味呀，唔腥的總結：食物質素+味道偏向一般，上菜速度超快速，5-10分鐘說上菜啦，職員服務都好好，好快回應食客，抵食程度價錢就一般啦，旺角好多同樣價錢但再好味d，不過飽肚程度就100分啦，食咗唔係好多野就已好飽…Read More

今日同老友食開sem飯，落到旺角決定係神戶屋放題😊👯‍♀️身為蝦刺身迷既我，見到oder紙上有唔同種類既蝦刺身，超開心😆😆。。。三文魚紋路清晰，超厚，咬落十分肥美，好幸福🤧😍😍。。最正莫過於有頭甜蝦刺身，又滑又多汁😙🦐，非常鮮甜除了刺身，還有其他種類野食。牛舌食落彈牙，口感十足🤤雞肉串既醬汁超濃郁，食落非常開胃，我哋食完後又再追加左6串🤩🤩。另外，我同老友order左一個壽喜燒，waiter事先很貼心地係表面擺左d和牛，只需等到湯滾後，用筷子輕輕壓落去拾下就食得😆，此外還可以追加肉類🍖🥩🥩同面類🍜。總結而言，服務數質佳，性價比高，野食種類多，適合聚會。👯‍♀️👍👍…Read More

朋友話好想食放題，我之前聽過屋企人提過哩間，所以就建議朋友食哩間！而且又俾我訂到位，真係爽丫丫🤗🤗🤗哩盤刺身一到，大家都嘩嘩嘩，因為好正正子啊！大家都忍不住手機食先😍😍😍我啲口水要流了，快快讓我開動🤤🤤🤤牛肉鍋，自己煮，好味道🤤係馬拉盞通菜啊！估唔到可以食放題都有得食，開心開心☺️☺️☺️天婦羅，哩間有比較多款式嘅天婦羅呀！ 枝豆可以解油炸感覺，咁樣點菜一絕😍😍😍我第一次食多春魚天婦羅🍤😍😍😍清酒煮蜆，清酒帶出蜆嘅鮮甜，蜆肉冇沙，一讚❤️鹽燒活海蝦，好新鮮好實淨，好味呀！🥰🥰🥰芝士燒黃金沙律開邊蝦，一人一兜，唔好爭🤗🤗🤗雪糕櫃要讚，好多韓國雪糕，記得留肚😆😆😆飲品多選擇，一定有一款鍾意架，正☺️…Read More

今日同男朋友黎兆萬中心，大家返屋企都方便，所以經常在這邊食晚餐。我們今日選擇了放縱一下，食日韓放題，可以食不同美食！環境都幾大，又有房間（比訂多的客人有自己空間）食物選擇真的好多，有：壽司、刺身、串燒、炸物、麵飯、火鍋、甜品等等，一定有適合的美食。(寫好數量、人數、枱子號碼）服務都幾好，服務生好有禮貌又幫忙收碟，而且無漏單、點了的都好齊的送上。飲料有2個冷櫃可以自助領取（包括：汽水、茶、蘋果紙包果汁、酒類等）還有熱的茶或水。坐下來服務生就送上前菜、介紹畫紙的食物種類！刺身好多好豐富！好大碟又吸引壽司細細件，有唔同的款式，都幾美味！燒海蝦：好大隻又爽口！燒菠蘿：多汁又香口！甜甜的！炸物：芝麻雞翼、韓式芥末雞翼、炸芝士、網紙蝦卷等等！最愛榴槤炸彈、芋頭丸、天婦羅等，好好味又香口！好熱辣辣！燒羊扒：好香口好入味、軟腍又美味蔬菜好健康，當然唔少得； 這個避風塘炒通菜及炒芽菜，好香口又微微辣！甜品有雪條、雪糕等，好開心…Read More