Nadaman (Kowloon Shangri-La) (Kowloon Shangri-la Hotel, Hong Kong)

好難得先搵到係尖沙咀啱我口味嘅日本料理，今日就一於來到尖東九龍香格里拉酒店嘅日本料理餐廳Nadaman なだまん，裏面座位寬闊，環境舒適，招呼一流，食物質素非常好👍🏻👍🏻👍🏻，今日叫左個二人刺身，有五款，包括有油甘魚，とろ，象拔蚌等可以選擇，跟著叫左兩個定食，一個係銀鱈西京燒膳，另一個係天婦羅膳，裏面有前前、蒸蛋、miso soup、白飯和甜品等，雪糕有不同口味選擇，包括我最鍾意嘅綠茶😋😋😋最後食多條燒鰻魚，十分滿足。…查看更多

今次係九龍香格里拉既staycation因為之前酒店出左個零房價優惠book套房可以得到四千幾蚊credit免費食晒中日意三間餐廳而我地第一餐就係去食日本菜灘萬另外港島香格里拉亦都有一間同名既灘萬咁好多酒店既日本餐廳都係外判既好似半島今佐馬哥孛羅西村四季鮨齋藤全部都唔用得dining credit既但係尖東既酒店好似香格里拉灘萬帝苑四季菊千禧新世界嵯峨野全部都係自家餐廳唔計以前係熊貓酒店食放題好似真係第一次係酒店食日本菜餐廳係地庫二樓由大堂搭扶手電梯或者升降機都可以落到去出lift轉個彎就係灘萬門口就無乜日式感覺後面宴會廳果邊無睇清楚好似賣緊樓咁酒店餐廳門口好少有既menu證明呢度應該坐唔滿成日會有walkin客入去有塊巨型牆我地安排坐係近入口既四人檯每人有個餐盤頭頂吊燈雖然近門口亦都同格離距離近不過餐廳人流唔多而且四人檯都寬落所以私隱度都足夠而佢另外都仲有卡位紙口罩套金色餐牌其實即係門口睇果個懷石料理餐牌我就揀左7道菜既令和三年迷你懷石女朋友就揀左set lunch入面既和定食彩第一次係香港食呢種類似係溫泉旅館食既日本菜就唔知稱唔稱得上fine dining亦唔知平時係點樣上菜咁今日都算係續度菜上既我既第一道前菜紫菜加日本山菜平時唔食菜既我都可以放到入口咁女朋友果份定食就都叫做分開左四道菜咁上不過節奏就同我有少少唔同第一道係前菜同茶豌蒸正常發揮另外單點左份飽片海膽兩片細細份58蚊性價比好低第二道大家都係刺身我果份係吞拿魚同鯛魚另一份都係吞拿魚唔同既係變左油甘魚同蝦呢度刺身就唔算特別鮮不過不失咁未食完刺身再上左懷石料理既第三道季節特選咁樣排到七樣野真係幾精緻同埋發覺九香都幾鍾意自家製豆腐香宮又有道菜係自家製豆腐但我最後唔記得左叫定食既第三道就已經係主菜一次過上晒天婦羅,燒魚,湯同白飯最最最特別係燒魚雖然無寫係咩魚但樣同味道都好似另一份定食既銀鱈魚西京燒好好食所以我地一致都話無叫錯呢個定食因為比起銀鱈魚西京燒個定食仲多左個刺身我食完個季節特選之後就一直望住女朋友食主菜到女朋友食完個主菜我先上個煮物薯仔鰻頭變番佢望住我食呢份好特別入面係牛肉黎味道都唔錯算係成個懷石料理最好食既一道第五道係燒物燒三文魚同燒豬腩肉兩件都配上蘿蔔其實都OK不過定食果份偽西京燒真係無得輸食完煮物最後先上飯仲有湯同定食唔同無其他主菜跟諗住咁樣點食呀但原來櫻花蝦飯就咁食已經有味又幾唔錯洗手間時間九龍香格里拉應該所有餐廳都無廁所全部都要出番門口外面樓層共享既地庫二樓既廁所就好一般無乜特別咁似朗廷原來餐廳入門口左面門仲有個鐵板燒既位就唔係幾覺眼佢地有鐵板燒套餐最後執晒野先一齊上既甜品定食跟既係雪糕有幾款味可以揀女朋友就揀左抹茶味懷石既特別少少焙茶布甸幾特別食左七道菜而且中間上煮物之前都等左一段時間但原來又唔算食左太耐都只係由十二點半食到兩點三左右唔夠兩個鐘兩份午餐加個單點飽片埋單大約一千蚊免費黎講都可以接受但如果自費既話我諗出去食番壽司或者魚生飯會開心好多始終係香港都係食開呢d不過餐廳都有唔少日本客幫襯唔知佢地會唔會覺得呢度都算正宗呢同埋侍應穿著和服亦可以用日文對答有口音可能真係日本人黎都算有禮不過就無乜酒店feel更加唔似米芝蓮餐廳咁熱情如果下次再食呢類型既日本野應該會係去千禧新世界玩另一個零房價食嵯峨野不過而家套房價貴左好多都唔知仲玩唔玩好…查看更多

::: 二人世界食漫長懷石料理 :::9月5日, 呀菲呀比拍拖12週年紀念大餐! 因為家有新生兒嘅關係, 我地兩個都好少夜媽媽出街二人世界啦~ 就趁今晚呢個特別日子, 特登book咗出名食懷石料理嘅呢度嘆番一餐美味嘅晚餐~::: 葵 懷石 ::: $980::: 前菜 :::左起細細杯嘅係燒松茸 黃韭 菠菜卷 鰹魚汁, 其實即係少少菇少少菠菜少少黃韭撈埋鰹魚汁嘅冷菜~ 菠菜十分鮮嫩, 鹹鹹鮮鮮的幾開胃.左二係自家製鵝肝玉子豆腐併新鮮無花果, 呢個玉子豆腐好特別, 食落蛋味頗濃, 但又好滑, 入面滲出淡淡嘅鵝肝味. 新鮮無花果香甜, 為玉子豆腐更添甜美~左三係網燒牛肉壽司球 蓮根煎餅, 好有趣的用網燒牛肉片包著的波波壽司, 還有一片用蓮藕做的薄薄煎餅, 網燒牛肉肉質軟嫩, 但牛味不算重, 呢件普通.最右邊係饅魚橄欖串, 好fusion嘅前菜, 又鰻魚又橄欖咁. 但由於兩樣食物呀菲本身都麻麻地, 所以只係覺得一般般...::: 壽司 :::三件火炙壽司, 分別有吞拿魚腩、鵝肝、松茸.一定要讚吞拿魚腩, 係我食過最油潤之一款嘅大拖羅! 可以見到刺身分成三個單位, 面頭輕輕燒過令佢d油更加溶出黎, 整舊壽司入口即溶好好味!火炙鵝肝壽司口感則外脆內嫩, 濃郁鵝肝味加上紫菜竟然又十分配合~ 好味!松茸相對味道較淡, 但松茸味道絕對令人齒頰留香~::: 炸物 :::呢個炸粟米 南瓜 椎茸 野菜蝦天婦羅好有趣, 好似個野菜餅咁~ 要讚嘅係佢下面塊索油紙係只係得好少油, 整件天婦羅香脆唔油膩, 好味!::: 煮物 :::煮饅魚 蓮芋 花穗 配梅肉醬賣相好特別, 煮法亦係第一次試~ 就咁清煮鰻魚件, 雖然唔好食鰻魚但睇都睇得出佢嘅肉質極度鮮嫩, 結實彈牙! 配埋鮮爽嘅花穗, 點埋酸酸甜甜嘅梅肉醬食, 又一清新鮮味配搭.::: 燒物 :::松茸 鹿兒島和牛薄燒 夏野菜又靚又健康嘅一道菜, 和牛薄燒包著松茸本身已經好惹味~ 配上合時新鮮野菜沙律, 只恨佢份量太少了~::: 燒饅魚配山葵糯米飯 :::又係鰻魚~ 不過今次係燒同埋配上糯米飯. 糯米香軟味甜, 配上醬汁鰻魚有點箱壓壽司感覺. 上面一小撮鮮磨山葵, 辛辣但不太刺鼻, 也ok.::: 吸物 :::豆腐清湯之前d菜式味道都略濃, 呢個湯就相對可以清清味蕾.::: 甜品 :::鮮果拼盤有紅石榴巨峰提子同梨, 紅石榴酸甜解膩, 巨峰提子十分甜, 梨則清爽, 為整晚盛宴做好總結!::: 壽司懷石 ::: $880::: 前菜 :::左起都係d菜配鰹魚汁嘅涼拌. 反而隔離冷豆腐好味! 外面係有少少炸過好似腐皮咁, 但內裡依然十分嫩滑~ 清清地又富豆味~ 超正!::: 壽司 :::叫得壽司懷石, 呢道都算係主打! 分別有甜蛋、唔記得咩魚、蟹肉、吞拿魚腩!要再讚件吞拿魚腩, 入口即溶, 充滿油香, 超好味! 蟹肉壽司亦十分鮮甜~ 魚生爽口, 甜蛋軟嫩, 全部都好出色!::: 刺身 :::都唔記得係咩魚, 但切得薄可透光, 味道較清, 但十分爽口.::: 煮物 :::煮鯖魚同野菜雜燴, 有蓮芋、紅蘿蔔、南瓜、菇等~ 根莖類蔬菜都煮得軟淋入味, 反而鯖魚肉質較實被比下去.::: 燒物 :::呢味燒鱈魚都幾好味~ 肉味濃而且油潤, 醬汁更能帶出魚肉鮮味~ 不錯.::: 粟米珍珠米飯配漬物 :::珍珠米飯混入粟米夠哂香甜! 有無漬物陪襯都已叫人滿足!::: 吸物 :::看似普通嘅麵豉湯其實亦認真製作, 唔會一味死鹹, 亦食到食材味道.::: 甜品 :::甜品比葵懷石普通d, 只係一球黑芝麻雪糕, 但都好好味~印象中應該係第一次同呀比食懷石料理, 對於由師傅拍板而我地係嚟到先只有咩食嘅菜式其實算係好對胃口~ 而且侍應對食物都會細心介紹, 環境優雅安靜, 真係好適合情侶拍拖或者斯文見客. 讓我地作為新任爸爸媽媽過番一個浪漫的二人世界夜~ …查看更多

上月 Eric 公司與九龍香格里拉酒店的灘漫日本料理合作，舉行了一次Sake Dinner。以六款來自不同酒莊、各具特色的日本清酒，配襯六道菜色的懷石料理。豐富的料理，雖然沒有太多貴價材料，可是當中不少菜色需要極多心機和手工，品嚐的是廚師的巧手與心意。連同無限量供應的美酒，每人總共只收 HK$1500，非常超値。另一間同級日本料理的師父看過這個菜單後，說他們要收 HK$5000 才成呢！開餐之前，先以醉鯨 吟之夢60% 特別純米釀，作為 starter。這是日本人的一種乾杯酒，必要一杯盡乾。日本清酒分薰酒、爽酒、熟酒和醇酒四種。這醉鯨是屬於「薰酒」一類，米味芬芳輕盈。每上一道菜一款酒，來自東京的 Sake Sommelier（清酒品酒師，日文稱「唎酒師」）松田成史，會與食客解釋每隻酒的歷史、釀造細節、味道特色等等，眾嘉賓都留心聽着、津津有味。「先付」十分豐盛，有新鮮蟹肉、天豆伴藍芝士、鯛魚壽司球、牛肉露荀卷、味噌醬燒竹筍。 每樣都滋味不同：薄牛肉香軟嫩滑；味噌使竹筍味道更顯清甜；鯛魚壽司球口感鬆化，咬下去有鮮魚破飯而出。配的是越乃梅里 五百萬石 純米大吟釀，用五百萬石米所釀成，屬「醇酒」類別，米味豐厚，可以襯托味噌、牛肉、藍芝士等較為濃味的食物。第二道菜是刺身，有金槍魚中拖羅、油甘魚、以及極難得的九繪魚。可能受到地震影響，以 Nadaman 的水準，刺身品質只算一般。可是配上這白鷹 超特選白鷹 純米吟釀，食物的味道竟然得以大大提升。而此清酒淨飲時入口較強，像我這樣不常沾酒的人不能多喝；不過配合這些刺身後，酒味卻變得柔和起來，可見酒能增添食物美味，而食物能改變味蕾對酒的感覺，變化多端。 這瓶白鷹也是屬於馥郁豐醇的「醇酒」，與味道強烈的 wasabi 和豉油，配合得宜。 接着是「煮物」 ：時令春荀土佐煮配鯛魚籽旨煮。春筍多汁爽脆，加上鯛魚籽更是鮮美。三芳菊 織繪 純米吟釀的「三芳菊酒莊」以香味濃郁為最大特點。此酒是「薰酒」的一種，酒中帶有清新花香，與春筍極之匹配。 「合餚」是燒帆立貝菜花沙律賓伴梅肉醬，右邊紅色的是梅醬，非常之的酸澀。 幸好配起味道豐富復雜、很有 aftertaste 的「熟酒」清酒太平山 天巧 純米大吟釀，完全不會排斥，sake 還顯得更加甜美呢。 來到「燒物」 ，是味噌醬燒日本"魚春"魚、酒盗醬炸海竹蝦、以及日本青瓜伴梅肉味噌醬。 魚柳是說不出的嫩滑香口，加上厚厚的味噌醬，簡直好吃得舌頭也吞下去。 清酒是竹之露 白露垂珠 出羽燦燦 純米大吟釀，「醇酒」，亦是「生原酒」之一，即只經過一次過濾、最原汁原味的清酒。 最後是「食事」 ：越前蕎麥冷麵伴辣大根炸蝦。蕎麥麫清甜煙韌，麫汁亦不同凡響！配襯天領 純米吟釀，相得益彰。這是一種「爽酒」 ，充滿新鮮爽潤的口感。 甜品是自家製日式橙Jelly 配鮮什果粒，單是看照片就可想像到多好吃了！ 「廚師長」小島孝夫也是東京人，這次出色的菜單便是由他負責設計。當他出來致謝時，大家都熱烈鼓掌讚揚。食家老前輩唯靈、劉健威、少年食神 Michael 等均是座上客。他們大讚酒的精采，又在菜單上認真地做筆記，寫下每種清酒的特色和評語。唯靈叔叔甚至對 Eric 說：「餸菜不錯，但配不起你的 sake 啊！」最後眾來賓舉杯互祝，結束了完滿的一餐。這次 Nadaman 的 Sake Dinner 搞得非常成功，相信很快就有更多 Sake 配日本或各國料理的活動。…查看更多