伊賀日本燒肉料理

雖然表哥一家都去過好幾次日本關西，傾開偈，原來都未曾試過食日式燒肉，所以，專登搵個星期日晏晝，一齊去試試。晌FB見到呢間「伊賀」，燒肉放題任食兩小時，有唔少優惠，再睇睇風評不俗，而且，午市食燒肉放題又有75折，午市相信亦無咁多人，招呼都應該會好啲。餐廳佔食廈全層，中午12:45pm到達，甫進入餐廳，意外地無乜客。環境一貫和風裝修，以卡位佔多數，卡位挨背刻意設計高啲，減少前後枱嘅騷擾。我哋被安排坐晌窗口位，落地大玻璃，雖然只喺樓景，但感覺開揚好多。而爐嘅抽風，採用上下式抽風，感覺不俗，不過，由於我哋燒嘅時間客唔多，評估唔到整體抽氣能力掂唔掂。一般放題店都備有多款點菜紙，但「伊賀」就型格啲，以平板點菜，操作簡易，好處梗喺夠晒環保啦，而且，缺貨嘅食材亦一目了然。但有好亦有壞，壞處喺一枱一部平板，成日要傳嚟傳去俾其他人睇有咩選擇，亦唔及一眼見晒所有食物般方便，經常要「碌嚟碌去」搵食物。更要小心一點喺，雖話放題，分類包括刺身、小食、野菜類、燒物、海鮮類、炸物、壽司，但平板內並非全部嘢喺任點任食，例如酒類、飲品類、另外追加類，有個銀碼顯示晌下面，就知要額外收費，故稍不留神，隨時誤墮陷阱，餐飯就使大咗。刺身船晌官方FB專頁表示2位送刺身船， 4位送鮮活魚刺身或海膽船， 8位送鮮活龍蝦刺身船＋龍蝦粥，但只限晚市，有啲可惜。不過，午市人客唔多，刺身有時間擺到靚靚仔仔，燒玉子卷、松葉蟹棒、甜蝦、八爪魚、三文魚、榮螺肉，整體質素都算唔錯，甜蝦好鮮甜，三文魚夠油潤、榮螺肉爽口柔韌。墊枱紙有簡單嘅燒肉鮮說，燒牛肉就放中間大火鎖肉汁，燒雞肉或豬肉就放爐邊細火慢燒，咁燒海鮮又點燒呢？野菜類又點？老實，張墊枱紙講得過份簡單，只好一笑置之。其次，留意到墊枱紙左上角有幅「伊賀燒肉頭盤」插圖，喺店家嘅燒肉捱介？伊賀燒肉頭盤除咗隻刺身船，未落單先再嚟一碟「燒肉頭盤」，晌墊枱紙就列出安格斯牛肉、加拿大醬油豬頸肉、加拿大醬油豬柳蓋、極上牛小排、牛舌、比利時五花肉、薄切裡肌肉及伊賀一口牛，不過，到正式送嚟嘅喺安格斯牛肉、豬頸肉、五花肉、裡肌肉、一口牛，無咗豬柳蓋、牛小排、牛舌，但多咗單骨雞翼，所以，碟所謂頭盤都喺花巧嘢，有咩出咩咁啦！分開幾次燒，由於所有嘅肉都切得又薄又細塊，基本上放爐中好易燶，放邊位燒就穩打啲。安格斯牛肉同一口牛幾好食，有肉味得嚟又有油香，不過，最好食反而喺啲雞翼，又香又惹味。墊枱紙話啲豬肉有醃過，豬頸肉就喺，但啲五花肉點睇、點食都唔似醃過，幸好枱上備有芝麻醬油，再唔喺晌平板選項中，有醬油一欄，蒜蓉、海鮮醬、酸辣汁、燒烤酸汁……多款供選取。所謂小食類，其實「垃垃雜雜」，有沙律、湯品、白飯、烏冬、冷盤……等等，睇勻興趣都唔大，只喺點客沙律開開胃。伊賀沙律始終喺嚟主打食燒肉，其他類別就隨意點點，小食就點咗客伊賀沙律，初時，仲諗住用得店名冠名，應該喺大製作，原來喺三文魚、蟹籽配點生菜，淋上油醋汁，食味……OK啦。基本上，炸物喺人都啱，所以，我哋點啲炸物當間場兼過過口癮。炸物類選擇多多，超過廿款，故此，我哋都前後點咗幾轉，第一轉就一口氣先點3款。香芋丸、芝士年糕、吉列炸蝦一擊即中，3款都好好食。香芋丸炸得外層甘脆，咬落軟滑充滿芋頭香；芝士年糕口感軟糯煙韌，淡淡芝士香，好食；吉列炸蝦雖然細隻咗啲，但仍有份鮮甜味，脆而不膩。帆立貝、虎蝦、墨魚咀回本心態就梗喺要燒海鮮，不過，海鮮類選擇唔算多，叫有9款，但已經無咗蟶子、活蜆，有啲睇落麻麻哋，所以，點咗帆立貝、虎蝦、墨魚咀。帆立貝喺伴芝士，非蒜蓉，但成品同樣美味，不過，啲帆立貝比較細隻，無乜肉地，口感一般；虎蝦就好唔錯，雖然並非最大呎碼，但入口爽彈，蝦味算濃；墨魚咀明顯喺貪得意叫一客，原兜放晌爐中燒，口感爽爽韌韌幾得意。大魚大肉一餐，又點可以無啲菜落肚平衡吓，輪到講講野菜類，一共有16款蔬菜供選擇。冬菇、茄子、雞脾菇、南瓜、糖心菠蘿、牛油粟米晌多款蔬菜中，揀咗呢6款，其實，蔬菜類無咩特別嘢，隨心意揀就喺，味道就靠你自己燒得好唔好喇。不過，呢度乜都切到薄一薄，所以，好似啲燒菠蘿咁，太薄食落無口感。燒肉類本身有成廿多款，之前嘅頭盤肉都只喺佔當中嘅6款，當然仲有好多未試啦，所以，嚟多一輪燒肉，點啲特別嘅款式一試。手切哈姆豬大腸、伯爵茶漬羊肉、漬壺牛、牛舌、伊比利亞橡果一口豬、芝麻雞翼、黑椒腸今轉嘅燒肉名稱都比較特別啲，手切哈姆豬大腸食落同平食豬大腸無咩分別，幸而無啲豬臊味，羊肉就唔喺好食得出伯爵茶漬味……其實，店員送到上枱，放低就走，都無咩點介紹咩肉打咩肉，所以，如果你有心搞清楚啲肉喺點樣，最好唔好一次點太多，寧願點多幾次，每次點唔同類別嘅肉，例如雞牛豬羊各一款，就比較易認清楚所點嘅肉。雙皮奶卷、娘惹山葯最後，燒完多款肉類、海鮮、野菜，仲有空間，就點多兩輪炸物，第二轉有雙皮奶卷及娘惹山葯，兩款都幾有驚喜喎，雖然今次炸得有啲油，但前者裡面喺好滑嘅奶糕，而後者入口極似紫薯，唔似平時接觸嘅山葯咁爽爽哋，究竟喺咪已經轉咗呢。日式一口甜薯、薯格、榴槤炸彈第三轉嘅炸物喺心水嘅甜薯及預咗留肚必試嘅榴槤炸彈，而薯格喺表姪女嘅「飛弗」。啲甜薯夠晒粉甜，榴槤炸彈餡心柔軟，好強勁嘅榴槤咪，正呀。午市嚟到，唔食燒肉，都可以試午餐有多款午市定食，定價都喺$48-$88，並免費送汽水一罐，仲見有4人同行1人免費優惠，不過，詳情喺點要問問店員。燒烤嘅食物種類其實選擇多嘅，又有其他放題食物，兩個鐘都夠，一邊燒生嘢，一邊食住啲熟嘢，二、三百蚊個價差唔多啦，只喺食材嘅質素唔好太高期望。招呼方面，午市客唔多所以人手少，故做得無咁熨貼，例如我哋離開之後先醒起未有送上Mövenpick雪糕，唔知喺咪午市打咗75折就無雪糕送呢！…Read More

成年冇見的友人，有大把話題，所以揀了日式燒肉放題，而且有埋刺身及日本料理任食，不用煩點菜，想食咩都得，晚上有分時段收費，我地食120分鐘，每位$258，加$30可任飲。座位間有距離，不侷促，張枱仲夠大，可以放唒食物。有電子menu極之方便，揀選好食物，用電子memu提交，極快送來食物，而且服務貼心又有禮貌。先上刺物船，好大隻好有氣勢，裝飾又靚。有三文魚、八爪魚、松葉蟹棒、劍魚、北寄貝、甜蝦、榮螺、魷魚、玉子卷等等。三文魚好肥美好油潤，八爪魚同榮螺都夠彈牙，松葉蟹棒啖啖肉。甜蝦好大隻，鮮甜嫩滑。北寄貝好爽口，魷魚也柔軟好味。反而劍魚同玉子卷較普通。第二輪點多了帶子，味道好好，軟腍鮮甜，好似入口化開般嫩口。海膽三文魚籽手卷必食，雖然海膽較少，但味道甘甜，加上魚籽爆發咸鮮味，唔使醬油都夠味，紫菜仲脆卜卜。飲品多數$20/罐，我地每人都飲左2-3罐，所以一開始就揀加$30任飲比較抵。菠蘿芬達少見，加上我未飲過，原來都幾好飲幾新奇，有菠蘿味唔會飲返d悶野。再來日式燒飲盛合拼盤，有齊牛肉、豬肉。燒啦燒啦，日式用網燒，較適合燒牛肉，有別於韓燒的鐵板。極上牛小排好有油香，肉質柔軟。豚肉片好爽口，好肉豬頸肉質感。伊賀一口牛好juicy好有咬口，帶骨牛肋肉好似牛仔骨咁，牛味濃又有咬勁。第二輪我再點了虎蝦、黑豚腸、手切哈娒豬大腸、牛舌、極上牛小排、伯爵茶漬羊片及三款口味雞翼。虎蝦好易燒，殻紅離肉就食得，都易去殻，肉質彈牙蝦味突出。牛舌爽口，豚肉腸脆皮，腸肉香口惹味。豬大腸同羊肉片較普通。反而三款不同口味的雞翼都好正，入味得來燒得皮脆肉嫩，有款辣的更香更惹味。仲有牛油粟米超香超甜，大人細路必食。配料及醬料也可叫，我要了鮮檸檬，可配雞翼及海鮮類。更有蒜蓉可配肉類。最尾叫了海鮮類的龍脷柳、墨魚仔、菠蘿及京蔥。最抵讚係分開裝的龍脷柳，不但防止魚肉痴燒網，分開來燒更易控制燒熟，魚肉嫩腍又滑，好有香草味，唔腥仲好味。京蔥燒後好香有微微辛辣，夾牛肉食一流。墨魚仔都易痴網又縮水，但好快燒熟，雖然細粒左，但都彈牙美味。菠蘿用新鮮的切得較大片，自己中意點燒都得，我較喜歡燒得又香又微焦，咬落juicy多汁。魷魚鬚醃得入味，燒完縮少少，質感彈牙爽口，也是必食之一。最後走時話有雪糕送，原來係movenpick雪糕，貴得黎好食既雪糕，正啦。立即揀口味，有朱古力、士多啤梨、雲呢拿可選，我要酸酸甜甜清新士多啤梨，貪有好多果肉。朋友要雲呢拿有天然雲呢拿籽香味。…Read More

終於搞掂個presentation，打算食餐好野慰勞下自己，所以一4個人齊齊食燒肉放題。伊賀日本燒肉料理系尖沙咀，地點都叫就腳，出左地鐵站行一陣就到，而且系巷子，都ng會話車多人多甘嘈。樓下廣告牌，個樣睇落都ng錯。燈飾都是偏日式，不過個抽油煙喉(可伸縮)睇落系似韓燒。見到檯面用ge系tablet，店員介紹左下，只要是0.00價錢的包含在放題內，有一部分就要加錢先可以叫。放題本身包ge都ok多，所以放心點單。加曬落購物車就可以落order，ng使下下叫人，方便快捷，值得一贊。一落完單，即刻上左只刺身船，大大只，分量都幾足下，入面刺身款色都幾多下，有成7,8款刺身可以食。當然是無肉不歡，全部肉類都燒黎試下。最特別是雞泡魚干，食落夠甜，有交口，燒燶小小，送啤酒一流！ 本身以為都是d冰鮮貨，無抱太大希望。點知ok wor, 當然同高檔日式料理有差距，不過同同類型差不多價格ge日韓燒肉放題比，絕對值得一試。講ng知，墊碟ge紙上面原來好細心甘教埋應該將ng同ge肉類放系爐ge ng同地方燒，牛肉就放系中間，火力猛，快熟，收緊肉汁。雞肉同豬肉就放系邊位細火慢慢燒。食飽跟人頭，仲有雪糕，ng系維記，ng系dreyers，系movenpick！都幾捨得落本wor.值得一試！…Read More

三個女人一個墟，幾個女仔約系尖沙咀食野吹水。見甘個價錢都屬於可以接受，就拍板入去食飯。無咩點等，就有店員帶入去卡位。點餐是用既tab落order, 野食都ok多，$0.00就包含在放題內，不過有顯示價錢既有要另外加錢。茶水免費，不過飲其他野就可加$30一位自由飲。一上來就是刺身船，擺埋枝花做裝飾，都幾得意。女仔嘛，食肉怕肥，所以意思意思每樣肉食小小甘啦，其他都係主攻海鮮同刺身類。脂肪分佈平均，放在火爐上燒到滋滋滋聲，肉肥美多油，忍ng住，大啖肉大啖肉甘食。食左甘多肉，都係食海鮮同刺身清清腸胃先,扇貝正，大大只，有手掌甘大，有圖為證 XD大大只虎蝦，都有手掌大。食落好甜！！因為食得太飽所以食燒菠蘿解下膩！最後用Movepick埋尾，三隻口味，朱古力，雲呢拿同埋士多卑利，雪糕一人一杯，三隻味道試齊曬，幸福到呢。食埋尼餐，要慢慢減肥啦！…Read More

好友生日, 知她最喜歡食日本菜, 本想請她去壽司店或居酒屋, 但知她一定會錫住我荷包, 點菜時必定就住就住, 所以揀了請她去食放題, 任點任食, 那麼就可以吃得更開懷, 要讓她再吃得豐富一點, 揀了一間有埋燒烤, 絕對可滿足這位壽星女。對The Hart一點也不陌生, 之前吃烤雞、日式火鍋也在這裏, 所以今次不用搵路, 可以好放心, 哈! 今晚揀了一間位於三樓的日式燒肉料理放題, 一出升降機門便看到搶眼的燈光招牌。走進店內, 先見到一個大圓形的用餐區, 客人坐在外面, 而師傅們則站在中央烹調製作。再行入裡面, 以木屏風間了多張二至四人卡座, 亦有六至八人的大長枱, 位置頗多, 可容納不少客人。話明有燒烤, 當然每枱也設有烤爐和抽煙筒, 抽風系統也不錯, 沒有令全身油煙味。晚巿放題分兩個時段, 星期一至四6:00-8:00pm 成人收費 ($228+10%), 而8:00-10:00pm成人收費為 ($258+10%), 我倆都不想吃得太夜, 故揀了早段, 此段時間客人數量不算多, 可清靜一點邊吃邊傾, 岩晒! 餐店又先進又環保, 以IPAD取代一疊疊的單菜紙仔, 用起來相當方便, 而且並沒有漏單, 讚!我倆第一時間便打算點一板馬糞海膽, 本以為任點任食, 細仔看看, 原來部分食品下有註明價錢, 要額外收費的食物也不少, 而飲品也是不包在放題價錢中, 各款飲品要$20罐, 友人覺得不划算, 所以沒有點任何要額外收費的食品, 都話她一定會錫住我荷包…….唉! 其實最重要是她吃得開心呀!******************************還未開始點菜, 店員已端上一隻刺身船, 原來每枱均會送贈，共有六款刺身，每款三四件, 分別有三文魚、甜蝦、北寄貝、八爪魚、帶子 和榮螺。當中最喜歡是肥美的三文魚，油脂分佈平均，肉質柔軟油潤，鮮味十足。甜蝦 亦吸引，雖體積中等，但味道鮮甜，微爽兼富黏性。******************************輪到自己點菜, 分有九大類, 刺身、小食、炸物、海鮮類、酒類、野菜類、飲品類、壽司和燒物類。其實一隻刺身船又怎能滿足我倆，要再不停手單點刺身。第一輪選了帶子、三文魚 和松葉蟹棒。今輪的三文魚 比刺身船的三文魚更加肥美，加上厚切，口感更豐富。魚油脂相間，肉質更鮮嫩油潤，絕對是encore之選。松葉蟹棒 亦不錯，嫩口鮮甜; 至於帶子就不算肉厚肥美，鮮味一般。******************************還在小食類揀了三款試試，有芝麻八爪魚、芥末八爪魚 和蟹籽沙律。芝麻人八爪魚 沾滿醬料，爽口入味; 芥末八爪魚 切成碎粒，混入酸菜，味道不錯，但芥末味欠奉，可惜…… 蟹籽沙律面層唧上大量的沙律醬，灑上許多蟹籽，下面是青瓜和蟹柳幼條，吃前先拌勻，味道不俗，但略嫌沙律醬過多，有點漏滯。因之前的蟹籽沙律太多沙律醬，並不合口味，今次改要一客伊賀沙律。面頭堆滿蟹料，毫不吝嗇，還有肥美肉嫩的三文魚粒、爽甜多汁的車厘茄和清新的雜沙律菜，配上酸咪咪的醋汁，清新開胃，正合我心水，當然是encore之選。******************************有刺身，壽司也不能少，但飯類總是飽肚之物，還是揀兩款最想吃的便算吧! 先吃火炙三文魚腩壽司，三文魚腩經輕燒後，迫出油份，吃起來更甘香油潤，咬一口已令口腔滿口魚油，滋味得很!另一款是三文魚籽海膽手卷，大大粒的三文魚籽晶瑩亮澤，鮮味十足，而海膽亦油潤豐膄，鮮美甘香，配上清新的青瓜絲，以中和油潤感，配搭不錯，可惜海膽份量太少，跟飯不合比例，吃得不夠滿足。******************************吃了一輪凍食, 是時候暖下個小胃子, 來一碗熱湯吧! 有三文魚頭湯和清酒胡椒蜆湯, 不用考慮, 三文魚頭湯 必是我的選擇。但其賣相和相片完全不符, 沒有一件三文魚頭, 連少許魚肉也沒有, 只有少許豆品, 而味道亦偏鹹, 根本只是一碗麵豉湯, 非常失望……******************************開始啟動燒烤爐, 在海鮮類燒物中只點了三款，有原隻帆立貝、藍青口 和九州鯖魚。 鯖魚 切成小件，放在烤爐中間位燒弄，將近好後便淋上甜燒汁，底面同樣燒得金黃，肉質紮實，鹹鮮有至，算不錯。帆立貝肉厚肥大，色澤亮麗，但可能燒得過時，肉質和裙邊同樣乾硬，而鮮味亦一般。******************************第二轉點了黑味蛋、百頁豆腐、地獄雞中亦 和雞泡魚干。黑味蛋即是黑芝麻湯圓, 湯圓用來燒都是第一次, 真的不知燒到什麼程度才可吃, 幸好店員提醒只要外層爆裂便可。咬一口, 外皮乾硬, 內饀並不流心, 真的不懂欣賞, 還是燒得不夠火喉呢? 至於百頁豆腐 似魚片, 口感彈牙, 味道鹹香, 但吃落也算不錯; 友人話地獄雞中亦 非常香辣, 其實很岩我, 但可惜我不吃雞亦。最美味是雞泡魚干, 切成一小條, 稍稍燒一會便可, 煙煙韌韌, 鹹香鮮味, 用來佐酒一流, 但即是沒有酒, 它也很吸引我倆, 當然是encore之選!******************************蔬菜類必定不能少, 一口氣點了多件日本南瓜、黃金粟米 和日式一口甜薯。鮮橙色的南瓜 切成薄片, 燒烤需時, 需耐心等候, 燒後需有點乾硬, 但味道甜美。我倆都非常喜歡粒粒如拇指般大小的日式一口甜薯，外皮柔嫩，內肉粉綿，連甜燒汁也不用蘸上, 獨有的香甜味道已極之吸引, 屈指一數, 好似encore了三四次, 可見它有多美味。******************************燒下食下講下, 話咁快就差不多兩個鐘, 最後輪到很期待的甜品出場, 每位客人均有一杯MÕVENPICK品牌的雪糕作為餐後甜品, 還有三款口味選擇, 分別是朱古力、雲尼拿和士多啤梨, 的確令人高興。雪糕細膩幼滑, 滿佈不少士多啤梨果肉, 酸酸甜甜, 吃起來感覺清新一點, 每次吃它總令人回味無窮。------------------------------還記得上年跟好友是自助餐賀生晨, 而今年就放題賀生晨, 同樣令她吃得飽足, 雖然食物並非我們預期所想, 但有兩小時給大家定定地坐下來, 邊吃邊大吐苦水, 的確很難得, 什麼也比不上這兩小時的可貴。…Read More

餐廳主打日式燒肉放題午巿食真係抵到爛$198加一服務費一入黎店員會俾部iPad你揀食物仲會推介人氣食物，服務好好☺️刺身壽司必食😋🍣魚生好肥美，而且幾鮮甜，睇得出係新鮮啲刺身全部好厚切，咬落好有口感北寄貝好爽😏😏 燒肉款式都幾多，我最中意一口和牛、帶子同虎蝦 一口和牛無咩調味，可以食得出午既鮮味其實肉類都唔錯，不唔太肥又唔會太瘦帶子燒個陣好多汁👍🏻 蔬菜類都有驚喜！有《燒 紫 薯》！🍠🍠必點既仲有《恐 龍 蛋》🤓🤓其實係燒湯圓 味道怪怪地，好似硊皮既糯米糍 午巿送一粒雪米滋…Read More

想燒肉又想食放題 揀唔到所以決定一次過食哂一入去就上左一大隻刺身船 無論你幾多人黎食 佢都會第一時間俾隻刺身船俾你 份量就按番人數 仲有一碟燒肉拼盤 唔洗我地頭一轉落單個陣要等咁耐餓鬼死 即刻有野食住先 係貼心既入面采用電子點單 全程冇漏單 而且效率又高 叫完十分鐘內已經出左一半 好抵讚食物種類其實唔係好多 分刺身、炸物、小食、海鮮、肉類同野菜幾個大項目 有不少寫住暫停供應 令人有d掃興 佢地既刺身都好新鮮 三文魚更加係厚切 有時仲會有接近三文魚腩既位置 比起三文魚 佢既甜蝦更加鮮甜 仲要係有頭個款 很不錯 不過種類就較少 只有8款到左肉類啦 全部都冇醃製過 唔會雪到太冰 但亦唔會解唒凍咁唔衛生~其中以牛肉粒最好食而且最抵食 燒得啱時間既話可以又juicy又有牛味 而且唔洗燒得耐 慳時間嘛 五花腩亦不錯 肥同肉一半一半 仲有豬頸肉 牛脷 牛仔骨 等等 不過就冇乜特別仲有一個重點食物就係呢個燒湯圓 唔係好好食 不過就好得意 一試無妨食物既質素以刺身最佳 其次係肉類 另外個d就一般啦~ 由其係天婦羅！我真係第一次食咁冧既天婦羅 不過佢有每人一杯movenpick雪糕搭救之後講環境 兩個人又係一個爐 四個人又係一個爐 而且張檯又係一樣大 所以可想而知四個人坐有幾逼不過對兩個人去既係坐得舒服既 之但係坐坐下發現成間餐廳都有仙氣！皆因佢既抽氣真係好鬼差 出左門口望番入去先知原來自己係個仙境食左咁耐野 d抽氣真係要改善下…整體黎講係ok既 香港依家仲係好少呢類咁既放題 有都多數三百以上 所以呢間算係平架啦 兩樣主打既質素不錯 服務亦幾好 …Read More

生日，18歲前的生日，每次也會期待各式各類的慶祝。每次一到三月份也抱著又大歲的想法，但人愈大的時候愈害怕成長。十歲時，我鬧著脾氣說：我永遠也不要吃生日蛋糕。這句說話是因為我的姐姐不願為我唱生日歌，而我一怒之下說出口的。十二或十三歲時，家人選了我生日正日出外旅行，所以正日沒有過生日，那時也覺得為何沒有人為我慶生，我也曾為此悶悶不樂好幾天。十七歲時，我認識到現在的將軍(男朋友)，我的生日開始有點不同，中學的時候每次三月也是考試週，所以我的生日永遠在考試中渡過，那年放飯時將軍為了偷偷給我驚喜，串通我的好友，買了個蛋糕慶祝。直至現在，這幾年的生日再沒有那樣深刻難忘了，今年生日在工作中渡過，我的同事們又一次帶給我驚喜，買了個士多啤梨蛋糕，晚上跟將軍到了這間日式燒肉店。生日，就好像提醒著你要成長了。有時候，我並不想成長，只要停留在那無憂無慮的童年，任性的放著小脾氣，愛玩所愛的玩具。這些想法是太天真嘛？對，人生如何不成長。但你有想過嘛，做人何不天真點，單純點…………韓燒就吃過不少，轉轉口味吃個日式燒肉，這個伊賀日本燒肉料理近排大熱，連不少的餐飲雜誌及開飯啦都極推，小妹就在生日好好拜訪一下，訂位也頗方便的，但也要注意星期五六日比較滿座的。我倆先坐下便上送刺身船，刺身船有三文魚，北寄貝，帶子，榮螺，甜蝦，八爪魚，有每類也有四塊，份量作為前菜也足夠！三文魚新鮮也夠大塊，魚脂豐富帶些魚油，入口爽爽的。北寄貝的冰鮮感不重，入口彈牙又具份量。榮螺不會太煙韌，海味不會太腥。八爪魚比較遜色，帶點冰感，略微缺乏鮮味。帶子最白哲彈牙的，重覆點了三次，入口帶點黏黏的。甜蝦也有手指般長，新鮮的甜蝦，頭部不會發黑，肉質黏口也有彈性。小妹甚少會在放題中叫上沙律的，因為每次也會中伏的，蟹子沙律永遠也是青瓜沙律般清淡。這家的沙律恰恰相返，小妹點了兩個沙律，一個是蟹籽沙律一個是伊賀沙律。蟹籽沙律的蟹子絕不手軟的，也滿滿在沙律醬的上方，入口每條青瓜絲也沾滿沙律醬，不會太乏味。伊賀沙律必點的，刺身三文魚，帶子及蟹籽滿滿在碟中，店家加入酸汁令沙律更開胃滋味，最重要的是有小妹最愛的蕃茄仔，沙律菜也爽脆新鮮。烤肉類選擇也有不少的，包括帶骨牛仔骨，極上牛小排，伊賀一口牛，牛舌，醬油豬頸肉，五花腩薄切。選擇也頗多的，放題任點的質素也超值，小妹也點了兩三轉燒肉類。帶骨牛仔骨，入口肉汁頗多，炭爐燒的帶一陣陣焦香味，入口肉質嫩嫩的，脂肪分佈勻稱，不會太肥膩。極上牛小排，色澤艷麗誘人，燒過兩三下，反面燒至金黃色，把肉汁鎖在肉內，半脂半肉，入口半溶的口感，稱上極上也當之無愧。伊賀一口牛，的的骰骰的一口牛，肉質不會太乾柴，一口一件剛好，每件也不會太膩口，沾上日式燒汁也可，在旁的調味粉也頗多選擇，七味粉，黑椒等等牛舌，牛舌帶焦香，薄薄的一件，入口爽脆又香口，並不會帶腥臊味，絕對可放心吃。醬油豬頸肉，也有三分一個手掌大件，入口醬油味淡淡透出，味道也不會死鹹，調味剛好呢！五花腩薄切，肉質嫩滑又不會太油膩，沾上些調味粉會更惹味。前菜日式小食，只是各類點了一份也有這份量，八爪魚大顆又夠味，不會有半點雪味，入口多汁又彈牙。螺肉微辣又爽脆，惹味十足的蒜香螺肉小食。蔬菜類：紫薯也可以燒一番呢，輕輕燒兩面便可以吃，入口爽脆，微甜的味道。粟米必食，清甜多汁，只要燒燒粟米芯，表面向炭爐會易焦。冬菇及雞脾菇菇類在燒物中最深得我心，燒至微微乾身，便可加上日式燒汁烤一燒，帶點點焦香，入口不會太乾身，惹味十足。菠蘿是小妹的最愛，開胃消滯的一個好小吃，多汁又不會太酸，入口甜甜的。海鮮類小妹點了日式燒鯖魚，魷魚，蝦子，扇貝，意想不到日式燒肉放題水準甚高。日式燒鯖魚一口一件，燒香脆鯖魚皮，微微的焦香加上燒汁佐味，入口魚肉嫩滑，魚汁豐盛，半點魚腥味也沒有。魷魚長身也夠粗度，燒至微微乾身，沾上鹽巴成個滋味大增，入口彈牙有口感。蝦子外脆內嫩的肉質，加上黑椒或鹽巴，鮮味已經足夠，入口爽彈的口感，令人回味數十次。扇貝加上日式燒汁跟黑椒，入口有點似照燒元貝，入口嫩嫩的口感，把蝦子跟扇貝拼成笑哈哈。最後最後甜品來了，是小妹最愛的士多啤梨味雪糕，這牌子我相信大家也不陌生，入口啖啖果肉，香濃細滑的雪糕，愈吃愈上癮的雪糕，真的真的最後大大滿足離埸。補上菜單參考：一夜間，我又大一歲了，該長大嘛？面對不想面對的社會，面對不想面對的人生，也許笑一笑，人生貶眼便會過，你看貶眼間已把人生過了四分一。…Read More

潮流興懷舊，衣履懷舊、髮型懷舊、妝容懷舊，想不到飲食也有懷舊。BeautySearch 年輕時，常聽爸媽說，舊日每當入冬天氣，天氣寒冷，他倆喜歡坐在大排檔，用「炭爐」打邊爐。BeautySearch 平時進餐，一般都不喜歡選擇餐廳的室外座位，皆因室外通常都是煙民的聚腳點... 不過，今次於《伊賀日本燒肉專門店》訂座，BeautySearch 卻指明要坐室外。無他的，因為《伊賀日本燒肉專門店》是一間燒肉放題餐廳，店子設計富有日式風尚，而且設有室內及室外用餐區分，室內用的是電爐，而室外則用上炭爐，室內設有寬敞日式卡位，看上去非常舒適。不過，用炭爐燒肉的餐廳比較少，較有懷舊風味，縱使近日天氣轉涼了不少，但室外用炭爐燒烤的也滿座。幸好BeautySearch 早已訂座，可以感受一下傳統炭爐風味！晚市設有早段、中段及宵夜時段，由於當晚蝦子餅早收工，加上便宜一點，於是，我們選了早一點開餐，6時許便到達，每位只需 $268。這裡是平板電腦點菜的，全部食物都有相片顯示，既先進，又環保。而且點選食物步驟非常簡單，食物方面都挺多選擇！有燒肉類、壽司、野菜類、海鮮類、炸物、小食、刺身，每款分門別類，易於選擇。下單不久便即時上菜，方便快捷！甫坐下，餐廳先來捧上一盤刺身船，挺有氣勢，作為前菜很不錯呢！刺身包括：肥美鮮嫩三文魚、爽嫩北寄貝、鮮甜鮮蝦、鮮嫩鮮帶子及彈牙榮螺，各款刺身的肉質鮮嫩美味，為這晚宴打響頭炮。接著是盛合燒肉拼盤，客人可一次過嚐到大部份肉類，先每款淺嚐味道，隨後便可按自己口味再加單。有極上牛小排、比利時五花肉、加拿大醬油豬柳蓋片、帶骨牛助肉、醬油豬頸肉、牛舌、伊賀一口牛。但其實不是食肉獸，這份量的肉已叫我飽足呢！炭爐燒肉嘛，放進炭爐裡面，當然有種炭香味，令肉味更濃郁，有咬口感。清涼的天氣下，室外露台位置，環境挺舒適，別有一番樂趣！當中醃製後的醬油豬頸肉和伊賀一口牛最為惹味，豬頸肉質鮮嫩滑溜，另外，特色燒汁醃製的帶骨牛助肉最為美味，醃汁香濃惹味，肉質鮮嫩入味，口感嫩滑彈牙。燒烤當然少不了 BeautySearch 最愛的海鮮，我們今次集中火力，只選了大家都喜愛的伊賀虎蝦及原隻帆立貝，伊賀虎蝦體積相當大，蝦肉新鮮鮮甜，經炭火洗禮後帶點炭香味道，令海蝦的鮮味更突出。新鮮的帆立貝是推介之選，食材用料非常新鮮，肉質吸引了炭火後，味道更為香濃可口，鮮嫩口感非常彈牙。 味付螺肉是蝦子餅必吃的日式小食，當然不可少。而我就比較欣賞當晚的炸物，松業蟹棒天婦羅、榴連炸彈及日式八爪魚，每款都炸得脆身香口，特別推介「榴連炸彈」。「榴連炸彈」以吉列的外皮包裹著，外皮香脆酥香，内裡的榴連蓉十分香濃，咬開還有流心的感覺，愛好榴連的人絕對不可錯過，因為榴連的味真的很香很重，初嚐時真的令我有 "WOW" 的感覺！令人驚喜的濃郁榴連炸彈，必吃！最後，我們選了燒芝麻/花生湯圓作為甜點，當湯圓外皮燒得乾身時，煙韌口感配上半流的芝麻/花生餡料，外型有點像書中的恐龍蛋，看著他在爐上燒烤時，有種等待孵化的感覺，很有趣，不妨一試！…Read More

天氣突然轉冷，最好找點熱食，然而對火鍋興趣不大，除了熱食，還想吃刺身，在尖沙咀經過收到伊賀的宣傳單張，有$100 現金優惠卷，就決定去試試！位於尖沙咀赫德道的伊賀日本燒肉料理，屬於日式放題，有熱食、剌身合我心意！放題除了一般的卡廂座位外，還有吧檯選擇，很有日式風味。店員安排我們住在室外位置，雖然天氣有點冷，但有這個就變得溫暖。一般燒烤餐廳多數用電動燒烤爐，而炭爐我還是頭一次看到！用炭爐燒烤食物有炭香味之餘，熟透程度較均勻，不容易燶。而這放題還有另一賣點，就是以平板電腦點菜，不用畫紙仔，節省時間，又方便環保。未點食物前，店員先奉上刺身船及燒肉頭盤，吃完也可以再點。全部刺身都相當新鮮，甜蝦爽口彈牙、帶子鮮甜、墨魚煙韌。而我最愛就是三文魚刺身，相當厚切，很肥美，脂肪分佈很平均，滿口三文魚油香。飲品除了無酒精品，還有梅酒、清酒等選擇，而我就推介道地的冬瓜茶，清甜不膩。而燒肉頭盤就是加拿大醬油豬頸肉、安格斯牛肉、薄切裡肌肉、比利時五花腩、牛舌、極上小牛排、加拿大醬油豬柳蓋（左下順時針）及中間的伊賀一口牛。豬頸肉帶點嚼勁，而牛肉不會太蘇，而朋友說一口牛很美味。感覺上用炭爐燒烤較少油份擠出，不會太膩，而menu裡也有生菜可點，這樣變了韓式燒肉，哈。當然不少得海鮮，蝦份量算是大隻，而肉質也是鮮甜可口，而帶子味道就不過不失。炸物還有好幾款選擇，不過怕熱氣我只點了這些。我最推介是炸芝士年糕，外皮香脆，而內裡芝味十足，QQ口感一流，吃完要再來一個！而醃製單骨雞翼、南瓜片、菠蘿味道也是很出色。最後店員奉上每人一個Movenpick雪糕作結尾，不是什麼牛奶公司，值得加分！食物質素確是不錯，但如果款式再多點就更完美。而抽風系統也需改善，我知道室外當然沒有抽風裝置，我會建議食店可添內裡可放物件的座位（如韓食燒炸的油桶椅子），這樣衣服便不會沾上油煙味，感覺較舒服。…Read More