Manya Japanese Restaurant (Zone C, Tai Po Mega Mall)

今日我牛一同左女朋友去大埔一間幾受歡迎嘅放題，佢係好多區都有分店，咁啱睇返相簿原來上年嘅呢一日都係食滿屋，不過就係荃灣分店，當時覺得很不錯，所以對今年都有好高期望。我地本身book左12點但由於有急事要處理要改1點，打比店員改時間果時佢地都好好無比語氣或者說話我地聽👍🏻我地踏正一點鐘去到，好快就安排我地兩個人坐，竟然有得坐闊落4人嘅卡位，諗起一陣成枱野食果個畫面都夠滿足。我地食嘅係B餐，價錢中規中矩同埋都包哂我地最想食嘅野，所以就無課金加碼到C或者D。事不宜遲等我介紹幾款我覺得必食嘅推介----榮螺、帶子、象拔蚌刺身：呢三樣係刺身嘅top3, 食落比起其他刺身更加新鮮，仲食得到甘甜同爽脆嘅口感👍🏻當然其他刺身都好食。海膽手卷：呢飯海膽屬於creamy半嘅質類，食落唔腥加兩滴豉油很不錯，利伸自己食左兩個。吉列炸蠔、釀蟹蓋：炸蠔好酥脆但無好油膩，加上蠔夠鮮味同埋有海鮮天然嘅咸味；蟹蓋食到有一絲絲蟹肉，醬汁濃而不膩食完一啖接一啖，小朋友都肯定鐘意食！吞拿魚蓉他他：剁到碎嘅吞拿魚口感綿滑完全無筋，配埋外國人口中嘅植物三文魚-牛油果，滑溜吞後都有餘香。西京比目魚：西京汁甜甜地有麵豉香，魚肉好嫩有油香，骨好明顯容易挑走，食魚新手都駕輕就熟。其他點左嘅野食都好好味，大部分都有encore，上菜又快無乜點漏單！ 呢間放題絕對值得再食！…Read More

嚟到五六月 就係要特別要感謝吓父母嘅養育之恩 所以帶佢哋去食個放題刷餐勁🫢 揀咗嚟呢間滿屋放題 叫咗最基本嘅A餐 經典放題組合都有72樣野食㗎 超級豐富😌刺身一嚟梗係要食刺身啦🤪 叫咗甜蝦 大赤蝦 北海道帶子 象拔蚌 赤貝 希靈魚 八爪魚 仿鮑片 北寄貝 油甘魚 三文魚 真係超多款式 最推介北海道帶子同大赤蝦 帶子非常軟腍 大赤蝦又彈牙 另外大家最愛嘅三文魚都好厚切🤩壽司卷物試咗兩款手卷 海膽手卷同龍蝦沙律手卷 手卷份量唔會好大 所以唔會好快飽 海鮮都有啲鮮甜㗎😍 質素都算ok㗎 仲叫咗蟹籽軍艦同燒汁鮑魚仔軍艦 呢兩款嘅份量就同其他地方嘅差唔多啦😉串燒叫咗⻄京比目魚 鹽燒牛舌 鹽燒雞軟骨 鹽燒雞翼 鹽燒海蝦同燒新鮮菠蘿 全部都好好味👍🏻 不過最有驚喜嘅就係比目魚同牛舌 比目魚口感好滑🐟 仲有魚油香 牛舌厚得嚟唔會韌 一咬即斷 所以呢兩樣都忍唔住叫咗三次燒物叫咗燒羊鞍同埋黃金燒扇貝 羊鞍好香 有油脂感得嚟唔會太羶🐑 扇貝有少少芝士味同千島醬調味 都幾特別🐚炸物自家製吉列炸蠔同芝麻雞翼都好推介 雞翼好大隻 咬開仲有肉汁 炸蠔就夠飽滿 唔會腥🦪天婦羅有4款食物可以選擇 全部都叫晒嚟食 有虎蝦 南瓜 蕃薯 皇帝蟹棒 食得出係即叫即炸🍤 所以都幾脆 如果炸粉再薄啲就更好一品料理和風汁牛柳粒同避風塘金沙焗雞軟骨 呢兩碟都好有份量同有鑊氣😎自助吧除咗手機落單嘅嘢食 出面仲有得夾前菜 沙律同甜品🍰 鍾意朱古力嘅朋友可以用朱古力噴泉 飲品都有好多選擇 汽水 紙包飲品 啤酒 連清酒都有🍶甜品嚟到尾聲 梗係要食雪糕啦🍦 叫咗Haggen Dazs 嘅比利時朱古力同夏威夷果仁味 真係好滿足呢餐放題真係食得好開心 食物質素至少有中上 一啲都唔會將貨就價 係一間有質素嘅日式放題🤤…Read More