瀛豐放題料理專門店

這間位於銅鑼灣的人氣日式放題餐廳，主打日式、泰式及港式，食物選擇非常之多，價錢又親民，適合和家人或朋友聚會，建議先行訂座。晚市放題 - $249升級任食生蠔及海膽火焰帶子+$138或 任食海膽火焰帶子+$118即開生蠔刺身即叫即開的法國皇家生蠔，生蠔個頭適中，肉質肥美飽滿，有著清甜的海水鮮味，不帶鐵鏽味，配檸檬或生蠔汁。海膽火焰帶子雪白肉厚的帶子軟綿鮮甜，輕輕火炙帶微微焦香，夾著豐腴的海膽好甘甜。刺身拼盤色彩繽紛的拼盤極吸睛。含豐富魚脂的三文魚好爽滑鮮美、火炙吞拿魚赤身軟腍脂香、清爽的油甘魚充斥魚油香氣，還有八爪魚、鮑魚、螺片、赤貝、赤蝦及馬刀貝等刺身。燉湯(送)真材實料的老火燉湯好滋潤，有雞、瘦肉、蟲草花及圓肉等等，入口好鮮甜。泰式食物方面，泰式燒元貝有著肥美碩大的元貝肉，爽脆的裙邊和軟糯綿密的月牙位，充滿著層次；泰式魚露燒蝦淋上鹹香的魚露提鮮不少，蝦肉爽滑彈牙；泰式蝦餅即炸特別酥脆不膩，飽滿的蝦肉餡好彈牙；港式食物方面，串燒牛柳串著軟嫩多汁的牛肉，充滿沙嗲香味；燒菠蘿香甜多汁；甘葉香蒜炒墨魚鬚爽滑彈牙富濃濃蒜香。日式食物方面，大蝦天婦羅薄薄的炸衣酥而不膩；粟米蟹籽沙律爽甜的粟米淋上沙律醬；芝麻炸雞翼即炸特別酥香，咬開雪白的雞肉嫩滑多汁。飲品方面，自助飲品櫃有多款樽裝、罐裝及紙包基本飲品，亦有小量酒精飲品，升級版有生啤供應。甜品方面，有多款自家製甜品外，還有本地CoCoBerry多款口味的雪糕杯，更有King's Potong的榴槤雪條。…Read More

第一次食有大閘蟹和生蠔嘅日式放題。大閘蟹即叫即蒸所以需等候二十分鐘。唔緊要，係等候期間食住其他主角先。今日主角是大閘蟹、生蠔和海膽帶子。大閘蟹唔算好大隻，有膏、新鮮，蟹肉清甜。蘇格蘭生蠔正是當造，飽滿鮮甜，肉質爽口。海膽的鹹鮮味和鮮甜的刺身帶子是天作之合。雖然任食上述三個主角都需加錢，但是質素咁高我覺得是抵的。放題基本版是日、泰式料理。刺身、壽司、卷物，種類豐富又新鮮。串燒、小菜、生蝦，全地道泰國風味。這間放題還有一個我比較喜歡的安排，除了飲品甜品要起身自取外，全程都是安坐等食物送上來，落單後上菜和收骨碟都勤快。…Read More

好耐無食過放題喇, 最近食刺身同壽司時發現食極都唔夠喉, 所以 book 咗 ❥⧽瀛豐放題料理專門店 ❥⧽ 止一止渴。餐廳位置方便, 地鐵站行過去唔使1 分鐘。𓊈晚市放題 $𝟚𝟜𝟡 升級$𝟙𝟛𝟠𓊉呢個放題都好多選擇, 除咗刺身同壽司之外, 仲有好多唔同嘅熟食, 因為我地想食生蠔, 所以就升級埋, 估唔到連生啤都可以任飲, 有Stella 同 1664 Blanc 任你斟。除咗啤酒, 仲有好多唔同款式嘅飲品提供。𓊈海膽火焰帶子𓊉見到呢個海膽帶子已經流曬口水, 粒粒都好飽滿, 海膽同帶子都好鮮甜, 夾埋一齊食真係好好味!𓊈刺身拼盤𓊉隻刺身船好誇張呀, 大大隻, 刺身種類好多, 可以一次過試曬咁多款, 有赤蝦, 三文魚, 油甘魚, 希靈魚, 冰山蚌, 八爪魚, 鮑片, 馬刀貝, 角螺, 赤貝, 醬油吞拿魚。我特別鍾情冰山蚌, 好爽口鮮甜。𓊈即開生蠔刺身𓊉生蠔好大隻肥美, 個人比較鐘意落多d 檸檬汁, 可以帶出生蠔嘅甜味。𓊈壽司 ✧ 一口海膽 ✧ 花之戀 ✧ 火灸和牛 ✧ 芝士蟹籽 ✧ 火灸三文魚 ✧ 軟殼蟹卷𓊉壽司種類幾多, d 飯細細舊, 唔會撐飽曬, 估唔到呢度有我最鐘意食嘅芝士蟹籽, 可以瘋狂食, 好開心。𓊈熱食 ✧ 大蝦天婦羅 ✧ 黃金豆腐 ✧ 牛柳串燒 ✧ 泰式燒元貝𓊉熱食全部都熱辣辣, 特別推介大蝦天婦羅同黃金豆腐, 2 樣都外脆內軟。✧✧ 食物同飲品款式都好多, 用 qr code 落單好方便, 抵食。…Read More

我們幾個月前已在京都廣場看到這間瀛豐的介紹，一直想來光顧卻每次也去了其他餐廳。這一次終於決定一直要帶太太來感受一下✏️位置: 9/10✏️環境: 8/10✏️衛生: 9/10✏️服務: 9/10✏️食物: 9/10餐廳在京都廣場10樓，就在銅鑼灣C出口的鈄對面，交通非常便利。面積不大，大玻璃窗望向街景，感覺開揚。侍應有禮貌，收碟有效率。放題食物包括港日泰三地的食物，選擇充足，味道屬放題中比較好的水平🍱晚市放題 - 成人$249/位 晚市放題包括了共180款港日泰的美食，比較罕有，質素亦比想像中的好🌟升級版 (+$138/位)每位加$138就可升級任食有海水味、非常肥美鮮甜的法國皇家生蠔，同時可任飲生啤，非常化算。這個套餐包括了每位加$118可任食的海膽帶子，帶子新鮮爽滑，海膽鮮甜可口，實在超值🌟刺身拼盤刺身拼盤船其實包含了所有可下單的日式刺身，包括大隻肉厚的珍寶赤蝦、爽口鮮甜的多款貝殼類，有冰山蚌、馬刀貝、北海道角螺及赤貝，以及較常在放題食到的三文魚、油甘魚、希靈魚、八爪魚及鮑片，最後有較特別亦香甜的醬油吞拿魚，食材夠新鮮，值得一試🌟泰式生蝦除了日式刺身，這裡還有香辣爽口的泰式生蝦可以任食🌟前菜及小食平常的前菜當然有，但來到肯定要試泰式的，其中香滑開胃的尖椒皮蛋及小辣惹味的口水雞，不能錯過另外泰式蝦餅及泰式魚餅也煎得夠香夠滑，喜歡食泰國小食的一定要試試🌟壽司款式多樣，壽司飯亦較細件，個人最喜歡很juicy的火炙芝士魚生船、和牛火炙壽司及海膽醬火炙三文魚壽司，用料高級味道亦同樣出色。而手卷方面，海膽甘蝦三文籽手卷及軟殼蟹手卷都是上佳選擇，很少放題有此質素呢🌟炸物天婦羅自然也有，但個人夠喜歡的炸物有微甜流心的芝士年糕、外脆內軟的八味黃金豆腐及較港式口味的脆皮炸香蕉，感覺獨特又不失美味🌟串燒既然有泰式元素，固然少不了串燒，沙爹有串燒牛柳、串燒雞肉及串燒豬柳，肉質夠嫩滑，味道不差。另外有泰式魚露燒蝦，帶有泰式風味很開胃🌟小炒泰式小炒同樣出色，較深印象的有香辣及用新鮮墨魚肉炒的甘葉香蒜炒墨魚鬚，還有惹味的飛天炒通菜，以及厚切入味的泰式滷水豬手。大食的朋友肯定要點乾炒泰式金邊粉，總之這裡泰式小炒的質素堪比泰國菜館呢🌟湯品有泰式口味、香辣味濃的冬蔭公蝦湯及鮮甜魚香味的香茜三文魚湯🌟飲品飲品櫃內有幾款啤酒及多款不同口味的汽水及飲品，亦有無糖汽水及礦泉水選擇，應該可以滿足大部分的客人🌟甜品主要有雪櫃內的幾款雪條及雪糕，有太太最喜歡的韓國雪條，因此也很滿足🍽瀛豐放題料理專門店 (銅鑼灣) 📬地址：銅鑼灣駱克道491-499號京都廣場10樓…Read More

晚市重開，要將數月來被抑壓的食慾盡情釋放任食放題已經不只局限於刺身、壽司等！銅鑼灣這餐廳還供應大量泰式及日式的冷、熱盤加$118可升級享用海膽帶子！賣相精美，帶子厚身，海膽新鮮加$138更可任食法國皇家生蠔！海水味適中，口感濃厚，蠔肉清甜回本首選刺身拼盤！三文魚超厚身！赤蝦大大隻，肉質爽甜生啤任飲有Asahi及Blanc 1664兩款選擇！將特製膠杯放上機器就會自動裝滿啤酒自助飲品櫃放滿各式各樣的汽水及韓式飲品，保證找到心頭好場內甜品有十多款，細細份容易食餐廳更設有私人房間，可在此舉行派對…Read More

日本菜🇯🇵 • 香港菜🇭🇰 • 泰國菜🇹🇭 放題🤰🏻💁🏻‍♀️刺身 • 壽司 • 炸物 • 燒物 • 小食 • 炒粉麵 • 湯 • 甜品 • 野飲 • 雪糕仲可加錢✨升級✨食埋生蠔🦪 • 海膽帆立貝🧡🤍 • 飲埋啤酒🍻🇯🇵日式 • 🇭🇰港式 • 🇹🇭泰式要乜有乜🎉~•~•~•~•~•~•~•~•~•~•~•~•~•~•~•~•~•~•~• ▪放題 ($189起)(唔同時段價錢唔同， 可參考以下圖片📝)💕平日𝟏𝟖:𝟎𝟎🕕前埋單有𝟖𝟖折🈹.▫️刺身拼盤勁多唔同既款式🤩又有心思排列👏🏻上枱時除左有用膠花🌺裝飾外，仲用左乾冰😶‍🌫️，勁有仙氣呀🤪💁🏻‍♀️珍寶赤蝦 • 三文魚 • 油甘魚 • 吞拿魚 • 希靈魚 • 馬刀貝 • 鮑片 • 北海道角螺 • 赤貝......刺身全部都好新鮮🌊，仲要係厚切❣️厚切❣️厚切❣️ (重要既事要🗣講𝟑次)平時放題第☝🏻𝐑𝐨𝐮𝐧𝐝，一定會乜都每款都嗌幾片試下先🥢第✌🏻𝐑𝐨𝐮𝐧𝐝再揀其中幾款𝐄𝐧𝐜𝐨𝐫𝐞😌 餐廳𝐒𝐞𝐭依個刺身拼盤勁方便🍽第☝🏻𝐑𝐨𝐮𝐧𝐝只係𝟏個剔✅就可以一次過黎晒咁多款🤣.▫️法國皇家生蠔 🇫🇷🦪 (✨升級✨)好鮮甜，肉夠飽滿🤲🏻.▫️海膽火焰帶子 (✨升級✨)大大粒厚厚既帆立貝刺身🤍中間𠝹開左🔪夾左舊海膽🧡落去，𝟏次過食到𝟐種唔同既鮮甜味🥰.因為有埋香港菜🇭🇰 • 泰國菜🇹🇭，所以有好多款式係平時比較少見😎例如有💁🏻‍♀️泰式滷水豬手🐷 • 魚露燒蝦🦐 • 飛天通菜 • 冬陰功湯 • 炒金邊粉 • 口水雞🐔 • 辣汁煮田螺🐚當然壽司🍣 • 刺身🐟 • 沙律🥗 • 燒物🍢 • 炸物🔥都會有👍🏻壽司唔會🙅🏻‍♀️係大大舊飯，全部都係細細件🤏🏻，但係刺身部份有足料🥰咁樣就可以食多幾種唔同款啦🤗而且上碟既時候唔會🙅🏻‍♀️迫埋一碟放，👨🏻‍🍳仲用心排到靚靚❤️.款式好多，仲有好多款未試到🙇🏻‍♀️👇🏻以下👇🏻係食過既特別推介💁🏻‍♀️❄️冷盤推介 刺身 : 珍寶赤蝦🦐 • 生蠔🦪 • 海膽火焰帶子 壽司🍣 : 雙色拖羅花之戀🧡❤️ • 黑松露油甘魚🖤🔥熱盤推介 泰式燒元貝 • 香蒜炒墨魚鬚🦑 • 鹵溏心蛋🥚 • 炸芝士年糕🧀 • 和味一口牛🐃.仲有滿足女人第𝟐個胃既🤰🏻🍨本地品牌杯裝有海鹽味🧂，夠特別🤩❄️雪條係韓國既品牌🇰🇷🧁甜品有好多選擇，有布甸🍮 • 糯米糍 • 𝐌𝐨𝐮𝐬𝐬𝐞 • 奶凍🍼……全部都係細細杯🤲🏻，可以試多幾種唔同既味🙆🏻‍♀️.~•~•~•~•~•~•~•~•~•~•~•~•~•~•~•~•~•~•~• 🔺 以上價錢 💁🏻‍♀️需另加𝟏𝟎% 服務費🔺枱面有𝐐𝐑 𝐂𝐨𝐝𝐞，自己落單📱🔺平日𝟏𝟖:𝟎𝟎🕕前埋單有𝟖𝟖折🈹🔺餐廳有𝐖𝐢𝐟𝐢提供💻~•~•~•~•~•~•~•~•~•~•~•~•~•~•~•~•~•~•~• …Read More

▫刺身拼盤一坐底直接叫咗個刺身拼盤 超大盆😳😳 每款刺身都有2-4片 可以一齊過試晒咁多種 有三文魚 赤蝦 油甘魚 希靈魚 象拔蚌 螺片 北寄貝 角螺 鮑片～～ 三文魚夠肥美啖啖肉 角螺同象拔蚌都好爽口😚.▫升級放題 +$118▫生蠔🦪 海膽帶子刺身可以任食愛爾蘭生蠔🦪同海膽帶子刺身 仲有得任飲生啤 幾吸引所以就諗住試下佢😚 本身以為好普通 點知同酒店無異 生蠔口感順滑 食落都幾creamy～～ 可以任食好爽🤭▫海膽帶子刺身會唔會太過份🥺 大大隻帶子夾住海膽 邪惡之最🤤 帶子口感爽彈 好鮮甜同肥美😍 中和佐海膽陣腥味🙆🏼‍♀️ 一咬每啖海膽就會跑出黎迎接我 味道濃郁而略帶黏稠 夾埋食好飽滿😛 又可以encore🤭.▫晚市放題 $229好少放題會有埋泰式料理 所以我又嗌到成枱都係🤭 泰式燒物好似偏多 試咗佢個冬陰功蝦湯都幾夠味 酸酸辣辣咁 仲有埋兩隻蝦仔😚 招牌泰式魚餅蝦餅幾香口 仲有燒元貝 落佐蒜蓉同蔥花都好惹味🤤 就連生蝦都有～～ .總結，如果黎食既話 我會建議升級😍 因為有得任食蠔同海膽帶子刺身 兩者味道都唔錯 可以回本了😛 而且食物質素唔錯 同上菜速度都幾快🙆🏼‍♀️ 日式方面壽司刺身天婦羅等居多 泰式就偏多燒物類 沙律就有口水雞同涼拌青瓜etc 一次過滿足到三個願望😚 仲有甜品同飲品～…Read More

蠔癮又起，居然有間有生蠔任食嘅放題，拿拿聲book位飽餐一頓🥴只須+$118就可以升級，任食海膽帶子同法國生蠔，食多幾隻即刻回本。法國蠔雖然體型偏瘦削，但海水味濃，入口濃烈嘅咸香，唔需要加額外調味料都夠哂味。個人更愛海膽帶子，爽甜嘅帶子一開二，笑口中夾住軟滑鮮甜嘅海膽，忍唔住一口氣食咗幾粒再encore！難得喺呢個價位嘅餐廳食到絲毫不帶苦味嘅海膽，加分👍🏻刺身同樣新鮮，無出現其他放題無充份解凍嘅情況，榮螺、希靈魚爽脆鮮甜，油甘魚肥美豐腴、魚有魚味。炸物即叫即炸，上口仍熱得燙嘴，又加一分。雖然款式唔算太多，丸類只有香芋丸及芝士年糕，主要集中喺天婦羅類，但正好俾客人過過口癮，唔會俾油炸物塞飽。壽司選擇多不勝數，軍艦壽司卷物手卷幾乎能夠想像到啲配搭都有，剩係花之戀都有五款😲好似呢款龍蝦沙律花之戀，面頭以龍蝦仔拌沙律醬代替往常嘅蟹籽，真係食到一隻隻嘅龍蝦仔，正呀！除咗日式放題常見嘅食物外，呢度仲有中泰料理，飛天通菜、炒椰菜苗、炒淮山、翠肉瓜牛柳粒，火候有、夠香口，係略嫌油膩同濃味咗啲～冷盤必點嘅拌海蜇同麻辣牛脷，前者甜辣口，海蜇絲非常爽身彈牙；後者稔軟香口，相當惹味。第一次喺放題食正餐😂兩個人share一碟啱啱好，炒烏冬落足料，有雞蛋、紫紅洋蔥、芹菜、雞絲，鹹甜適中，麵質彈牙，唔會炒得太淋身，每一口都食到唔同嘅食材，口感豐富。扇貝面頭淋上煎香嘅蒜蓉，放入口中頓時充滿蒜粒嘅辛香，似淡味嘅扇貝更添美味，encore咗4隻🤟🏻雖然間中有漏單，但都理解人流高峰期一定會出現呢啲情況。要讚讚店員服務態度非常好，追單後即時跟進、勤收碟、保持餐桌乾淨整潔；隨機應變、反應快，見客人唔小心整污糟咗件衫即時送上濕紙巾，好貼心🙆🏻‍♀️🙆🏻‍♀️🙆🏻‍♀️…Read More

銅鑼灣區嘅樓上放題，非連鎖放題餐廳當中都算係出名，一於食下睇下質素如何先😄今次同朋友食平日晚市放題19:30前離座($189/每位)，想食得盡興D，額外加錢($98/每位)升級可以食埋海膽帶子、即食生蠔、飲生啤😎呢到唔止係日式放題，其實亦係泰式放題，所以都有唔少泰式食物選擇，本身個豉油碟已經有埋泰式醬汁等你點😁飲品自己去自助區拎，有茶類，汽水，啤酒，款式都算應有盡有😄海膽帶子：帶子同海膽2者都係我至愛，加埋一齊簡直係PERFECT MATCH啦😍帶子夠厚身，海膽份量多，食落去鮮甜無比，唔會有雪藏味，以放題呢個價錢就食到認真超值🤤即食生蠔：生蠔都算大隻同肥美，蠔味唔錯夠新鮮，唧D檸檬汁更能調出生蠔嘅鮮甜味😋刺身拼盤：個拼盤賣相一流，而且真係非常之豐富，有三文魚、珍寶赤蝦、希靈魚、北海道角螺、鮑片、油甘魚、象拔蚌、北寄貝，每次食放題都一定要瘋狂食刺身回本🤤北海道角螺同象拔蚌幾有口感，珍寶赤蝦勁大隻，食落好甜😍泰式魚露燒蝦：燒得啱啱好，上碟已經聞到勁香，蝦肉彈牙爽口唔會霉👍🏻雞軟骨：份量足，作為小食夠滋味，食唔停😛天婦羅炸蝦：炸得唔算太油膩，同埋炸粉唔會好厚，正泰式蝦餅、泰式魚餅：直情做到泰式餐廳嘅水準味道😍蝦餅超好味勁香口，唔係怕熱氣真係多多都食得晒😜泰式燒元貝：元貝啱啱燒起夠晒熱辣辣，再以泰式風味夠調味，食落夠惹味，同埋因為佢燒完一ROUND咁出，所以建議一次過落多D，唔係就有排等😄第一ROUND食物陸續到齊，放到滿一滿好豐富，正呀🤩芝麻八爪魚、味付螺肉、燒菠蘿呢D都係放題必叫嘅小食😋飛天炒通菜：食D菜清下腸胃，味道啱啱好，唔會太鹹😄壽司、軍艦：呢到D壽司款式夠吸引，海膽玻璃蝦火炙壽司、海膽醬火炙蟹棒壽司、鵝肝帶子壽司、火炙左口魚邊壽司樣樣都好好味🤤🤤仲有呢到D軍艦壽司都要讚，除左味道好之外，D紫菜上菜時夠脆身，好多時其他放題店通常都已經放到淋晒😂海膽甘蝦三文籽手卷、京蔥吞拿魚腩蓉手卷：紫菜同樣夠脆唔會淋😍大小適中，唔會太大件，搞到食完就飽到食唔落其他野😉食到尾聲飽一飽當然又食甜品時間😜最極為推薦嘅就當然係榴槤糯米滋，榴槤味好香濃，榴槤愛好者真係要食多幾粒🥰港式奶茶味雪糕：呢款口味嘅雪糕比較少見，食落幾香濃茶味，甜度合適，食埋真係呢晚夠晒滿足🥰想一次過滿足晒日式同泰式口味，呢到真係一個唔錯嘅選擇，比起一般日式放題店多左泰式食物選擇，啱晒想試好多口味嘅朋友仔😎同埋呢到係用QR CODE手機自助落單，所以都冇乜漏單情況，而且上菜速度效率都幾快👍🏻…Read More

出面嘅放題全部都係日式為主，而瀛豐嘅放題除咗有日式料理之外，仲有好多泰式小食，我就貪佢呢一點，所以今日就嚟到食個港、日、泰特色放題。刺身拼盤已有齊所有店內供應嘅刺身，包括有珍寶赤蝦、三文魚、油甘魚、希靈魚、北寄貝、八爪魚、馬刀貝、赤貝、鮑片、北海道角螺，所以先叫一份試齊唔同嘅刺身，然後再追加想食嘅款式。我就特別推介珍寶赤蝦，大大隻又夠鮮味，另外馬刀貝出面食放題比較少見，夠爽口，所以都值得追加。海膽帶子係用帶子開半之後釀入海膽，兩款鮮味食材混合一齊就更加鮮上加鮮。松葉蟹腳夠多肉，而且仍保留淡淡的海水鹹味，原汁原味就最好食。我哋仲試埋燉湯，係蟲草花螺肉瘦肉湯，非常滋補。出面食泰國菜叫個生蝦刺身，平均都要10幾蚊一隻，嚟到呢度可以任食，真係好正好吸引。平時食開嘅放題都係一啲日式料理，而呢度嘅放題就加入咗好多泰式風味，呢個泰式炒椰菜苗我就覺得好好味，首先椰菜苗呢個食材喺放題真係好少有，另外佢加入咗馬拉盞調味，少少辣好醒胃。另外仲有泰式燒元貝，雖然唔算好大隻，但係有得任食都已經值回票價。八味黃金豆腐係新鮮炸起，上枱時仲熱辣辣，外脆內軟夾滑，又係一個推介嘅菜式。仲有金葉香蒜炒墨魚鬚簡直係大排檔小菜風味，即刻想嗌返碗白飯！而串燒就不過不失，三款之中我最推介雞肉串燒，如果有埋另上嘅沙嗲醬就更加冇得彈！呢度除咗任食甜品之外，雪糕都係任食，雪糕品牌係香港製造嘅可可貝妮，勝在味道夠土炮同大眾化，可以試齊唔同嘅味道。另外都要讚賞嘅就係店員嘅服務夠晒貼心，每位職員都好有禮貌，亦都會適時收取枱上嘅吉碟，真係值得一讚！…Read More

近排放題癮起但全部放題都係藍店所以男朋友就特登上網搵有冇黃店嘅放題就搵到呢間瀛豐試咗幾次即日打去問 晚市都冇位今日特登早啲book位就食到晏晝放題不過眼見應該其實午市係無咁full所以walkin 都可以博下放題點少得刺身但佢啲數量有啲亂嚟完全唔跟單可能因為我哋得兩個人佢次次都比唔足不過好嘅係佢嚟得好快可以叫多幾轉補返數一樣出面食肆mark up好高嘅嘢味道唔錯麻麻哋 有啲韌都係鍾意食冷盤豬手個豉椒炒蜆唔錯 個南瓜天婦羅幾好食 個豬耳都好食 不過好多毛個串燒牛有啲柴個雞就幾滑是日驚喜 真係幾有鹹蛋味食咗兩碟我最愛嘅紫芋波波次次放題都食好多粒比起藍店極尚差咁啲不過都好食比男朋友食咗一半嘅溏心蛋又係出面食肆mark up極高都唔錯 個感覺似出面打冷食到嘅嘢我就覺得麻麻地覺得有啲羶總結來講CP值好高加上有黃店光環嘅放題…Read More

呢間放題最近都幾出名，於是都book左去趁下熱鬧~一入去侍應就會問你要唔要加錢升級做任食生蠔同埋海膽帶子我地一話加，兩分鐘左右已經有生蠔同海膽帶子食生蠔我地叫左3 round，有d真係幾咸，但有d又冇事好鮮甜所以我估係睇下好唔好彩生蠔帶子大隻同鮮甜，海膽完全冇腥臭味呢個又係encore左一次嘅~海膽帶子之後當然就係叫左刺身啦~佢地嘅刺身都幾多選擇，由平時食開嘅三文魚到象拔蚌都有而且全部刺身都好新鮮，仲唔會有未溶晒雪嘅情況出現!我最欣賞就係佢地真係跟你寫嘅數量出比你刺身拼盤至於壽司方面，佢地有普通魚生壽司、卷物、軍艦同埋火灸壽司，種類好多我最滿意係佢呢度嘅火灸壽司有好多選擇，個人超中意!火灸壽司軍艦花之戀熟食方面佢地都有好多選擇架，特別佢地有好多泰式食品例如佢地個金邊粉就炒得超香，而且份量好多不過真係人多先好叫，如果唔係飽死泰式金邊粉泰式鳳爪當然仲有其他常見小食啦~…Read More

講真真係好少機會會過海食飯。。今次都係見某某任食，而之前都有試過一次某主題任食，加上見食評唔差，所以星期六收早食早場，而頭場7點半埋單仲會有平5點半到，安排坐4人枱，咁樣都唔算迫陝。IPad落單。。。眼見大部分食客都會升級。。。講真，如果唔升級，呢個放題餐單未免太少喇。食咗個幾鍾。。估唔到5點半頭場都爆哂，到7點多外面又有多人等位，所以食飽都埋單走人。。。總括今次海膽帶子生蠔任食係無失望嘅，不過食得唔多轉…Read More

黎這間放題，約了同事5人行！好開心一齊食同傾！5:00早到早食，人都可以唔會太多！食物是用手機bar code 落單，環保又方便！有刺身拼盤、刺身單點、壽司（卷物、火炙、手卷等）、炸物/天婦羅、小炒、燒物、沙律/涼拌等等飲品及食物任食任飲，更可加錢升級！音樂播放好輕鬆的環境，地方乾淨又簡單，服務都唔錯又有效率，即叫即製又快手，無乜失單情況壽司刺身卷物刺身新鮮，有泰式生蝦（必食，香口新鮮）、大蝦（必食，又大又爽甜）、螺肉、希靈魚、三文魚、劍魚、北寄貝等，好甜好鮮；壽司細細件好美味，喜歡和牛、鰻魚、甜蛋等等小食/沙律/小炒/涼拌款式唔少，炒嘢入味，喜歡入味軟腍炆豬手、豉椒炒蜆、淮山炒雜菇、麻辣牛脷/拍青瓜/海帶等、鮑片沙律等炸物/天婦羅/燒物香芋丸、芝麻雞翼、炸年糕都即點即炸，天婦羅就普通了點；燒菠蘿、八味豆腐必點甜品在門口位置，不過我們無食…Read More

這大廈的構造令電梯到店面的空間比較窄，小心不要把整個門口堵住了。掃瞄QR code之後電子點餐，一般的放題食品都應有盡有，感覺這次只試了極少品種料理，更多時候是上了菜沒認出是什麼。刺身比較少見白玉豚，我就比較喜歡珍寶赤蝦，這拼盤可說是份量十足。可惜沒加錢的話想食帶子就需要連飯食，推薦(火炙)鵝肝帶子壽司，真的很香濃。比較特別就是泰式菜式，像是辣椒膏炒蜆還有泰式生蝦!!!個人覺得這個比刺身蝦更鮮甜，脆脆的口感更是好。炸物還可以，以上兩款食起來很奇妙，除了八味黃金豆腐外，避免食太多留空間給會更好。最喜歡就是燒菠蘿，必食的其中一項，泰式生蝦我覺得能食辣的話也是必食。最後就是同樣要食的是香港本地製GELATO，分別有抹茶、蜜糖牛奶和薑味，只試過後兩款，蜜糖偏甜那種，反而有薑絲很濃味還有點辣。基本上即使人很多，上菜速度也算非常快，總之為了不給未入座的人盯上，吃飽就別佔桌子太長時間了。…Read More